Hebrǔ 1:14 - Kawyaw RC

¹⁴ Dèhî̌hǐnudě, mǒkhû̌tanaphû̌ toǒ mî̌ ûpè? Asî mî̌ yolahtûpwa̤ htě a ma̤ bǎ Cǒmara ata̤ma̤ toǒ. Cǒmara noma̤jè asî ta kòyò htě a nî̤bǎ ta̤ma̤lû̌htò̌ge pě toǒ aya pwǎ.

Kawyaw New Testament

¹⁴ Kè̌hî̌pô̤̌nudě, mǒkhû̌ tanaphû̌ tokhlǒ mî̌ mò̌pè? Asî mî̌ yôla htûpwa̤ dǒ a ma̤ bǎ Cǒmara ata̤ma̤ tokhlǒ. Cǒmara noma̤jè̌ bǎ asî kû̌ kòyò dǒ a nǐ̤bǎ ta̤ma̤hǎplǎge pě tokhlǒ aya pwǎ.

Hebrǔ 1:14 Iomraidhean Croise

Mǒhtûlû̌hǎhtûsa 32:24

Hǐnudě Yǎ̤kò ǒkè tû̌꤮ pwǎ dě kòyò tapwa̤ hè ga nû̌û wa̤te̤ dě asî bòtṳglutèplè̌ nû̌û to̤htû̌ lṳmṳlîbû.

Htû̌sò̌htò̌ 104:4

Na nohtûhtò̌ gili̤ pwǐ natanaphû̌nu. Na nohtûhtò̌ mî̌gèrosho pwǐ napwa̤ma̤ta̤phû̌nu.

Htû̌sò̌htò̌ 34:7

Kòyò htě a ǐsha bè̌dubè̌na̤ Cǒmara tûjûpwa̤nu, Cǒmara atanaphû̌ ǒpo̤te̤we̤, ma̤lû̌htò̌ge asî.

Matěo 1:20

A gènè̤ hǐnu pwǎ̤ta, bǎ a hǎmoǒ akha, a hǎmoǒmi̤mò̤ kè̌shǐ Běcǎ Cǒmara a mǒkhû̌tanaphû̌ tapwa̤ hèǒlṳhtò̌ bǎ nû̌û dě a hî̌ nû̌û, “Dǎ̤wi̤ aphû̌khû Jǒjè, bǎgubǎgè pûma̤ ta na bǎ phî̌ Marǐa htǒonu ma̤, ma̤tè̤hî̌dě, a mo̤do htǒonumî̌ Běcǎ sǎcahtǐ nomo̤dohtò̌ pwǎ nû̌û.

Matěo 13:41

Ta̤ lǒ̤꤮ bò htě a sûsǔ kòklè̌ toǒnu, ta kòyò lǒ̤꤮ bò htě pṳ̂̌꤮ plǎplǎ a ma̤ ta̤phû̌mò̤shî̌hto toǒnu, kòyòphû̌khû mî̌ hehtǒo, he nohè he tanaphû̌ toǒ pě dě a hè yò̌htò̌ tephekè asî dě Cǒmara a shila̤gakû htǒonu pě.

Matěo 18:10

“Ma̤pûhǐ sî gènè̤pî̌tî̌ pû phijaû̌pî̌tî̌gutṳ̌ dě kòkla htǒotoǒ tò̤nu, ǒsè̌rè̌ lǒkho sîna̤. Ma̤tè̤hî̌dě he hî̌ sî, asî mǒkhû̌tanaphû̌ htě a ǒpo̤kè̌ǐ nû̌û toǒnu a ǒphǔ ta pha Cǒmara dě mǒkhû̌nu pṳ̂̌꤮ taplǎ.

Matěo 2:13

Bǎ pwa̤sî̌pwa̤jòphû̌ htǒotoǒ gehtonu, Cǒmara amǒkhû̌tanaphû̌ tapwa̤ hèǒlṳhtò̌ bǎ Jǒjè a ta̤hǎmoǒmi̤mò̤ akû dě a hî̌ nû̌û, “Ihtǒmò̌! Kaǎnṳ phijaû̌ ta amo̤ dě hǎhtò̌khlè̌cû̌kè mò̌ Egyptga. He dè pwe̤ǐ na dǐcǎ꤮ hǒtò̤ hî̌dě tûrû̌ ǒtû̌ lǒkho bǎnu nî̌꤮, ma̤tè̤hî̌dě Khwǐherǒ glè̌ noakliphû̌ toǒ ta bǎ kè̌lǎma̤si phijaû̌ htǒotapwa̤.”

Matěo 24:31

Kò ǔ po̤shû̌htò̌ tǔ pě. Dě kòyò htě Běcǎ wû̌lǎhto asî dě a ǒ lǒkho bǎ hǎkhû̌ lǐ̤kholǐ̤ne̤, tèhtò̌ bǎ mǒkòshî̌ to̤htû̌ hǎkhû̌ gutṳ pṳ̂̌꤮ tapwa̤nu, Cǒmara nohèlò̤ tanaphû̌ toǒ pě dě a hèkaǎplǒ dǒbò asî lǒ̤꤮ bò pě.

Matěo 25:34

“Bǎnuakha pěnu, Khwǐ htǒotapwa̤ hî̌ kòyò htě acǔdemû htǒotoǒ pě ta, ‘Hèmò̌ lǒkho, sî mî̌ kòyò htě a nî̤bǎ hepha a ta̤howi̤ toǒ, hènṳ phî̌wǒ lǒkho mǒkhû̌ shila̤gakû dě a mî̌ na û̌cata̤bî̌ htě kò ma̤wǒnǎ bǎ sî dě mǒhtûlû̌hǎhtûsape akhahtǒonu.

Matěo 4:11

Htodě khînǎmo̤pha hǐkǒdû̌ hǎhtò̌cû̌htokè nû̌gûla̤ dě, mǒkhû̌tanaphû̌ toǒ hèkè̌ǐkhwè̌ǐ ma̤jè nû̌û.

Mǎ̤riko 10:17

Bǎ Ye̤shǔ sahtò̌ hǎhtò̌cû̌kè akhanu, kòyò tapwa̤ khlè̌hè nû̌ûǒ dě a hè gene̤lò̤ nû̌û lo̤mo̤ dě a gwè Ye̤shǔ, “Kǒ sarawǒ꤮ ma̤pûhǐ he nî̤bǎ kû̌kò yolahtûpwa̤ tûjûpwa̤ talakhǎnu dě, he tobǎ ma̤kwè̌꤮ mî̌titè?”

Lǔka 1:19

Dě mǒkhû̌tanaphû̌ hî̌shǔ nû̌û, “He mî̌ Gabrělè, he ihtǒ Cǒmara a lo̤mo̤ dě a nohèlò̤ he ta he glè hè pwe̤ǐbǎ na ta ta̤sò̌le̤sò̌lò̤ awi̤akè̌ htǒotukǔnu pwǎ.

Lǔka 1:23

Dě bǎ a ta̤phî̌ta̤ma̤ ta̤lṳhtò̌hokû htohǒ akhanu, Sakharǐa ge dě ahǐ.

Lǔka 16:22

“Bǎ kòyò shuphǔshèwèphû̌ htǒotapwa̤ si akhanu, mǒkhû̌tanaphû̌ toǒ johtò̌ yǎ dě Abraham kòshî̌. Kòyò dû̌yò̤htò̌sa htǒotapwa̤nu, a silè̌ dě kò cû̌lǔkè nû̌û.

Lǔka 2:13

Bǎnuakha mǒkhû̌tanaphû̌ akliphû̌ tṳ̂prṳ̂ hèǒlṳhtò̌ sumṳ dǒkû̌ ta mǒkhû̌tanaphû̌ htǒotapwa̤ dě asî sò̌po̤htû̌sò̌ǐ Cǒmara dě a sò̌po̤ lǒkho ta,

Lǔka 2:9

Bǎnuakha Běcǎ a mǒkhû̌tanaphû̌ tapwa̤ hè ǒlṳhtò̌ bǎ asî, dě Běcǎ Cǒmara a ta̤lîta̤rakha toǒ lî te̤we̤bò asî dě asî ǐsha sò̌gònò̤shû̌bò kè.

Pwa̤nophû̌ 11:22

Ta̤wi̤ta̤kè̌ htǒo lṳcû̌to̤ dě Ye̤rǔshèlèwî̤ pwa̤yṳǎta̤ aprṳ̂aho a ǒ akhû̌akhî, asî sûcû̌ Banabǎ dě Atiǒwî̤.

Pwa̤nophû̌ 12:23

Taplǎpa, Běcǎ a mǒkhû̌tanaphû̌ tapwa̤ ma̤shǐma̤sha Khwǐherǒ, ma̤tè̤hî̌dě a to htû̌sò̌ǐ Cǒmara hǐnudě a cû̌ nohtû̌sò̌ǐ ana̤ ta kòyòhǎkhû̌phû̌. Dě ye̤ ěsikè nû̌û.

Pwa̤nophû̌ 12:7

Běcǎ a mǒkhû̌tanaphû̌ tapwa̤ hè ihtǒ ǒlṳsumṳ bǎnu dě a lîhtò̌bò bǎ Petru ǒ ǐ a po̤kûnu. Mǒkhû̌tanaphû̌ pla̤ Petru kòbòkhû̌ a htû̌wè̤ihtǒ nû̌û dě a hî̌ nû̌û, “Ihtǒphwèmò̌” taplǎpa sǒpli̤te̤htò̌ ǒ Petru acǔde ginǐ̤khobò akû htǒonu a plû̌htò̌ lòte̤kèbò tû̌ ana̤.

Pwa̤nophû̌ 13:2

Bǎ asî subusabahtò̌ Běcǎ dě dǔǎ shǎǎshǎo akhanu, Běcǎ sǎcahtǐ hî̌ asî, “Wû̌htò̌ khǒkè bǎ he Banabǎ ta Saulǔnu. Ma̤tè̤hî̌dě he wû̌htò̌nǎhto asî hǒdě a bǎ ma̤ he ta̤ma̤.”

Pwa̤nophû̌ 16:26

Htǒotaplǎdě tṳtṳhtû̌dî̌ ma̤sumṳhtò̌ dě a htû̌shû̌ mè̤mè̤̌ la̤dǒ apo̤ kòshî̌ htǒonu, a guyṳto̤bò. Bǎnu taplǎpa, la̤dǒ apo̤ takhadû̌ toǒ lṳ̂mohtò̌bò tû̌ ana̤. Htohǒtò̤ sǒpli̤te̤htò̌ lǒ̤꤮ bò htě kò comě yǎta kò dǒǒ kòyò toǒnu, a htò̌phlǔ hǎhtò̌kèbò tû̌ ana̤.

Pwa̤nophû̌ 27:23

Ma̤tè̤hî̌dě, khò̌ta̤na̤, Cǒmara htě he htû ata dě he ma̤ ata̤ma̤ htǒotapwa̤ a mǒkhû̌tanaphû̌ hè ihtǒ ǒ dě he kòshî̌,

Pwa̤nophû̌ 5:19

Pò̤̌ta bǎnu tasa, Běcǎ mǒkhû̌tanaphû̌ tapwa̤ hèbòmo takha dě a plûhǎhtò̌kè pwa̤nophû̌ htǒotoǒ dě a hî̌ asî,

Rṳ̂̌me̤ 11:14

Pwǐ Cǒmara ma̤wǒhtobǎ sî Yṳ̌daphû̌ mè̤tò̤ toǒ ayanu, he kè̌shuǐ ta ma̤pûhǐ he ma̤ sò̌khě bǎ hekho Yṳ̌daphû̌nu toǒ aya, htohǒtò̤ ma̤pûhǐ he lǒginṳ kû̌ asî toǒǒ ta a nî̤bǎ kû̌kò ta̤ma̤lû̌htò̌ge ayanu, he gènè̤dû̌ mè̤mè̤̌ ta̤ma̤ htě Cǒmara ǐ he htǒonu.

Rṳ̂̌me̤ 13:6

Hǐnu akhû̌akhî, sî tobǎ ǐpa̤dǒ Khwǐ ta̤kûta̤kò̌, ma̤tè̤hî̌dě asî mî̌ a htû Cǒmara apwa̤ma̤ta̤ toǒ. Htodě asî mî̌ a ǐlò̤ asò̌ dě a ma̤bò bǎ kò khîkha ta a ta̤pǒǐ htǒo aya.

Rṳ̂̌me̤ 15:16

Cǒmara abwǐasîrî akhû̌akhî, a ǐ he ta̤ma̤ dě he glè ma̤ Ye̤shǔkhrî̌stu ata̤ma̤ bǎ Yṳ̌daphû̌ mè̤tò̤ toǒ akla. Ma̤pûhǐ Yṳ̌daphû̌ mè̤tò̤ toǒ htûhtò̌ ta̤lṳ tacǎ dě Cǒmara phî̌shǔ yǎ, htodě ta̤lṳ tacǎ htě Běcǎ sǎcahtǐ ma̤wî̤ma̤cahtǐhto nû̌û dě, Cǒmara wû̌lǎ khǒtû̌ he ta he glè ma̤ta̤ pwǐ pwa̤lṳhtò̌ta̤ htě a dǒhtû̌ǐlṳ bǎ kò ta Cǒmara a ta̤sò̌le̤sò̌lò̤ awi̤akè̌nu tapwa̤ hǒ.

Rṳ̂̌me̤ 15:27

Asî sò̌phlǒsho ma̤lṳ mè̤mè̤̌. Dè hî̌ mè̤mè̤̌mî̌, asî lo̤bǎma̤jè Yṳ̌daphû̌ htě a yṳǎge htǒotoǒ hǒ. Asǒsǒta asî mi̤shû̌ ǒplṳ̂ Yṳ̌daphû̌ htǒotoǒ hǒ. Ma̤tè̤hî̌dě Yṳ̌daphû̌ htǒotoǒnu a ǐǎpa̤dǒ tṳtṳ Yṳ̌daphû̌ mè̤tò̤ toǒ sû̌sò̌ ta̤howi̤ toǒ. Hǐnudě Yṳ̌daphû̌ mè̤tò̤ toǒ mi̤shû̌ǒ Yṳ̌daphû̌ toǒ ta a glè bǎ mèǎ gesǒ asî ta ta̤howi̤ wûhta ta ta̤kî̌ta̤kû̌ htǒotoǒ hǒ.

Rṳ̂̌me̤ 8:17

Khònò̤htǒo pa dè htû aphû̌ali̤ dě a ǐ pa a ta̤howi̤ û̌cata̤bî̌ htě a bè̌wǒ bǎ panu toǒ pě. A ǐ ta̤howi̤ ta aphû̌ali̤ toǒ to nî̤bǎnu toǒ pě. Htohǒtò̤ û̌cata̤bî̌ htě a měgle tûjûpwa̤ htǒo pa nî̤bǎpo̤ kû̌ta Khrî̌stu pě. Pa dè khòjîkhòjû plǒhtukû̌ ta Khrî̌stu hî̌dě pa nî̤bǎ plǒhtukû̌ ta̤sîrîdû̌htû ta a pě.

Kôritu awǐlǒ tôbǎ 1:21

Cǒmara a ta̤sî̌ta̤jò mî̌ adû̌ayǒ mè̤mè̤̌. Hǐnudě kòyòhǎkhû̌phû̌ htǒotoǒ glè kè̌lǎsî̌yabò̌ Cǒmara ta asî ta̤sî̌khû̌sî̌ya toǒnu, a jò dǐkhò̌꤮ tò̤. Mî̌tanu, Cǒmara sò̌phlǒǒ ta a ma̤lû̌htò̌ge kòyò htě a yṳǎ Khrî̌stu a ta̤sò̌le̤sò̌lò̤ awi̤akè̌ htě pa dǒhtû̌ǐ kò htǒonu toǒ pě. Pwǎ̤ta kòyò htě a yṳǎ ta̤sò̌le̤sò̌lò̤ awi̤akè̌ htǒo tò̤ toǒnu, a gènè̤sǔ lǒkho ta ta̤dǒhtû̌ǐ htǒotoǒ numî̌ a nòdû̌ pwǎ, a gènè̤ lǒkho hǐnu.

Kôritu ginǐ̤bǎ tôbǎ 9:12

Ma̤tè̤hî̌dě ta̤ma̤lṳma̤tò̌ htǒonu a ma̤jotû̌ Cǒmara kòyò htě a shuphǔshèwè htǒotoǒ mè̤tò̤, a htû̌wè̤htò̌to̤ kòsò̌phlǒ dě kò glè hî̌bwǐhî̌sîrî htû̌sò̌ǐ lǒkho Cǒmara.

Galatǐ 3:29

Sî dè htû Khrî̌stu ata hî̌dě sî htû Abraham akhlialè toǒhǒ. Dě sî nî̤bǎ ta̤howi̤ toǒ htě Cǒmara olò̤kè Abrahamnu toǒ pě.

Galatǐ 3:7

Ma̤hǐnudě sî to sî̌ya ta kòyò htě a yṳǎna̤ǎ Cǒmara toǒ numî̌ Abraham akhlialè mè̤mè̤̌ hǒ.

Galatǐ 3:9

Pwǐ Abraham yṳǎ Cǒmara dě a nî̤bǎ ta̤howi̤nu, kòyò lǒ̤꤮ bò htě a yṳǎ ta̤ toǒnu a nî̤bǎ ta̤howi̤ pwǐ anu pě.

Ěphěsu 3:6

Cǒmara a ta̤dû̌ta̤yǒ htě kò sî̌yahtû tò̤ htǒonumî̌ Cǒmara ǐlò̤ bǎ Yṳ̌daphû̌ ta̤howi̤ hǒ. Dě ta̤howi̤ htǒotoǒnu, sî Yṳ̌daphû̌ mè̤tò̤ toǒ nî̤bǎplǒ sǒsǒta asî htǒonu. Yṳ̌daphû̌ mè̤tò̤ toǒ ta Yṳ̌daphû̌ htǒotoǒnu, a htû nû̌û na̤ tapwǎ̤panu hǒ. Cǒmara olò̤kèbò akòyò toǒnu, sî Yṳ̌daphû̌ mè̤tò̤ toǒ nî̤bǎplǒ kû̌ta asî hǒ. Sî yṳǎ ta̤sò̌le̤sò̌lò̤ awi̤akè̌ dě sî htûhtò̌ ta Ye̤shǔkhrî̌stu tacǎ꤮ pa akhû̌akhî, sî nî̤bǎkû̌bò ta̤howi̤ toǒnu hǒ.

Phǐlǐpǐ 2:17

He dǒhtû̌ǐ ta̤sò̌le̤sò̌lò̤ awi̤akè̌ akhû̌akhî, kǎlè̌mî̌ he si pě ya. Bǎ sî yṳǎ ta̤sò̌le̤sò̌lò̤ awi̤akè̌ akhanu, sî ǐlò̤ sî ta̤htûpwa̤ dě Cǒmara a ǒ sǒsǒta pwa̤lṳhtò̌ta̤ lṳhtò̌ ta̤phû̌ta̤li̤ dě Cǒmara ǒnu hǒ. Kò dè ma̤si he hî̌dě, hesǐ glè sǐlò̤ sǒsǒta pwa̤lṳhtò̌ta̤ tapwa̤ lò̌lò̤ sî̌yo̤ dě hǎkhû̌ dě asǒsǒta kò lṳhtò̌ ta̤lṳta̤tò̌nu. A dè htûhtò̌ hǐnu hî̌dě he sò̌le̤sò̌lò̤, sò̌le̤ kû̌bò ta sî pṳ̂̌꤮ tapwa̤ pě.

Phǐlǐpǐ 2:25

He to nogetîkhî bǎ sî Ěpaprò̌dǐtǔ dě sî ǒ he gènè̤ hǐnu. A mî̌ he pṳwè̤ tapwa̤, a mî̌ kòyò htě a ma̤htuhto ta̤ ta he dě a shě plǒhtukû̌hto ta̤ ta he. A mî̌ kòyò htě a sû bǎ sî lî̤nu tapwa̤ dě ma̤pûhǐ a ma̤jè he ta̤lo̤bǎ toǒnu dě sî nohè yǎ dě he ǒnu tapwa̤ hǒ.

Tîsalònǐ ginǐ̤bǎ tôbǎ 1:7

Pwǎ̤tadě sî ta pa khòbǎ ta̤jîta̤jû htǒotoǒnu, Cǒmara ma̤mo̤ gesǒtû̌ pa pě. Htû̌꤮ Běcǎ Ye̤shǔ ǒlṳhtò̌ akhapěnu, a ma̤mo̤htò̌ gesǒ pa pě. A hè dě mî̌plo̤ akû pě. A hè kû̌ta a tanaphû̌ htě a ǒ ta a ta̤po̤ta̤phǎ htǒonu toǒ pě.

Tǐtǔ 3:7

Cǒmara bè̌cǒbè̌tè̤ pa ta abwǐdû̌sîrîhtû khû̌khî hǒ. Hǐnudě khònò̤htǒo pa nî̤bǎ pa ta̤kè̌shuǐ htě a mî̌ yolahtûpwa̤ û̌cata̤bî̌ tûjûpwa̤ talakhǎ htǒonu hǒ.

Hebrǔ 10:11

Pwa̤lṳhtò̌ta̤ pṳ̂̌ tapwa̤nu, a bǎ ihtǒ ma̤ ta̤subusaba a la̤klola̤bò̌ toǒ pṳ̂̌ti̤ni̤. Tṳ̂gûla̤la̤ asî bǎ lṳhtò̌ǐ taplǎhto taplǎ. Ta̤lṳta̤tò̌ htǒotoǒnu a phî̌ tephejòkè kòyò ta̤sǔ dǐcǎ tò̤.

Hebrǔ 2:3

Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Hebrǔ 6:12

Pa sò̌yṳ nohtû sî kòyò cè̌klè tò̤. Mî̌tanu pa sò̌yṳ nosǒsǒkû̌ sî pwǐ kòyò htě a yṳǎ dě a khòsò̌do ta̤ khònò̤ htǒo toǒnu pwǎ. Dě kòyò htǒotoǒ ma̤hǐnu akhû̌akhî, asî nî̤bǎ lǒkho Cǒmara a ta̤olò̤nu toǒ pě.

Hebrǔ 6:17

Kòyò htě a nî̤bǎ Cǒmara a ta̤olò̤ toǒnu, Cǒmara sò̌yṳ nosî̌ya te̤mǎ asî ta pwǐ Cǒmara olò̤hto asînu, a ma̤ lǒbe hǐnu pě, a htû̌lè̌ tèplè̌kî̌yape tò̤ akhû̌akhî, dě a ta̤olò̤ akûnu, a bè nṳpa ayo̤ bǎnu.

Hebrǔ 8:6

Ye̤shǔ ma̤ta̤ pwǐ pwa̤lṳhtò̌ta̤ tapwa̤nu, awǒkhlope ta pwa̤lṳhtò̌ta̤phû̌ dě hǎkhû̌ bǎotoǒ ma̤nu. Hǐnuakho, Cǒmara a ta̤wṳ̂dò asa htě Ye̤shǔ phî̌hènṳ htǒonumî̌ awǒkhlope ta ta̤wṳ̂dò ali̤ htǒonu. Ta̤wṳ̂dò asa htǒonu, a gètè̤ nǎla̤htò̌ǐ ta̤wṳ̂dò htě awǒkhlo toǒ alo̤.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Jǎgomo̤ 2:5

Pṳwè̤mo̤pha sî꤮, gana̤de lǒkho. Kòyò htě a hǒwi̤shèwè dě hǎkhû̌ bǎotoǒ numî̌, ma̤pûhǐ asî ta̤yṳta̤nǎ shû̌shohtò̌ dě asî glè ma̤nṳ shiga htě Cǒmara olò̤nǎ bǎ kòyò ta a mo̤ǐ nû̌ûnu toǒ ayanudě, Cǒmara wû̌lǎ asî numî̌ sî sî̌ya te̤mǎtû̌ hǒ.

Petru awǐlǒ tabǎ 1:12

Dě Cǒmara dǔlṳ bǎ pwa̤po̤ htǒotoǒ ta asî ma̤ta̤ htǒotoǒ numî̌ asîyatû̌ mè̤tò̤. Hî̌ mè̤mè̤̌mî̌ sîya pwǎ. Khònò̤htǒo ta̤ htǒotoǒnu a hî̌ sî dě sî gana̤de hǒ. Dě Cǒmara nohè Běcǎ sǎcahtǐ a ta̤po̤ta̤phǎ htě a ǒ mǒkhû̌ hèdě, a hè ma̤ta̤htǒo akhû̌akhî, asî hè pwe̤ǐ bǎ sî ta ta̤sò̌le̤sò̌lò̤ awi̤akè̌ htǒo hǒ. Mǒkhû̌tanaphû̌ toǒnu a sò̌yṳ kè̌lǎsî̌ya te̤mǎkû̌ mè̤mè̤̌ ta̤wi̤ta̤kè̌ htǒotoǒ.

Petru awǐlǒ tabǎ 1:4

Dě a ǐlò̤ pa ta̤htûpwa̤ asa akhû̌akhî, Cǒmara bè̌nǎ bǎ sî û̌cata̤ya̤ htě a pî̌jòtò̤, a sojòtò̤, anoakhwejòtò̤ htǒotoǒ dě mǒkhû̌nu hǒ.

Petru awǐlǒ tabǎ 3:7

Hǐnudě sî htû wṳ̂ toǒnu, bǎ sî ǒkû̌ ta sîma akha, sî̌yajèkû̌ yǎta asî mî̌ a khû̌ǎyû̌lò̤khlo ta sî hǐnu nî̌꤮. Sî̌ya bè̌dubè̌na̤shǔ sîma nî̌꤮. Ma̤tè̤hî̌dě Cǒmara ǐko yolahtûpwa̤ sû htǒonu, asî nî̤bǎ sǒsǒpwǎta sî. Bǎ sî kwisaba akha, ma̤pûhǐ ta̤ ma̤dǐdò pû sî tò̤nu, tûrû̌ ma̤ lǒkho hǐnu nî̌꤮.

Yṳ̌da 1:14

Ěnò̌ htě akhlialè gilò̤ ta Ada ahtu susǒtuhtunu tapwa̤ pwe̤ǐnǎ yî̤ mè̤mè̤̌ ta asî htǒotoǒ awi̤akè̌ dě a hî̌, “Běcǎ hèkû̌ ta amǒkhû̌tanaphû̌ cahtǐ toǒnu kò dǒbǎpè̤pe tò̤.

Ta̤dǔlè̌nǎ 5:6

Bǎnuakha he kè̌shǐ sophû̌ tado ihtǒ ǒ Cophǎ gògohtahtò̌yî̤ kamakû nutò̤glò. Ta̤htûpwa̤ lǐ̤do htǒonu ta wè̤khǔwè̤pwa̤ htǒotoǒ ǒte̤we̤bò nû̌û. Sophû̌ htě a ǒlṳhtò̌ htǒotadonu a lò̤ta kò ma̤sihto nû̌ûnu. Ane̤ ǒ susǒtòphò, htodě a mi̤sǎphlǒ ǒ susǒtophlǒ, htǒomî̌ a mî̌ Cǒmara a yolahtûpwa̤ susǒtama dě sûcû̌ asî gûla̤ pṳ̂̌꤮ tò̤glò bǎ hǎkhû̌ bǎonuhǒ.