Tîsalònǐ ginǐ̤bǎ tôbǎ 2:8 - Kawyaw RC

⁸ Htodě kòyò phû̌mò̤ htǒotapwa̤ ǒlṳhtò̌ pě pwǎ̤ta bǎ Běcǎ Ye̤shǔkhrî̌stu hè pě akhanu, a ma̤sikè nû̌û ta a ta̤sǎhtò̌ dě agokû htǒonu pě, dě a hè ma̤pî̌kè nû̌û ta a ta̤sîrîdû̌sîrîhtû htǒonu pě.

Kawyaw New Testament

⁸ Htodě kòyò phû̌mò̤̌ nutôpwa̤ gǔ ô̌lṳ̌htò̌ pě bǎbǎkǎlè bǎ Běcǎ Yeshǔ Khrǐ hè pě akhanu, a gǔ ma̤sikè lû̌û kû̌ a ta̤sǎhtò̌ dǒ agô̌kûnu pě, dě a hè ma̤pî̌kè lû̌û kû̌ a ta̤bwǐdû̌sîrîhtû nupě.

Tîsalònǐ ginǐ̤bǎ tôbǎ 2:8 Iomraidhean Croise

Htû̌sò̌htò̌ 18:15

Kǒ Cǒmara tûjûpwa̤, bǎ na sǎhtǎ pwa̤khuwè na dě na sǎhtò̌ gili̤ dě nanò̌khikû akhanu, shidû̌shite̤we̤ sǔkhwe to̤ dě akòdǎ. Hǎkhû̌ ǒmo to̤ dě akòtṳ.

Matěo 13:19

Bǎ kòyò tapwa̤pwa̤ gana̤dephlo Cǒmara ashiaga ta̤wi̤ta̤kè̌ dě a sî̌yaphlo tò̤ toǒ numî̌ asǒsǒta ta̤khli lò̤te̤ klè̌dakû. Dě khînǎmo̤pha hǐkǒdû̌ hèphî̌ tephekè ta̤khli htě kò wi̤lò̤ asî sò̌phlǒkûnu toǒ.

Matěo 13:38

Hǔklakhû̌ amûasǎ mî̌ hǎkhû̌ htǒotebě hǒ, bǔkû̌lǎkhli htě awî̤acò toǒ amûasǎ mî̌ mǒkhû̌ shila̤gakûphû̌ toǒhǒ, mi̤to̤po̤ toǒ amûasǎ mî̌ khînǎmo̤pha hǐkǒdû̌ aphû̌ toǒhǒ.

Matěo 16:27

Ma̤tè̤hî̌dě kòyòphû̌khû mî̌ hehtǒo hè ta apha asîrîdû̌sîrîhtû pě, ta amǒkhû̌tanaphû̌ toǒ pě dě a ǐbò gesǒ kò pṳ̂̌꤮ tapwa̤ pwǐ asî ma̤htonu toǒ pě.

Matěo 16:28

He hî̌ mè̤mè̤̌ sî, kòyò htě a ihtǒ ǒbǎ sîklabǎo toǒǒnu, bǎ asî si hǒtò̤kha, asî kè̌shǐbǎ lǒkho kòyòphû̌khû mî̌ hehtǒo hè pwǐ Khwǐ tapwa̤nu pě.”

Kôritu awǐlǒ tôbǎ 1:28

Ma̤pûhǐ Cǒmara ma̤pî̌kè ta̤ htě kòyòhǎkhû̌phû̌ gènè̤dû̌nu toǒ ayanudě, a kaǎ pwǎ kòyò htě kò bè̌dû̌ asî tò̤nu toǒ, kò gènè̤pî̌tî̌ asînu toǒ ta kò bè̌ asî ta kòyò nòdû̌nu toǒ pwǎ.

Tîsalònǐ ginǐ̤bǎ tôbǎ 2:3

Nolǒǎplò̤ǎ pûma̤ sîna̤ ma̤ nî̌꤮. Běcǎ Ye̤shǔkhrî̌stu hè hǒtò̤nu, kòyò toǒ shěshǔ Cǒmara pě dě kòyò htě a htè̌shǔkè Cǒmara ta Cǒmara a ta̤sû̌ta̤tòwònu tapwa̤ ǒlṳhtò̌ pě. Ta̤htǒotoǒ htûhtò̌wǐhtopě dě Běcǎ Ye̤shǔkhrî̌stu hè gesǒ pě amṳni̤ htǒonu a hè htûhtò̌ nǒ pě. Htodě Cǒmara ma̤pî̌phlǔkè kòjîkòphû̌mò̤nu tapwa̤ dě ngariǒkû pě.

Tîmôte awǐlǒ tôbǎ 6:14

Dě he mǎnǎkè na htǒo, jûle̤phî̌yo̤ cǒtè̤ ta̤mǎlò̤ htě he ǐhto nanu toǒ. Nadě nobè̌ pûma̤ ta̤sǔ ta kò ma̤. Tûrû̌ ma̤hǐnu to̤htû̌ Běcǎ Ye̤shǔkhrî̌stu hèǒlṳhtò̌ gesǒ pě taplǎnu nî̌꤮.

Tîmôte ginǐ̤bǎ tôbǎ 1:10

Pwǎ̤tadě khònò̤htǒo pa Běcǎ Ye̤shǔkhrî̌stu htě a ma̤lû̌htò̌ge pa htǒotapwa̤ hè akhû̌akhî, a dǔlṳ bǎ pa ta̤bwǐta̤sîrî htǒonuhǒ. A ma̤pî̌kè ta̤si a ta̤shû̌ta̤sho htě a pè̤ǎpè̤o pa htǒotoǒ hǒ. Htodě ta̤sò̌le̤sò̌lò̤ awi̤akè̌ akhû̌akhî, a dǔlṳhto ta̤htûpwa̤ htě a sijò tò̤ htǒonuhǒ.

Tîmôte ginǐ̤bǎ tôbǎ 4:1

Htû̌꤮ Ye̤shǔkhrî̌stu hèpǒǐ pwǐ Khwǐcophǎ tapwa̤ akhapěnu, a hè cèrò kòyò htûpwa̤ toǒ ta kòyòsi toǒ ginǐ̤cǎbò pě. Hǐnudě Cǒmara ta Ye̤shǔkhrî̌stu a lo̤mo̤nu he sò̌yṳ hî̌měhî̌glekè heta̤hî̌bǎ ta na pwǐhè̌o,

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 10:27

A ǒkè pwǎpǒ̤ tacǎpa dě pa glè ǒpo̤pwǎ Cǒmara a ta̤cèrò ta mî̌gè plo̤dû̌ dě a gèsikèbò kòyò htě a sò̌khě Cǒmara htǒotoǒnu pě.

Yṳ̂ha awǐlǒ tôbǎ 2:13

Pha sî꤮, he khwè̌ bǎ sî lî̤htǒo, ma̤tè̤hî̌dě kòyò htě a ǒnǎpe dě mǒkhû̌hǎkhû̌ htûhtò̌ hǒtò̤ akhanu tapwa̤nu, sî sî̌yahto yǎ hǒ. Makhûphû̌sǎ sî꤮, sî ma̤pè̤hto khînǎmo̤pha hǐkǒdû̌ akhû̌akhî, he khwè̌ bǎ sî lî̤htǒotabǎ. Hephû̌heli̤ sî꤮, sî sî̌yahto pha Cǒmara akhû̌akhî, he khwè̌ bǎ sî lî̤htǒo.

Yṳ̂ha awǐlǒ tôbǎ 3:12

Pa tobǎ sǒsǒta Kaî̌no htě khînǎmo̤pha hǐkǒdû̌ pǒǐ nû̌û dě a ma̤si apṳnu tapwa̤ tò̤. A cû̌ ma̤si tǒ̤ apṳ ma̤tè̤hî̌dě a ma̤ta̤ toǒ numî̌ a phû̌mò̤shî̌hto dě apṳ ma̤ta̤ toǒ numî̌, a cǒtè̤ akhû̌akhî, a ma̤sikèpwǎ apṳ.

Yṳ̂ha awǐlǒ tôbǎ 5:18

Pa sî̌ya ta Cǒmara aphû̌ali̤ toǒ numî̌, a ma̤ sělěpe ta̤sǔta̤plě dǐkhò̌ tò̤. Ma̤tè̤hî̌dě Cǒmara aphû̌khû Ye̤shǔ htǒonu a ma̤kwa dǐdòǐ asî dě khînǎmo̤pha hǐkǒdû̌ htě a ma̤ ta̤phû̌mò̤ htǒotadonu a ma̤shajò asî tò̤.

Ta̤dǔlè̌nǎ 1:16

Acǔdemû tokhonu a pṳ̂měǐ shǎ susǒtama. Htodě tǒ̤phû̌ htě a htò cî̌htè̌cî̌kho tabǎ ǒdě agokû hǎhtò̌. A mi̤sǎnu a shěrakha sǒsǒta lṳmṳ shěrakhalò̤ bǎ lṳmṳbǎ akhanu.

Ta̤dǔlè̌nǎ 13:5

Ta̤mi̤ta̤mò̤ htǒotadonu, a nî̤bǎ ashuakhwèwǒ dě a glè hî̌bǎhtò̌yî̤ ana̤ dě a pi̤jishǐcǒ Cǒmara. Htohǒtò̤ kò ǐyǎ dě a noǎ a ta̤sîrîshû̌sho li̤shi ta ginǐ̤la pě.

Ta̤dǔlè̌nǎ 19:15

Tǒ̤phû̌ htě a htòwǒ dě a glè ma̤pè̤kèbò shiga tebě toǒnu a ǒ nû̌û gokû hǎhtò̌. Dě a pǒǐ asî ta khî̌po̤ te̤htò̌ pě. Dě Cǒmara htě a jòta̤lǒ̤bò sî̌yata̤lǒ̤bò htǒotapwa̤ glè dǔlṳ a ta̤sò̌dû̌ dě a cèrò asî sǒsǒta kò wî̤hǎhtò̌ sobîshi nu pě.

Ta̤dǔlè̌nǎ 2:16

Khònò̤dě wîkèmò̌ na ta̤sǔta̤plěnu. Na dè wîkè tò̤ hî̌mò̌nu he hèlǎ phwè dě na ǒ pě dě he hèshě kòyònu toǒ ta tǒ̤phû̌ htě a hǎhtò̌ dě he gokû htǒonu tabǎ pě.

Ta̤dǔlè̌nǎ 20:10

Khînǎmo̤pha hǐkǒdû̌ htě a lǒplò̤ asî htǒotadonu, kò wîlòte̤kè nû̌û mî̌kla dě kò shû̌gè nû̌ûta ya̤sû̌bò htǒonu tokoǒ akû. Mî̌htǒo tokoǒ numî̌ kò la̤wîlòte̤ ta̤mi̤ta̤mò̤nu tado ta pwa̤po̤ lòhonu toǒ agûla̤nu hǒ. Dě asî khòbǎ ta̤jîta̤jû lṳmṳkhǐkhǐ lṳmṳshasha tûjûpwa̤ talakhǎ pě.