Tîsalònǐ ginǐ̤bǎ tôbǎ 3:2 - Kawyaw RC

² Kwisabapo̤ bǎ pa ta Běcǎ glè ma̤lû̌htò̌ pa ta dě kòyòphû̌mò̤nu toǒ ta kòyòjînu toǒ a cǔdekû nî̌꤮. Ma̤tè̤hî̌dě Cǒmara a ta̤sò̌le̤sò̌lò̤ awi̤akè̌ htǒonu kò yṳǎbò pṳ̂̌꤮ tapwa̤ mè̤tò̤.

Kawyaw New Testament

² Kwicaba pô̤̌ padô̌ pa kû̌ Běcǎ gǔ ma̤hǎplǎ pa kû̌ dǒ kòyòphû̌mò̤̌ nutokhlǒ kû̌ kòyòkhu nutokhlǒ a cǔdekû nî̌꤮. Ma̤titèhî̌dě Cǒmara a ta̤sǎlě̤we̤kènu kòyò yṳ̌ǎ bò pṳ̂̌꤮ tôpwa̤ mè̤̌tô̤̌.

Tîsalònǐ ginǐ̤bǎ tôbǎ 3:2 Iomraidhean Croise

Matěo 17:17

Běcǎ Ye̤shǔ hî̌ asî, “Kòyò shodota̤yṳ sî꤮, ta kòyò cû̌sǔklè̌ sî꤮, he bǎ ǒyî̤kû̌pe ta sî pwî̌tè? He tobǎ khòsò̌do ǒyî̤kû̌pe sî pwî̌tè?” A hî̌hto hǐnudě a hî̌lè̌ kòmakhûnu tapwa̤, “Kaǎhè naphû̌khû bǎo.”

Matěo 23:23

“Pwa̤sû̌ǐ ta̤sû̌ta̤tòwò asara sî ta Pharisè̌phû̌ sî꤮, Cǒmara cèrò sî pě. Sî mî̌ kòyò htě a jîcǒjîtè̤ ana̤ toǒ. Sî ma̤ pwǐ Mǒ̤jè a ta̤sû̌ta̤tòwò hî̌nu tò̤. Sî kè̌ tûlû̌kè ta̤htě a lo̤bǎdû̌khlo toǒ lè. Sî ma̤cǒma̤tè̤ta̤tò̤, sî gwèbǎǐ kò tò̤. Sî cǒtè̤ ta sîyo̤ tò̤. Sî ahǒacî toǒ htě kò kaǎ yǎta Hedusûmo htě alò̤ta jòrò̤lǎ ta Aneto htě alò̤ta phocèlǎ ta Kumino htě alò̤ta hǎto̤lǎ sî toǒnu, sî ǐ yǎta pû̌shî̌tûpû̌ pwǎ̤tadě bǎ cèrò cǒcǒtè̤tè̤ta̤, bǎ gwèbǎǐ kò, bǎ ǒhtûpwa̤ cǒtè̤ ta yo̤ htǒotoǒ numî̌ ta̤htě a lo̤bǎdû̌ dě sî tobǎ ma̤po̤ma̤phǎ dǒkû̌ yǎta sî pû̌shî̌tûpû̌ htǒonu.

Lǔka 18:8

He hî̌ sî, Cǒmara cèrò cǒtè̤ phwèphwè asî pě. Pwǎ̤ta bǎ kòyòphû̌khû mî̌ hehtǒo hè pě akhanu, dě hǎkhû̌bǎo he kè̌shǐ kòyò toǒ ǒpe lǒkho ta ta̤yṳta̤nǎ pě ya?”

Pwa̤nophû̌ 13:45

Bǎ Yṳ̌daphû̌ toǒ kè̌shǐ kòyò hèplṳ̂hèphǎ akhanu, asî sò̌khěkhû̌khwè mè̤mè̤̌ Pò̌lu dě a htè̌shǔ pi̤jishǐcǒ Pò̌lu a ta̤hî̌bǎhî̌sho toǒ.

Pwa̤nophû̌ 13:50

Pwǎ̤tadě ma̤pûhǐ kò ma̤jîma̤jû Pò̌lu ta Banabǎ htǒonudě Yṳ̌daphû̌ sî toǒnu, a notûsû mamǔ htě a saba Cǒmara dě a htû hǐkǒdû̌ toǒ, ta makhû htě a htû hǐkǒdû̌ bǎ wî̤kûnu toǒ, dě a sahtò̌ ma̤jîma̤jû Pò̌lu ta Banabǎ. Dě asî wṳ̂hǎhtò̌kè Pò̌lu ta Banabǎ bǎ asî gakû.

Pwa̤nophû̌ 14:2

Pwǎ̤tadě Yṳ̌daphû̌ htě a yṳǎ kû̌kò tò̤ toǒnu, a notûsûbǎshû̌ Yṳ̌daphû̌ mè̤tò̤ toǒ dě a glè ma̤sò̌phlǒdû̌ kòyò htě a yṳǎna̤ǎnu toǒ.

Pwa̤nophû̌ 17:5

Pwǎ̤ta Yṳ̌daphû̌ toǒ sò̌khěkhû̌khwè asî dě a cû̌kaǎplǒ kòyòjono̤ kòyòphû̌mò̤ htě a cû̌ klǎkû htǒotoǒ dě a noma̤ shû̌shishû̌shǎbò kò tî̤wî̤bò. Ma̤pûhǐ asî pṳ̂cǐjûgrû htò̌nṳ Pò̌lu ta Tilǎ dě kòyò saprṳ̂ htǒotoǒ a lo̤mo̤nu, Yṳ̌daphû̌ htǒotoǒ ta kòyò saprṳ̂ htǒotoǒ cû̌ ma̤pò̌nṳ Ya̤so ahǐ dě nṳkè̌lǎ Pò̌lu ta Tilǎ.

Pwa̤nophû̌ 25:27

Ma̤tè̤hî̌dě kò dǒlò̤te̤ kòyò dě apo̤kû htǒotapwa̤nu, he dè hî̌lṳphlohtò̌ te̤mǎsǒ ta̤sǔ htě kò yṳ̂ nû̌û htǒonu toǒ tò̤ hî̌dě, he dè nosûcû̌ yǎ dě Khwǐdû̌ ǒ hî̌nu, alò̤ta atoabǎ tò̤,” Khwǐdû̌phesatǔ hî̌ hǐnu.

Pwa̤nophû̌ 28:24

Toǒǒ dě a yṳǎ lǒkho ta Pò̌lu hî̌ htǒotoǒ numî̌ a mè̤mè̤̌, pwǎ̤tadě toǒǒnu a yṳǎ tò̤.

Rṳ̂̌me̤ 10:16

Pwǎ̤tadě Israelphû̌ toǒnu a phî̌shǔbò ta̤sò̌le̤sò̌lò̤ awi̤akè̌ pṳ̂̌꤮ tapwa̤ tò̤. Ma̤tè̤hî̌dě, pwa̤po̤ Isaǐa hî̌ ta, “Kǒ Běcǎ, ûpè yṳǎkû̌ pa ta̤wi̤ta̤kè̌ htǒonu pè?”

Rṳ̂̌me̤ 15:31

Htodě, ma̤pûhǐ Cǒmara ma̤lû̌htò̌ he ta kòyò htě a ǒ Yṳ̌dagakû dě a yṳǎ kû̌kò Khrî̌stu tò̤nu toǒ a cǔdekûnu dě, kwisaba bǎ heya nî̌꤮. Htodě kwisaba kû̌po̤ bǎ pwa̤yṳǎphû̌ htě a ǒ dě Ye̤rǔshèlèwî̤kû toǒ glè sò̌le̤sò̌lò̤ phî̌shǔ ta̤ma̤lṳ htě he sûcû̌ bǎ asî htǒotoǒ nî̌꤮.

Kôritu awǐlǒ tôbǎ 15:32

Bǎ Ephè̌shiawî̤kû htǒonu, he khòbǎ mè̤mè̤̌ ta̤jîta̤jû, ma̤tè̤hî̌dě kòyò htě a sò̌khěkhû̌khwè he toǒnu, a sò̌yṳ ǎ heyî̌ numî̌ alò̤ta ta̤mi̤ta̤mò̤ toǒnu hǒ. Hǐnudě, he yṳǎ ta kòyò sihto toǒ dè htûpwa̤gepe tò̤ hî̌mò̌nu, he cû̌ sò̌phlǒhtû, khòjîkhòjû gètè̤̌ htǒo ma̤tè? Kò dè si htûpwa̤gepe tò̤ hî̌dě, awǒgutṳ̌ mî̌ pa ma̤phima̤mo̤ pana̤ dě pa hî̌dǒ pwǐ kò hî̌ ta̤hî̌bǎ tûmû ta, “Pe̤wo̤pě mî̌ pa si pě ya꤮, dě paǎpao hò̌꤮, ma̤phima̤mo̤ pana̤ hò̌꤮.” Ta̤hî̌bǎ dǒhtû̌ǐ ǒ hǐnu.

Tîsalònǐ awǐlǒ tôbǎ 2:18

Pa sò̌yṳ hèǒlèkû̌po̤ sî. He mî̌ Pò̌lu htǒo, he jipwi̤ hè sala̤kû̌po̤ dě sîǒ pwǎ̤ta khînǎmo̤pha hǐkǒdû̌ ma̤dǐdò paklè̌.

Tîmôte ginǐ̤bǎ tôbǎ 4:17

Pwǎ̤ta ma̤pûhǐ Yṳ̌daphû̌ mè̤tò̤ toǒ gana̤debǎ dǒ ta̤sò̌le̤sò̌lò̤ awi̤akè̌ ayanudě, Běcǎ ǒkû̌ ta he dě a ǐ hekhû̌heǎ dě he pwe̤ǐlṳ lǒbehto bǎ asî hǒ. Hǐnudě he lû̌htò̌kè htǒonumî̌ a sǒsǒta he lû̌htò̌kè dě Sî̌ò̌mo̤pha gokû.