Hebrǔ 1:3 - Kawyaw RC

³ Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Kawyaw New Testament

³ Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 1:3 Iomraidhean Croise

Htû̌sò̌htò̌ 110:1

Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.”

Htû̌sò̌htò̌ 75:3

“Bǎ hǎkhû̌ guyṳ akhanu bǎbǎ, kòyò ta ta̤phû̌ta̤li̤ ǒ dě alo̤ htǒo pṳ̂̌꤮ tacǎ gònò̤gèglèbò bǎbǎ, he ma̤tònò měwǒ tû̌ akòshî̌ pě.

Matěo 22:24

Dě asî gwè Běcǎ Ye̤shǔ, “Saradû̌, Mǒ̤jè hî̌ pa ta makhû tapwa̤pwa̤ dè si dě aphû̌ dè ǒkè dǐpwǎ̤꤮ tò̤ hî̌nu, ma̤pûhǐ akhlialè ǒkè kû̌kò nudě, a pṳmakhû bǎ phî̌sǒ akhi ǒkèhtǒo, a hî̌ hǐnu.

Mǎ̤riko 16:19

Běcǎ Ye̤shǔ hî̌bǎhto ta akhophijaû̌ toǒ dě Cǒmara kaǎ kihtò̌kè nû̌û mǒkhû̌ dě a hǎnòò̌ Cǒmara acǔdemû tokho.

Jowǎ̤ni̤ 1:14

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Jowǎ̤ni̤ 1:29

Děnǒkò ti̤ni̤nu, Jowǎ̤ni̤ kè̌shǐ Ye̤shǔ hè a ǒ dě a hî̌, “Kè̌mò̌, Cǒmara asophû̌ htě a wîkè kòyòhǎkhû̌phû̌ a ta̤sǔta̤plě toǒ htǒonu tapwa̤.

Jowǎ̤ni̤ 1:4

A mî̌ ta̤htûpwa̤ a kòshî̌kòtṳ dě ta̤htûpwa̤ htǒonu a ǐ kò ta̤lî pṳ̂̌꤮ tapwa̤ aya.

Pwa̤nophû̌ 2:33

Cǒmara bè̌dû̌bè̌htû Ye̤shǔ dě a bè̌ nû̌û acǔdemû tokho. Pwǐ apha Cǒmara olò̤hto ta a glè ǐ nû̌û Běcǎ sǎcahtǐ pěnu a ǐ nû̌û hǒ. Dě Ye̤shǔ lò̌lò̤ ta̤htě na kè̌shǐ gana̤de khònò̤htǒonu toǒ hǒ.

Pwa̤nophû̌ 7:56

Dě Stephen hî̌ asî, “Kè̌ lǒkho꤮! He kè̌shǐ mǒkhû̌ ǒmohtò̌ dě kòyòphû̌khû ihtǒ ǒ Cǒmara acǔdemûnu tokho.”

Rṳ̂̌me̤ 1:16

Ta̤sò̌le̤sò̌lò̤ awi̤akè̌ htǒo akhû̌akhî, he sòwò̤tò̤, ma̤tè̤hî̌dě, kòyò lǒ̤꤮ bò htě a yṳǎ ta̤sò̌le̤sò̌lò̤ awi̤akè̌ htǒotoǒnu, Cǒmara ma̤lû̌htò̌gebò asî ta a ta̤po̤ta̤phǎ hǒ. A ma̤lû̌htò̌ge wǐgutṳ̌ Yṳ̌daphû̌ toǒ, htodě a ma̤lû̌htò̌gepo̤ Yṳ̌daphû̌ mè̤tò̤ toǒ.

Rṳ̂̌me̤ 8:34

Hǐnudě, mî̌ûpè glè cèrò asî pè? Ta̤pwǎ̤꤮ mî̌ kò cèròjò asî tò̤. Ma̤tè̤hî̌dě, Ye̤shǔkhrî̌stu mî̌ pwa̤ htě a si ta pa ta̤sǔ aya tapwa̤, htohǒtò̤ Cǒmara ma̤htûpwa̤gesǒ nû̌û ta ta̤si tapwa̤. Dě Cǒmara ǐ nû̌û gûla̤ acǔdemû tokho. Ma̤pûhǐ Cǒmara ma̤jè panu Ye̤shǔ nṳkwigwèbǎǐ bǎ pa gûla̤ hǒ.

Kôritu ginǐ̤bǎ tôbǎ 4:4

Khînǎmo̤pha hǐkǒdû̌ htě a pǒǐ hǎkhû̌ htǒotadonu, a ma̤khǐ ma̤te̤pe̤kè asî mi̤sǎ akhû̌akhî, asî kè̌shǐ kû̌kò ta̤sò̌le̤sò̌lò̤ awi̤akè̌ ta ata̤lî htǒonu tò̤. Ma̤pûhǐ kòyòhǎkhû̌phû̌ toǒ sî̌yaphlo pû Khrî̌stu a ta̤sò̌le̤sò̌lò̤ awi̤akè̌ htě a pwe̤ǐlṳ bǎ kò ta Khrî̌stu a ta̤sîrîdû̌sîrîhtû awi̤akè̌ htǒo tò̤nu, a ma̤te̤pe̤ ǒò̌kè asî hǐnu hǒ. Pwa̤ htě a dǔlṳ te̤mǎ pa ta Cǒmara mî̌ Khrî̌stu hǒ.

Kòlòtè̌ 3:1

Pwǐ Cǒmara ma̤htûpwa̤ge Khrî̌stu ta ta̤sinu, Cǒmara ma̤ htûpwa̤gesǒ sî ta ta̤si dě a ǐ sî ta̤htûpwa̤ asa htǒonu ta Khrî̌stu hǒ. Hǐnudě sî sò̌phlǒ a ta̤sò̌yṳ lǒ̤꤮ bò toǒnu, bè̌ǒ lǒkho yǎdě mǒkhû̌ bǎ Khrî̌stu la̤hǎnòò̌ ǐ agûla̤ Cǒmara acǔdemûnu tokho nî̌꤮.

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Hebrǔ 1:13

“Hǎnòò̌ dě he cǔdemû htǒotokho, hǎnòò̌ to̤htû̌ he nopǒǐ na ta pwa̤ htě a sò̌khě na htǒotoǒ hè sabahtò̌ to̤ na dě na khò̌lopo̤ kòshî̌ pě,” Cǒmara hî̌nǒ amǒkhû̌tanaphû̌ toǒ pwǐhè̌onu dǐmû̌꤮ tò̤.

Hebrǔ 10:12

Pwǎ̤tadě Khrî̌stu lṳhtò̌ bǎ pa ta̤sǔ aya htǒotoǒnu, a lṳhtò̌ taplǎpa dě a htophlǔ tûjûpwa̤ hǒ. Dě a ge hǎnòò̌ Cǒmara acǔdemû tokho hǒ.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 7:27

A mî̌ alò̤ta pwa̤lṳhtò̌ta̤ hǐkǒdû̌gutṳ̌ ahǔwa̤nu toǒ mè̤tò̤. pṳ̂̌ti̤ni̤꤮ a lo̤bǎ lṳhtò̌wǐgutṳ̌ tû̌ ata̤sǔ toǒ htodě a lṳhtò̌nǒ bǎ kòyò ahǔwa̤ toǒ ata̤sǔ toǒ hǐnu mè̤tò̤. Bǎ a lṳhtò̌ ana̤ dě nò̌dòhtǔlo̤ akhanu, a lṳhtò̌ pwǎ taplǎpa dě a htophlǔ tûjûpwa̤ hǒ.

Hebrǔ 8:1

Khònò̤htǒo, ta̤ htě a lo̤bǎdû̌shǐ tacǎ dě he sò̌yṳ nosî̌yaphlo sî numî̌ pa pwa̤lṳhtò̌ hǐkǒdû̌gutṳ̌ htǒotapwa̤ hǒ. A mî̌ Ye̤shǔ hǒ. Khònò̤htǒo a hǎnòò̌ mǒkhû̌ dě a hǎnòò̌ bǎ Cǒmara alîarakha, apo̤aphǎ htǒotapwa̤ la̤hǎnòò̌ acǔdemûnu tokho hǒ.

Hebrǔ 9:16

Hî̌kû̌nǎ lî̤ tabǎ htě kòyò tapwa̤pwa̤ dè khwè̌nǎ ta kòyò htǒotapwa̤ glè bè̌nṳ kòyòsinu tapwa̤ a û̌cata̤ya hî̌numî̌, ma̤pûhǐ a nî̤bǎ û̌cata̤ya htǒonu, a bǎ dǔlṳ nû̌ûta kòyò khwè̌ lî̤htǒo tapwa̤ mî̌ a bǎ sihtohǒ, hǐnu.

Hebrǔ 9:26

Khrî̌stu dè lo̤bǎ sala̤la̤ hǐnu hî̌mò̌nu, a tobǎ khòsi sala̤la̤dǒ asò̌ dě hǎkhû̌ htûhtò̌ akhape kò̌. A lo̤bǎ khòsi hǐnutò̤. Khònò̤htǒo bǎ hǎkhû̌ glè phǔ gutṳ akhanu, a hè khòsipwǎ taplǎpa dě a htophlǔ hǒ. Dě a lṳhtò̌ǐ ana̤klû ta ana̤htǒo akhû̌akhî, a phî̌cû̌ tephekè kòyòhǎkhû̌phû̌ toǒ ata̤sǔ toǒ hǒ.

Petru awǐlǒ tabǎ 1:21

Khrî̌stu akhû̌akhî, sî yṳǎna̤ǎ Cǒmara htě a ma̤htûpwa̤ gesǒ Khrî̌stu ta ta̤si dě a bè̌dû̌bè̌htû nû̌û htǒotapwa̤ hǒ. Hǐnudě sî ta̤yṳ ta sî ta̤kè̌shuǐ htǒonu, a ǒ dě Cǒmara alo̤hǒ.

Petru awǐlǒ tabǎ 3:22

Ye̤shǔkhrî̌stu gekihtò̌ mǒkhû̌ dě a gehǎnòò̌ Cǒmara acǔdemû tokho hǒ, dě a pǒǐbò tanaphû̌ toǒ ta ta̤sîrîshû̌sho toǒ, ta ta̤po̤ta̤phǎ toǒ hǒ.

Petru ginǐ̤bǎ tabǎ 1:16

Bǎ pa ǐsî̌ya bǎ sî ta pa Běcǎ Ye̤shǔkhrî̌stu a ta̤po̤ta̤phǎ ta ata̤hè awi̤akè̌ htǒo akhanu, ta̤dǒnè htě amè̤tò̤ pwǎ̤tadě kòyò sî̌jò lòho toǒ dǒbǎ sî toǒnu, pa gûdǒ kû̌kò tò̤. Pa kè̌shǐ a ta̤lîta̤rakha adû̌ayǒ toǒ ta pami̤sǎ tû̌.

Petru ginǐ̤bǎ tabǎ 1:17

Bǎ pha Cǒmara ǐlò̤ a ta̤bè̌dubè̌na̤ ta a ta̤sîrîdû̌sîrîhtû dě Ye̤shǔlo̤ akhanu, pa ǒdǒ bǎnu. Cǒmara htě apo̤aphǎ adû̌ayǒkhlo ta ta̤lǒ̤꤮ bò htǒotapwa̤nu, a hî̌, “Htǒomî̌ hephû̌khû htě he mo̤ǐyǎ dě ato he sò̌phlǒ tapwa̤.”

Yṳ̂ha awǐlǒ tôbǎ 1:7

Pwǎ̤ta pa dè ǒhtûpwa̤ ta̤lî akû pwǐ Cǒmara ǒ dě ta̤lî akû hî̌numî̌, pa ǒ ta ta̤bǒsû̌khǎkho kè̌khînû̌û tapwa̤ ta tapwa̤, htodě Cǒmara aphû̌khû Ye̤shǔkhrî̌stu asǐnu, a glè shǔbòkèbò pa ta̤sǔta̤plě toǒ hǒ.

Yṳ̂ha awǐlǒ tôbǎ 3:5

Pwǎ̤ta ma̤pûhǐ Khrî̌stu phî̌cû̌kè pa ta̤sǔta̤plě toǒ ayanu, a hèlò̤hto dě hǎkhû̌bǎo numî̌ sî sî̌yahto tû̌ hǒ. Htohǒtò̤ sî sî̌ya ta Ye̤shǔkhrî̌stu htǒonumî̌ a ta̤sǔta̤plě ǒkû̌kò dǐcǎ tò̤.

Yṳ̌da 1:25

Cǒmara mî̌ asîrîdû̌sîrîhtû. Cǒmara mî̌ a ǒpwǎ a tapwǎ̤ pa. Pwa̤ htě a ma̤lû̌htò̌ge pa mî̌ a tapwǎ̤pa. Ye̤shǔkhrî̌stu akhû̌akhî, ta̤sîrîdû̌sîrîhtû, ta̤dû̌ta̤yǒ awî̤awǒ, ta̤po̤ta̤phǎ ta ta̤sîrîshû̌sho htǒotoǒnu, a ǒplǒ ta Cǒmara tèhtò̌ ta̤tacǎ htûhtò̌ hǒtò̤ akha, tǒ̤lò̤khònò̤, tǒ̤hè tûjûpwa̤ nî̌, Amè̤.

Ta̤dǔlè̌nǎ 3:21

“He ma̤pè̤hto dě he hǎnòò̌ dǒkû̌ ta hepha dě gògohtahtò̌yî̤ akhû̌ hǒ. Hǐnudě kòyò htě a ma̤pè̤ta̤ toǒnu, he nohǎnòò̌ kû̌dǒ asî ta he dě he gògohtahtò̌yî̤ akhû̌ pě.

Ta̤dǔlè̌nǎ 4:11

“Kǒ꤮ pa Běcǎ Cǒmara, na gwa nî̤bǎ ta̤sîrîdû̌sîrîhtû, ta̤bè̌dubè̌na̤ ta ta̤po̤ta̤phǎ hǒ, ma̤tè̤hî̌dě na bǒlò̤ ta̤ lǒ̤꤮ bò dě na bǒlò̤ asî dě na bè̌ ǒhtûpwa̤ asî jǔ꤮ tû̌ na sò̌phlǒ.”