Hebrǔ 1:2 - Kawyaw RC

² Pwǎ̤ta mṳni̤gutṳ̌lò̤ htǒotoǒnu, a hî̌bǎlò̤ tṳtṳ pa ta a phû̌makhû hǒ. Cǒmara nobǒlò̤ tṳtṳ aphû̌khû ta hǎkhû̌ mǒkhû̌ ta ta̤lǒ̤꤮ bò. Dě gutṳ̌lò̤ pěnu, ta̤htǒotoǒ lǒ̤꤮ bò ma̤pûhǐ a htûbò nû̌ûta pěnu dě Cǒmara wû̌lǎ yǎ hǒ.

Kawyaw New Testament

² Bǎbǎkǎlè lṳmṳ̌ni̤ gutṳ̌kò tokhlǒnu, a hî̌bǎlò̤ tutṳ̌ kû̌ a phû̌pwa̤khû. Cǒmara nobô̌lò̤ tutṳ̌ aphû̌khû kû̌ hǎkhû̌ mǒkhû̌ kû̌ ta̤lǒ̤꤮ bò. Dǒ gutṳ̌kò pěnu, lǒ̤꤮ bò ta̤nutokhlǒ pô̤̌khô a gǔ htûbò ata pě nudě Cǒmara rû̌htò̌ yǎ hǒ.

Hebrǔ 1:2 Iomraidhean Croise

Mǒhtûlû̌hǎhtûsa 49:1

Yǎ̤kò kaǎhè aphû̌toǒ dě a hî̌, “Hèǒ te̤we̤ lǒkho ta he bǎo, htû̌꤮ nǒkòpě ta̤ glè̌ htûhtò̌ ta sî hî̌tè pěnu he pwe̤ǐ bǎ sî,

Matěo 13:39

Pwa̤sò̌khěkhû̌khwè htě a hè wi̤lò̤ mi̤to̤po̤khlinu toǒ amûasǎ mî̌ khînǎmo̤pha hǐkǒdû̌ hǒ. Kǎbǔkû̌lǎ akhîakha amûasǎ mî̌ htû̌꤮ mṳni̤gutṳpěnu hǒ. Pwa̤kǎ bǔkû̌lǎ mî̌ tanaphû̌nu toǒ hǒ.

Matěo 17:5

Bǎ a hî̌bǎpe akhanu, poǒlṳ shěrakha tebě lò̤jobǐkè asî dě yo̤pwe̤htò̌ tûmû dě poǒlṳ akû, “Htǒomî̌ hephû̌khû htě he mo̤ǐ yǎ dě he sò̌phlǒǒ yǎ tapwa̤, gana̤de lǒkho ayo̤ nî̌꤮.”

Matěo 21:38

Pò̤̌ta bǎ pwa̤khò̌ǎ hǔkla htǒotoǒ kè̌shǐ nû̌û akhanu, asî hî̌ kè̌khînû̌û, a mî̌ pwa̤ htě a nî̤bǎ û̌cata̤bî̌nu tapwa̤ hǒ, cû̌! cû̌ma̤sikè yǎ hò꤮, dě pa phî̌ a û̌cata̤bî̌ pě hò꤮, a hî̌ lǒkho hǐnu.

Matěo 26:63

Pwǎ̤tadě a dò̌tûklû̌ pwǎ. Pwa̤tòlûhtò̌ hǐkǒdû̌gutṳ̌nu tapwa̤ hî̌, “He bè heyo̤ ta Cǒmara htě a htûpwa̤ htǒotapwa̤ dě he glè gwè na, na mî̌ Mè̤shǐa htě Cǒmara aphû̌khûnu tapwa̤ mè̤mè̤̌nu hî̌bǎkè̌ pa.”

Matěo 28:18

Dě Běcǎ Ye̤shǔ hè asî ǒ dě a hî̌ asî, “Ta̤shû̌ta̤sho mǒkhû̌ bǎbǎ, hǎkhû̌bǎonu bǎbǎ, kò ǐbò nû̌ûta he hǒ.

Matěo 3:17

Htodě yo̤pwe̤htò̌ mǒkhû̌nu tûmû dě a hî̌, “Htǒotapwa̤ mî̌ hephû̌khû htě he mo̤ǐyǎ dě a ma̤mo̤ he sò̌phlǒ tapwa̤.”

Mǎ̤riko 1:1

Htǒomî̌ ta̤sò̌le̤sò̌lò̤ awi̤akè̌ akòshî̌ htě a pwe̤ǐlṳ bǎ Cǒmara aphû̌ Ye̤shǔkhrî̌stu awi̤akè̌.

Mǎ̤riko 12:6

Sobîphǎběcǎ la̤nohèpo̤ kònu a ǒkè pepwǎpǒ̤ aphû̌makhû htě a mo̤ǐ nû̌û htǒotapwa̤ pwǎ. Agutṳ̌lò̤ dě a gènè̤, he nohè he phû̌makhû mî̌ a bè̌dubè̌na̤ khlopě kǎlè, a gènè̤ dě a nohè nû̌û pwa̤khò̌ǎ htǒotoǒ a ǒ.

Mǎ̤riko 12:7

“Pò̤̌ta pwa̤khò̌ǎ htǒotoǒnu a pwe̤ǐ nû̌û tapwa̤ ta tapwa̤ dě a hî̌ lǒkho, ‘Kòyò htǒotapwa̤ mî̌ sobîphǎběcǎ aphû̌khû htě a glè̌ nî̤bǎ û̌cata̤bî̌nu tapwa̤ hǒ. Cû̌! cû̌ma̤sikè yǎ hò̌꤮! A û̌cata̤bî̌ toǒnu a htûbò pata pě.’

Jowǎ̤ni̤ 1:10

A hè ǒhtûpwa̤ dě hǎkhû̌bǎo hǒ. Dě a bǒlò̤ hǎkhû̌htǒo pwǎ̤tadě a mî̌ kòyò hî̌tè tapwa̤nu hǎkhû̌phû̌ sî̌yaphlo yǎ tò̤.

Jowǎ̤ni̤ 1:14

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Jowǎ̤ni̤ 1:3

Cǒmara nobǒlò̤ tṳtṳ nû̌û ta̤pṳ̂̌tacǎ. Ta̤htě a bǒlò̤ tò̤nu a ǒ dǐcǎ꤮ tò̤.

Jowǎ̤ni̤ 13:3

Běcǎ Ye̤shǔ sî̌yatû̌ ta apha ǐlò̤htobò nû̌û ta̤po̤ta̤phǎ shû̌sho ta ta̤lǒ̤꤮ bò akhû̌ hǒ. A sî̌ya ta a ǒ Cǒmara ǒhè dě a getîkhîsǒ dě Cǒmara a ǒ pě.

Jowǎ̤ni̤ 13:32

Cǒmara dè nî̤bǎ tṳtṳ a ta̤sîrîdû̌sîrîhtû dě a phû̌ ǒ dèhî̌dě Cǒmara ǐ aphû̌khûhtǒo asîrîdû̌sîrîhtû ta ana̤nu pě. A glè ǐ nû̌û ta̤sîrîdû̌sîrîhtû khònò̤.

Jowǎ̤ni̤ 15:15

He kaǎpe sî ta jûphû̌ tò̤ hǒ, ma̤tè̤hî̌dě jûphû̌ hî̌numî̌ a sî̌ya kû̌ aběcǎ ata̤ma̤ awi̤akè̌ tò̤. He glè kaǎkhǒ sî ta sî mî̌ he khobǒsû̌ toǒ hǒ, ma̤tè̤hî̌dě he gana̤debò ta̤ dě hepha a ǒ toǒnu, he pwe̤ǐlṳbò bǎ sî hǒ.

Jowǎ̤ni̤ 16:15

Ta̤ lǒ̤꤮ bò htě a ǒ ta pha toǒ numî̌ hetabò hǒ. Htodě he hî̌ bǎ sî ta Běcǎ sǎcahtǐ glè hè pwe̤ǐlṳbò bǎ sî ta a gana̤de ta̤ dě heǒnu toǒ pě, hǐnu.”

Jowǎ̤ni̤ 17:2

Ma̤tè̤hî̌dě ma̤pûhǐ kòyò lǒ̤꤮ bò htě na ǐ he toǒ nî̤bǎ yolahtûpwa̤ tûjûpwa̤ ayanu, na ǐhtobò he ta̤sîrîshû̌sho dě he glè pǒǐbò kòyò htǒotoǒ hǒ.

Jowǎ̤ni̤ 3:16

“Cǒmara mo̤ǐ lǒ̤꤮ bò kòyòhǎkhû̌phû̌. Kòyò lǒ̤꤮ bò htě a yṳǎ aphû̌khû toǒnu, ma̤pûhǐ a nî̤bǎ yolahtûpwa̤ tûjûpwa̤ dě a to̤ pûma̤ ta ta̤pî̌ta̤lṳ̂ tò̤nu, a ǐlò̤kè aphû̌khû htǒo tapwa̤nu ta kòyòhǎkhû̌phû̌ toǒ aya.

Jowǎ̤ni̤ 3:25

Bǎnuakha Jowǎ̤ni̤ akhophijaû̌ toǒ ta Yṳ̌daphû̌ tapwa̤ gègo kè̌khînû̌û ta la̤bò̌la̤klo ǒta ta̤ma̤mṳ̂plî hî̌tènu awi̤akè̌.

Jowǎ̤ni̤ 5:26

Pwǐ hepha ǒ ta a ta̤sîrîshû̌sho dě a ǐjò kò ta̤htûpwa̤nu, phahtǒo a ǐ dǒ aphû̌khûhtǒo a ta̤sîrîshû̌sho dě a ǐ kò ta̤htûpwa̤ hǒ.

Jowǎ̤ni̤ 5:27

Dě a mî̌ kòyòphû̌khû akhû̌akhî, Cǒmara ǐlò̤ a ta̤sîrîshû̌sho dě a glè cèrò kò hǒ.

Jowǎ̤ni̤ 9:29

“Cǒmara hî̌bǎ ta Mǒ̤jè dě꤮ wǐkha numî̌ pa sî̌ya. Pwǎ̤tadě kòyò htǒotapwa̤, a ǒ bǎtèhènu pa sî̌yanǒ dǐkhò̌꤮ tò̤.”

Pwa̤nophû̌ 10:36

Sî sî̌yahto tû̌ ta̤wi̤ta̤kè̌ htě Cǒmara nohè bǎ Ye̤shǔ ta Israel akhlialè toǒ aya hǒ. Dě a hè pwe̤ǐlṳ bǎ asî ta ta̤sò̌le̤sò̌lò̤ awi̤akè̌ htǒonu hǒ. Dě Ye̤shǔkhrî̌stu mî̌ a htû kò pṳ̂̌꤮ tapwa̤ a Běcǎ htǒotapwa̤ akhû̌akhî, pa nî̤bǎ ta̤pè̤ta̤dû hǒ.

Pwa̤nophû̌ 2:17

‘Cǒmara hî̌, htǒomî̌ ta̤htě he nohtûhtò̌ yǎ bǎ mṳni̤ gutṳ̌lò̤ pě toǒnu, he lò̌lò̤ he sǎcahtǐ dě kòyòhǎkhû̌phû̌ lǒ̤꤮ bò toǒ alo̤ pě, sî phû̌mǔphû̌khû toǒ pwe̤ǐlṳnǎ he ta̤wi̤ta̤kè̌ toǒ pě, sî makhûphû̌sǎ toǒ kè̌shǐlṳnǎ pě, dě sî mo̤pwa̤ toǒ hǎmoǒmi̤mòlṳ ta̤ toǒ pě.

Rṳ̂̌me̤ 1:4

Běcǎ sǎcahtǐ akhû̌akhî, bǎ Cǒmara ma̤ htûpwa̤gesǒ pa Běcǎ Ye̤shǔkhrî̌stu ta̤si ta a ta̤po̤ta̤phǎ akhanu, a dǔlṳ nû̌û ta a mî̌ Cǒmara aphû̌khû tapwa̤ mè̤mè̤̌ hǒ.

Rṳ̂̌me̤ 8:17

Khònò̤htǒo pa dè htû aphû̌ali̤ dě a ǐ pa a ta̤howi̤ û̌cata̤bî̌ htě a bè̌wǒ bǎ panu toǒ pě. A ǐ ta̤howi̤ ta aphû̌ali̤ toǒ to nî̤bǎnu toǒ pě. Htohǒtò̤ û̌cata̤bî̌ htě a měgle tûjûpwa̤ htǒo pa nî̤bǎpo̤ kû̌ta Khrî̌stu pě. Pa dè khòjîkhòjû plǒhtukû̌ ta Khrî̌stu hî̌dě pa nî̤bǎ plǒhtukû̌ ta̤sîrîdû̌htû ta a pě.

Kôritu awǐlǒ tôbǎ 2:7

He dǒhtû̌ǐ bǎ kò ta Cǒmara a ta̤sî̌ta̤jò htě adû̌ayǒ toǒ. Děwǐkhanu, Cǒmara dǔlṳ bǎ kò ta ta̤sî̌ta̤jò htǒotoǒ hǒtò̤. Dě꤮ Cǒmara bǒlò̤ hǎkhû̌ hǒtò̤ akhapenu, a ta̤yè̤lò̤ǒnǎhto dě a ma̤ bǎ pa ta̤sîrîdû̌sîrîhtû htǒotoǒ hǒ.

Kôritu awǐlǒ tôbǎ 8:6

Pwǎ̤ta pa sî̌ya ta Cǒmara mî̌ a ǒpwǎ tapwǎ̤꤮ pa. A mî̌ papha, a mî̌ a bǒlò̤ ta̤pṳ̂̌꤮ tacǎ dě pa ǒhtûpwa̤ ta aya. Běcǎ mî̌ a ǒpwǎ tapwǎ̤꤮ pa, a mî̌ Ye̤shǔkhrî̌stu hǒ. Cǒmara nobǒlò̤ tṳtṳ ta̤pṳ̂̌꤮ tacǎ ta Ye̤shǔkhrî̌stu. Pwa̤ htě a ǐ pa ta̤htûpwa̤ mî̌ a hǒ.

Galatǐ 4:4

Pwǎ̤ta bǎ khîkhato khîkhabǎ hèto̤hǒ akhanu, Cǒmara nohèlò̤ aphû̌khû dě a hè ǒlò̤ kû̌ta mamǔ tapwa̤ a ǒ, dě a hè ǒlò̤ Yṳ̌da a ta̤sû̌ta̤tòwò ala̤.

Ěphěsu 1:10

Htû̌꤮ khîkha te̤tote̤bǎ pěnu, Cǒmara ma̤lǒma̤behtò̌ a ta̤tîwî̌tòwònǎ htǒotoǒ pě. Ta̤htě a ǒbò dě mǒkhû̌nu toǒ bǎbǎ, a ǒbò dě hǎkhû̌htǒonu toǒ bǎbǎ, a ma̤htuma̤plǒkû̌bò nû̌û dě a hǐkǒdû̌gutṳ̌ Khrî̌stu htǒotapwa̤ ala̤ pě.

Ěphěsu 3:9

Cǒmara glè ma̤lǒbehè a ta̤tîwî̌tòwònǎ ta̤adû̌ayǒ htǒotukǔ hî̌tè pěnu, a ǐlò̤ he ta̤ma̤ dě he bǎ cû̌ pwe̤ǐphlo bǎ kò ta̤htǒonu. Ně htě a tûlû̌hto toǒnu, Cǒmara htě a bǒlò̤ ta̤ lǒ̤꤮ bò htǒotapwa̤nu, a dǔlṳ bǎ kò ta̤htǒo hǒtò̤.

Hebrǔ 1:5

Lî̤cahtǐkû khwè̌nǎ ta Cǒmara hî̌ aphû̌khû pwǐhè̌o, “Na mî̌ hephû̌khû, khò̌ti̤ni̤, he htû napha hǒ,” a hî̌ hǐnu. Pwǎ̤tadě Cǒmara hî̌nǒ mǒkhû̌tanaphû̌ hǐnu dǐpwǎ̤꤮ tò̤. Lî̤cahtǐ khwè̌nǎpe ahǔwa̤ to̤to̤ dě a hî̌, “He htû apha pě, dě a htû hephû̌ pě,” ta̤hî̌bǎ hè̌onu a hî̌nǒ mǒkhû̌tanaphû̌ dǐpwǎ̤ tò̤tò̤.

Hebrǔ 1:8

Pwǎ̤ta, bǎ a hî̌lè̌ aphû̌khû awi̤akè̌ akhanu, “Kǒ꤮ Cǒmara, nashinaganu, a ǒyî̤tû̌ tûjûpwa̤ talakhǎ pě꤮. Na pǒǐtû̌ na kòyò toǒ ta ta̤cǒta̤tè̤ pě꤮.

Hebrǔ 11:3

Ta̤yṳ akhû̌akhî, pa sî̌yapwǎ ta Cǒmara bǒlò̤ mǒla̤ aphwǐaphrû̌ ta ayo̤ pwǎ. Hǐnudě ta̤ htě pa kè̌shǐjò khònò̤kha htǒotoǒ numî̌ a ǒ bǎ ta̤htě pa kè̌shǐjòtò̤ toǒ a ǒ hè pwǎ.

Hebrǔ 2:3

Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Hebrǔ 3:6

Pwǎ̤tadě, Khrî̌stu htǒonumî̌ alò̤ta Mǒ̤jè htě a htû pwa̤ma̤ta̤ dě Cǒmara ahǐkûnu tapwa̤ mè̤tò̤. A mî̌ Cǒmara aphû̌khû tapwa̤. A mî̌ acǒatè̤ ta ata̤ma̤ dě a kè̌ǐkhwè̌ǐ apha Cǒmara ahǐphû̌phòphû̌ toǒ. Pa dè gû khukhuhaha hèsělě Khrî̌stu to̤htû̌ agutṳ htohǒtò̤ ta̤ htě Cǒmara glè ǐ pa htǒonu, pa dè kè̌shuǐ hèsělě to̤htû̌ agutṳ hî̌mò̌nu, pa mî̌ Cǒmara ahǐphû̌phòphû̌ hǒ.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 5:8

Ye̤shǔ htû Cǒmara aphû̌khû tapwa̤ pwǎ̤tadě bǎ a khòbǎ ta̤jîta̤jû akhanu, a phî̌nṳ tṳtṳpe ta̤gana̤de yo̤ dě Cǒmara ǒ.

Hebrǔ 7:28

Pwa̤tòlûhtò̌ta̤ toǒnu, a ta̤sǔta̤plě ǒpwǎ lǒkho pwǎ̤tadě ta̤sû̌ta̤tòwò ǒ akhû̌akhî, kò bǎ bè̌htò̌pwǎ asî. Pò̤̌ta bǎ Cǒmara ǐlò̤hto ta̤sû̌ta̤tòwò htǒo anǒyî̤ hǒnu, a olò̤ kî̌yagepo̤ tûmû dě a bènṳdǒ ayo̤ bǎnu. A bèlò̤ ayo̤ ta a bè̌htò̌ a phû̌makhû dě ata̤sǔ ǒtò̤, a lǒbe htǒotapwa̤ ta a glè htûhtò̌ pwa̤lṳhtò̌ hǐkǒdû̌gutṳ̌ tûjûpwa̤ hǒ.

Hebrǔ 7:3

Malakhǐsèdè̌ apha bǎbǎ, amo̤ bǎbǎ, aphiphu khlilè toǒ bǎbǎ, Kò khwè̌mǎǐ yǎ dǐcǎ꤮ tò̤. A ta̤ǒlò̤ ta ata̤si awi̤akè̌ toǒnu bǎbǎ, kò khwè̌mǎǐ nû̌û tò̤tò̤. a mî̌ alò̤ta Cǒmara aphû̌khû tapwa̤. A htû pwa̤lṳhtò̌ta̤ tûjûpwa̤.

Hebrǔ 9:26

Khrî̌stu dè lo̤bǎ sala̤la̤ hǐnu hî̌mò̌nu, a tobǎ khòsi sala̤la̤dǒ asò̌ dě hǎkhû̌ htûhtò̌ akhape kò̌. A lo̤bǎ khòsi hǐnutò̤. Khònò̤htǒo bǎ hǎkhû̌ glè phǔ gutṳ akhanu, a hè khòsipwǎ taplǎpa dě a htophlǔ hǒ. Dě a lṳhtò̌ǐ ana̤klû ta ana̤htǒo akhû̌akhî, a phî̌cû̌ tephekè kòyòhǎkhû̌phû̌ toǒ ata̤sǔ toǒ hǒ.

Petru awǐlǒ tabǎ 1:20

Bǎ Cǒmara bǒlò̤ hǎkhû̌ hǒtò̤ akhanu, a wû̌lǎnǎhto Khrî̌stu htǒohǒ. Pwǎ̤ta mṳni̤mṳsa gutṳ̌lò̤ mî̌ khònò̤kha htǒotoǒnu, Cǒmara dǔlṳ bǎ sî ta Khrî̌stu hǒ.

Petru ginǐ̤bǎ tabǎ 3:3

Awǐgutṳ̌mî̌, sî tobǎ sî̌yaphlo ta htû̌mṳni̤ gutṳ pěmî̌ kòyò toǒǒ ǒlṳhtò̌ pě dě a pi̤jishǐcǒ luya̤bò pě. Asînu toǒ mî̌ a bǎ gû ma̤còcè̌pwǎ a ta̤sò̌yṳ phû̌mò̤shî̌hto toǒ pě.

Yṳ̌da 1:18

Asî hî̌ bǎ sî ta, “Htû̌꤮ mṳni̤mṳsa gutṳ̌lò̤ pě toǒnu kòyò htě a pi̤jishǐcǒ luya̤ sî toǒ ǒhtò̌ pě. Asî toǒnu mî̌ a gûma̤ còcè̌pwǎ pwǐ a ta̤sò̌yṳsò̌bǎ phû̌mò̤ htě a to ta Cǒmara asò̌phlǒ tò̤ toǒnu.”