Tîsalònǐ ginǐ̤bǎ tôbǎ 3:6 - Kawyaw RC

⁶ Pṳwè̤ Khrî̌stuphû̌ toǒ꤮, dě Běcǎ Ye̤shǔkhrî̌stu ami̤akû, pa mǎnǎ sî yo̤ ta, pṳwè̤ lǒ̤꤮ bò htě a cè̌klèlèbǒ a gûma̤kû̌kò pwǐ pa la̤kloma̤ dě pa ǐkè sî htǒonu tò̤ toǒnu cû̌ bǒsû̌ pûma̤ ta asî ma̤ nî̌꤮.

Kawyaw New Testament

⁶ Pṳ̌wè̤̌ Khrǐphû̌ sî, dǒ Běcǎ Yeshǔ Khrǐ ami̤ akû, pa mǎnǎ sî yô̤̌sǎ kû̌, lǒ̤bò pṳ̌wè̤̌ dǒ a cè̌klè dě a gû̌ma̤ kû̌ kòyò pô̤̌ pa lǎ̤klôma̤ dǒ pa ǐ kè sînu tô̤̌ tokhlǒnu cû̌ bǒsû̌ tǎ̤ kû̌ asî tǎ̤mǎ̤ nî̌.

Tîsalònǐ ginǐ̤bǎ tôbǎ 3:6 Iomraidhean Croise

Matěo 18:17

A dè gana̤dekû̌ asîyo̤ tò̤ dèhî̌dě pwe̤ǐlṳ yǎta pwa̤yṳǎta̤ aprṳ̂ahophû̌nu toǒ, dě pwa̤yṳǎta̤ aprṳ̂ahophû̌ hî̌ nû̌û dě a dè gana̤de tò̤tò̤ dèhî̌dě hî̌bǎhî̌sho yǎ pwǐ sî bè̌ kòyò htě a yṳǎna̤ǎ kû̌kò tò̤ tapwa̤nu, tò̤mî̌ta hî̌bǎhî̌sho yǎ pwǐ pwa̤kwi ta̤kûta̤cî̌ tapwa̤nu.

Rṳ̂̌me̤ 16:17

Pṳwè̤ sî, he sò̌le̤tûsûbǎ sîkò ta, ǒsè̌rè̌ lǒkho sîna̤ ta kòyò htě a hènṳma̤ htò̌pò̌htò̌shî ta̤nu toǒ nî̌꤮. Asî ta̤sû̌ta̤tòwò toǒnu a htû̌sǒbǎ cû̌ tephekè kòyò dě sîkla toǒǒ ta Khrî̌stu pě. Asî ta̤sû̌ǐ toǒnu a nûkhǒtû̌ ta Khrî̌stu awi̤akè̌ htě kò sû̌ǐhto sînu toǒ. Ǒtephekè ta asî nî̌꤮.

Kôritu awǐlǒ tôbǎ 11:2

Sî gènè̤htò̌nṳ he pṳ̂̌꤮ plǎ, htohǒtò̤ sî gûma̤ pwǐ kò sû̌ǐ he dě he sû̌ǐ tṳtṳ bǎ sînu toǒ akhû̌akhî, he htû̌sò̌ǐ mè̤mè̤̌ sî.

Kôritu awǐlǒ tôbǎ 5:4

Bǎ sî ǒplǒhî̌bǎhtu kè̌shǐ glashǔplǒbò nû̌û akhapěnu, he sò̌yṳ noma̤bò sî pṳ̂̌꤮ tacǎ htě asǒsǒta he ǒplǒ ta sî hǐnu.

Kôritu awǐlǒ tôbǎ 5:9

He khwè̌ bǎ sî lî̤ dě awǐkha tabǎ numî̌, he hî̌ sî ta bǒsû̌khǎkho pûma̤ ta kòyò htě a cû̌sǔnṳ mamǔmakhûnu toǒ ma̤, he khwè̌cû̌ bǎ sî hǐnu.

Kôritu ginǐ̤bǎ tôbǎ 2:10

Khònò̤htǒo sî dè bòlû̌ kòyò htě sî ma̤yò̤ yǎnu tapwa̤ ata̤sǔ dèhî̌dě he꤮ mî̌ he bòlû̌dò̌ǔpwǎ ata̤sǔsǔ. Hî̌kû̌nǎ, ta̤ htě he to bòlû̌kè dè ǒ hî̌dě, ma̤pûhǐ a htûbwǐhtûsîrî sîyanu he bòlû̌dǒ ata̤sǔ pě. Khrî̌stu kè̌shǐ kû̌dǒ he bòlû̌ ata̤sǔ htǒonu pě.

Ěphěsu 4:17

Hǐnudě, Khrî̌stu ami̤akû he bǎ hî̌shû̌shû̌ nò sî ta ǒhtûpwa̤ lǒkho pûma̤ pwǐ kòyò htě a sî̌ya Cǒmara tò̤nu toǒ ǒhtûpwa̤nu ma̤. Asî ata̤gènè̤ toǒ numî̌ abwǐasîrî ǒ dǐcǎ꤮ tò̤.

Kòlòtè̌ 3:17

Sî hî̌bǎ bǎbǎ, sî ma̤ta̤ hî̌tètè̌꤮ bǎbǎ, kè̌ Běcǎ Ye̤shǔkhrî̌stu ami̤sǎ dě ma̤ lǒkho nî̌꤮. Běcǎ Ye̤shǔkhrî̌stu akhû̌akhî, hî̌bwǐhî̌sîrî htû̌sò̌ǐ lǒkho Cǒmara nî̌꤮.

Tîsalònǐ awǐlǒ tôbǎ 4:1

Pṳwè̤ sî, dě nǒkònu, sî tobǎ ǒhtûpwa̤ tota Cǒmara asò̌phlǒ hî̌tènu, pa sû̌ǐhto sî hǒ. Dě khònò̤htǒo sî ǒhtûpwa̤ numî̌ a mè̤hǒ. Khònò̤htǒo pa kwigwèbǎǐ sî dě pa tûsû sîkò ta Běcǎ Ye̤shǔ agûla̤ dě, sî glè ma̤dû̌htò̌ sělěpo̤ hǐnu.

Tîsalònǐ awǐlǒ tôbǎ 4:11

Jipwi̤ ǒhtûpwa̤ mo̤kla pè̤dû lǒkho ta kò dě ta̤pṳ̂̌꤮ tacǎ akû nî̌꤮. Na ta̤wi̤ta̤kè̌ mè̤tò̤ toǒnu, cû̌nṳ ma̤shû̌shǎ pûma̤ kò ma̤ nî̌꤮. Pwǐ pa pwe̤ǐhto sînu, kè̌lǎǎkè̌lǎwè̤ dě bǔǎlò̤tû̌ lǒkho sîna̤ nî̌꤮.

Tîsalònǐ awǐlǒ tôbǎ 5:14

Pṳwè̤sî, pa kwigwèbǎǐ gepo̤sǒ sî ta, ǐsè̌rè̌ tûû̌ kòyò cè̌klèlèbǒnu toǒ nî̌꤮. Htodě ǐkhû̌ǐǎ kòyò htě a ǐshanu toǒ dě ma̤jè kòyò htě a khû̌ǎyû̌lò̤nu toǒ, htodě khòsò̌do bǎ kò pṳ̂̌꤮ tapwa̤ nî̌꤮.

Tîsalònǐ ginǐ̤bǎ tôbǎ 2:15

Hǐnudě pṳwè̤ toǒ꤮, pa sû̌ǐtòwòǐ dǒhtû̌ǐhtobǎ sî ta pa khû̌phěnò̌khinu toǒ bǎbǎ, mè̤tò̤mî̌ pa sû̌ǐtòwòǐhtobǎ sî ta lî̤ htě pa khwè̌cû̌ bǎ sî htǒotoǒ akûnu bǎbǎ, ǒměǒglekû̌ lǒkho kò dě pṳ̂měǐwǒkû̌ lǒkho kò nî̌꤮.

Tîsalònǐ ginǐ̤bǎ tôbǎ 3:7

Sî sana̤ sî to gûkè̌mò̌mṳ ma̤kû̌ pa hî̌tènu sî sî̌ya te̤mǎhtotû̌ hǒ. Ma̤tè̤hî̌dě bǎ pa ǒplǒ ta sî akhanu, pa cè̌klèlèbǒ nǒtò̤.

Tîmôte awǐlǒ tôbǎ 5:21

Dě Cǒmara ta Ye̤shǔkhrî̌stu ta tanaphû̌ cahtǐ toǒ a lo̤mo̤nu, he hî̌lò̤yo̤ htě a měgle tûmû ta na glè jûle̤phî̌yo̤ ta̤sû̌ǐtòwòǐ akhû̌ htǒotoǒ dě na ma̤ta̤ titètè̌꤮ bǎbǎ, kè̌bò̌khû̌ pûma̤ kò dǐpwǎ̤꤮ ma̤ nî̌꤮. Htohǒtò̤ kè̌dû̌ kè̌pî̌tî̌ pûma̤ kò dǐpwǎ̤꤮ ma̤ nî̌꤮.

Tîmôte awǐlǒ tôbǎ 6:5

Htohǒtò̤, a noǒhtò̌ ta̤gègo kò pṳ̂̌꤮ taplǎ. Kòyò htě a gègo kò htǒotoǒ a ta̤gènè̤ numî̌ a phû̌mò̤shî̌hto dě ta̤te̤ta̤mǎ ǒpe asîkû tò̤. Ta̤subusaba numî̌ klè̌ htě kò glè dû̌yò̤htò̌sa aya tabo asî gènè̤ lǒkhopwǎ hǐnu.

Tîmôte ginǐ̤bǎ tôbǎ 3:5

Asî jî gûma̤kû̌bǐaǒ pwǎ pa ta̤subusaba ala̤bò̌la̤klo pě. Pwǎ̤ta asî la̤lò̤kè ta̤subusaba a ta̤sîrîshû̌sho htě a mè̤mè̤̌ htǒonu toǒ pě. Cû̌tephekè ta kòyò hǐnu toǒ ala̤nî̌꤮.

Tîmôte ginǐ̤bǎ tôbǎ 4:1

Htû̌꤮ Ye̤shǔkhrî̌stu hèpǒǐ pwǐ Khwǐcophǎ tapwa̤ akhapěnu, a hè cèrò kòyò htûpwa̤ toǒ ta kòyòsi toǒ ginǐ̤cǎbò pě. Hǐnudě Cǒmara ta Ye̤shǔkhrî̌stu a lo̤mo̤nu he sò̌yṳ hî̌měhî̌glekè heta̤hî̌bǎ ta na pwǐhè̌o,

Yṳ̂ha ginǐ̤bǎ tôbǎ 1:10

Hǐnu akhû̌akhî, kòyò tapwa̤pwa̤ dè hè sî ǒ hî̌dě a dè phî̌hènṳ ta̤sû̌ǐtòwòǐ htǒotoǒ tò̤ hî̌mò̌nu, kaǎshǔ pûma̤ yǎ dě sî hǐdǒkû ma̤ nî̌. “Ta̤pè̤ta̤dû ǒkû̌ tû̌ta na nî̌,” hî̌shǔ pûma̤ yǎ hǐnu ma̤.