Tîsalònǐ ginǐ̤bǎ tôbǎ 2:9 - Kawyaw RC

⁹ Kòjîkòphû̌mò̤ htǒotapwa̤nu a glè nî̤bǎ khînǎmo̤pha hǐkǒdû̌ a ta̤po̤ta̤phǎ dě a dǔlṳ lòhǎlòhobò bǎ kò ta ta̤cǒklî̌kî̌ya pṳ̂̌tacǎ, ta̤ma̤dòǐ pṳ̂̌꤮ tacǎ ta ta̤te̤pe̤ sû̌pi̤sò̌pi̤ toǒ pṳ̂̌꤮ tacǎ pě.

Kawyaw New Testament

⁹ Kòyò phû̌mò̤̌ tôpwa̤nu a gǔ nǐ̤bǎ hǎkhû̌tana a ta̤pô̤ta̤phǎ dě a dǔlè̌lṳ̌ lòhǎlòhô bǎbò kòyò kû̌ ta̤cô̌klǐcô̌sè pṳ̂̌꤮ tocǒ, ta̤ma̤mǎnǎ pṳ̂̌꤮ tocǒ kû̌ ta̤cô̌klǐ ǒò̌ tokhlǒ pṳ̂̌꤮ tocǒ pě.

Tîsalònǐ ginǐ̤bǎ tôbǎ 2:9 Iomraidhean Croise

Matěo 12:22

Htodě asî kaǎhènṳ kòmakhû htě khînǎ ma̤sha nû̌û dě a mi̤sǎkhǐ ta a pè̌nu tapwa̤ dě Běcǎ Ye̤shǔ ǒ. Ma̤pûhǐ a hî̌bǎjò, kè̌shǐjò gesǒnu, a ma̤bǎ bǎ nû̌û.

Matěo 24:24

Ma̤tè̤hî̌dě pwa̤sûlû ana̤ pwǐ Khrî̌stunu ta pwa̤sûlû lòho ana̤ pwǐ pwa̤po̤ sî toǒnu a ǒhtò̌plṳ̂ pě. Asî ma̤lṳjò bǎ kò ta̤htě a te̤pe̤jò kònu toǒ ta ta̤cǒklî̌kî̌ya toǒ pě. A dè ma̤jò hî̌numî̌ a sò̌yṳ lǒǎplò̤ǎ kòyò htě Cǒmara wû̌lǎ kaǎhto nû̌nu toǒ.

Matěo 4:10

Htodě Ye̤shǔ hî̌ yǎ, “Khînǎmo̤pha hǐkǒdû̌꤮! Cû̌ tepheyî̤kè. Lî̤cahtǐkû hî̌, ‘Sabahtò̌ pwǎpǒ̤ na Běcǎ Cǒmara dě ma̤pwǎpǒ̤ ata̤ma̤ pwǎ nî̌,’” A hî̌ hǐnu.

Mǎ̤riko 13:22

Ma̤tè̤hî̌dě kòyò htě asûlû lòho ana̤ pwǐ Khrî̌stu htě a ma̤lû̌htò̌ge kò htǒotapwa̤ toǒnu ta kòyò htě asûlû lòho ana̤ pwǐ pwa̤po̤ sî toǒnu, a ǒlṳhtò̌ pě. Ma̤pûhǐ asî lǒǎplò̤ǎ dǒ kòyò htě Cǒmara wû̌lǎhto nû̌û htǒotoǒnu, asî dè ma̤jò hî̌dě, a ma̤lṳhtò̌ ata̤ma̤ cǒklî̌kî̌ya toǒ ta ata̤ma̤ sû̌pi̤sò̌pi̤ kònu toǒ pě.

Lǔka 11:25

Dě bǎ a geto̤sǒ kòyònu tapwa̤ ǒ akhanu, a ge kè̌shǐ ta agûla̤li̤ htǒonu, aplîamṳ̂wǒ a ǒ tònòsho wî̤wǒbò pṳ̂̌꤮ tacǎ.

Jowǎ̤ni̤ 4:48

Ye̤shǔ hî̌ yǎ, “Sî dèkè̌shǐ bǎpe ta̤cǒklî̌kî̌ya ta ta̤sû̌pi̤sò̌pi̤ toǒ tò̤ hî̌dě, sî yṳǎ dî̌kî̌꤮ tò̤.”

Jowǎ̤ni̤ 8:41

Sî gûma̤kû̌ pwǐ sîpha ma̤nu,” a hî̌ asî hǐnu. Dě asî htè̌shǔ, “Papha ǒpwǎ Cǒmara tapwǎ̤ pa. Pamo̤papha cû̌sǔnṳplěnṳ nû̌û dě aphû̌ ǒ pa mè̤tò̤.” A htè̌shǔ hǐnu.

Jowǎ̤ni̤ 8:44

Sîpha mî̌ khînǎmo̤pha hǐkǒdû̌ htě kò kaǎ yǎta Sehtonu tado hǒ. Sî sò̌yṳ gûma̤kû̌ pwǐ sîpha a ta̤sò̌yṳnu pwǎ. Sîpha mî̌ a htû pwa̤ma̤si kòyò dě khû̌lû̌kha pe. Ta̤te̤ta̤mǎ ǒ nû̌kû tò̤ akhû̌akhî, a gana̤de gûma̤ kû̌kò ta̤te̤ta̤mǎ tò̤. Bǎ a hî̌bǎ akhanu, a ta̤lòhǎlòho toǒ numî̌ a htû nû̌û la̤klo hǒ. A mî̌ kòyò lòhǎlòho tapwa̤ dě a htû lǒ̤꤮ bò ta̤lòhǎlòho toǒ apha hǒ.

Pwa̤nophû̌ 13:10

Dě a hî̌ nû̌û, “Na mî̌ kòyò htě a ma̤ khînǎmo̤pha hǐkǒdû̌ ata̤ma̤ tapwa̤. Na mî̌ ta̤cǒta̤tè̤ lǒ̤bò akhuwè̤nu toǒ. Na lǒbe ta ta̤lòhǎlòho ta ta̤phû̌mò̤shî̌hto pṳ̂̌tacǎ, na kè̌lǎ ma̤tuplutèplè̌ lòhobò Běcǎ a ta̤te̤ta̤mǎ htǒonu pṳ̂̌꤮ taplǎ.

Kôritu ginǐ̤bǎ tôbǎ 11:14

Asî ma̤hǐnu dě he sû̌pi̤sò̌pi̤ nǒ dǐcǎ꤮ tò̤. Khînǎmo̤pha hǐkǒdû̌ sûlûlòho ana̤ pwǐ mǒkhû̌tanaphû̌ htě a shěrakha toǒnu mî̌ a ma̤jò pwǎ.

Kôritu ginǐ̤bǎ tôbǎ 11:3

Pwǐ khînǎmo̤pha hǐkǒdû̌ sûlûana̤ sǒsǒta wṳ̂ dě a hè lǒǎplò̤ǎ Ěwa̤nu, he bǎgubǎgènǎ ta pěmî̌ kò hè lǒǎplò̤ǎ sî hǐnu pě, htohǒtò̤ pěmî̌ kò hè ma̤pî̌ma̤lṳ̂bò sî sò̌phlǒ a ta̤gènè̤ toǒ dě sî wîkè sî ta̤sò̌yṳ mo̤ǐ lǒ̤sû̌lǒ̤sò̌ Khrî̌stu ta sî ta̤sò̌yṳmo̤ǐ te̤mǎ Khrî̌stu htǒonu pě he bǎgubǎgè mè̤mè̤̌ sîya hǐnu.

Kôritu ginǐ̤bǎ tôbǎ 4:4

Khînǎmo̤pha hǐkǒdû̌ htě a pǒǐ hǎkhû̌ htǒotadonu, a ma̤khǐ ma̤te̤pe̤kè asî mi̤sǎ akhû̌akhî, asî kè̌shǐ kû̌kò ta̤sò̌le̤sò̌lò̤ awi̤akè̌ ta ata̤lî htǒonu tò̤. Ma̤pûhǐ kòyòhǎkhû̌phû̌ toǒ sî̌yaphlo pû Khrî̌stu a ta̤sò̌le̤sò̌lò̤ awi̤akè̌ htě a pwe̤ǐlṳ bǎ kò ta Khrî̌stu a ta̤sîrîdû̌sîrîhtû awi̤akè̌ htǒo tò̤nu, a ma̤te̤pe̤ ǒò̌kè asî hǐnu hǒ. Pwa̤ htě a dǔlṳ te̤mǎ pa ta Cǒmara mî̌ Khrî̌stu hǒ.

Ěphěsu 2:2

Bǎnuakha, sî gûma̤kû̌ hǎkhû̌ a ta̤phû̌mò̤shî̌hto toǒ. Sî gana̤de jûle̤phî̌yo̤kû̌ pwǎ khînǎmo̤pha hǐkǒdû̌ htě a pǒǐ khînǎkhîno dě mǒla̤ toǒ ayo̤. Khînǎmo̤pha hǐkǒdû̌ htǒonu, a pǒǐpe kòyò htě a gana̤dekû̌ kòyò Cǒmara ayo̤ tò̤ toǒnu.

Tîmôte ginǐ̤bǎ tôbǎ 3:8

A ma̤ ma̤hǐ Ya̤ni ta Ya̤bri ma̤ tukutakǎshǔ Mǒ̤jènu hǒ. Kòyònu toǒmî̌ a htè̌shǔ ta̤te̤ta̤mǎ. Asî mî̌ kòyò htě a gènè̤ phû̌mò̤shî̌hto ta̤ toǒ, dě a ta̤yṳta̤nǎ pî̌kè tû̌nu toǒ pwǎ.

Jǎgomo̤ 3:15

Ta̤sî̌khû̌sî̌ya hǐnu toǒ mî̌ a ǒ dě mǒkhû̌ hè mè̤tò̤, hǎkhû̌akhû̌ a ta̤sî̌khû̌sî̌yanu toǒpwǎ. Ta̤sî̌khû̌sî̌ya hǐnu toǒ mî̌ a ǒ dě Běcǎ sǎcahtǐ a ǒ hè mè̤tò̤, a ǒ dě khînǎkhîno a ǒ hè pwǎ.

Ta̤dǔlè̌nǎ 12:17

Wṳ̂sapo̤pṳ htǒotabo sò̌phlǒdû̌ mamǔnu tapwa̤ akhû̌akhî, a hǎhtò̌cû̌ tephekè dě a glè cû̌shě lè̌ta mamǔ aphû̌ali̤ htě a ǒkènu toǒ. A ǒkè htǒotoǒ numî̌ kòyò htě a gana̤de Cǒmara ta̤mǎlò̤nu toǒ ta kòyò htě acǒatè̤ ta a ta̤khòlṳ dě Ye̤shǔ dǔlṳkè nû̌ûnu toǒ hǒ.

Ta̤dǔlè̌nǎ 12:9

Wṳ̂sapo̤pṳdû̌ děwǐkha tabo htě kò kaǎ nû̌ûmi̤ ta khînǎmo̤pha hǐkǒdû̌ mètò̤mî̌ Sehto htě a cû̌ htû̌sǒbǎ phû̌mò̤bò kò hǎkhû̌tebě htǒotabonu, kò wîlòte̤kèbò a ta a tanaphû̌ toǒ hǎkhû̌.

Ta̤dǔlè̌nǎ 18:23

Kè̌shǐbǎpe mî̌lî dě nakû tò̤. Gana̤debǎpe pwa̤khòmò̤ makhûkhû mamǔmǔ ayo̤ tò̤. Na pwa̤ma̤guma̤khè̌ ta̤phû̌ toǒnu, a dû̌yò̤htò̌sakhlo kòkhû̌ ta a ta̤sîrîshû̌shokhlo kòkhû̌ dě hǎkhû̌bǎo. Htodě khînǎ sara ǎkòyòyo̤ ǒ dě na wî̤kû toǒnu, asî lǒplò̤ hǎkhû̌phû̌ htǒotoǒ akhû̌akhî, hǎkhû̌phû̌ toǒ gûsǔ kû̌bò na kò pě.

Ta̤dǔlè̌nǎ 19:20

Kò pṳ̂nṳkè ta̤mi̤ta̤mò̤nu tado dě kò pṳ̂nṳ kû̌dǒpo̤ pwa̤po̤ lòho htě a ma̤lṳ bǎ kò ta̤cǒklî̌kî̌ya dě ta̤mi̤ta̤mò̤nu tado alo̤mo̤nu tapwa̤. Dě a ma̤ cǒklî̌kî̌ya bǎ kò akhû̌akhî, a lǒplò̤bò kòyò htě a nî̤bǎ ta̤mi̤ta̤mò̤nu tado a ta̤ma̤dòǐ dě a saba nû̌ûnu toǒ. Ta̤mi̤ta̤mò̤nu tado ta pwa̤po̤ htě a lǒplò̤ kònu tapwa̤ sò̌gini̤bò kò wîlòte̤ samṳkè asî dě mî̌ htě kò shû̌gè nû̌ûta ya̤sû̌bònu toǒ akû.

Ta̤dǔlè̌nǎ 20:10

Khînǎmo̤pha hǐkǒdû̌ htě a lǒplò̤ asî htǒotadonu, kò wîlòte̤kè nû̌û mî̌kla dě kò shû̌gè nû̌ûta ya̤sû̌bò htǒonu tokoǒ akû. Mî̌htǒo tokoǒ numî̌ kò la̤wîlòte̤ ta̤mi̤ta̤mò̤nu tado ta pwa̤po̤ lòhonu toǒ agûla̤nu hǒ. Dě asî khòbǎ ta̤jîta̤jû lṳmṳkhǐkhǐ lṳmṳshasha tûjûpwa̤ talakhǎ pě.

Ta̤dǔlè̌nǎ 9:11

Khwǐcophǎ htě a pǒǐ asînu a ǒtapwa̤. A mî̌ tanaphû̌ tapwa̤ htě a pǒǐ khokûdû̌ khokûyo̤ htǒotûkûnu tapwa̤ hǒ. Ebrephû̌ ayo̤ numî̌ ami̤ ta Abado dě Greek ayo̤ numî̌, a hî̌ nû̌ûta Apò̌lia.