Hebrǔ 1:1 - Kawyaw RC

¹ Cǒmara hî̌bǎlò̤ sala̤ paphipaphu děwǐkha toǒ ta klè̌ pṳ̂̌bo. Dě a nohî̌bǎ tṳtṳ nû̌ûta pwa̤po̤ toǒ.

Kawyaw New Testament

¹ Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 1:1 Iomraidhean Croise

Mǒhtûlû̌hǎhtûsa 3:15

He nohtûhtò̌ na ta mamǔ htǒotapwa̤ khuwè̤ pě, nakhlinalè tapwa̤ ta mamǔ akhlialè tapwa̤ shě nû̌û pě, dě mamǔ akhlialènu tapwa̤ yî̤mǔ nahǐkǒ pě dě na ělè̌ mamǔ akhlialè makhûnu tapwa̤ khò̌tonǒkò pě.”

Mǒhtûlû̌hǎhtûsa 6:3

Dě Cǒmara tûjûpwa̤ hî̌, “He noǒ sayè̤kû̌ heyolahtûpwa̤ ta kòyòhǎkhû̌phû̌ htǒotoǒ tûjûpwa̤ mî̌ awǒ tò̤, ma̤tè̤hî̌dě asî ǒ pwǎ̤ta sǐshiphěyî̌ htě a sijònu akhû̌akhî, asî bǎ ǒhtûpwa̤ pwǎ aně ta̤ya̤ ta gini̤shi pwǎ.”

Lǔka 1:55

Ma̤pûhǐ a gwèbǎǐ Abraham ta akhlialè htǒotoǒ tuhtu hto tuhtu ayanudě, a gènè̤htò̌ ǐtû̌ hǒ.”

Lǔka 1:72

A hî̌ ta a dǔlṳ a ta̤gwèbǎǐ dě paphipaphu toǒ alo̤ pě, htohǒtò̤ a gènè̤htò̌ bǎ gesǒ a ta̤olò̤ cahtǐnu toǒ pě.

Lǔka 24:27

Htodě Ye̤shǔ pwe̤ǐphlo bǎ asî ta lî̤cahtǐ hî̌nǎhto a awi̤akè̌ tèhtò̌ dě Mǒ̤jè khwè̌lî̤nu toǒ ta pwa̤po̤ lǒ̤꤮ bò toǒ khwè̌nǎnu.

Lǔka 24:44

Htodě a hî̌ asî, “Bǎ he ǒkû̌pe ta sî akhanu, kò lǒ̤꤮ bò khwè̌nǎhto hewi̤hekè̌ dě Mǒ̤jè alî̤kûnu toǒ bǎbǎ, pwa̤po̤ khwè̌nǎnu toǒ bǎbǎ, dě ta̤htû̌sò̌ǐ lî̤kûnu toǒ bǎbǎ, a bǎ lǒbehtò̌bò pṳ̂̌꤮ tacǎ pěnu, he pwe̤ǐlṳhtobò bǎ sî hǒ.”

Jowǎ̤ni̤ 16:13

Bǎ Běcǎ sǎcahtǐ htě a dǔlṳ ta̤te̤ta̤mǎ htǒo hèpě akhanu, a yṳ̂klè̌nè̌klòbò bǎ sî ta ta̤te̤ta̤mǎnu toǒ pě. A glè pwe̤ǐlṳ bǎ sî ta a ta̤gènè̤ tû̌nu mè̤tò̤. A pwe̤ǐlṳ bǎ sî pwǐ a gana̤de hè dě Cǒmara a ǒnu toǒ pě. A glè dǔlṳ bǎ sî ta ta̤htě a htûhtò̌ hǒtò̤nu toǒ pě.

Jowǎ̤ni̤ 7:22

Mǒ̤jè mǎnǎ sî, bò sî phû̌makhû toǒnu sî bǎ dǔtṳ nû̌phě a hî̌ dě sî dǔtṳ lǒkho aphě bǎ mṳni̤dǔnu ti̤ni̤. Dè hî̌ mî̌ pwa̤htě a ma̤ wǐgutṳ̌ htǒonumî̌, Mǒ̤jè mè̤tò̤. Sîphisîphu dě wǐnu toǒ tèhtò̌ ma̤wǐgutṳ̌ pwǎ.

Jowǎ̤ni̤ 9:29

“Cǒmara hî̌bǎ ta Mǒ̤jè dě꤮ wǐkha numî̌ pa sî̌ya. Pwǎ̤tadě kòyò htǒotapwa̤, a ǒ bǎtèhènu pa sî̌yanǒ dǐkhò̌꤮ tò̤.”

Pwa̤nophû̌ 13:32

“Khònò̤dě pa pwe̤ǐ bǎ sî ta̤sò̌le̤sò̌lò̤ awi̤akè̌. Dě ta̤sò̌le̤sò̌lò̤ awi̤akè̌ htǒonumî̌ Cǒmara olò̤hto ta paphipaphu dě꤮ awǐnu toǒ hǒ,

Pwa̤nophû̌ 2:30

Khwǐdǎ̤wi̤ mî̌ pwa̤po̤ tapwa̤. Cǒmara olò̤nǎ nû̌û dě akhlilè akla tapwa̤nu, Cǒmara nohtò̌htû nû̌û ta Khwǐ agûla̤ pěnu, a sî̌ya pwǎ.

Pwa̤nophû̌ 28:23

Hǐnudě asî hî̌ nû̌û mṳni̤mṳsa htě a glè kè̌shǐ glashǔsǒ ta Pò̌lu dě bǎ asî hî̌ nû̌ûnu ti̤ni̤nu, Yṳ̌daphû̌ toǒ hè lǒkho bǎ Pò̌lu ǒǐ hǐnu tama akû, dě asî hèplṳ̂khlo ta dě awǐkhanu tuhu. Dě Pò̌lu bòhtò̌ dǒhtû̌ǐlṳ bǎ asî ta Cǒmara ashiaga awi̤akè̌ dě a khòlṳ asò̌htǒo lṳmṳlî to̤htû̌ lṳmṳkhǐ. Ma̤pûhǐ asî yṳǎ Ye̤shǔ awi̤akè̌ htǒoayanu, a jipwi̤ pwe̤ǐsî̌yaphlo bǎ asî ta Mǒ̤jè a ta̤sû̌ta̤tòwònu toǒ ta pwa̤po̤ hî̌nǎnu toǒ.

Pwa̤nophû̌ 3:21

Pwǐ Cǒmara ǐ sî̌yanǎ htotû̌ ta pwa̤po̤ cahtǐ dě꤮ wǐkha toǒ ta Ye̤shǔ htǒonu a tobǎ ǒ dě mǒkhû̌ to̤htû̌ Běcǎ Cǒmara ma̤sa gebòsǒ ta̤pṳ̂̌꤮ tacǎ akhanu pě.

Hebrǔ 11:18

Cǒmara hî̌ yǎ, “He olò̤ ta nakhlinalè toǒnu a hèlò̤ tṳtṳ dě Isǎko a ǒ pě.” Pwǎ̤ta Abraham tîwî̌tòwò dě a glè lṳhtò̌ aphû̌khû htě a ǒpwǎ tapwǎ̤꤮ pa htǒonu tapwa̤.

Hebrǔ 11:2

Cǒmara htû̌sò̌ǐ kòyò dě wǐkha toǒ mî̌ a ǒ lǒkho ta ta̤yṳta̤nǎ pwǐhè̌onu hǒ.

Hebrǔ 12:25

Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Hebrǔ 2:2

Cǒmara ǐlò̤ paphipaphu dě nukha toǒ ta̤wi̤ta̤kè̌ tacǎ. Dě a nohî̌bǎlò̤ tṳtṳ nû̌ûta mǒkhû̌tanaphû̌ toǒ. Dě kòyò htě a gana̤de ta̤wi̤ta̤kè̌ htǒotoǒnu, a bǎ gana̤de gûma̤ yǎ. Kòyò htě a gana̤de gûma̤ kû̌kò tò̤ toǒnu, Cǒmara cèròhtokè asî pwǐ a gwa ta asînu hǒ.

Hebrǔ 2:3

Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Hebrǔ 3:5

Mǒ̤jè htǒonu acǒatè̤ ta ata̤ma̤ ta Cǒmara ahǐphû̌phòphû̌ toǒ aya pwǐ pwa̤ma̤ta̤ tapwa̤nu hǒ. Dě Mǒ̤jè ta̤ma̤ toǒnu, a dǔlṳnǎwǐ la̤kè̌mò̌mṳ ta̤te̤ta̤mǎ ayo̤ toǒ htě Cǒmara dǔlṳ kò htû̌꤮ anǒkò toǒ aya pě.

Hebrǔ 4:8

Jò̌shua sûnṳ kò dě Khana̤gakû htǒonu, a dè mè̤mè̤̌ ga htě Cǒmara olò̤kè la̤ǒkǔ agûla̤ htǒo taga hî̌mò̌nu, Cǒmara hî̌khǒpe mṳni̤ ahǔwa̤ ti̤ni̤ dǐkhò̌꤮ tò̤.

Hebrǔ 5:5

Hǐnuhǒ, ma̤pûhǐ Khrî̌stu htû pwa̤lṳhtò̌ hǐkǒdû̌gutṳ̌ htǒonu, a bè̌htò̌ tû̌ ana̤ mè̤tò̤, a bè̌ sîrîdû̌sîrîhtû tû̌ ana̤ mè̤tò̤, Cǒmara bè̌htò̌pwǎ nû̌û. Dě Cǒmara hî̌ yǎ, “Na mî̌ hephû̌khû, khò̌ti̤ni̤, he htû napha hǒ,” a hî̌ nû̌û hǐnu.

Hebrǔ 9:19

Bǎ Mǒ̤jè pwe̤ǐlṳhtobò bǎ kòyò pṳ̂̌ tapwa̤ ta Cǒmara mǎnǎbò a ta̤sû̌ta̤tòwò toǒ akhanu, a phî̌ pṳ̂phû̌ toǒ asǐ ta pè̤ toǒ asǐ dě a kloshîlo̤dǒ nû̌ûta shi, htodě a phî̌ sophû̌shû̌lî̤ dě a bǒmě nû̌ûta sǒphò htě kò kaǎ yǎta hyssop phòphû̌ htǒotòphò akhi dě a shǐ nû̌ûta lî̤ htě kò khwè̌nǎ yǎta Cǒmara a ta̤sû̌ta̤tòwò htǒo tabǎ, htohǒtò̤ a shǐnṳbò nû̌ûta kòyò pṳ̂̌ tapwa̤.