Hebrǔ 10:25 - Kawyaw RC

²⁵ Kòyò toǒǒnu, a wîkè ta̤saba plǒnû̌û toǒ, pò̤̌ta pa dě, pa wîkè pûma̤ pa la̤klo saba plǒnû̌ûhtǒo pwǐ asînu toǒ wîkènu ma̤ nî̌. Mî̌tanu, pa ǐkhû̌ǐǎ plǒnû̌û tapwa̤ ta tapwa̤ hò̌. Běcǎ glè hèsǒ mṳni̤mṳsa htǒonu a phǔhèhǒ akhû̌akhî, pa tǐ̤ ǐkhû̌ǐǎ shû̌khlo kè̌khîpo̤ nû̌û tapwa̤ ta tapwa̤ hò̌.

Kawyaw New Testament

²⁵ Kòyò tokhlǒkhlǒnu, a wîkè ta̤caba wô̤̌wô̤̌lû̌ sî, bǎbǎkǎlè pa dě, wîkè kû̌ tǎ̤ kòyò pa lǎ̤klô caba wô̤̌wô̤̌ lû̌û pô̤̌ asî nutokhlǒ wîkènu tǎ̤mǎ̤ nî̌꤮. Mè̤̌mè̤̌tôkhônu, pa gǔ ǐkhû̌ǐǎ wô̤̌wô̤̌ lû̌û tôpwa̤ kû̌ tôpwa̤ tǎ꤮. Běcǎ glè̌ hèsô̌ lṳmṳ̌ni̤ lṳmṳ̌sanu a phǔhtò̌hǒ akhû̌akhî, pa ǐkhû̌ǐǎ shò̌gû̌ ǐtû̌ lǒkhlo pô̤̌ lû̌û tôpwa̤ kû̌ tôpwa̤ tǎ꤮.

Hebrǔ 10:25 Iomraidhean Croise

Matěo 10:15

He hî̌ mè̤mè̤̌ sî, htû̌꤮ Cǒmara cèrò kòyòhǎkhû̌phû̌ pě akhanu, a cèrò jîkhlo kòyò htǒonu tado ta Sò̌dowî̤ ta Gòmò̤̌rawî̤phû̌ dě Cǒmara cèrò asî bǎ꤮ nukhanu toǒ pě.

Matěo 18:20

Mî̌ma̤tè̤hî̌dě, kòyò sò̌gini̤pwǎ bǎbǎ, sò̌supwǎ bǎbǎ, asî dè ǒhtuǒplǒ nû̌û ta hemi̤akû dèhî̌dě he ǒhtuǒplǒ kû̌ta asî pě.”

Jowǎ̤ni̤ 12:48

Kòyò htě a la̤kè he dě a phî̌le̤phî̌yo̤ hele̤heyo̤ tò̤ toǒnu, pwa̤cèrò asînu a ǒtapwa̤. Mṳni̤mṳsa nǒkògutṳ̌ ti̤ni̤pěnu, yo̤sǎ htě he hî̌bǎ htǒotoǒ htû asî pwa̤cèrò ta̤ pě.

Pwa̤nophû̌ 16:16

Ti̤ni̤kha bǎ pa cû̌ dě ta̤kwisaba agûla̤ tò̤glò akhanu, pa kè̌shǐ glashǔ ta jûmo̤phijaû̌ tapwa̤, jûmo̤phijaû̌ htǒotapwa̤nu khînǎkhîno ǒ nû̌ûkû dě a nohî̌ nû̌û ta, ta̤akhîakha htě a hèhtûhtò̌ alo̤mo̤ pěnu toǒ awi̤akè̌. Dě a pwe̤ǐnǎ bǎ kò hǐnu akhû̌akhî, aběcǎ toǒ nî̤bǎdû̌ wû ta a akhû̌akhî.

Pwa̤nophû̌ 2:1

Bǎ mṳni̤ htě kò kaǎ yǎta Pètèkò̌sètè hèto̤ akhanu, asî lǒ̤꤮ bò hè ǒhtuǒplǒbò nû̌û gûla̤ tò̤glò̌pa.

Pwa̤nophû̌ 2:42

Pwa̤yṳǎphû̌ lǒ̤꤮ bò toǒ phî̌nṳ lǒkho akhîakha dě a glè sû̌ǐ sî̌yahtò̌ kû̌ ana̤ ta pwa̤nophû̌ toǒ, dě asî bǒsû̌khǎkho ta ǎoplǒ nû̌û dě kwisabaplǒ nû̌û.

Pwa̤nophû̌ 20:7

Bǎ mṳgòtò̤ lṳmṳhǎ akhanu, pa ǒhtuǒplǒ gesǒnû̌û ta bǎ bî̌phò̌ mû̌ aya. Pe̤wo̤pěnu Pò̌lu glè̌ hǎhtò̌cû̌ akhû̌akhî, a hî̌bǎ to̤ kòyò saprṳ̂ htǒotoǒnu bǎ lṳmṳna̤kha.

Rṳ̂̌me̤ 12:8

Cǒmara ǐ kòyò tapwa̤pwa̤ a ta̤sî̌ta̤jò dě a bǎ tûsû kòyòkò dèhî̌mò̌nu a tobǎ tûsû kò. Kòyò tapwa̤ a dè sò̌phlǒsho ma̤lṳma̤tò̌ kòyò shuphǔshèwèphû̌ toǒ ta a ta̤kî̌ta̤kû̌ toǒ dèhî̌dě a tobǎ sò̌phlǒsho ma̤lṳma̤tò̌ bǎ kò. Cǒmara ǐ kòyò tapwa̤pwa̤ a ta̤sî̌ta̤jò dě a bǎ htû hǐkǒdû̌ hî̌dě a tobǎ ma̤ sapwa̤ tû̌. Kòyò tapwa̤pwa̤ a dè sò̌yṳ ma̤jè kò dèhî̌dě, a tobǎ ma̤ ta ta̤sò̌le̤sò̌lò̤ akû.

Kôritu awǐlǒ tôbǎ 11:20

Bǎ sî hè ǎo plǒnû̌û Běcǎ ta̤ǎo cahtǐ lṳmṳhǎ akhanu, sî ǎo sǒsǒpe ta kò ǎo Běcǎ ta̤ǎo cahtǐ lṳmṳhǎ tò̤.

Kôritu awǐlǒ tôbǎ 14:23

Hî̌kû̌nǎ, sî hè subusaba plǒbò nû̌û dě sî dè hî̌bǎ ta yo̤khěkhǒ htǒotoǒ pṳ̂̌꤮ tapwa̤ dèhî̌mò̌nu, kòyò ahǔwa̤ toǒ, mè̤tò̤mî̌ kòyò htě a yṳǎ kû̌kò Khrî̌stu hǒtò̤ toǒ hèsaba kû̌dǒ sî hî̌dě asî dè gana̤denǒ kû̌ yo̤ htǒotoǒ dǐkhò̌꤮ tò̤ dèhî̌nu asî hî̌ lǒkho sî ta kòyò kicǐ pě.

Kôritu awǐlǒ tôbǎ 14:3

Dè kè̌lè̌ klè̌ ahǔwa̤ tabo hî̌dě, kòyò htě a dǒhtû̌ǐ bǎ kò ta Cǒmara ale̤ayo̤ toǒnumî̌, a hî̌bǎ ta kòyòhǎkhû̌phû̌ toǒ hǒ, dě a htû ta̤ma̤jè ta kòyòhǎkhû̌phû̌ toǒ aya, a ǐkhû̌ǐǎ kòyòhǎkhû̌phû̌, dě a ma̤mo̤htò̌ gesǒ kòyòhǎkhû̌phû̌ toǒ asò̌phlǒ.

Kôritu awǐlǒ tôbǎ 3:13

Kòyò tapwa̤ ta tapwa̤ a ta̤ma̤htò̌ hǐ a ta̤sî̌ta̤jò htǒonu, a ǒlṳhtò̌ htû̌꤮ Běcǎ Khrî̌stu hè amṳni̤nu ti̤ni̤ pě. Kòyò pṳ̂̌꤮ tapwa̤ ma̤ta̤ toǒnu, kò ma̤kè̌ yǎta mî̌ pě. Tapwa̤ ta tapwa̤ a ta̤sî̌ta̤jò ata̤ma̤ htǒonu, mî̌lěgèkè̌bò pě dě a dǔlṳhtò̌bò pě.

Kôritu awǐlǒ tôbǎ 5:4

Bǎ sî ǒplǒhî̌bǎhtu kè̌shǐ glashǔplǒbò nû̌û akhapěnu, he sò̌yṳ noma̤bò sî pṳ̂̌꤮ tacǎ htě asǒsǒta he ǒplǒ ta sî hǐnu.

Phǐlǐpǐ 4:5

Na sò̌phlǒ sò̌dohobî̌ htǒonu nokè̌shǐbò yǎta kòpṳ̂̌꤮ tapwa̤ nî̌꤮. Běcǎ glè̌ hènu aphǔhǒ.

Tîsalònǐ awǐlǒ tôbǎ 4:18

Hǐnu akhû̌akhî, pwe̤ǐmo̤ kè̌khî lǒkho sî sò̌phlǒ ta ta̤wi̤ta̤kè̌ htǒo tapwa̤ ta tapwa̤ nî̌꤮.

Tîsalònǐ awǐlǒ tôbǎ 5:11

Hǐnudě, ǐkhû̌ǐǎ kè̌khînû̌û tapwa̤ ta tapwa̤ dě ma̤jole̤ ma̤joge kè̌khînû̌û tapwa̤ ta tapwa̤ pwǐ sî ma̤ khònò̤ htǒonu nî̌꤮.

Hebrǔ 10:24

Pa ta̤mo̤ǐ kè̌khînû̌û tapwa̤ ta tapwa̤nu, ma̤pûhǐ sǔsǔ a ǒ htò̌dû̌ dě, ma̤pûhǐ pa ma̤ta̤ htě awǒ toǒ ayanu, pa gènè̤ bǎ kò ta pa glè ǐkhû̌ǐǎ kè̌khînû̌û tapwa̤ ta tapwa̤ hî̌tè awi̤akè̌ htǒotoǒnu pwǎ hò̌.

Hebrǔ 10:37

Ma̤tè̤hî̌dě, lî̤cahtǐkû hî̌, “Yî̤hǒtò̤ pěnu, pwa̤ htě a glè hèhtǒo tapwa̤ hè pě, a ma̤pò̤ma̤ya̤pe tò̤.

Hebrǔ 13:22

He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Hebrǔ 3:13

Mî̌tanu, khònò̤htǒo ta̤ma̤lû̌htò̌ge htě Cǒmara ǐ pa htǒo ma̤pûhǐ ta̤sǔ lǒplò̤ pû sî dǐpwǎ̤꤮ tò̤, ma̤pûhǐ sî hǐkǒshò̌ lǒkho pû dǐpwǎ̤꤮ tò̤ ayanu, pṳ̂̌ti̤ni̤꤮ ǐkhû̌ǐǎ ma̤jèkè̌khînû̌û tapwa̤ ta tapwa̤ nî̌꤮.

Jǎgomo̤ 5:8

Sî bǎbǎ sî to khòsò̌do dǒ hǐnu. Tûrû̌ bè̌měgle lǒkho sî ta̤kè̌shuǐnu, ma̤tè̤hî̌dě Běcǎ hè gesǒ pěnu, amṳni̤phǔ hǒ.

Petru awǐlǒ tabǎ 4:7

Ta̤lǒ̤꤮ bò a glè̌ gutṳkèhǒnu a hèto̤ phǔhǒ. Hǐnu akhû̌akhî, ma̤pûhǐ sî kwisababò̌ kû̌kònu, ǒsòklò lǒkho dě sû̌ǐtòwòǐlò̤ lǒkho sîna̤, htohǒtò̤ ǒhtûpwa̤ sapwa̤kû̌ lǒkho nî̌꤮.

Petru ginǐ̤bǎ tabǎ 3:11

Cǒmara ma̤pî̌kèbò pwǐhè̌onu pě akhû̌akhî, sî dě, sî tobǎ ǒhtûpwa̤ hî̌tè hî̌nudě, bǎ sî ǒpo̤ kè̌shuǐ Cǒmara hè pě akhanu, sî to ǒhtûpwa̤ cahtǐ dě, sî to ǒhtûpwa̤ to ta Cǒmara asò̌phlǒ.

Petru ginǐ̤bǎ tabǎ 3:14

Hǐnudě khobǒsû̌bǒmo̤ sî꤮, sî ǒpo̤kè̌shuǐ ta̤htǒo akhû̌akhî, ma̤pûhǐ Cǒmara kè̌shǐ pû sî ta kòyò htě awî̌ ta ta̤sǔ tò̤nu, htodě ma̤pûhǐ ala̤bè̌ ta̤sǔ dě sîlo̤ ǒ pûtò̤, htohǒtò̤ ma̤pûhǐ sî ǒpè̤ǒdû to̤ ta a pěnu, jipwi̤ sělě lǒkho nî̌꤮.

Petru ginǐ̤bǎ tabǎ 3:9

Hǐnudě kòyò toǒǒ gènè̤ ta akhîakhayî̤ pwǎ̤tadě, Běcǎ olò̤ ta a hè gesǒ pěnu, a ma̤yo nǒ tò̤. Cǒmara sò̌yṳ noto̤bǎ kò ta ta̤pî̌ta̤lṳ̂ dǐpwǎ̤꤮ tò̤, htodě a sò̌yṳ noshò̌lò̤sû̌shò̌lò̤sò̌bò kò sò̌ pṳ̂̌꤮ tapwa̤ akhû̌akhî, a khòsò̌dopwǎ bǎ sîya.

Yṳ̌da 1:19

Kòyò htǒotoǒ numî̌ kòyò htě a ma̤ htò̌pò̌htò̌shîbò kòyò, kò htě a gûma̤kû̌ pwǐ ana̤klû phěyî̌ a ta̤sò̌yṳsò̌bǎ ǒnu toǒ, htohǒtò̤ asî htǒotoǒ numî̌ a nî̤bǎ kû̌kò Běcǎ sǎcahtǐ tò̤.