Hebrǔ 10:11 - Kawyaw RC

¹¹ Pwa̤lṳhtò̌ta̤ pṳ̂̌ tapwa̤nu, a bǎ ihtǒ ma̤ ta̤subusaba a la̤klola̤bò̌ toǒ pṳ̂̌ti̤ni̤. Tṳ̂gûla̤la̤ asî bǎ lṳhtò̌ǐ taplǎhto taplǎ. Ta̤lṳta̤tò̌ htǒotoǒnu a phî̌ tephejòkè kòyò ta̤sǔ dǐcǎ tò̤.

Kawyaw New Testament

¹¹ Pwa̤shû̌gǎ pṳ̂̌꤮ tôpwa̤nu, a bǎ ihtǒ ma̤ ta̤cubucaba a lǎ̤bû̌lǎ̤klô tokhlǒ pṳ̂̌ni̤ni̤꤮. Gûlǎ̤lǎ̤꤮ asî bǎ lṳhtò̌ tôplǎ hto tôplǎ. Ta̤lṳta̤tòhtò̌ tokhlǒnu a phî̌ tephekè jò kòyò ta̤sǔ tôcǒ꤮ tô̤̌.

Hebrǔ 10:11 Iomraidhean Croise

Hebrǔ 10:1

Khònò̤htǒo pa sî̌yaphlo ta ta̤sû̌ta̤tòwò htě Mǒ̤jè bè̌kè htǒonumî̌ mî̌pwǎ ta̤yo̤ ta̤ma̤dòǐ tacǎpwǎ. Ta̤amè̤mè̤̌ htě ta̤sû̌ta̤tòwò sò̌yṳ yṳ̂lṳ htǒonumî̌ ta̤wî̤ta̤wǒ lǒ̤bò htě a hè tṳtṳ dě Khrî̌stu a ǒ htǒotoǒnu hǒ. Ta̤sû̌ta̤tòwò htǒonu a hî̌ ta, pṳ̂̌taně tobǎ lṳhtò̌ ta̤phû̌ta̤li̤ htǒo akhû̌akhî, ma̤lǒma̤behtò̌jò bǎ kòyòhǎkhû̌phû̌ tò̤.

Hebrǔ 10:4

Ma̤tè̤hî̌dě pṳ̂phatolo asǐ, pè̤ asǐ htǒotoǒnu a phî̌ tephejòkè ta̤sǔ tîkî̌ tò̤.

Hebrǔ 5:1

Pwa̤lṳhtò̌ hǐkǒdû̌gutṳ̌ pṳ̂̌꤮ pwa̤nu, kò wû̌lǎpwǎ yǎ dě kòyòhǎkhû̌phû̌ toǒ akla dě kò bè̌htò̌ a dě a glè ma̤ bǎ Cǒmara ata̤ma̤ ta kòyò lǒ̤꤮ bò agûla̤. A glèlṳtòhtò̌ bǎ kò ta̤toǒ, htohǒtò̤ ma̤pûhǐ kòyò toǒ ta̤sǔ bòlû̌kè ayanu, a lṳhtò̌ bǎ kò ta̤phû̌ta̤li̤ toǒ dě Cǒmara a ǒ pě.

Hebrǔ 7:27

A mî̌ alò̤ta pwa̤lṳhtò̌ta̤ hǐkǒdû̌gutṳ̌ ahǔwa̤nu toǒ mè̤tò̤. pṳ̂̌ti̤ni̤꤮ a lo̤bǎ lṳhtò̌wǐgutṳ̌ tû̌ ata̤sǔ toǒ htodě a lṳhtò̌nǒ bǎ kòyò ahǔwa̤ toǒ ata̤sǔ toǒ hǐnu mè̤tò̤. Bǎ a lṳhtò̌ ana̤ dě nò̌dòhtǔlo̤ akhanu, a lṳhtò̌ pwǎ taplǎpa dě a htophlǔ tûjûpwa̤ hǒ.

Hebrǔ 8:2

Khònò̤htǒo a ma̤ pwa̤lṳhtò̌ hǐkǒdû̌gutṳ̌htǒo ata̤ma̤, a ma̤ dě mǒkhû̌ htě ta̤gûla̤ cahtǐ tò̤glò akû hǒ. Hǐphû̌dû̌ cahtǐ mè̤mè̤̌ htǒonu kò ma̤ nû̌ûta kòyòhǎkhû̌phû̌ acǔde mè̤tò̤. Běcǎ ma̤htò̌ tû̌ nû̌ûta ana̤.

Hebrǔ 8:4

Pwǎ̤tadě Ye̤shǔ htě a htû pwa̤lṳhtò̌ta̤ hǐkǒdû̌gutṳ̌ htǒotapwa̤nu, bǎ a ǒpe bǎ hǎkhû̌bǎo akha, pwa̤lṳhtò̌ta̤ htě a bǎlṳbǎtòhtò̌ǐ pwǐ ta̤sû̌ta̤tòwò ǒnu, a ǒtû̌hǒ akhû̌akhî, a htûnṳ kû̌kò pwa̤lṳhtò̌ta̤ tò̤.