Tîsalònǐ ginǐ̤bǎ tôbǎ 3:1 - Kawyaw RC

¹ Pa pṳwè̤ sî꤮, pa sò̌yṳ pwe̤ǐ gutṳ̌lò̤ sî ta, ma̤pûhǐ Běcǎ a ta̤sò̌le̤sò̌lò̤ awi̤akè̌ lṳpîshîcû̌ phwèphwè ayanu, kwisaba bǎ paya nî̌꤮. Htohǒtò̤ pwǐ sî phî̌shǔhto ata̤sò̌le̤sò̌lò̤ awi̤akè̌ htǒonu ta dě ta̤bè̌dubè̌na̤ akûnu, ma̤pûhǐ kò phî̌shǔ sǒsǒta pwǐ sî phî̌shǔ htǒonudě, kwisabapo̤ lǒkho bǎ paya nî̌꤮.

Kawyaw New Testament

¹ Pa sapṳ̌wè̤̌ sî, pa sǎyṳ shôbǐǐkè sî dǒ gutṳ̌kò kû̌, pô̤̌khô Běcǎ a ta̤sǎlě̤we̤kè gǔ lṳ̌peshecû̌ phwèphwè ayanu, kwicabanṳ̌ bǎ paya nî̌꤮. Htokhôtô̤̌ pô̤̌ sî phî̌shěshu hto ta̤sǎlě̤we̤kènu kû̌ dǒ ta̤bè̌dubè̌nǎ̤ akûnu pô̤̌khô kòyò gǔ phî̌shǐshu sô̌sô̌ pô̤̌ sî phî̌shǐshu nudě, kwicabanṳ̌ bǎ pô̤̌ lô̌khô paya nî̌꤮.

Tîsalònǐ ginǐ̤bǎ tôbǎ 3:1 Iomraidhean Croise

Htû̌sò̌htò̌ 138:2

Nami̤ ta nata̤olò̤ toǒnu na bè̌htò̌yî̤khlo yǎta ta̤lǒ̤꤮ bò akhû̌akhî, he glè û̌gene̤lò̤ to dě nata̤lṳta̤ho cahtǐ ǒnu tokho. Nata̤mo̤ǐnu ahǎbòjò tò̤, na cǒtè̤ ta nayo̤ akhû̌akhî, he htû̌sò̌ǐ na.

Matěo 9:38

Dě kwisaba lǒkho hǔklaběcǎ ta a glè nohè pwa̤kǎbǔ toǒ dě ahǔklakhû̌ htǒonu nî̌꤮.”

Lǔka 10:2

A hî̌ bǎ asî, “La̤kǎbǔ agûla̤ ǒplṳ̂, pwǎ̤tadě pwa̤kǎbǔ ǒpî̌tî̌ mè̤mè̤̌. Dě kwisaba lǒkho hǔklaběcǎ ta a glè nohè pwa̤kǎbǔ toǒ dě ahǔklakhû̌ htǒonu nî̌꤮.

Pwa̤nophû̌ 12:24

Pwǎ̤tadě Cǒmara ale̤ayo̤nu, a lṳpîshîcû̌ yî̤ hèpo̤ alo̤mo̤ dě sǔ kò yṳǎna̤ǎ htò̌dû̌.

Pwa̤nophû̌ 19:20

Dě Cǒmara ta̤po̤ta̤phǎ ǒlṳhtò̌ ta aklè̌aklò pwǐhè̌o akhû̌akhî, Cǒmara ale̤ayo̤ lṳpîshî cû̌lè̤htò̌po̤ dě a dû̌htò̌htûhtò̌ hèpo̤ alo̤mo̤.

Pwa̤nophû̌ 6:7

Hǐnudě Cǒmara ale̤ayo̤htǒo sǔ a lṳpîshîcû̌kè. Htodě Ye̤rǔshèlèwî̤kûnu, kòyò htě a yṳǎna̤ǎta̤ toǒ ǒwo̤ǒplṳ̂htò̌. Htohǒtò̤ pwa̤lṳhtò̌ta̤ toǒnu, a yṳǎna̤ǎplṳ̂ kû̌ mè̤mè̤̌.

Rṳ̂̌me̤ 15:30

Pṳwè̤ toǒ꤮, pa Běcǎ Ye̤shǔkhrî̌stu ta Běcǎ sǎcahtǐ a ta̤mo̤ǐ akhû̌akhî, he kwigwèbǎǐ sî ta sî kwisaba plǒkû̌dǒ ta he pě, dě sî kwisabahtò̌ dǒbǎ he dě Cǒmara a ǒ pě dě sî kwisaba lǒ̤sû̌lǒ̤sò̌ dǒbǎ heya pě nî̌꤮.

Kôritu awǐlǒ tôbǎ 16:9

Kòyò htě a sò̌khěkhû̌khwè he toǒnu a ǒplṳ̂ pwǎ̤ta he cû̌ǒ bǎ Ephè̌shiawî̤kû htǒonu, a le̤dû̌pwî̤htû mè̤mè̤̌ ta heya hǒ, ma̤tè̤hî̌dě kòyò htě a sò̌yṳ gana̤de Cǒmara ale̤ayo̤ toǒnu a ǒplṳ̂pe.

Kôritu ginǐ̤bǎ tôbǎ 1:11

Ma̤pûhǐ Cǒmara ma̤lû̌htò̌ge pa ta ta̤hè̌o toǒ ayanu, pa lo̤bǎ sî ta̤ma̤jè ta sî ta̤kwisaba. Ma̤pûhǐ kòyò saprṳ̂ htû̌sò̌ hî̌bwǐhî̌sîrîhtò̌ Cǒmara pě ayanu, Cǒmara gana̤de sî ta̤kwisaba toǒ pě dě a ma̤lû̌htò̌ge pa dě ta̤siakla ta ata̤bwǐdû̌sîrîhtû pě.

Kôritu ginǐ̤bǎ tôbǎ 13:11

Sû̌kho sî꤮, he sò̌yṳ hî̌ gutṳ̌lò̤ sî ta, sò̌le̤sò̌lò̤ lǒkho nî̌꤮. Ma̤wǒgesǒ lǒkho sî ta̤ǒhtûpwa̤ nî̌꤮. Gana̤de lǒkho he ta̤kwigwèbǎǐ sî htǒonu toǒ nî̌꤮. Ǒhtuǒplǒ, ǒpè̤ǒdû nû̌û nî̌꤮. Sî dè ma̤mò̌hǐnu Cǒmara htě a mî̌ ta̤mo̤ǐ ta ta̤pè̤ta̤dû a kòshî̌kòtṳ htǒotapwa̤ ǒkû̌ tû̌ta sî pě.

Kòlòtè̌ 4:3

Dě wǐkhamî̌ kòyò toǒ sî̌ya Khrî̌stu awi̤akè̌ tò̤. Cǒmara bè̌hǔ Khrî̌stu awi̤akè̌htǒo. Pwǎ̤tadě khònò̤ ta̤bè̌hǔ htǒonu a ǒlṳhtò̌ hǒ. Ma̤pûhǐ Cǒmara bòmo bǎ paklè̌ dě pa dǒhtû̌ǐ nṳbǎ kò ta Khrî̌stu awi̤akè̌ htǒonu, kwisabadǒ bǎ lǒkho paya nî̌꤮. Dě꤮ wǐkhamî̌ ta̤dǒhǔ htǒonu, a ǒlṳhtò̌ hǒtò̤, pwǎ̤tadě khònò̤htǒo a ǒlṳhtò̌ hǒ. Dě he dǒhtû̌ǐ kò ta Khrî̌stu awi̤akè̌ akhû̌akhî, kò dǒlò̤te̤pwǎ he dě apo̤kû.

Tîsalònǐ awǐlǒ tôbǎ 1:5

Ma̤tè̤hî̌dě pa phî̌hè bǎ sî ta̤sò̌le̤sò̌lò̤ awi̤akè̌ htǒonumî̌ tǒ̤pwǎ pa khû̌phě a ta̤hî̌bǎnu mè̤tò̤. Ta̤sò̌le̤sò̌lò̤ awi̤akè̌ htǒonumî̌, a ǒ ta a sîrîshû̌sho, a ǒ ta Běcǎ sǎcahtǐ, a ǒ ta ta̤yṳǎ bòmṳ̂sîglî ta̤sò̌le̤sò̌lò̤ awi̤akè̌ a ta̤cǒta̤tè̤ htǒotoǒ. Dě bǎ pa ǒkû̌ ta sî akhanu, pa mî̌ kòyò hî̌tè toǒnu, sî sî̌yahtotû̌ hǒ. Htǒonumî̌ pa ǒhtûpwa̤ ta sî la̤nî̤bwǐnî̤sîrî aya pwǎ.

Tîsalònǐ awǐlǒ tôbǎ 1:8

Ma̤tè̤hî̌dě Běcǎ a ta̤sò̌le̤sò̌lò̤ awi̤akè̌ htě sî dǒhtû̌ǐ bǎ kò htǒonu, a lṳcû̌to̤ pwǎ dě Makedò̌niaga ta Akhayagakûnu mè̤tò̤. Sîmi̤ htě sî yṳǎna̤ǎ Cǒmara awi̤akè̌ htǒonu, a lṳpîshî cû̌to̤bò dě gûla̤ pṳ̂̌꤮ tò̤glò hǒ. Hǐnudě sî ta̤yṳ awi̤akè̌ htǒonu pa lo̤bǎ dǒhtû̌ǐlṳpe bǎ kò dǐpwǎ̤꤮ tò̤.

Tîsalònǐ awǐlǒ tôbǎ 2:1

Pṳwè̤sî, pa cû̌ǒlèkû̌ sînu, a hǎbònòdû̌ akhîakha mè̤tò̤. Abwǐasîrî ǒpwǎ numî̌ sî sî̌yatû̌ hǒ.

Tîsalònǐ awǐlǒ tôbǎ 2:13

Bǎ sî gana̤de Cǒmara ale̤ayo̤ htě pa pwe̤ǐ bǎ sîhtǒo akhanu, sî phî̌shǔ yǎ pwǐ a ǒ dě kòyò a ǒ hènṳ mè̤tò̤, sî phî̌shǔ yǎ pwǐ a ǒ dě Cǒmara a ǒ hènu. Hǐnu akhû̌akhî, pa hî̌bwǐhî̌sîrî Cǒmara pṳ̂̌꤮ taplǎ. Dě ta̤wi̤ta̤kè̌ htǒonumî̌ Cǒmara a ta̤wi̤ta̤kè̌ na̤cè̌. Ta̤wi̤ta̤kè̌ htǒo akhû̌akhî, Cǒmara noǒhtûpwa̤ sî pwǐ ato nû̌ûsò̌phlǒnu hǒ.

Tîsalònǐ awǐlǒ tôbǎ 4:1

Pṳwè̤ sî, dě nǒkònu, sî tobǎ ǒhtûpwa̤ tota Cǒmara asò̌phlǒ hî̌tènu, pa sû̌ǐhto sî hǒ. Dě khònò̤htǒo sî ǒhtûpwa̤ numî̌ a mè̤hǒ. Khònò̤htǒo pa kwigwèbǎǐ sî dě pa tûsû sîkò ta Běcǎ Ye̤shǔ agûla̤ dě, sî glè ma̤dû̌htò̌ sělěpo̤ hǐnu.

Tîsalònǐ awǐlǒ tôbǎ 5:17

Kwisaba lǒkho pṳ̂̌꤮ taplǎ nî̌꤮.

Tîsalònǐ awǐlǒ tôbǎ 5:25

Pṳwè̤sî, kwisabadǒ lǒkho paya nî̌꤮.

Tîmôte ginǐ̤bǎ tôbǎ 2:9

He dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, he khòbǎ ta̤jîta̤jû dě kò coklomě he ta sǒpli̤te̤htò̌ asǒsǒta kòyò ma̤sǔ ta̤sû̌ta̤tòwò tapwa̤. Pwǎ̤ta Cǒmara ale̤ayo̤nu kò coklomějò nǒ yǎtò̤.