Hebrǔ 10:39 - Kawyaw RC

³⁹ Pa mî̌ kòyò htě a cû̌ tephekhǒkè toǒ, dě a cû̌to̤ dě ta̤pî̌ta̤lṳ̂ pěnu toǒ mè̤tò̤. Pa mî̌ kòyò htě a yṳǎ ta̤ toǒ dě a nî̤bǎ ta̤ma̤lû̌htò̌ge pě toǒ hǒ.

Kawyaw New Testament

³⁹ Pa mî̌ kòyò dǒ a cû̌ tephekhô̌kè tokhlǒ, dě a cû̌tǒ̤ dǒ ta̤pî̌ta̤lṳ̂̌ pě nutokhlǒ mè̤̌tô̤̌. Pa mî̌ kòyò dǒ a yṳ̌ǎ ta̤ tokhlǒ dě a nǐ̤bǎ ta̤ma̤hǎplǎge tokhlǒ pě hǒ.

Hebrǔ 10:39 Iomraidhean Croise

Htû̌sò̌htò̌ 44:18

Pasò̌phlǒ tèlè̌khǒpe nǒ tò̤. Pa cû̌khǒkè nǒ naklè̌ dǐkhò̌꤮ tò̤tò̤.

Mǎ̤riko 16:16

Kòyò htě a yṳǎ ta̤sò̌le̤sò̌lò̤ awi̤akè̌ htǒo dě a ploge ana̤ ta shi tapwa̤pwa̤nu a glè nî̤bǎ ta̤ma̤lû̌htò̌ge pě. Pwǎ̤ta kòyò htě a yṳǎ tò̤ toǒnu a khòbǎ ta̤cèrò pě.

Lǔka 11:26

Dě a hǎhtò̌cû̌ kaǎnṳpo̤ akho htě a jîkhlo ta anu susǒtado dě asî geginṳ ǒ lǒkho bǎnu. Dě kòyònu tapwa̤ jîkhlo ta a gûla̤li̤nu pě.”

Jowǎ̤ni̤ 17:12

Bǎ he ǒkû̌dǒ ta asî akhanu, he ma̤kwaǐ asî hǒ, he ǒpo̤ kè̌ǐkhwè̌ǐ asî ta mi̤ htě na ǐ henu hǒ. A hǎmǎkè nǒ dǐpwǎ̤꤮ tò̤. Ma̤pûhǐ lî̤cahtǐ behtò̌belò̤ ayanu, a hǎmǎkè tǒ̤pwǎ kòyònu tapwa̤ htě kò bè̌nǎ yǎ dě a pî̌nò pěnu tapwa̤ tû̌ pwǎ.”

Jowǎ̤ni̤ 20:31

Pwǎ̤tadě kò khwè̌lî̤ htǒotabǎ mî̌ ma̤pûhǐ sî yṳǎ ta Ye̤shǔ mî̌ Mè̤shǐa, a mî̌ Cǒmara aphû̌khû tapwa̤, dě sî yṳǎ yǎ akhû̌akhî, sî nî̤bǎ yolahtûpwa̤ ayanu, kò khwè̌ pwǎ bǎ sî.

Jowǎ̤ni̤ 5:24

“He hî̌ mè̤mè̤̌ sî, kòyò htě a gana̤de he le̤yo̤ htǒodě a yṳǎna̤ǎ pwa̤htě a nohèlò̤ he htǒotapwa̤ toǒnu, a nî̤bǎ yolahtûpwa̤ tûjûpwa̤ hǒ. Dě a kè̌shǐ bǎnǒpe ta̤cèrò tò̤. A cû̌ tûlû̌bò̌ ta ta̤si dě a cû̌nṳ ta̤htûpwa̤ akû hǒ.

Jowǎ̤ni̤ 6:40

Ma̤tè̤hî̌dě, hepha a ta̤sò̌yṳ mî̌ bò kòyò htě a kè̌shǐ aphû̌khû htǒo dě a yṳǎ toǒnu, a bǎ nî̤bǎ yolahtûpwa̤ tûjûpwa̤, dě he ma̤ htûpwa̤gesǒ asî htû̌꤮ mṳni̤ gutṳ̌lò̤nu ti̤ni̤ pě.”

Tîsalònǐ awǐlǒ tôbǎ 5:9

Cǒmara wû̌lǎ pa ta pa glè khòbǎ a ta̤sò̌dû̌ a ta̤cèrò htǒonu mè̤tò̤. Dě pa Běcǎ Ye̤shǔkhrî̌stu khû̌khî, a wû̌lǎ pa ta pa nî̤bǎ ta̤ma̤lû̌htò̌ge htǒonupwǎ.

Tîsalònǐ ginǐ̤bǎ tôbǎ 2:3

Nolǒǎplò̤ǎ pûma̤ sîna̤ ma̤ nî̌꤮. Běcǎ Ye̤shǔkhrî̌stu hè hǒtò̤nu, kòyò toǒ shěshǔ Cǒmara pě dě kòyò htě a htè̌shǔkè Cǒmara ta Cǒmara a ta̤sû̌ta̤tòwònu tapwa̤ ǒlṳhtò̌ pě. Ta̤htǒotoǒ htûhtò̌wǐhtopě dě Běcǎ Ye̤shǔkhrî̌stu hè gesǒ pě amṳni̤ htǒonu a hè htûhtò̌ nǒ pě. Htodě Cǒmara ma̤pî̌phlǔkè kòjîkòphû̌mò̤nu tapwa̤ dě ngariǒkû pě.

Tîmôte awǐlǒ tôbǎ 6:9

Pwǎ̤tadě kòyò htě a sò̌yṳ dû̌yò̤htò̌sa toǒnu, a lòte̤nṳ dě ta̤lǒǎplò̤ǎ akûhǒ. Htohǒtò̤ a lòte̤nṳ dě ta̤sò̌yṳ htě a nòdû̌ htǒonu toǒ akû ta ta̤sò̌yṳ htě a ma̤bǎsha gesǒ nû̌û htǒonu akû hǒ. A ta̤sò̌yṳ htǒonu a coklomě nû̌û ta sǒpli̤ hǒ. Dě ta̤sò̌yṳ htǒonu a shò̌lòte̤ asî dě ta̤pî̌ta̤lṳ̂ ta ta̤lòte̤pro̤ akû htǒonuhǒ.

Hebrǔ 10:26

Pa nî̤bǎhto ta̤te̤ta̤mǎ a ta̤sî̌khû̌sî̌ya dě pa dè ma̤ takǎ sělěpe ta̤sǔ hî̌mò̌nu ta̤lṳta̤tò̌ htě a glè bòlû̌kè pa ta̤sǔ ayanu a ǒpe tò̤.

Hebrǔ 10:38

He kòyòcǒkòyòtè̤ sî toǒnu, a yṳǎna̤ǎ he akhû̌akhî, a htûpwa̤ lǒkho pě. Pwǎ̤ta kòyò htě a cû̌ tephekhǒkè ta he toǒnu, ato he sò̌phlǒ tò̤,” lî̤cahtǐkû hî̌ hǐnu.

Hebrǔ 11:1

Ta̤yṳ amûasǎ mî̌ ta̤ htě pa kè̌shuǐ yǎ toǒnu, pa yṳǎ měgle ta pa nî̤bǎ hǒ. Htohǒtò̤ ta̤yṳ amûasǎ mî̌ ta̤htě pa kè̌shǐjò hǒtò̤ toǒnu, pa yṳǎ měgle sayè̤pe ta pa glè nî̤bǎpěnu hǒ.

Petru awǐlǒ tabǎ 1:5

Dě sî yṳǎ Khrî̌stu akhû̌akhî, bǎ sî nî̤bǎ ta̤ma̤lû̌htò̌ge hǒtò̤nu, Cǒmara ǒpo̤ǐ bǎ sî ta ata̤po̤ta̤phǎ. Cǒmara ma̤wǒnǎ ana̤ ta htû̌꤮ akhîakha gutṳ pěnu, a dǔlṳ ta̤ma̤lû̌htò̌ge htǒonu pě.

Petru ginǐ̤bǎ tabǎ 3:7

Pwǎ̤ta Cǒmara hî̌lò̤ sǒsǒgesǒ ayo̤ pwǐ a bǒlò̤ mǒkhû̌ ta hǎkhû̌ akhanu akhû̌akhî, mǒkhû̌ ta hǎkhû̌ htě pa kè̌shǐ yǎ khònò̤ htǒotoǒnu, Cǒmara pṳ̂měǒkǔ asî dě a ma̤pî̌kè asî ta mî̌ pě. Cǒmara pṳ̂měǒkǔ to̤ asî mṳni̤ bǎ a cèrò ma̤pî̌kè kòyò htě a bè̌dubè̌na̤ nû̌û tò̤nu toǒ pě.

Yṳ̂ha awǐlǒ tôbǎ 5:16

Kòyò tapwa̤pwa̤ dè kè̌shǐ apṳwè̤ Khrî̌stuphû̌ tapwa̤pwa̤ ma̤ta̤sǔ dě a glè ǐ htûhtò̌ nû̌û ta̤si mè̤tò̤ hî̌nu, a kwita̤ Cǒmara a ǒ dě Cǒmara ǐ kòyò htě a ma̤ta̤sǔ htǒonu tapwa̤ ta̤htûpwa̤ pě. Pwǎ̤ta ta̤sǔ htě a glè ǐ htûhtò̌ nû̌û ta ta̤si hî̌numî̌, he sò̌yṳ hî̌ sî ta ta̤sǔ hǐnu toǒnu sî to kwisabahtò̌ bǎ aya dě Cǒmara a ǒ tò̤.

Yṳ̂ha awǐlǒ tôbǎ 5:5

Ûpè tapwa̤ glè ma̤pè̤bò̌ hǎkhû̌ ala̤klo phû̌mò̤ htǒotoǒ pè? Tû̌pwǎ kòyò htě a yṳǎ ta Ye̤shǔ numî̌ Cǒmara aphû̌khû tapwa̤nu toǒ ma̤pè̤ pě.

Ta̤dǔlè̌nǎ 17:11

Ta̤mi̤ta̤mò̤ htě a ǒhtûpwa̤hto taplǎ dě khònò̤htǒo a ǒpe tò̤ tadonu, a mî̌ Khwǐcophǎ apwa̤lǐ̤sǒnu tapwa̤ hǒ. A mî̌ a ǒpadǒ kû̌ dě Khwǐcophǎ susǒtapwa̤nu toǒ akla. Běcǎ kaǎcû̌ nû̌û dě a glè cû̌ cèrò ma̤pî̌kè nû̌û.

Ta̤dǔlè̌nǎ 17:8

Ta̤mi̤ta̤mò̤ htě na kè̌shǐhto taplǎkhanu aǒhto hǒ pwǎ̤tadě khònò̤htǒo a ǒpe tò̤nu tado ǒlṳhtò̌ gesǒ pě. A ǒ khokûdû̌ khokûyo̤ nutûkû dě a hǎhtò̌ pě. Dě Běcǎ kaǎcû̌ nû̌û ta̤cèrò agûla̤ dě a ma̤pî̌kè nû̌û tûjûpwa̤ pě. Tèhtò̌ bǎ kò bǒlò̤ hǎkhû̌ akhape, kòyò htě a ǒhtûpwa̤ hǎkhû̌ bǎotoǒ dě kò khwè̌kû̌dǒ asîmi̤ dě lî̤htûpwa̤ akû hǒtò̤ toǒnu, a sû̌pi̤sò̌pi̤bò lǒkho bǎ asî kè̌ ta̤mi̤ta̤mò̤ htǒotado akhanu pě, ma̤tè̤hî̌dě, taplǎkhanu ta̤mi̤ta̤mò̤ htǒotado ǒhtûpwa̤ khònò̤ dě a ǒpe tò̤, pò̤̌ta a ǒlṳgesǒ pě akhû̌akhî, asî sû̌pi̤sò̌pi̤bò lǒkho pwǎ.