Hebrǔ 10:10 - Kawyaw RC

¹⁰ Ye̤shǔkhrî̌stu ma̤ pwǐ Cǒmara a ta̤sò̌yṳ ǒnu, htohǒtò̤ a lṳhtò̌ ana̤klû taplǎpa dě a htophlǔ hǒ akhû̌akhî, a ma̤ cahtǐ pa hǒ.

Kawyaw New Testament

¹⁰ Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:10 Iomraidhean Croise

Jowǎ̤ni̤ 17:19

Ma̤pûhǐ asî ma̤wî̤ma̤cò lǒkho ana̤ ta nale̤nayo̤ a ta̤te̤ta̤mǎ htǒonu dě, he ǐlò̤ bòmṳ̂sîglîhto he ta̤htûpwa̤ ta asî agûla̤ hǒ.”

Jowǎ̤ni̤ 19:34

Pwǎ̤tadě kliphû̌ htǒotoǒ akla tapwa̤nu, a shu Ye̤shǔ we̤la̤ ta sòbò dě taplǎpa sǐ ta shi pe̤cî̌rî̌hǎhtò̌.

Jowǎ̤ni̤ 6:51

He mî̌ shǎǎ htě a ǐkò ta̤htûpwa̤ dě a ǒ mǒkhû̌ hèlò̤. Ûpèpè̌ bǎbǎ, a dè ǎ shǎǎ htǒonu, a htûpwa̤ tûjûpwa̤ pě. Shǎǎ htǒonumî̌ heyî̌ htǒonu hǒ. Ma̤pûhǐ kòyòhǎkhû̌phû̌ htûpwa̤ ayanu, he ǐlò̤kè he na̤saklû htǒo ta asîya hǒ.”

Kôritu awǐlǒ tôbǎ 1:30

Cǒmara ma̤htûhtò̌htu sî ta Ye̤shǔkhrî̌stu tacǎnǔ꤮ pa hǒ. A ma̤htû bǎ sî ta Khrî̌stu tacǎnǔ꤮ pa htǒonu, a htûhtò̌ pa ta̤sî̌ta̤jò hǒ. Khrî̌stu akhû̌akhî, Cǒmara bè̌ pa pwǐ kòcǒkòtè̤ toǒnu. Htohǒtò̤ pa htûhtò̌ Cǒmara akòyò cahtǐ dě Khrî̌stu plûhǎhtò̌ pele pa ta ta̤sǔ ajû agûla̤ hǒ.

Kôritu awǐlǒ tôbǎ 6:11

Sîkla toǒǒnu, dě wǐkha mî̌ a htûhto kòyòjî kòyòphû̌mò̤ sǒsǒta hǐnuhǒ pwǎ̤ta Cǒmara shǔbòhto sî ta̤sǔ hǒ. Dě khònò̤htǒo sî htû Cǒmara ata hǒ. Běcǎ Ye̤shǔkhrî̌stu ta Cǒmara a sǎcahtǐ akhû̌akhî, khònò̤htǒo, Cǒmara bè̌ sî pwǐ kòcǒkòtè̤ toǒnu hǒ.

Ěphěsu 5:2

Sî to ǒhtûpwa̤ lǒkho hî̌tè numî̌, mo̤ǐ lǒkho kòhǔwa̤ pṳ̂̌꤮ ti̤ni̤ sǒsǒta Khrî̌stu mo̤ǐ pa dě a khòsi asò̌ ta payanu nî̌꤮. Htohǒtò̤ Khrî̌stu lṳhtò̌ǐ a ta̤htûpwa̤ dě Cǒmara a lo̤mo̤ sǒsǒta ta̤nṳmû̌nṳshu htě ato Cǒmara asò̌phlǒ htǒonu.

Ěphěsu 5:26

Ma̤pûhǐ a ma̤wî̤ma̤cahtǐ a pwa̤yṳǎ aprṳ̂ahophû̌ toǒnu, a sikè bǎ asî ya, dě a bòlû̌kè asî ta shi ta a ale̤ayo̤ htǒo toǒnu.

Hebrǔ 10:12

Pwǎ̤tadě Khrî̌stu lṳhtò̌ bǎ pa ta̤sǔ aya htǒotoǒnu, a lṳhtò̌ taplǎpa dě a htophlǔ tûjûpwa̤ hǒ. Dě a ge hǎnòò̌ Cǒmara acǔdemû tokho hǒ.

Hebrǔ 10:14

Dě Khrî̌stu lṳhtò̌ pwǎ ana̤ taplǎpa akhû̌akhî, kòyò htě a ma̤mṳ̂plîhto asî ta̤sǔ toǒnu, a ma̤cǒma̤tè̤ asî tûjûpwa̤ hǒ.

Hebrǔ 10:20

Běcǎ Ye̤shǔ khòsi asò̌ ta paya akhû̌akhî, a bòmo bǎ paklè̌ asa dě a ǐ pa ta̤htûpwa̤ htǒotabo. Klè̌ htǒotabonu, a cû̌nṳ tûlû̌bò̌kè ta kò codǐdò hǔgòpwî̌ bědû̌ htě a mî̌ Khrî̌stu ana̤klû htǒoteběnu hǒ dě a cû̌to̤ Cǒmara a ǒ hǒ.

Hebrǔ 10:29

Hǐnudě sî gènè̤kè̌mò̌ kòyò htě a hî̌ tukutakǎ Cǒmara aphû̌khû htǒotoǒ, dě a wîkè nû̌û toǒnu, Cǒmara cèròjîkhlo asî pě. Htodě Khrî̌stu khòsi asò̌ dě a ǐhtûhtò̌ Cǒmara a ta̤wṳ̂dò asa htǒonuhǒ dě Khrî̌stu shǔbòkè pa ta asǐ hǒ. Hǐnudě kòyò htě a bè̌ le̤dû̌pwî̤htû Khrî̌stu asǐ tò̤ toǒnu, Cǒmara cèròjîkhlo asî pě. Htohǒtò̤ kòyò htǒotoǒnu a hî̌ phû̌mò̤shî̌hto Běcǎ sǎcahtǐ htě a ǐ asî ta̤bwǐta̤sîrî htǒotapwa̤ akhû̌akhî, Cǒmara cèròjîkhlo asî ta kòyò htě a ma̤sǔ Mǒ̤jè a ta̤sû̌ta̤tòwònu toǒ pě.

Hebrǔ 10:5

Hǐnu akhû̌akhî, bǎ Khrî̌stu hèlò̤ hǎkhû̌bǎo akhanu, a hî̌ Cǒmara, “Kò lṳhtò̌ǐ bǎ na ta̤phû̌ta̤li̤ sîtoǒ ta ta̤lṳta̤tò̌ sî toǒnu, na sò̌yṳ tò̤. Pwǎ̤tadě na ma̤wǒnǎ he na̤klû htě he glè bǎ lṳhtò̌ yǎ ayahǒ.

Hebrǔ 13:12

Hǐnudě ma̤pûhǐ Ye̤shǔ ma̤ cahtǐ bǎ kòyòhǎkhû̌phû̌ htǒotoǒ ta asǐ ayanu, a bǎcû̌ khòsi ana̤ dě wî̤khlo tò̤glò.

Hebrǔ 2:11

Ye̤shǔ ma̤ mṳ̂plîge kòyòhǎkhû̌phû̌ a ta̤ma̤sǔ toǒ. Kòyòhǎkhû̌phû̌ htě Ye̤shǔ ma̤ mṳ̂plîge asîta̤sǔnu toǒ ta Ye̤shǔ htǒonumî̌, apha jûnû̌û tapwǎ̤pa pwǎ akhû̌akhî, Ye̤shǔ kaǎ asî ta pṳwè̤nu a sòwò̤ tò̤.

Hebrǔ 2:14

Phû̌mǔphû̌khû a kaǎ nû̌û htǒotoǒnu, a ǒ ta ana̤klû sǐshi dě a sijò akhû̌akhî, Běcǎ Ye̤shǔ hèlò̤ phî̌nṳkû̌ kòyòhǎkhû̌phû̌ ana̤klû htě a sǒsǒkû̌ta asînu. A htûhtò̌ sǒsǒta kòyòhǎkhû̌phû̌ akhû̌akhî, a sijò. Ma̤pûhǐ Ye̤shǔ ma̤pî̌kè khînǎmo̤pha hǐkǒdû̌ htě kò kaǎ yǎta Sehto htě a ǒ ta a ta̤po̤ta̤phǎshû̌sho dě a pǒǐ ta̤si htǒotado ayanu, a khòsikè asò̌.

Hebrǔ 5:7

Ye̤shǔ ǒhtûpwa̤ hǎkhû̌bǎo akhanu, a kwisaba lǒ̤sû̌lǒ̤sò̌htò̌ Cǒmara htě a ma̤lû̌htò̌jò nû̌û ta ta̤sihtǒo tapwa̤, dě a yi̤kǒhtò̌ mi̤sǎshi lò̤. A shò̌lò̤ asò̌phlǒ dě a sò̌phlǒsho gana̤de Cǒmara yo̤ akhû̌akhî, Cǒmara gana̤de nû̌û ta̤kwisaba.

Hebrǔ 7:27

A mî̌ alò̤ta pwa̤lṳhtò̌ta̤ hǐkǒdû̌gutṳ̌ ahǔwa̤nu toǒ mè̤tò̤. pṳ̂̌ti̤ni̤꤮ a lo̤bǎ lṳhtò̌wǐgutṳ̌ tû̌ ata̤sǔ toǒ htodě a lṳhtò̌nǒ bǎ kòyò ahǔwa̤ toǒ ata̤sǔ toǒ hǐnu mè̤tò̤. Bǎ a lṳhtò̌ ana̤ dě nò̌dòhtǔlo̤ akhanu, a lṳhtò̌ pwǎ taplǎpa dě a htophlǔ tûjûpwa̤ hǒ.

Hebrǔ 9:12

Bǎ a cû̌nṳ lṳhtò̌ta̤ dě ta̤gûla̤ cahtǐgutṳ̌ htǒoto̤to̤ akhanu, a phî̌nṳ pè̤ toǒ asǐ, pṳ̂pha toǒ asǐnu mè̤tò̤. A nṳ lṳhtò̌ta̤ ayanu, a phî̌nṳtû̌ asǐ akhû̌akhî, a hènṳ pwǎ taplǎpa dě ahtoaphlǔkè hǒ, dě a ma̤lû̌htò̌ge pa tûjûpwa̤ hǒ.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.

Hebrǔ 9:26

Khrî̌stu dè lo̤bǎ sala̤la̤ hǐnu hî̌mò̌nu, a tobǎ khòsi sala̤la̤dǒ asò̌ dě hǎkhû̌ htûhtò̌ akhape kò̌. A lo̤bǎ khòsi hǐnutò̤. Khònò̤htǒo bǎ hǎkhû̌ glè phǔ gutṳ akhanu, a hè khòsipwǎ taplǎpa dě a htophlǔ hǒ. Dě a lṳhtò̌ǐ ana̤klû ta ana̤htǒo akhû̌akhî, a phî̌cû̌ tephekè kòyòhǎkhû̌phû̌ toǒ ata̤sǔ toǒ hǒ.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Petru awǐlǒ tabǎ 2:24

Ma̤pûhǐ pa tǒhtupe pû ta ta̤sǔta̤plě toǒ tò̤nu, htohǒtò̤ ma̤pûhǐ pa ǒhtûpwa̤bò̌ kû̌ta ta̤cǒta̤tè̤ pě ayanudě, bǎ kò htǎwa̤si Khrî̌stu dě nò̌dòhtǔlo̤ akhanu, a phî̌htò̌kè pa ta̤sǔta̤plě htǒotoǒ dě ana̤lo̤ hǒ. A khòbǎ ta̤jîta̤jû htǒotoǒ akhû̌akhî, a ma̤bǎkèbò sî hǒ.

Petru awǐlǒ tabǎ 3:18

Ma̤tè̤hî̌dě Khrî̌stu khòsipwǎ bǎ ana̤ ta kòyò ta̤sǔ aya taplǎpa dě ahtoaphlǔ hǒ, a lo̤bǎ khòsipe nǒtò̤. Ma̤pûhǐ a sûcû̌ sî Cǒmara a ǒ dě kòyò cǒtè̤ htǒotapwa̤nu, a hè khòsihto bǎ kòyò ta̤ma̤sǔphû̌ toǒ agûla̤ hǒ. Kò ma̤si ana̤klû pwǎ̤tadě Cǒmara ma̤htûpwa̤gesǒ yǎta Běcǎ sǎcahtǐ akû.

Yṳ̂ha awǐlǒ tôbǎ 5:6

Ye̤shǔkhrî̌stu hèlò̤ hǎkhû̌bǎo dě a hèplo ana̤ ta shi, a hè khòsi ana̤ dě asǐ bǎmèlò̤. A hè pwǎpǒ̤ ta shi tacǎpa mè̤tò̤. A hèbò sǐ ta shi ginǐ̤cǎbò. Běcǎ sǎcahtǐ sana̤ khò asò̌ ta htǒonumî̌ a tohǒ, ma̤tè̤hî̌dě Běcǎ sǎcahtǐ mî̌ acǒatè̤.