Tîsalònǐ ginǐ̤bǎ tôbǎ 3:3 - Kawyaw RC

³ Pwǎ̤tadě Běcǎ htǒonu acǒatè̤ ta ayo̤ dě a ǐshû̌htò̌ sî sò̌ akhû̌aǎ pě, dě a tè̤gè̌tò̤gò dǐdò bǎ sî ta kòyòphû̌mò̤nu tapwa̤ pě.

Kawyaw New Testament

³ Bǎbǎkǎlè Běcǎnu acǒ kû̌ ayô̤̌ dě a ǐshû̌htò̌ sî sǎphlǒ akhû̌aǎ pě, dě a tègè̌tògò tě̤tṳ bǎ sî kû̌ kòyòhe nutôpwa̤ pě.

Tîsalònǐ ginǐ̤bǎ tôbǎ 3:3 Iomraidhean Croise

Mǒhtûlû̌hǎhtûsa 48:16

Mǒkhû̌tanaphû̌ htě a ma̤lû̌htò̌ he ta ta̤pò̤ta̤sha lǒ̤bònu tapwa̤ howi̤homò̤tû̌ta asî nî̌꤮. Hemi̤, hephu Abraham ami̤ ta hepha Isǎko ami̤ ǒkè tû̌ta asî akhû̌akhî pě nî̌꤮. Asî phû̌ǒwo̤ li̤ǒphǎhtò̌ tû̌ta bǎ hǎkhû̌ bǎo pě nî̌꤮.”

Htû̌sò̌htò̌ 121:7

Cǒmara tûjûpwa̤ ma̤kwaǐ na dě ta̤phû̌mò̤shî̌hto pṳ̂̌꤮ tacǎ akla. A ǒpo̤kè̌ǐpo̤ nata̤htûpwa̤.

Htû̌sò̌htò̌ 19:13

Ma̤dǐdòbǐ napwa̤ma̤ta̤phû̌ mî̌ he htǒo ta ta̤sǔ htě he sî̌ya dě he ma̤nu toǒ. Nopǒ pûma̤ he ta ta̤hǐnu toǒ ma̤. Dè ma̤hî̌nu hî̌mî̌, he lû̌kè ta ta̤sǔ, dě he ma̤tûlû̌talǎpe ta̤sǔdû̌nu toǒ tò̤hǒ.

Matěo 5:37

Na hî̌bǎ akhanu, amè̤ dě ‘Amè̤’ hî̌nu, amè̤tò̤ dě ‘Amè̤tò̤’ hî̌nu, lǒ̤꤮ bò ta̤hî̌lǒhî̌khlonu toǒ mî̌ a ǒ dě khînǎmo̤pha hǐkǒdû̌ hè pwǎ.”

Matěo 6:13

Nocû̌nṳ pû pa dě ta̤htû̌sǒbǎ aphû̌mò̤ aklanu ma̤ nî̌꤮. Mî̌tanu ma̤lû̌htò̌ge pû pa dě khînǎmo̤pha hǐkǒdû̌ a cǔdekû htǒonu nî̌꤮. (Ma̤tè̤hî̌dě shiga bǎbǎ, ta̤po̤ta̤phǎ bǎbǎ, ta̤sîrîdû̌sîrîhtû bǎbǎ htǒonumî̌ nata tûjûpwa̤ talakhǎ nî̌꤮. Amè̤.)’

Lǔka 11:4

Bòlû̌pû pa ta̤sǔ toǒ nî̌꤮. Ma̤tè̤hî̌dě pa bòlû̌hto kò ta̤ma̤sǔ htě kò ma̤sǔ panu toǒ hǒ. Nocû̌nṳ ma̤ pa dě ta̤htû̌sǒbǎ aphû̌mò̤ aklanu ma̤ nî̌꤮.’”

Jowǎ̤ni̤ 17:15

He kwisaba ta phî̌htò̌ tephekè asî ta hǎkhû̌bǎo hǐnu mè̤tò̤. Mî̌tanu, he kwisaba ta na glè ma̤kwaǐnṳ asî ta kòyòjono̤ kòyòphû̌mò̤ htě kò kaǎ nû̌ûta khînǎmo̤pha Sehto htǒonu tado.

Kôritu awǐlǒ tôbǎ 1:9

Cǒmara htǒotapwa̤ mî̌ la̤yṳǎna̤ǎ mè̤mè̤̌. A mî̌ pwa̤ htě a kaǎ sî dě a sò̌yṳ nobǒsû̌khǎkho sî ta aphû̌khû mî̌ pa Běcǎ Ye̤shǔkhrî̌stu htǒotapwa̤nu hǒ.

Kôritu awǐlǒ tôbǎ 10:13

Ta̤htû̌sǒbǎ aphû̌mò̤ lǒ̤bò htě na kè̌shǐ hèbǎ toǒ numî̌ a sǒsǒpwǎ ta kòyòhǎkhû̌phû̌ ahǔwa̤ toǒ kè̌shǐ hèbǎnu toǒ pwǎ. Pwǎ̤ta Cǒmaranu acǒtè̤ ta ayo̤, Ma̤tè̤hî̌dě ta̤htû̌sǒbǎ aphû̌mò̤ htě ashû̌asho dě na khòbò̌ yǎtò̤ toǒnu, a nokhò na tò̤. Bǎ ta̤ma̤kè̌ hèbǎ na akhanu, ma̤pûhǐ na khòsò̌dobò̌ yǎ, htohǒtò̤ ma̤pûhǐ na lû̌htò̌bò̌ ta ta̤htû̌sǒbǎ aphû̌mò̤ htǒo ayanu, Cǒmara bòmo bǎ na klè̌ pě.

Tîsalònǐ awǐlǒ tôbǎ 5:24

Cǒmara htě a kaǎ sî htǒotapwa̤nu, a ma̤ mè̤mè̤̌ bǎ sî hǐnu pě, ma̤tè̤hî̌dě a mî̌ Cǒmara htě acǒatè̤ ta ayo̤ tapwa̤.

Tîmôte ginǐ̤bǎ tôbǎ 4:18

Běcǎ ma̤lû̌htò̌ he ta ta̤phû̌mò̤ lǒ̤bò htǒotoǒ pě, htohǒtò̤ a phî̌ge he pě dě a tò̤gòǐ he dě mǒkhû̌ a shila̤gakû pě. Ta̤sîrîdû̌sîrîhtû lò̤bǎ tû̌ta Běcǎ htǒo tûjûpwa̤ talakhǎ nî̌꤮. Amè̤.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Petru ginǐ̤bǎ tabǎ 2:9

Hǐnudě Běcǎ Cǒmara ma̤lû̌htò̌ge kòyò htě a ma̤to nû̌ûsò̌phlǒ dě a ǒ ta ta̤jîta̤jû akûnu toǒ hî̌tè pěnu a sî̌ya pwǎ. Htohǒtò̤ a pṳ̂měǐ kòyòjono̤ htǒotoǒ dě a cèrò sělěbò asî to̤htû̌ ta̤cèrò amṳni̤nu ti̤ni̤ pě.

Yṳ̌da 1:24

Pa htû̌sò̌ǐ plǒnû̌û Cǒmara hò̌! Ma̤pûhǐ sî lòkhǔpo̤ pû tò̤nu, Cǒmara kè̌ǐkwè̌ǐ ma̤jè tû̌ta sî nî̌. Htohǒtò̤ a kaǎgebò̌tû̌ sî dě a lo̤mo̤ pě dě sî ta̤sǔ ǒpe tò̤, dě sî sò̌le̤sò̌lò̤ mè̤mè̤̌ tû̌ta pě.