Tîsalònǐ ginǐ̤bǎ tôbǎ 3:4 - Kawyaw RC

⁴ Dě pa yṳǎ Běcǎ akhû̌akhî, pa sî̌ya ta sî gûma̤ sělěpo̤ pwǐ pa mǎnǎ sî htǒonu hǒ.

Kawyaw New Testament

⁴ Dǒ pa yṳ̌ǎnṳ̌ Běcǎ akhû̌akhîdě, pa sî̌ganǎ̤ kû̌ sî bǎ꤮ gû̌ma̤ sělě gutṳ̌ pô̤̌khô pa mǎnǎ sî nuhǒ.

Tîsalònǐ ginǐ̤bǎ tôbǎ 3:4 Iomraidhean Croise

Matěo 28:20

Htodě sû̌ǐtòwòǐ lǒkho asî ta a glè jûle̤phî̌yo̤ gûma̤kû̌bò pwǐ he mǎnǎ sî yo̤nu toǒ nî̌꤮. He ǒkû̌ tû̌ta sî pṳ̂̌꤮ plǎ pě, to̤htû̌ hǎkhû̌gutṳ pě bǎbǎ he ǒkû̌ tû̌ta sî pě.”

Rṳ̂̌me̤ 15:14

Pṳwè̤ sî꤮, he yṳǎ te̤mǎ sî ta sî ǒhtûpwa̤ lǒbe ta ta̤wî̤ta̤wǒ, ta ta̤sî̌khû̌sî̌ya dě alǒabe, dě sî sû̌ǐtòwòǐjò tû̌ lǒkho nû̌û tapwa̤ ta tapwa̤ hǒ.

Rṳ̂̌me̤ 15:18

Ta̤ ahǔwa̤ sî toǒnu he hî̌bǎhtò̌yî̤ bǔkû̌nǒ kòyò tò̤. He hî̌bǎhtò̌yî̤ bǔpwǎpǒ̤ Khrî̌stu ata̤ma̤ htě a ma̤jè hehtǒo awi̤akè̌ pwǎ. Dě he hî̌bǎ yǎ awi̤akè̌ htǒo akhû̌akhî, htodě asî kè̌shǐ he ta̤ma̤ toǒ, htohǒtò̤ Cǒmara a sǎcahtǐ ǐ he ata̤po̤ta̤phǎ htǒo dě, he ma̤lṳbǎ asî ta̤cǒklî̌kî̌ya htǒotoǒ ta ta̤htò̌te̤pe̤ sû̌pi̤sò̌pi̤nu toǒ akhû̌akhî, he yṳ̂klè̌nè̌klòbò̌ bǎ Yṳ̌daphû̌ mè̤tò̤ toǒ dě a glè gana̤de jûle̤phî̌yo̤ Cǒmara hǒ. Bǎ he cû̌ dǒhtû̌ǐbò bǎ kò ta Khrî̌stu a ta̤sò̌le̤sò̌lò̤ awi̤akè̌ akhanu, he cû̌nṳ pwe̤ǐlṳbò bǎ kò pṳ̂̌꤮ tapwa̤, pṳ̂̌tado htě doǒ cû̌ Ye̤rǔshèlèwî̤nu to̤dě Elǔrǐkhaganu toǒ hǒ.

Rṳ̂̌me̤ 2:7

Kòyò htě a ma̤ hèsělě ta̤wǒ, dě a kè̌lǎ Cǒmara ǐ nû̌û ta̤sîrîdû̌sîrîhtû, ta̤bè̌dû̌bè̌htû ta ta̤htûpwa̤ htě a sijòpè̤ tò̤ toǒnu, Cǒmara ǐ nû̌û yolahtûpwa̤ tûjûpwa̤ pě.

Kôritu awǐlǒ tôbǎ 14:37

Kòyò tapwa̤pwa̤ gènè̤ ana̤ ta, he mî̌ pwa̤ htě a hî̌po̤phǎ bǎ Cǒmara a ta̤wi̤ta̤kè̌ tapwa̤, mè̤tò̤mî̌ he mî̌ kòyò htě a nî̤bǎ sû sû̌sò̌ tokho tapwa̤ dèhî̌mî̌ he khwè̌ ta̤ htǒotoǒnu Běcǎ a ta̤mǎlò̤ pwǎnu a bǎ sî̌ya pwǎ.

Kôritu awǐlǒ tôbǎ 7:19

Ma̤tè̤hî̌dě, dǔtṳphě bǎbǎ, dǔtṳphě tò̤ bǎbǎ a lo̤bǎdû̌ tò̤. Ta̤ htě a lo̤bǎdû̌khlo kò tacǎmî̌ ta̤gana̤de Cǒmara ta̤mǎlò̤ toǒ htǒonu hǒ.

Kôritu ginǐ̤bǎ tôbǎ 2:3

Htû̌ he hè pě akhanu, sî htě ama̤sò̌le̤sò̌lò̤ he toǒnu ma̤pûhǐ a ma̤sǎpla̤ he tò̤nu, he khwè̌cû̌wǐ tû̌ bǎ sî lî̤ hǒ. Sî lǒ̤bò sî̌ya te̤mǎ tû̌ he ta̤sò̌le̤sò̌lò̤ dèhî̌dě sî bǎ sò̌le̤sò̌lò̤ dò̌ǔ pwǎ.

Kôritu ginǐ̤bǎ tôbǎ 2:9

He khwè̌ bǎ sî lî̤ dě awǐkha tabǎnu mî̌, he sò̌yṳ noma̤yò̤ sî ta kòyò gana̤de kòyo̤ tò̤nu tapwa̤ pwǎ. Hǐnudě he sò̌yṳ sî̌ya te̤mǎ ta sî gûma̤kû̌ pwǐ he sû̌ǐ sînu ya mî̌, sî gûma̤ tò̤ya hǐnupwǎ.

Kôritu ginǐ̤bǎ tôbǎ 8:22

Hǐnudě pa nohè kû̌po̤dǒ kòyò ahǔwa̤tapwa̤ ta pa pṳwè̤ htǒo sò̌gini̤. Pa kè̌shǐ sî̌ya ta a mî̌ kòyò htě la̤yṳǎ mè̤mè̤̌ yǎ dě Cǒmara a ta̤phî̌ta̤ma̤ akû tapwa̤nu. Khònò̤dě a yṳǎ mè̤mè̤̌ sî akhû̌akhî, a tǐ̤꤮ sò̌phlǒsho ma̤jèkhlopo̤pe sîsî.

Galatǐ 5:10

Pwǎ̤ta pa htûhtò̌ kû̌ta Běcǎ tacǎnǔ꤮ pa akhû̌akhî, he yṳǎ ta sî ta̤kè̌shǐ htǒonumî̌ a nûcû̌khǒ ta he tò̤. Ûpè bǎbǎ a ma̤dǐdò sî tapwa̤pwa̤nu, Cǒmara cèròtû̌ yǎ pě.

Phǐlǐpǐ 1:6

Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Phǐlǐpǐ 2:12

Hǐnudě, khobǒsû̌bǒmo̤ sî꤮ bǎ he ǒkû̌ tû̌ta sî akhanu, sî gana̤de he yo̤, khònò̤htǒo he ǒyî̤ ta sî akhû̌akhî, sî tobǎ gana̤dekhlope heyo̤. Ma̤pûhǐ sî ma̤lǒma̤behtò̌ ta̤ma̤lû̌htò̌ge sî ayanu, jipwi̤ ma̤ lǒkho ta̤ dě ta̤bè̌dubè̌na̤ Cǒmara akû, dě ma̤ yǎta ta̤ǐsha gònò̤gèglè anu nî̌꤮.

Tîsalònǐ awǐlǒ tôbǎ 4:10

Dèhî̌mè̤mè̤̌mî̌ sî mo̤ǐbò sîpṳsîwè̤ htě a ǒ dě Makedò̌niaga htǒo sagala̤nu toǒ. Pwǎ̤tadě pa tûsûpo̤ sî ta sî glè mo̤ǐ dû̌htò̌khlopo̤ ta htǒonu nî̌.

Tîsalònǐ ginǐ̤bǎ tôbǎ 3:12

Dě Běcǎ Ye̤shǔkhrî̌stu akû, pa mǎnǎ payo̤ htǒonu ta kòyò cè̌klèlèbǒ htǒotoǒ aya. Ma̤pûhǐ asî ǒhtûpwa̤ te̤bǎte̤to kû̌kò, htohǒtò̤ a guǎguwè̤kû̌ lǒkho kò dě a bǔǎlò̤ lǒkho tûû̌ a ta̤htûpwa̤ ayanu, pa hî̌shû̌hî̌shokè asî hǒ.

Tîsalònǐ ginǐ̤bǎ tôbǎ 3:6

Pṳwè̤ Khrî̌stuphû̌ toǒ꤮, dě Běcǎ Ye̤shǔkhrî̌stu ami̤akû, pa mǎnǎ sî yo̤ ta, pṳwè̤ lǒ̤꤮ bò htě a cè̌klèlèbǒ a gûma̤kû̌kò pwǐ pa la̤kloma̤ dě pa ǐkè sî htǒonu tò̤ toǒnu cû̌ bǒsû̌ pûma̤ ta asî ma̤ nî̌꤮.

Philemo 1:21

He khwè̌ lî̤ dě naǒ htǒonu, he yṳǎ ta na jûle̤phî̌yo̤ hele̤heyo̤ dě he sî̌ya ta na ma̤dû̌khlo ta he kwi na htǒonu pě.