Tîsalònǐ ginǐ̤bǎ tôbǎ 2:7 - Kawyaw RC

⁷ Ta̤ǒhǔǒsè̌ htě a mî̌ ta̤phû̌mò̤shî̌hto htǒotoǒnu, a ma̤ ta̤ hǎkhû̌bǎo hǒ. Pwǎ̤tadě kòyò htě a ma̤dǐdò ta̤phû̌mò̤shî̌hto htǒotapwa̤nu, a ma̤dǐdò hè to̤htû̌ Cǒmara phî̌tephekè a htǒonu pě.

Kawyaw New Testament

⁷ Ta̤ô̌hǔô̌sè̌ dǒ a amè̤̌ ta̤phû̌mò̤̌shǐhtô tokhlǒnu, a ma̤hto ta̤dǒ hǎkhû̌nu hǒ. Bǎbǎkǎlè kòyò dǒ a ma̤dǐdò tě̤tṳ ta̤phû̌mò̤̌shǐhtô tôpwa̤nu, a gǔ ma̤dǐdò tě̤tṳ hènè tǒ̤dǒ Cǒmara phî̌tephekè a nupě.

Tîsalònǐ ginǐ̤bǎ tôbǎ 2:7 Iomraidhean Croise

Pwa̤nophû̌ 20:29

He hǎhtò̌cû̌kèhto pěnu, he sî̌ya ta kòyò htě asǒsǒ ta Chyǐmi̤ dě akhuaha toǒ hènṳ dě sîklapě, dě a nṳma̤shabò sophû̌ htǒotoǒmṳ pě.

Tîsalònǐ ginǐ̤bǎ tôbǎ 2:6

Khònò̤htǒo ta̤htě a ma̤dǐdòpe kòyò phû̌mò̤ htǒotapwa̤ aklè̌nu a ǒ, dě mî̌titè numî̌ sî sî̌yatûû̌. Hǐnudě htû̌꤮ akhîakha hèto̤ pěnu, kòyòphû̌mò̤nu tapwa̤ ǒlṳhtò̌ pě.

Tîmôte awǐlǒ tôbǎ 3:16

Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.

Yṳ̂ha awǐlǒ tôbǎ 2:18

Hephû̌heli̤ sî꤮, mṳni̤ gutṳ phǔhèhǒ, kò dǒhtû̌ǐhto bǎ sî ta pwa̤sò̌khě Khrî̌stunu tapwa̤ hè pě. Dě khònò̤htǒo pwa̤sò̌khě Khrî̌stu htǒotoǒnu a hèǒlṳhtò̌ plṳ̂ akhû̌akhî, pa sî̌ya ta mṳni̤ gutṳ phǔhèhǒ.

Yṳ̂ha awǐlǒ tôbǎ 4:3

Pwǎ̤ta, kòyò htě a hî̌ ta Ye̤shǔ numî̌ a hèlò̤ pwǐ kòyòhǎkhû̌phû̌ tapwa̤ mè̤tò̤ toǒnu, a nî̤bǎ sò̌phlǒ htě a ǒ dě Cǒmara a ǒ hè htǒonu mè̤tò̤. Sò̌phlǒ hǐnu mî̌ a ǒ dě pwa̤sò̌khě Khrî̌stunu tapwa̤ a ǒ hè pwǎ. Sî gana̤dehto ta a hè pě, dě khònò̤htǒo a hè ǒhtò̌ dě hǎkhû̌bǎonu hǒ.

Ta̤dǔlè̌nǎ 17:5

Dě a me̤htò̌lo̤nu, kò khwè̌nǎ nû̌ûmi̤ dě aǒ ta amûasǎ ta̤bè̌hǔ tophlǒ dě a hî̌, “Wî̤dû̌ Babulo Mî̌ bò꤮ mamǔpò̤lò̤ toǒ Ta hǎkhû̌ a ta̤phû̌mò̤shî̌hto toǒ amo̤,” Kò khwè̌nǎ hǐnu.

Ta̤dǔlè̌nǎ 17:7

Tanaphû̌ gwè he, “Na sû̌pi̤sò̌pi̤ ma̤tè?” He glè pwe̤ǐ bǎ na ta̤htě amûasǎ ta̤bè̌hǔ mamǔ htǒotapwa̤ awi̤akè̌, htodě a mî̌ ta̤mi̤ta̤mò̤ htě aǒ ta ahǐkǒ susǒtama htǒonu tado ta ane̤ ǒ phòshǐ dě a dò̌ǐnu tado awi̤akè̌.