Hebrǔ 1:9 - Kawyaw RC

⁹ Na mo̤ǐ ta̤ htě ato toǒ dě na sò̌khě ta̤ htě asǔ toǒ. Dě htǒo akhû̌akhî, Cǒmara htě a mî̌ na Cǒmara htǒo wû̌lǎ na dě a nodû̌ayǒkhlo na ta nasû̌nakho toǒ hǒ. A bè̌dû̌bè̌htû na, a ǐ na ta̤sò̌le̤sò̌lò̤ hǒ,” a hî̌ nû̌û hǐnu.

Kawyaw New Testament

⁹ Na mô̤ǐ ta̤ dǒ atô tokhlǒ dě na sǎkhě ta̤ dǒ asǔ tokhlǒ. Dǒ hǒo akhû̌akhî dě Cǒmara dǒ a mî̌ na Cǒmaranu rû̌htò̌ hto na dě a no dû̌htû khlokè na kû̌ nasû̌nakhô tokhlǒ hǒ. A bè̌dû̌bè̌htû na hǒ, a ǐ na sǎlě̤sǎlò̤ hǒ,” a hî̌ lû̌û pô̤̌nu.

Hebrǔ 1:9 Iomraidhean Croise

Htû̌sò̌htò̌ 11:5

Cǒmara tûjûpwa̤ sèlèkè̌ kòyòsò̌phlǒwǒ. A sò̌khě mè̤mè̤̌ kòyòphû̌mò̤ ta pwa̤pè̤ǎpè̤o kònu toǒ.

Htû̌sò̌htò̌ 119:104

Nata̤sû̌ǐtòwòǐ ma̤jè he dě he mèpa̤jòta̤ akhû̌akhî, he sò̌khěkhû̌khwèkè klè̌sǔnu toǒ.

Htû̌sò̌htò̌ 119:128

He gû te̤mǎbò nata̤sû̌ǐtòwòǐ. He sò̌khěbò ta̤lòhǎlòho aklè̌aklò.

Htû̌sò̌htò̌ 2:2

Hǎkhû̌ Khwǐcophǎ toǒ tîwî̌tòwònǎ ana̤ dě a glè shě Cǒmara tûjûpwa̤ ta Khwǐ htě Cǒmara wû̌lǎ nû̌û. Pwa̤pǒta̤ toǒ ǒhtuhî̌bǎplǒ nû̌û dě a glè shěplǒ ta hǎkhû̌ akhwǐcophǎ.

Htû̌sò̌htò̌ 2:6

A hî̌ ta, “Khwǐ htě hewû̌lǎ yǎnu, he nohtò̌ pǒǐ yǎ dě Sǐokholo, hekholocahtǐkhû̌.”

Htû̌sò̌htò̌ 23:5

Na tîwî̌tòwò lǒbe bǎ he shǎǎshǎo dě pwa̤sò̌khě he toǒ alo̤mo̤. Na plṳ bǎ hehǐkǒ ta mòû̌shi, hebalo̤ betî̌pî̌.

Htû̌sò̌htò̌ 33:5

Cǒmara tûjûpwa̤ mo̤ǐ ta̤cǒta̤tè̤, a cèròto cèròbǎ ta̤. Hǎkhû̌akhû̌htǒo, a lǒbe ta Cǒmara ata̤mo̤ǐ htě ahǎbòjò tò̤.

Htû̌sò̌htò̌ 37:28

Cǒmara tûjûpwa̤ mo̤ǐ ta̤ma̤toma̤bǎ, a wîkè nǒ akòyòcǒkòyòtè̤ tò̤. A ma̤kwaǐ asî tûjûpwa̤. Kòyòphû̌mò̤ aphû̌ali̤ toǒ lè̌dě kò glè wṳ̂hǎhtò̌cû̌ tepheyî̤kè asî.

Htû̌sò̌htò̌ 40:8

He sò̌yṳ ma̤ pwǎ pǒ̤꤮ na ta̤sò̌yṳ, nata̤sû̌ta̤tòwò ǒbò dě hesò̌phlǒkû.”

Htû̌sò̌htò̌ 45:6

Kǒ Cǒmara nashinaga ǒyî̤tû̌ta tûjûpwa̤ talakhǎ. Na pǒǐ tû̌ta nakòyò ta ta̤cǒta̤tè̤.

Htû̌sò̌htò̌ 45:7

Na mo̤ǐ ta̤ htě atoabǎ, na khû̌khwè ta̤ htě asǔ. Hǐnuakhû̌akhî, Cǒmara htě amî̌ na Cǒmaradû̌ wû̌lǎ na, a nodû̌khlohtûkhlo na ta nasû̌nakho dě a ǐ na ta̤mo̤sû̌mo̤sò̌.

Htû̌sò̌htò̌ 89:20

“He kè̌shǐ he pwa̤ma̤ta̤ma̤phû̌ Dǎwi̤. “He plṳ yǎta hehtǒshi cahtǐ, he wû̌htò̌ yǎta Khwǐ.

Htû̌sò̌htò̌ 89:26

“A glè hî̌ he ta, ‘Na mî̌ hepha, hecǒmaradû̌, lo̤dû̌ htě a ma̤lû̌htò̌ge he.’

Lǔka 4:18

“Běcǎ ta̤adû̌ sǎcahtǐ ǒ dě hekû, ma̤tè̤hî̌dě a wû̌lǎ he ta he glè pwe̤ǐ bǎ kòyò shèwèphû̌ toǒ ta ta̤sò̌le̤sò̌lò̤ awi̤akè̌ htǒonu hǒ. Kòyò htě kò pṳ̂ dǒlò̤te̤ yǎ apo̤kû toǒ bǎ nî̤bǎ ta̤ma̤lû̌htò̌ge aya, kòyò htě a mi̤sǎkhǐ toǒ bǎ mi̤sǎlî gesǒ aya, ta kòyò htě kò ma̤jîma̤jû nû̌û toǒ bǎ nî̤bǎ ta̤ma̤lû̌htò̌ge ayanu, a nohè he dě he glè pwe̤ǐbǎ asî hǒ.

Jowǎ̤ni̤ 1:41

A cû̌ kè̌lǎ wǐgutṳ̌ awè̤ Shîmǒ̤nè̤ dě a pwe̤ǐ nû̌û, “Pa kè̌shǐ Mè̤shǐa hǒ” (Mè̤shǐa amûasǎ mî̌ Khrî̌stu)

Jowǎ̤ni̤ 10:17

Hepha mo̤ǐ he ma̤tè̤hî̌dě ma̤pûhǐ he htûpwa̤ gesǒnu, he ǐlò̤kè he ta̤htûpwa̤.

Jowǎ̤ni̤ 20:17

Dě Běcǎ Ye̤shǔ hî̌ yǎ, “Tǒ bǎ pûma̤ he ma̤, ma̤tè̤hî̌dě he ge dě hepha ǒ hǒtò̤. Cû̌ dě he pṳwè̤nu toǒ a ǒ dě cû̌hî̌ asî, ‘He gekihtò̌ dě hepha ǒ mî̌ amè̤mè̤, asî pha mî̌ amè̤mè̤, he Cǒmara mî̌ amè̤mè̤, asî Cǒmara mî̌ amè̤mè̤ htǒotapwa̤ a ǒpě’” a hî̌ nû̌û hǐnu.

Jowǎ̤ni̤ 3:34

Kòyò htě Cǒmara nolò̤ yǎ tapwa̤nu, Cǒmara ǐ lǒbe a Běcǎ sǎcahtǐ akhû̌akhî, a hî̌bǎpwǎ Cǒmara ale̤ayo̤ toǒ pwǎ.

Pwa̤nophû̌ 10:38

Htodě Cǒmara wû̌lǎ Nǎ̤sèrèwî̤phû̌ Ye̤shǔ dě a ǐ nû̌û Běcǎ sǎcahtǐ ta a ta̤po̤ta̤phǎ hî̌tènu, sî sî̌yahtotû̌ hǒ. Ye̤shǔ cû̌shido gûla̤ pṳ̂̌꤮ tò̤glò dě cû̌ ma̤bwǐma̤sîrî bǎ kò, ma̤bǎge kòyò ǒ ta khînǎmo̤pha hǐkǒdû̌ ma̤nûma̤cě nû̌û toǒ, ma̤tè̤hî̌dě Cǒmara ǒkû̌ta a akhû̌akhî, a ma̤ta̤ hǐnu hǒ.

Pwa̤nophû̌ 4:26

Hǎkhû̌ Khwǐcophǎ toǒ ma̤wǒnǎ lǒkho ana̤ dě a glè shě Cǒmara ta Khwǐ htě Cǒmara wû̌lǎ yǎta a bǎ ma̤lû̌htò̌ge kòyòhǎkhû̌phû̌ htǒotapwa̤. Hǐnudě pwa̤pǒta̤ toǒ ǒhtuhî̌bǎplǒ nû̌û dě a glè shěplǒ ta hǎkhû̌ akhwǐcophǎ toǒ.’

Pwa̤nophû̌ 4:27

Khònò̤dě wî̤kû htǒonu a htûhtò̌ ana̤ hǐnu hǒ! Ma̤tè̤hî̌dě Khwǐherǒ ta Khwǐpontius Pilǎto ǒplǒhî̌bǎshǔ ta Yṳ̌daphû̌ mè̤tò̤ toǒ ta Yṳ̌daphû̌ toǒ bǎ wî̤kûnu. Dě a gènè̤ ma̤si plǒnû̌û Ye̤shǔ, htě a mî̌ na pwa̤ma̤ta̤ cahtǐ dě na nohtû yǎta Khrî̌stu htǒonu tapwa̤.

Rṳ̂̌me̤ 12:9

Mo̤khěmo̤khǒ pûma̤ kò ma̤ nî̌꤮. Wi̤jakè ta̤phû̌mò̤shî̌hto nî̌꤮. Phǒměwǒ lǒkho ta̤wǒ nî̌꤮.

Rṳ̂̌me̤ 15:13

Bǎ sî yṳǎ Cǒmara htě a ma̤jè sî htǒo akhanu, a mî̌ Cǒmara tapwa̤ htě pa la̤kè̌shuǐ a kòshî̌kòtṳ akhû̌akhî, a ma̤lǒbe tû̌bǎ sî ta̤sò̌le̤sò̌lò̤ ta sî sò̌phlǒ a ta̤gûjûkabǎ nî̌꤮. Htohǒtò̤ ma̤pûhǐ sî ta̤kè̌shuǐ shû̌htò̌shohtò̌ sělě kû̌po̤ dě alo̤mo̤ ta Běcǎ sǎcahtǐ a ta̤po̤ta̤phǎ akhû̌akhî pwǎnu he kwisaba bǎ sîya.

Kôritu awǐlǒ tôbǎ 1:9

Cǒmara htǒotapwa̤ mî̌ la̤yṳǎna̤ǎ mè̤mè̤̌. A mî̌ pwa̤ htě a kaǎ sî dě a sò̌yṳ nobǒsû̌khǎkho sî ta aphû̌khû mî̌ pa Běcǎ Ye̤shǔkhrî̌stu htǒotapwa̤nu hǒ.

Kôritu ginǐ̤bǎ tôbǎ 11:31

Běcǎ Ye̤shǔkhrî̌stu apha Cǒmara htǒo a sî̌ya ta he hî̌bǎ lòho mè̤tò̤. Kò htû̌sò̌ǐ tû̌ta ami̤ tûjûpwa̤ talakhǎ nî̌꤮.

Galatǐ 5:22

Pwatadě Běcǎ sǎcahtǐ numî̌ a bè̌ǒhtò̌ ta̤mo̤ǐ, ta̤sò̌le̤sò̌lò̤, ta̤pè̤ta̤dû, ta̤khòsò̌do, ta̤sò̌yṳgwèbǎǐ, ta̤wî̤ta̤wǒ, ta̤jûle̤phî̌yo̤,

Ěphěsu 1:3

Pa htû̌sò̌ǐ plǒnû̌û pa Běcǎ Ye̤shǔkhrî̌stu apha Cǒmara htǒotapwa̤ hò̌꤮. A ǐlò̤ pa ta̤howi̤ pṳ̂̌꤮ tacǎ htě a ǒ mǒkhû̌ hèhtǒo, dě a ma̤jè pa sû̌sò̌ tokho ata̤lo̤bǎnu toǒ pě. Bǎ pa htǒotoǒ ta Khrî̌stu htûhtò̌ nû̌û tacǎ꤮ pa akhanu, a ǐlò̤bò panu toǒ hǒ.

Phǐlǐpǐ 2:9

Hǐnudě Cǒmara bè̌dû̌bè̌htû nû̌û a bè̌htò̌yî̤khlo nû̌û ta kò agûla̤ dě a ǐ nû̌û mi̤ htě adû̌khlo ta kòmi̤ pṳ̂̌꤮ tapwa̤nu.

Hebrǔ 2:11

Ye̤shǔ ma̤ mṳ̂plîge kòyòhǎkhû̌phû̌ a ta̤ma̤sǔ toǒ. Kòyòhǎkhû̌phû̌ htě Ye̤shǔ ma̤ mṳ̂plîge asîta̤sǔnu toǒ ta Ye̤shǔ htǒonumî̌, apha jûnû̌û tapwǎ̤pa pwǎ akhû̌akhî, Ye̤shǔ kaǎ asî ta pṳwè̤nu a sòwò̤ tò̤.

Hebrǔ 2:9

Pwǎ̤tadě, ta̤wi̤ta̤kè̌ htě pa sî̌ya mè̤mè̤̌ numî̌ Ye̤shǔ htǒonuhǒ. Bǎ a hèlò̤ hǎkhû̌bǎo akhanu, a nî̤bǎ ta̤sîrîshû̌sho htě ajakhlo ta mǒkhû̌tanaphû̌ toǒ tîkî̌phû̌, ma̤tè̤hî̌dě, Cǒmara abwǐasîrî akhû̌akhî, Ye̤shǔ bǎ khòsi bǎ pa lǒ̤꤮ bò aya. Dě Ye̤shǔ khòsi akhû̌akhî, khònò̤htǒo pa sî̌ya ta Cǒmara ǐ ta̤sîrîdû̌sîrîhtû, ta̤bè̌dû̌bè̌htû kò ta Ye̤shǔ hǒ.

Hebrǔ 7:26

Hǐnudě, Ye̤shǔ mî̌ pwa̤lṳhtò̌ta̤ hǐkǒdû̌gutṳ̌ tapwa̤ htě a ma̤lǒbebò bǎ pa ta̤lo̤bǎ toǒ. A mî̌ acahtǐ, ata̤sǔ ǒtò̤, asò̌phlǒ mṳ̂plî. Cǒmara bè̌ǒkhǒtephe nû̌ûta ta̤ma̤sǔphû̌ toǒ, dě a ǐǒ nû̌û gûla̤ htò̌yî̤gutṳ̌ tò̤glò hǒ.

Petru awǐlǒ tabǎ 1:3

Pa hî̌bwǐhî̌sîrîhtò̌ plǒnû̌û pa Běcǎ Ye̤shǔkhrî̌stu apha Cǒmara hò̌꤮. Mî̌ htě a ta̤gwèbǎǐ tûlû̌shû̌ pa htǒo, ta Ye̤shǔkhrî̌stu ata̤si htûpwa̤ge akhû̌akhî, a ǐlò̤ pa ta̤htûpwa̤ asa hǒ. Dě htǒo akhû̌akhî, pa nî̤bǎ hènè pa ta̤kè̌shuǐ dě pa ta̤ǒhtûpwa̤ akû hǒ.

Yṳ̂ha awǐlǒ tôbǎ 1:3

Ma̤pûhǐ sî bǒsû̌khǎkho kû̌dǒ ta pa ayanu, pa pwe̤ǐ bǎ sî ta̤ htě pa kè̌shǐhto dě pa gana̤debǎhtonu toǒ hǒ. Pa bǒsû̌khǎkho kè̌khînû̌û htǒonumî̌, pa bǒsû̌ pana̤ ta pha Cǒmara ta aphû̌khû Ye̤shǔkhrî̌stu.

Ta̤dǔlè̌nǎ 2:15

Hǐnuakho, dě sîklanu kòyò htě a gûma̤kû̌ Nikò̌laphû̌ a ta̤sû̌ǐtòwòǐnu aǒ toǒǒ.