Hebrǔ 10:22 - Kawyaw RC

²² Hǐnudě pa hèphǔ Cǒmara a ǒ hò. Pa hè ta pa sò̌phlǒ acǒatè̤, ta pa ta̤yṳ ate̤amǎ htǒotoǒ hò̌. Ma̤tè̤hî̌dě, pa sò̌phlǒ a ta̤gènè̤ phû̌mò̤htǒo, ma̤pûhǐ a mṳ̂plî ayanu, kò shǔbòhtokè pa ta Khrî̌stu asǐ hǒ. Htohǒtò̤ pana̤klû htǒonu, kò shǔbòhto ta shiplò̌shishǐ htǒonuhǒ.

Kawyaw New Testament

²² Pô̤̌nudě pa hèphǔ lô̌khô dǒ Cǒmara a ô̌ tǎ꤮. Pa gǔ hè kû̌ pa sǎphlǒ dǒ acǒatè̤, kû̌ pa ta̤yṳ̌ dǒ atě̤amè̤̌ nutokhlǒ tǎ꤮. Ma̤titèhî̌dě, pa sǎphlǒ a ta̤gènè̤ phû̌mò̤̌, pô̤̌khô a gǔ ma̤mṳ̂̌plî ayanu, kòyò cǔbò hto pa kû̌ Khrǐ asǐ hǒ. Htokhôtô̤̌ panǎ̤glǒ nî̌ kòyò cǔbò hto kû̌ shiplò̌shǐ hǒ.

Hebrǔ 10:22 Iomraidhean Croise

Htû̌sò̌htò̌ 111:1

Htû̌sò̌ǐ Cǒmara tûjûpwa̤. Bǎ kòyòcǒkòyòtè̤ ta kòyòprṳ̂ho subusabahtu nû̌û akhanu, he glè hî̌bwǐhî̌sîrîhtò̌ Cǒmara tûjûpwa̤ ta hesò̌phlǒ samabò.

Htû̌sò̌htò̌ 119:10

He kè̌lǎ na ta hesò̌phlǒ samabò. No cû̌sǔ cû̌tepheyî̤kè pûma̤ he ta nata̤mǎlò̤ ma̤.

Htû̌sò̌htò̌ 119:145

Kǒ Cǒmara tûjûpwa̤, he kwigwèbǎǐ na ta hesò̌phlǒ samabò, kǒshǔmò̌ he. He gana̤de tû̌ta nata̤hî̌bǎlò̤yo̤.

Htû̌sò̌htò̌ 119:2

Kòyò htě a gûma̤kû̌ pwǐ Cǒmara ata̤sû̌ta̤tòwò, a kè̌lǎ nû̌û ta sò̌phlǒsamabò toǒnu a nî̤bǎ ta̤howi̤.

Htû̌sò̌htò̌ 119:34

Ǐsî̌yaphlophǎ wǒnṳ he dě he gana̤detû̌ nata̤sû̌ta̤tòwò. He jûle̤phî̌yo̤ tû̌ta hesò̌phlǒsamabò.

Htû̌sò̌htò̌ 119:58

Dě na la̤kè̌dû̌ǐ he aya, he kè̌lǎsikè̌lǎǒ na. Pwǐ nata̤olò̤mèlò̤ ǒnu, gwèbǎǐ tû̌ he.

Htû̌sò̌htò̌ 119:69

Kòyò phî̌dû̌phî̌htû ana̤ toǒ dǒlòhǎlòhobò heyo̤. He dě he gana̤de tû̌꤮ nata̤sû̌ǐtòwòǐ toǒ ta hesò̌phlǒsamabò.

Htû̌sò̌htò̌ 119:7

Bǎ he sî̌yahè nata̤hî̌bǎlò̤yo̤ toǒ akhanu, he hî̌bwǐhî̌sîrîhtò̌ na ta ta̤sò̌phlǒcǒsò̌phlǒtè̤ pě.

Htû̌sò̌htò̌ 119:80

Ma̤pûhǐ he lû̌kè ta ta̤sòwò̤ ayanu, he gana̤de te̤mǎbòtû̌ nata̤hî̌bǎlò̤yo̤ pě nî̌.

Htû̌sò̌htò̌ 32:11

Kòyòcǒkòyòtè̤ sî, sò̌le̤sò̌lò̤ mo̤sû̌mo̤sò̌ lǒkho dě Cǒmara tûjûpwa̤ akû. Kòyò sò̌phlǒcǒsò̌phlǒtè̤ toǒ, sò̌le̤sò̌lò̤ sò̌po̤htû̌sò̌htò̌ lǒkho nî̌.

Htû̌sò̌htò̌ 51:10

Kǒ Cǒmaradû̌, bǒlò̤ bǎ he sò̌phlǒmṳ̂plî dě hekû. Shû̌nṳ tèplè̌sasǒ bǎ he sò̌phlǒ ta aměagle.

Htû̌sò̌htò̌ 73:28

Dě he lè̌dě he ǒphǔ ta Cǒmaradû̌ dě a nî̤bwǐnî̤sîrî mè̤mè̤̌ heya. Běcǎ ta̤adû̌ mî̌ he la̤ǒtûdû. He pwe̤ǐlṳbò bǎ kò ta na ma̤ ta̤cǒklî̌kî̌yanu pě.

Htû̌sò̌htò̌ 84:11

Běcǎ Cǒmara tûjûpwa̤ mî̌ alò̤ta lṳmṳ, pwa̤ma̤kwaǐ pa. Cǒmara tûjûpwa̤ gwèbǎǐ pa, a bè̌dû̌bè̌htû pa. Kòyò htě a ma̤toma̤bǎ ta̤ toǒnu, Cǒmaradû̌ sò̌phlǒǒ asî ta̤wî̤ta̤wǒ.

Htû̌sò̌htò̌ 9:1

Kǒ Cǒmara tûjûpwa̤, he glè htû̌sò̌ǐ na ta hesò̌phlǒ sama. He glè pwe̤ǐlṳbò kò ta na ma̤ ta̤cǒklî̌kî̌ya.

Htû̌sò̌htò̌ 94:15

Ta̤cèrònu atoabǎ gesǒ pě. Lǒ̤꤮ bò kòyòcǒkòyòtè̤ toǒ jûle̤phî̌yo̤kû̌bòtû̌ pě.

Matěo 3:11

“Dě sî yò̤lò̤ge sîsò̌ akhû̌akhî, he plo sî ta shi. Pò̤̌ta kòyò ǒtapwa̤ a sîrîpo̤phǎ shû̌shokhlo ta henu a hè dě henǒkò pě. A plo sî ta Běcǎ sǎcahtǐ ta mî̌ pě. He bòphlǔ pwǎbǎ a khò̌phěpli̤nu, he gwata a tò̤.

Lǔka 1:1

Kòyò jipwi̤ khwè̌mǎnǎǐ lǒkho ta̤htě a htûhtò̌ bǎ pakla htǒotoǒ awi̤akè̌nu pwa̤khwè̌ ǒplṳ̂.

Jowǎ̤ni̤ 3:5

Ye̤shǔ hî̌shǔ yǎ, “He hî̌ mè̤mè̤̌ na, kòyò htě a ǒphijaû̌lò̤ gesǒ ta shi ta Běcǎ sǎcahtǐ tò̤ toǒnu a nṳjò dě Cǒmara ashiagakû tò̤.

Jowǎ̤ni̤ 8:9

Bǎ asî gana̤de Ye̤shǔ hî̌hǐnu akha, asî hǎhtò̌gekèbò tapwa̤ hto tapwa̤. A mo̤pwa̤ toǒ hǎhtò̌ge wǐgutṳ̌ kò. Anǒkò dě mamǔnu tapwa̤ ihtǒ ǒkè kû̌tû̌ ta Ye̤shǔ.

Pwa̤nophû̌ 22:16

Na ma̤ pò̤ya̤ nana̤ ma̤tè? ihtǒmò̌ dě plokèmò̌ nana̤ ta shinu, dě kwisabahtò̌ mò̌ yǎta a glè shǔbòkè na ta̤sǔ htǒonu,’” Pò̌lu hî̌ asî hǐnu.

Pwa̤nophû̌ 8:21

Na mî̌ kòyò htě a ǒplǒ ta pa ta̤phî̌ta̤ma̤ akû tò̤, ma̤tè̤hî̌dě na sò̌phlǒ htǒonu, acǒatè̤ dě Cǒmara a lo̤mo̤ tò̤.

Kôritu awǐlǒ tôbǎ 6:11

Sîkla toǒǒnu, dě wǐkha mî̌ a htûhto kòyòjî kòyòphû̌mò̤ sǒsǒta hǐnuhǒ pwǎ̤ta Cǒmara shǔbòhto sî ta̤sǔ hǒ. Dě khònò̤htǒo sî htû Cǒmara ata hǒ. Běcǎ Ye̤shǔkhrî̌stu ta Cǒmara a sǎcahtǐ akhû̌akhî, khònò̤htǒo, Cǒmara bè̌ sî pwǐ kòcǒkòtè̤ toǒnu hǒ.

Kôritu ginǐ̤bǎ tôbǎ 7:1

Sû̌kho toǒ꤮, Cǒmara olò̤bò toǒ numî̌ payabò hǒ. Hǐnudě, pa cû̌tephekè ta pana̤saklû a ta̤sò̌yṳ phû̌mò̤shî̌hto toǒ ta pa sò̌phlǒ a ta̤gènè̤ phû̌mò̤shî̌hto htǒonu toǒ hò̌꤮. Pa ǐsha bè̌dubè̌na̤ Cǒmara htǒo akhû̌akhî, pa htûhtò̌ ta kòyò htě a cahtǐ toǒ hò̌꤮.

Ěphěsu 3:12

Dě pa yṳǎ Khrî̌stu, htodě pa htûhtò̌kè nû̌û tacǎnǔpa akhû̌akhî, khònò̤htǒo pa glè hènṳ dě Cǒmara ǒ ta ta̤yṳǎ tû̌û na̤ ta ta̤khuta̤ha numî̌ anî̤ hǒ.

Ěphěsu 5:26

Ma̤pûhǐ a ma̤wî̤ma̤cahtǐ a pwa̤yṳǎ aprṳ̂ahophû̌ toǒnu, a sikè bǎ asî ya, dě a bòlû̌kè asî ta shi ta a ale̤ayo̤ htǒo toǒnu.

Ěphěsu 6:5

Jûphû̌ toǒ, gana̤de lǒkho sî hǎkhû̌ běcǎ htǒotoǒ ayo̤ nî̌꤮. Ǐsha pû asîla̤ ta bè̌dubè̌na̤ pû asî nî̌꤮. Pwǐ꤮ sî gana̤de Khrî̌stu ayo̤nu, gana̤de lǒ̤sû̌lǒ̤sò̌ asî yo̤yo̤.

Tîmôte awǐlǒ tôbǎ 4:2

Ta̤sû̌ǐtòwòǐ htǒotoǒ numî̌ a hè dě kòyò lòhǎlòho toǒ a ǒ. Bǎ asî ma̤sǔta̤ akhanu, a gènè̤ ta a ma̤sǔta̤ dî̌kî̌꤮ tò̤.

Tǐtǔ 3:5

Ta̤htě a ma̤lû̌htò̌ge pa htǒonu mî̌htě pa sana̤ ma̤tû̌ ta̤cǒta̤tè̤ akònu mè̤tò̤, mî̌pwǎ a gwèbǎǐ pa akhû̌akhî, a ma̤lû̌htò̌gepwǎ pa. Běcǎ sǎcahtǐ a ta̤po̤ta̤phǎ akhû̌akhî, a shǔbòkè pa, htodě a ǐ pa ta̤ǒphijaû̌lò̤ asa ta ta̤ǒhtûpwa̤ asa toǒ.

Hebrǔ 10:1

Khònò̤htǒo pa sî̌yaphlo ta ta̤sû̌ta̤tòwò htě Mǒ̤jè bè̌kè htǒonumî̌ mî̌pwǎ ta̤yo̤ ta̤ma̤dòǐ tacǎpwǎ. Ta̤amè̤mè̤̌ htě ta̤sû̌ta̤tòwò sò̌yṳ yṳ̂lṳ htǒonumî̌ ta̤wî̤ta̤wǒ lǒ̤bò htě a hè tṳtṳ dě Khrî̌stu a ǒ htǒotoǒnu hǒ. Ta̤sû̌ta̤tòwò htǒonu a hî̌ ta, pṳ̂̌taně tobǎ lṳhtò̌ ta̤phû̌ta̤li̤ htǒo akhû̌akhî, ma̤lǒma̤behtò̌jò bǎ kòyòhǎkhû̌phû̌ tò̤.

Hebrǔ 10:19

Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 11:28

Ta̤yṳ akhû̌akhî, a ma̤htò̌ bǎ kò pwè htě kò kaǎ yǎta ta̤cû̌tûlû̌pwè. Ma̤pûhǐ tanaphû̌ htě a ma̤si phû̌wè̤pwa̤htǒo hè ma̤si pû Israelphû̌ wè̤pwa̤ toǒ tò̤nu, a noplṳbò kò sophû̌sǐ dě takhalo̤.

Hebrǔ 12:24

Sî hèto̤ Ye̤shǔ a ǒ hǒ. Ta̤wṳ̂dò asa htě kòyòhǎkhû̌phû̌ ta Cǒmara aplǎkû htǒonu a htû bǎ pwa̤ma̤ta̤ma̤ aplǎkû tapwa̤ hǒ. Htohǒtò̤ sî hèto̤ dě Běcǎ Ye̤shǔ asǐ la̤sǐlò̤ agûla̤ htě awǒkhlope ta Abělè asǐhtǒonu a ǒ hǒ.

Hebrǔ 4:16

Hǐnudě, pa lo̤bǎ ta̤ bò̌khòtè꤮ bǎbǎnu, pa to hènṳ khuha dě pa Cǒmara htě a gwèbǎǐ kò htǒotapwa̤ a la̤hǎnòò̌ alo̤mo̤nu. Pa nî̤bǎ a ta̤gwèbǎǐ pě dě pa kè̌shǐbǎ abwǐdû̌sîrîhtû htě a ma̤jè pa htǒonu pě.

Hebrǔ 6:11

Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Hebrǔ 9:10

Ta̤lṳta̤tò̌ htǒotoǒnu, a gètè̤ nǎla̤htò̌ǐ pwǎ ta̤subusaba a la̤klola̤bò̌ toǒ dě a hî̌ ta htǒomî̌ ǎyǎanî̤, htǒomî̌ oyǎanî̤ tò̤, tobǎ shǔbò na̤ pwǐhè̌o hǐnu, a hî̌ htǒonu toǒ hǒ. Ta̤sû̌ta̤tòwò htǒonumî̌ gûma̤ta̤ dě akhlo tokho pwǎ, a ma̤ tèlè̌jò sò̌phlǒ tò̤. Na̤klû phěyî̌ tokho, kòyòhǎkhû̌phû̌ bǎ gûma̤ to̤htû̌ Cǒmara ma̤tèplè̌ bǎ asî klè̌ asa tabo.

Hebrǔ 9:19

Bǎ Mǒ̤jè pwe̤ǐlṳhtobò bǎ kòyò pṳ̂̌ tapwa̤ ta Cǒmara mǎnǎbò a ta̤sû̌ta̤tòwò toǒ akhanu, a phî̌ pṳ̂phû̌ toǒ asǐ ta pè̤ toǒ asǐ dě a kloshîlo̤dǒ nû̌ûta shi, htodě a phî̌ sophû̌shû̌lî̤ dě a bǒmě nû̌ûta sǒphò htě kò kaǎ yǎta hyssop phòphû̌ htǒotòphò akhi dě a shǐ nû̌ûta lî̤ htě kò khwè̌nǎ yǎta Cǒmara a ta̤sû̌ta̤tòwò htǒo tabǎ, htohǒtò̤ a shǐnṳbò nû̌ûta kòyò pṳ̂̌ tapwa̤.

Jǎgomo̤ 1:6

Pò̤̌ta, bǎ sî kwisaba akhanu, sî bǎ ǒ ta ta̤yṳ, sî tobǎ sò̌phlǒwò̌wè̌ dî̌kî̌꤮ tò̤. Kòyò htě a sò̌phlǒwò̌wè̌ toǒnu, alò̤ta gili̤sǎ hèpěpǒshi dě shidû̌shite̤we̤ akûnu toǒ pwǎ.

Jǎgomo̤ 4:8

Sǒsǔ hèphǔ lǒkho sîna̤ ta Cǒmara pěmî̌ a sǒsǔ hèphǔdǒ ana̤ ta sî pě. Ta̤ma̤sǔphû̌ sî꤮, shǔbòkè lǒkho sî cǔdenu. Kòyò sò̌phlǒ ǒplṳ̂ sî꤮, ma̤mṳ̂ma̤plîkè lǒkho sî sò̌phlǒnu.

Petru awǐlǒ tabǎ 1:2

Pha Cǒmara wû̌lǎ sî pwǐ a ta̤yè̤lò̤nǎ tû̌nu dě Běcǎ sǎcahtǐ ma̤wî̤ma̤cahtǐhtò̌ sî, ma̤pûhǐ sî gana̤de Ye̤shǔkhrî̌stu ayo̤ dě asǐ akhû̌akhî, a ma̤mṳ̂plî bǎ sî. Cǒmara abwǐasîrî ta sò̌phlǒ ta̤gûjûkabǎ ǒlǒǒbekû̌ tû̌ta sî nî̌꤮.

Petru awǐlǒ tabǎ 3:21

Sî plo sîna̤ ta shi htǒonumî̌, a dǔlṳ kè̌mò̌mṳ shi dě Nǒa htukhanu ta, Cǒmara ma̤lû̌htò̌ge sî khònò̤htǒonu pwǎ. Sî plo sîna̤ ta shi numî̌ a shǔbòkè na̤klû akwǐ mè̤tò̤. Mî̌tanu, ta̤ploshi htǒonumî̌ ta̤olò̤ Cǒmara ta sî glè ma̤ ata̤ dě ta̤sò̌phlǒ mṳ̂plî akû hǐnupwǎ. Ye̤shǔkhrî̌stu si dě a htûpwa̤gesǒ akhû̌akhî, sî plo sîna̤ ta shi numî̌ a ma̤lû̌htò̌gepwǎ sî.

Ta̤dǔlè̌nǎ 1:5

Sî nî̤bǎpo̤ kû̌tû̌ta Ye̤shǔkhrî̌stu htě a khòlṳ cǒtè̤ htǒotapwa̤ abwǐasîrî ta a ta̤gûjûkabǎ nî̌꤮. Kòyòsi dě a htûpwa̤gesǒ aklanu, a mî̌ pwa̤ htě a htûpwa̤ wǐgutṳ̌ kò tapwa̤ hǒ. A mî̌ pwa̤ htě a pǒǐ hǎkhû̌ akhwǐcophǎ toǒ. A mî̌ a mo̤ǐ mè̤mè̤̌ pa pǒhǒtò̤ a si akhû̌akhî, a ma̤lû̌htò̌ge pa dě ta̤sǔta̤plě akû.