Hebrǔ 10:34 - Kawyaw RC

³⁴ Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Kawyaw New Testament

³⁴ Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 10:34 Iomraidhean Croise

Matěo 19:21

Dě Běcǎ Ye̤shǔ hî̌ yǎ, “Na dè sò̌yṳ htûhtò̌ ta kòyò lǒbe tapwa̤ dèhî̌mî̌ ge shaǎkèbò na ta̤kî̌ta̤kû̌nu toǒ dě ǐkè yǎta kòyò shuphǔshèwèphû̌ toǒnu. Na dè ma̤hǐnu hî̌dě na nî̤bǎ ta̤dû̌yò̤htò̌sa dě mǒkhû̌ pě. Gema̤hto hǐnu dě hè gûkû̌ hekò.”

Lǔka 10:42

Pwǎ̤tadě ta̤htě alo̤bǎnu a ǒ pwǎ tacǎcǎpa pwǎ. Marǐa wû̌lǎhto ta̤htě awǒkhlo htǒotacǎ hǒ. Kò phî̌pa̤jòpe yǎ dǐpwǎ̤꤮ tò̤.”

Lǔka 12:33

Shaǎkè sî ta̤kî̌ta̤kû̌ toǒ dě ma̤lṳ yǎta kòyò shuphǔshèwènu toǒ. Sî dè ma̤hǐnu hî̌dě sî bè̌nṳplǒ lǒkho sî ta̤dû̌yò̤htò̌sa dě wûhû̌khi htě a htò̌lè̌pè̤tò̤ htǒonu toǒ akû hǒ. Dě sî ǐ kòyò shuphǔshèwèphû̌ toǒ hǐnu khû̌khî, a htûhtò̌ bǎ sî ta̤dû̌yò̤htò̌sa dě mǒkhû̌ pě. Sî dè bè̌ǒplǒ yǎdě mǒkhû̌ hî̌numî̌, sî ta̤dû̌yò̤htò̌sa htǒotoǒnu a yû̌lò̤jò dǐkhò̌꤮ tò̤, pwa̤ǎhǔǎkě toǒ ǎhǔjòtò̤, agwaahtǒ ma̤pî̌jò tò̤ akhû̌akhî, bè̌ǒplǒ lǒkho yǎdě mǒkhû̌nu.

Lǔka 9:25

Kòyò tapwa̤pwa̤ dè nî̤bǎbò hǎkhû̌tebě a ta̤dû̌yò̤htò̌sa toǒ pwǎ̤ta a dè lò̤jûkè a ta̤htûpwa̤ tûjûpwa̤ htǒo hî̌nu abwǐǒ nû̌ûya hî̌tè?

Pwa̤nophû̌ 21:33

Klitîrî̌ ahǐkǒdû̌ htǒotapwa̤ hèto Pò̌lu ǒ dě a hèpṳ̂ Pò̌lu. Dě a hî̌lò̤ akhophijaû̌ toǒ dě a nopṳ̂ coklo Pò̌lu ta sǒpli̤te̤htò̌ ginǐ̤bo. Htodě a gwè kò, “A mî̌ ûpè? A cû̌ma̤ kwè̌꤮ hî̌tètè?”

Pwa̤nophû̌ 28:20

Ta̤wi̤ta̤kè̌ htǒo akhû̌akhî, he kwi asî dě a glè ǐkè̌shǐ hî̌bǎkû̌ ta̤ ta sî. Dèhî̌mè̤mè̤̌mî̌ sî mî̌ Yṳ̌daphû̌ htǒotoǒ a ta̤kè̌shuǐ akhû̌akhî, kò bǎ cokloměkè he ta sǒpli̤te̤htò̌ htǒo hǒ.”

Pwa̤nophû̌ 5:41

Pwa̤nophû̌ toǒ sò̌le̤sò̌lò̤ hǎhtò̌cû̌kè dě Yṳ̌daphû̌ hǐkǒdû̌ htǒotoǒ a lo̤mo̤, ma̤tè̤hî̌dě asî gû Ye̤shǔ akò akhû̌akhî, Cǒmara bè̌nòpwǎ asî ta agwa khòbǎ kò ma̤sòwò̤ asî hǐnu.

Kôritu ginǐ̤bǎ tôbǎ 5:1

Pana̤saklû mî̌ asǒsǒta hǐ htě pa ǒǐ yǎ dě hǎkhû̌bǎo tamanu, htû̌꤮ kò ma̤pò̌kè yǎ pě, a sò̌le̤ hî̌ htû̌꤮ pa si pěmî̌, pa sî̌ya ta Cǒmara glè ma̤bǎ pahǐsa mî̌ pana̤saklû asa htǒonu dě mǒkhû̌nu pě. A ma̤ ana̤ hǐsa dě pana̤saklû asa htǒonu, a sijòpe tò̤, a ǒměgle tûjûpwa̤ pě.

Ěphěsu 3:1

Hǐnudě, he ma̤ Khrî̌stu a ta̤phî̌ta̤ma̤ dě he dǒhtû̌ǐ bǎ Yṳ̌daphû̌ mè̤tò̤ toǒ ta ta̤sò̌le̤sò̌lò̤ awi̤akè̌ htǒo akhû̌akhî, he mî̌ Pò̌lu htǒo, kò bǎ dǒlò̤te̤ he dě apo̤kû.

Ěphěsu 4:1

Hǐnu akhû̌akhî, he kwigwèbǎǐ sî sǒsǒta kò dǒlò̤te̤ kòyò dě apo̤kû ta Běcǎ aya tapwa̤nu. Cǒmara kaǎ sî dě sî htûhtò̌ pwa̤yṳǎphû̌ toǒ akhû̌akhî, he kwigwèbǎǐ sî ta sî glè ǒhtûpwa̤ bè̌wǒkû̌ sî sò̌phlǒ pwǐ pwa̤yṳǎphû̌ toǒ to ǒhtûpwa̤nu.

Ěphěsu 6:20

Khrî̌stu wû̌lǎ he ta a pwa̤pwe̤ǐ ta̤wi̤ta̤kè̌ tapwa̤ dě he glè dǒhtû̌ǐ kò ta ta̤sò̌le̤sò̌lò̤ awi̤akè̌ htǒo akhû̌akhî, khònò̤htǒo he lò̤te̤ dě apo̤kû hǒ. Ta̤ htě he tobǎ dǒhtû̌ǐ bǎ kò toǒnu, ma̤pûhǐ he dǒhtû̌ǐ khuha bǎ kò ayanudě, kwisaba pû heya nî̌꤮.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Kòlòtè̌ 1:5

Bǎ sî gana̤de sakhû̌lû̌ ta̤sò̌le̤sò̌lò̤ awi̤akè̌ htě atoamè̤ htǒo akhanu, sî gana̤dehto tû̌ ta̤kè̌shuǐ htě ta̤sò̌le̤sò̌lò̤ awi̤akè̌ ǐ sî htǒonu hǒ. Dě ta̤kè̌shuǐ htǒo akhû̌akhî, sî yṳǎ Cǒmara, htodě sî mo̤ǐ kòhǔwa̤. Cǒmara bè̌htubè̌plǒ bǎ sî ta̤kè̌shuǐ htǒonu dě mǒkhû̌ hǒ.

Tîmôte awǐlǒ tôbǎ 6:19

Asî dè ma̤mò̌hǐnu, asǒsǒta asî bè̌plǒǐ a ta̤dû̌yò̤htò̌sa dě a bǒpwi̤bǒwǒ akòshî̌htǒo htû̌꤮ nǒkòpě tuhtu ayanuhǒ. Htodě asî pṳ̂měǐtû̌ ta̤htûpwa̤ htě a mè̤mè̤̌ htǒonu pě.

Tîmôte ginǐ̤bǎ tôbǎ 1:16

Běcǎ Cǒmara gwèbǎǐ Ò̌nisiphrǔ ta a hǐphû̌phòphû̌ ta kòyò ahǔwa̤ htě a ǒkû̌ ta a lǒ̤꤮ bònu toǒ nî̌꤮. Ma̤tè̤hî̌dě, Ò̌nisiphrǔ mî̌ a ma̤mo̤ sala̤ he sò̌phlǒ hǒ, htodě kò dǒnṳ he apo̤kû pwǎ̤ta hekhû̌hekhî dě a sòwò̤ tò̤.

Tîmôte ginǐ̤bǎ tôbǎ 2:9

He dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, he khòbǎ ta̤jîta̤jû dě kò coklomě he ta sǒpli̤te̤htò̌ asǒsǒta kòyò ma̤sǔ ta̤sû̌ta̤tòwò tapwa̤. Pwǎ̤ta Cǒmara ale̤ayo̤nu kò coklomějò nǒ yǎtò̤.

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Hebrǔ 11:16

Pwǎ̤tadě asî nǎsǔ kè̌shuǐ mè̤mè̤̌ mǒkhû̌ shiga htě a mo̤khlo htǒonu tebě. Hǐnudě asî kaǎ Cǒmara ta asî Cǒmaranu, Cǒmara sòwò̤tò̤. Dě Cǒmara ma̤wǒnǎ bǎ asî wî̤htǒo akhû̌akhî, a dǔlṳ ta asî toǒ glè kaǎ Cǒmara ta asî Cǒmaranu a sòwò̤ lǒkho tò̤.

Hebrǔ 13:14

Ma̤tè̤hî̌dě payanu wî̤ htě a ǒměgle tûjûpwa̤ dě hǎkhû̌ bǎonu a ǒ dǐwî̤ tò̤. Pa kè̌lǎ wî̤ htě a glè hè pě htǒonu tî̤wî̤.

Hebrǔ 13:3

Sî̌ya ma̤jèkû̌dǒ kòyò lòte̤ apo̤kû toǒ dě bè̌ na sò̌phlǒ pwǐ na lòte̤kû̌dǒ ta asî apo̤kû hǐnu nî̌꤮. Gènè̤ ma̤jèkû̌dǒ kòyò htě a khòjîkhòjû ta̤ toǒ dě bè̌ na sò̌phlǒ pwǐ na khòbǎkû̌dǒ ta̤ ta asî hǐnu nî̌꤮.

Hebrǔ 9:15

Dě ta̤wi̤ta̤kè̌ htǒo akhû̌akhî, ta̤howi̤ tûjûpwa̤ htě Cǒmara olò̤htokè bǎ kòyò htě a kaǎ nû̌û toǒ nî̤bǎpě ayanu, Khrî̌stu phî̌hènṳ bǎ Cǒmara akòyò toǒ ta̤wṳ̂dò asa htǒotacǎ dě Cǒmara a ǒ hǒ. Ma̤pûhǐ Khrî̌stu htè̌ge ta plûhǎhtò̌ pelecû̌kè kòyò ǒ bǎ ta̤wṳ̂dò ali̤kla toǒ ayanu, a bǎ khòsikè asò̌. Dě a khòsi asò̌ akhû̌akhî, asî nî̤bǎbò̌kû̌ û̌cata̤ya, a ta̤howi̤homò̤ tûjûpwa̤ htě Cǒmara olò̤hto htǒotoǒnu hǒ.

Jǎgomo̤ 1:2

He pṳwè̤ sî꤮, bǎ sî kè̌shǐ shěto̤bǎ ta ta̤pò̤ta̤sha ta̤lǒǎplò̤ǎ pṳ̂̌꤮ tacǎ hèbǎ sî akhanu, bè̌ yǎ pwǐ ta̤sò̌le̤sò̌lò̤ adû̌ tacǎ ta sîyanu nî̌꤮.

Petru awǐlǒ tabǎ 1:4

Dě a ǐlò̤ pa ta̤htûpwa̤ asa akhû̌akhî, Cǒmara bè̌nǎ bǎ sî û̌cata̤ya̤ htě a pî̌jòtò̤, a sojòtò̤, anoakhwejòtò̤ htǒotoǒ dě mǒkhû̌nu hǒ.

Yṳ̂ha awǐlǒ tôbǎ 3:2

He khobǒsû̌bǒmo̤ sî, khònò̤htǒo pa htû Cǒmara aphû̌ toǒ pwǎ̤ta pa htûhtò̌ kòyò hî̌tè pě tacǎtènu, kò ǐsî̌yanǎ pa dǐcǎ hǒtò̤. Pwǎ̤ta, ta̤htǒonu pa sî̌yahto ta, htû̌ Běcǎ Ye̤shǔkhrî̌stu hèǒlṳhtò̌ akha pěnu, pa sǒsǒta a pě, ma̤tè̤hî̌dě pa kè̌shǐ a pwǐ a mè̤mè̤̌nu pě.