Tîsalònǐ ginǐ̤bǎ tôbǎ 3:5 - Kawyaw RC

⁵ Běcǎ sûcû̌ tû̌pû sî dě Cǒmara ta̤mo̤ǐ akû ta Khrî̌stu a ta̤khòsò̌do akû htǒonu pě nî̌꤮.

Kawyaw New Testament

⁵ Běcǎ sûcû̌ pû sî dǒ Cǒmara ta̤mô̤ akû kû̌ Khrǐ a ta̤khòsǎdô sǎphlǒhtû akûnu pě nî̌꤮.

Tîsalònǐ ginǐ̤bǎ tôbǎ 3:5 Iomraidhean Croise

Htû̌sò̌htò̌ 119:36

Nata̤hî̌bǎlò̤yo̤nu, nomo̤ǐkhlo he ta he sò̌yṳbò wûhtanu.

Htû̌sò̌htò̌ 119:5

He sò̌꤮ phlǒsho mè̤mè̤̌ dě he glè gûma̤kû̌bò nata̤hî̌bǎlò̤yo̤.

Htû̌sò̌htò̌ 40:1

He ǒpo̤ khòsò̌doǐ Cǒmara tûjûpwa̤ ata̤ma̤jè. A htû̌tiwǐkè̌to he dě a gana̤de he ta̤kwigwèbǎǐ.

Rṳ̂̌me̤ 5:5

Bǎ pa kè̌shuǐ ta Cǒmara ma̤ bǎ pa akhanu, pa sò̌phlǒpî̌ tò̤, ma̤tè̤hî̌dě, bǎ Cǒmara ǐlò̤ pa Běcǎ sǎcahtǐ akhanu, a glolò̤ lò̌lò̤ bǎ pa a ta̤mo̤ǐ dě pa sò̌phlǒkû hǒ.

Rṳ̂̌me̤ 8:25

Pwǎ̤tadě pa dè kè̌shuǐ ta̤ htě pa nî̤bǎ yǎ tò̤ toǒnu, pa sò̌phlǒhtû ǒpo̤kè̌shuǐ pwǎ.

Rṳ̂̌me̤ 8:28

Kòyò htě a mo̤ǐ Cǒmara, dě Cǒmara kaǎ nû̌û ta a ta̤yè̤lò̤nǎ aya toǒnu, ta̤ma̤htûhtò̌ ana̤ ta asî hî̌tètè̌ bǎbǎnu, Cǒmara ma̤bǎ asîya ta̤wǒ numî̌, pa sî̌ya pwǎ.

Kôritu awǐlǒ tôbǎ 8:3

Pwǎ̤ta kòyò tapwa̤pwa̤ htě a mo̤ǐ Cǒmaranu, Cǒmara sî̌ya nû̌ûta a mî̌ akòyò hǒ.

Galatǐ 5:22

Pwatadě Běcǎ sǎcahtǐ numî̌ a bè̌ǒhtò̌ ta̤mo̤ǐ, ta̤sò̌le̤sò̌lò̤, ta̤pè̤ta̤dû, ta̤khòsò̌do, ta̤sò̌yṳgwèbǎǐ, ta̤wî̤ta̤wǒ, ta̤jûle̤phî̌yo̤,

Tîsalònǐ awǐlǒ tôbǎ 1:10

Htodě Cǒmara aphû̌khû Ye̤shǔ htě apha ma̤ htûpwa̤gesǒ nû̌û ta ta̤si htǒotapwa̤ ǒ dě mǒkhû̌ hèlò̤ gesǒ pěnu, sî ǒpo̤kè̌shuǐ lǒkho hî̌tènu asî hî̌bò bǎ pa. Ye̤shǔ mî̌ pwa̤ ma̤lû̌htò̌ge pa ta Cǒmara a ta̤sò̌dû̌ dě a cèrò kò pě htǒonu tapwa̤ acǔdekû hǒ.

Tîsalònǐ awǐlǒ tôbǎ 1:3

Sî ta̤yṳta̤nǎ akhû̌khî, sî ma̤ta̤ ahtûhtò̌, sî ta̤mo̤ǐ kò akhû̌akhî, sî gûma̤ ta̤, dě sî ǒ ta ta̤kè̌shuǐ dě pa Běcǎ Ye̤shǔkhrî̌stu alo̤ akhû̌khî, sî khòsò̌dobò̌ ta̤ma̤jîma̤jû sî toǒ. Bǎ pa kwisaba dě papha Cǒmara ǒ akhanu, sî ma̤ta̤ lǒ̤꤮ bò htǒotoǒnu, pa shope̤nǎpè̤pe tò̤.

Tîsalònǐ awǐlǒ tôbǎ 3:11

Ma̤pûhǐ pa hè gesǒ dě sîǒnu, pa Cǒmara htě a mî̌ papha sana̤ htǒotapwa̤ ta pa Běcǎ Ye̤shǔ htǒo tîwî̌tòwò bǔmophlohètû̌ bǎ paklè̌ pě nî̌꤮.

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Jǎgomo̤ 2:5

Pṳwè̤mo̤pha sî꤮, gana̤de lǒkho. Kòyò htě a hǒwi̤shèwè dě hǎkhû̌ bǎotoǒ numî̌, ma̤pûhǐ asî ta̤yṳta̤nǎ shû̌shohtò̌ dě asî glè ma̤nṳ shiga htě Cǒmara olò̤nǎ bǎ kòyò ta a mo̤ǐ nû̌ûnu toǒ ayanudě, Cǒmara wû̌lǎ asî numî̌ sî sî̌ya te̤mǎtû̌ hǒ.

Petru awǐlǒ tabǎ 4:1

Khrî̌stu kòjîkòjû ana̤klû akhû̌akhî, sî tobǎ bè̌sǒsǒdǒ sî sò̌phlǒ pwǐ Běcǎnu, dě sî tobǎ khòsò̌do dǒ ta̤jîta̤jû toǒ, ma̤tè̤hî̌dě, kòyò htě a kòjîkòjû ta na̤klû phěyî̌ tokho toǒnu, a ma̤pe ta̤sǔta̤plě tò̤.

Petru ginǐ̤bǎ tabǎ 3:12

Dě ma̤pûhǐ Cǒmara amṳni̤ hèto̤ phwèphwè ayanu, ǒhtûpwa̤ wǒ lǒkho. Bǎnu ti̤ni̤ pěnu, mî̌ gèhtò̌ dě mǒla̤ pě dě a ma̤pî̌kèbò mǒla̤ pě. Mî̌gègûshû̌ akhû̌akhî, mǒla̤ aphwǐaphrû̌ lǒ̤꤮ bò jûlòte̤bò pě.

Yṳ̂ha awǐlǒ tôbǎ 4:19

Cǒmara mo̤ǐwǐ pa akhû̌akhî, pa mo̤ǐ nû̌û tapwa̤ ta tapwa̤ hǒ.

Ta̤dǔlè̌nǎ 1:9

He mî̌ sî pṳwè̤ Jowǎ̤ni̤ htě a yṳǎ khrî̌stu sǒsǒ ta sî tapwa̤. He mî̌ sî khobǒsû̌ htě a khòbǎyò̤bǎ plǒkû̌ ta̤ ta sî tapwa̤. He mî̌ Cǒmara a shiphû̌gaphû̌ sǒsǒkû̌ ta sîsî, dě he khòsò̌do plǒkû̌ ta̤ ta sî tapwa̤ pwǎ. Dě he dǒhtû̌ǐ bǎ kò ta Běcǎ Cǒmara a ta̤wi̤ta̤kè̌ ta ta̤htě Ye̤shǔkhrî̌stu khòlṳ bǎ he toǒ akhû̌akhî, kò cû̌ bè̌ǒkè he dě Pǎmǔ shikholophû̌jokhû̌ hǒ.

Ta̤dǔlè̌nǎ 13:10

Kòyò tapwa̤pwa̤nu kò yè̤lò̤nǎhto nû̌û dě kò glè pṳ̂ dǒlò̤te̤ a apo̤kû hî̌nu, kò bǎ pṳ̂ dǒlò̤te̤nò a pě. Kòyò tapwa̤pwa̤nu kò yè̤lò̤nǎhto nû̌û dě kò bǎma̤si yǎ ta tǒ̤phû̌ pě hî̌nu, kò bǎ ma̤sinòpwǎ a ta tǒ̤phû̌ pě. Cǒmara kaǎ akòyò ta a bǎkhòsò̌do ta̤jîta̤jû dě bǎ yṳǎ ta̤ ayapwǎ.