Hebrǔ 1:13 - Kawyaw RC

¹³ “Hǎnòò̌ dě he cǔdemû htǒotokho, hǎnòò̌ to̤htû̌ he nopǒǐ na ta pwa̤ htě a sò̌khě na htǒotoǒ hè sabahtò̌ to̤ na dě na khò̌lopo̤ kòshî̌ pě,” Cǒmara hî̌nǒ amǒkhû̌tanaphû̌ toǒ pwǐhè̌onu dǐmû̌꤮ tò̤.

Kawyaw New Testament

¹³ “Hǎnòò̌ô̌ dǒ he cǔde cǔtômû nutôkhô, dě hǎnòò̌ tǒ̤dǒ he nopǒ na kû̌ pwa̤dǔdǎ na nutokhlǒ hè cabahtò̌ na dǒ na khò̌lôpô̤̌ kòshî̌ pě,” Cǒmara hî̌bǎnǒ amǒkhû̌ tanaphû̌ tokhlǒ pô̤̌onu tômṳ̂̌꤮ tô̤̌.

Hebrǔ 1:13 Iomraidhean Croise

Htû̌sò̌htò̌ 110:1

Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.”

Htû̌sò̌htò̌ 132:18

A hî̌lò̤ ta, “He glè ma̤sòwò̤kè pwa̤sò̌khě a toǒ. “Ashiaga lè̌dě a sîrîshû̌sho lîrakha lò̤kèta khû̌glûhtanu.” hǐnu.

Matěo 22:44

‘Běcǎ Cǒmara hî̌ he Běcǎ ta, “Bǎ he ma̤pè̤ bòmṳ̂sîglî kòyò htě a sò̌khě nanu toǒ dě he bè̌ǒbò asî dě na khǎlǎla̤ hǒtò̤nu, hǎnòò̌ dě he cǔdemû htǒotokho.”’

Mǎ̤riko 12:36

Ma̤tè̤hî̌dě Khwǐdǎ̤wi̤ ana̤ sana̤nu Běcǎ sǎcahtǐ htû̌wè̤ nû̌sò̌phlǒ dě a nohî̌ nû̌û, ‘Běcǎ Cǒmara hî̌ he Běcǎ Mè̤shǐa ta, “Hǎnòò̌ he cǔdemû htǒotokho, hǎnòò̌ to̤htû̌꤮ he ma̤pè̤ bòmṳ̂sîglî kòyò htě a sò̌khě nanu toǒ hè olò̤mèlò̤bòkè dě na ǒ pěnu nî̌꤮.”’

Lǔka 19:27

Htodě, kòyò htě a sò̌khě he dě a sò̌yṳ nohtû he Khwǐ tò̤ toǒnu, kaǎhèbò yǎ bǎo dě ma̤sikèbò asî he lo̤mo̤ bǎonu.’”

Lǔka 20:42

Ma̤tè̤hî̌dě bǎ ta̤htû̌sò̌ǐlî̤ akûnu, Dǎ̤wi̤ sana̤ cû̌ khwè̌tǒ̤ ta, ‘Běcǎ hî̌ he Běcǎ ta, “Hǎnòò̌ dě he cǔdemû htǒotokho.

Pwa̤nophû̌ 7:55

Pò̤̌ta Stephen mî̌ a lǒbe ta Běcǎ sǎcahtǐ. A ò̌tò̤mò̤htò̌ mǒkhû̌ dě a kè̌shǐ Cǒmara ata̤sîrîdû̌sîrîhtû, htohǒtò̤ a kè̌shǐ Ye̤shǔ ihtǒ ǒ Cǒmara acǔdemû tokho.

Hebrǔ 1:3

Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Ta̤dǔlè̌nǎ 20:15

Kòyò tapwa̤pwa̤nu kò dè kè̌shǐ kò khwè̌nǎ ami̤ dě lî̤htûpwa̤ htǒotabǎ akû tò̤ hî̌nu, kò bǎ wîlòte̤kè a dě mî̌ htǒotoǒ akla.