Hebrǔ 10:26 - Kawyaw RC

²⁶ Pa nî̤bǎhto ta̤te̤ta̤mǎ a ta̤sî̌khû̌sî̌ya dě pa dè ma̤ takǎ sělěpe ta̤sǔ hî̌mò̌nu ta̤lṳta̤tò̌ htě a glè bòlû̌kè pa ta̤sǔ ayanu a ǒpe tò̤.

Kawyaw New Testament

²⁶ Pa nǐ̤bǎ hto ta̤tě̤ta̤mè̤̌ a ta̤sî̌khû̌sî̌ya dě pa kè̌ ma̤ takǎ sělě gutṳ̌pe ta̤sǔ kè̌hî̌dě ta̤lṳta̤tòhtò̌ dǒ a gǔ plûkè pa ta̤sǔ ayanu a ô̌ pe tô̤̌.

Hebrǔ 10:26 Iomraidhean Croise

Lǔka 12:47

“Jûphû̌ hǐkǒdû̌ htě a sî̌ya aběcǎ a ta̤sò̌yṳ hǐnudě a dè ma̤wǒnǎ ana̤ tò̤, htohǒtò̤ a dè ma̤pwǐ aběcǎ a ta̤sò̌yṳnu tò̤ hî̌nu, aběcǎ cèrò phlěsha mè̤mè̤̌ nû̌û pě.

Jowǎ̤ni̤ 13:17

Khònò̤dě sî sî̌ya lǒkho ta̤htǒotoǒ hǒ. Sî dè ǒhtûpwa̤ gûma̤ ta̤htǒotoǒ hî̌nu, sî nî̤bǎ ta̤howi̤.

Jowǎ̤ni̤ 9:41

Dě Běcǎ Ye̤shǔ hî̌ asî, “Sî dè mi̤sǎkhǐ dèhî̌dě sî sî̌ya te̤mǎ ta̤te̤ta̤mǎ hǒtò̤ akhû̌akhî, sî ta̤sǔ ǒtò̤. Pwǎ̤tadě khònò̤htǒo sî hî̌ ta sî mi̤sǎlî akhû̌akhî, sî ta̤sǔǒ,” a hî̌ asî hǐnu.

Tîsalònǐ ginǐ̤bǎ tôbǎ 2:10

Ma̤pûhǐ a lòhǎlòhonṳ kòyò dě a glè si ta sû̌sò̌ toǒ ayanu, a noǎǐ a ta̤phû̌mò̤shî̌htonu toǒ pṳ̂̌꤮ tacǎ pě. Asî sò̌le̤sò̌lò̤ phî̌shǔ kû̌kò ta̤te̤ta̤mǎ tò̤ akhû̌akhî, a si lǒkho pě. Asî dè phî̌shǔ hî̌dě a nî̤bǎ lǒkho ta̤lû̌htò̌ge pě.

Tîmôte awǐlǒ tôbǎ 1:13

Dě꤮ awǐkha numî̌, he hî̌ phû̌mò̤shî̌hto Ye̤shǔkhrî̌stu, he ma̤jîma̤jû yǎ, he pi̤jishǐcǒ yǎ pwǎ̤tadě Běcǎ gwèbǎǐ he, ma̤tè̤hî̌dě he yṳǎna̤ǎkû̌ hǒtò̤, dě he ma̤ta̤ htǒotoǒnu, he sî̌ya hǒtò̤ akhû̌akhî, a gwèbǎǐ pwǎ he.

Tîmôte awǐlǒ tôbǎ 2:4

Cǒmara sò̌phlǒǒ ta kòyò pṳ̂̌꤮ tapwa̤ glè nî̤bǎ ta̤ma̤lû̌htò̌ge dě a sî̌ya lǒkho ta̤te̤ta̤mǎ.

Jǎgomo̤ 4:17

Hǐnudě kòyò htě a sî̌ya ta a tobǎ ma̤ ta̤wǒ htǒo pwǎ̤tadě a dè ma̤tò̤ toǒnu, a ma̤ ta̤sǔhǒ.

Yṳ̂ha awǐlǒ tôbǎ 5:16

Kòyò tapwa̤pwa̤ dè kè̌shǐ apṳwè̤ Khrî̌stuphû̌ tapwa̤pwa̤ ma̤ta̤sǔ dě a glè ǐ htûhtò̌ nû̌û ta̤si mè̤tò̤ hî̌nu, a kwita̤ Cǒmara a ǒ dě Cǒmara ǐ kòyò htě a ma̤ta̤sǔ htǒonu tapwa̤ ta̤htûpwa̤ pě. Pwǎ̤ta ta̤sǔ htě a glè ǐ htûhtò̌ nû̌û ta ta̤si hî̌numî̌, he sò̌yṳ hî̌ sî ta ta̤sǔ hǐnu toǒnu sî to kwisabahtò̌ bǎ aya dě Cǒmara a ǒ tò̤.