Tîsalònǐ ginǐ̤bǎ tôbǎ 2:2 - Kawyaw RC

² Kòyò tapwa̤pwa̤ dè hî̌ sî ta Běcǎ amṳni̤ hèto̤htohǒ hî̌numî̌ pa kwigwèbǎǐ sî꤮, yṳǎ yû lǒkho pûma̤ nî̌꤮, sò̌gònò̤ ǐsha lǒkho pûma̤ nî̌꤮. A dè hî̌ sî ta, Cǒmara nohî̌po̤phǎnǎ he dèmè̤tò̤dě kò pwe̤ǐ sî̌yalṳ bǎ he hǐnu a hî̌cǒtè̤ bǎbǎ, dèmè̤tò̤dě a dè hî̌ lǒkho ta lî̤ hèto̤ dě pa ǒ tabǎ, a dè hî̌cǒtè̤ hǐnu bǎbǎ yṳǎ lǒkho pûma̤ nî̌꤮.

Kawyaw New Testament

² Kòyò tôpwa̤pwa̤ kè̌ hî̌ sî kû̌ Běcǎ alṳmṳ̌ni̤ hètǒ̤ hto numî̌ pa kwisǎyṳ sî, yṳ̌ǎ yokǎkwe lô̌khô tǎ̤mǎ̤ nî̌꤮, ǐshǔǐsha lô̌khô tǎ̤mǎ̤ nî̌꤮. A kè̌ hî̌ bǎ sî kû̌, Cǒmara no hî̌pô̤nǎ he kè̌mè̤̌tô̤̌dě kòyò shôbǐǐ sî̌yalṳ̌ bǎ he pô̤̌nu a hî̌cǒ bǎbǎ, kè̌mè̤̌tô̤̌dě a kè̌ hî̌ lô̌khô kû̌ lî̤ hètǒ̤ dǒ pa ô̌ tôbǎ, a kè̌ hî̌cǒ pô̤̌nu bǎbǎ yṳ̌ǎ lô̌khô tǎ̤mǎ̤ nî̌꤮.

Tîsalònǐ ginǐ̤bǎ tôbǎ 2:2 Iomraidhean Croise

Matěo 24:24

Ma̤tè̤hî̌dě pwa̤sûlû ana̤ pwǐ Khrî̌stunu ta pwa̤sûlû lòho ana̤ pwǐ pwa̤po̤ sî toǒnu a ǒhtò̌plṳ̂ pě. Asî ma̤lṳjò bǎ kò ta̤htě a te̤pe̤jò kònu toǒ ta ta̤cǒklî̌kî̌ya toǒ pě. A dè ma̤jò hî̌numî̌ a sò̌yṳ lǒǎplò̤ǎ kòyò htě Cǒmara wû̌lǎ kaǎhto nû̌nu toǒ.

Mǎ̤riko 13:7

Bǎ sî gana̤de kò shě pi̤ti̤pṳ̂tṳ̂ nû̌û dě aphǔ bǎbǎ, sî gana̤de kò pwe̤ǐ bǎ sî ta̤shěta̤pe̤ awi̤akè̌ dě ayî̤ toǒnu bǎbǎ, ǐsha lǒkho pûma̤ nî̌꤮. Ma̤tè̤hî̌dě pwǐhè̌onu toǒ mî̌ a bǎ htûhtò̌ nò pě, pwǎ̤ta htǒonumî̌ hǎkhû̌ glè̌ gutṳ mè̤hǒtò̤.

Lǔka 21:19

Ǒměǒgle lǒkho dě sî ma̤lû̌htò̌ge tû̌ sîna̤ pě.

Lǔka 21:9

Bǎ sî gana̤de ta̤shěta̤pe̤ ta ta̤shû̌shǎ ǒhtò̌ akhanu, ǐsha bǎgubǎgè lǒkho pûma̤ nî̌꤮. Ma̤tè̤hî̌dě bò꤮ ta̤ htǒotoǒnu, a bǎ ǒhtûhtò̌ wǐbòkhlo nò pě pwǎ̤ta hǎkhû̌ gutṳ mè̤hǒtò̤.”

Jowǎ̤ni̤ 14:1

Běcǎ Ye̤shǔ hî̌ asî, “Sò̌phlǒgu sò̌phlǒgè lǒkho pûma̤ nî̌꤮. Yṳǎ lǒkho Cǒmara dě yṳǎdǒ lǒkho he nî̌꤮.

Jowǎ̤ni̤ 14:27

He bè̌kè bǎ sî sò̌phlǒ a ta̤gûjûkabǎ hǒ. Dě he ǐ bǎ sî he ta̤gûjûkabǎ hǒ. He ǐ sî htǒonumî̌ alò̤ta kòyòhǎkhû̌phû̌ ǐ sînu toǒ mè̤tò̤. Sò̌phlǒgu sò̌phlǒgè lǒkho pûma̤. Ǐsha lǒkho pûma̤ma̤.

Kôritu awǐlǒ tôbǎ 1:8

Htû̌꤮ pa Běcǎ Ye̤shǔkhrî̌stu hè amṳni̤ pě ti̤ni̤nu, ma̤pûhǐ kò la̤bè̌ ta̤sǔ sîlo̤ ǒpe pûtò̤ ayanu, Běcǎ pṳ̂měpṳ̂gle sî to̤htû̌ a gutṳ pě.

Kôritu awǐlǒ tôbǎ 14:32

Kòyò htě a sò̌yṳ hî̌po̤phǎ ta̤ toǒnu, a hî̌po̤phǎ bǎbǎ, a hî̌po̤phǎtò̤ bǎbǎ, a to khòǐbò̌jò lǒkho ana̤.

Kôritu awǐlǒ tôbǎ 7:26

Ma̤tè̤hî̌dě, pa htukha khònò̤htǒo, ta̤pò̤ta̤sha, ta̤ma̤jîma̤jû ǒ ta pwa̤yṳǎphû̌ toǒ akhû̌akhî, kòyò htě a ǒ ta hǐtaphò hǒtò̤ toǒnu, ǒsělěhè lǒkho hǐnumî̌ awǒkhlo he gènè̤ hǐnu.

Ěphěsu 5:6

Nolǒǎplò̤ǎ pûma̤ sîna̤ ta kòyò htě a hî̌bǎlòhǎlòho dě amûasǎ ǒtò̤ toǒnu ma̤ nî̌꤮. Kòyò htě a ma̤ ta̤phû̌mò̤shî̌hto hǐnu toǒnu, a gana̤de kû̌kò Cǒmara ayo̤ tò̤ toǒ, dě Cǒmara sò̌phlǒdû̌ asî pě, a cèrò asî pěpě.

Tîsalònǐ awǐlǒ tôbǎ 3:3

Kò ma̤jîma̤jû sî akhû̌akhî, ma̤pûhǐ sî wîkè pû sî ta̤yṳta̤nǎ dǐpwǎ̤꤮ tò̤nu, pa nohè Timò̤̌te dě sîǒ. Sî sî̌yawǒ ta Cǒmara ta̤yè̤lò̤ǒnǎ dě pa bǎ khòbǎ ta̤ma̤jîma̤jû pwǐhè̌o toǒnu hǒ.

Tîsalònǐ awǐlǒ tôbǎ 4:15

Ta̤ htě pa glè hî̌po̤ sîhtǒo toǒnumî̌, Běcǎ sû̌ǐtòwòǐ tû̌ta ana̤ hǒ. A hî̌, htû̌꤮ Běcǎ Ye̤shǔ hè gesǒ akhapěnu, pa ǒhtûpwa̤pe htǒotoǒnu, pa ge kihtò̌wǐ ta kòyò htě a yṳǎ dě a sihtokènu toǒ mè̤tò̤.

Tîsalònǐ awǐlǒ tôbǎ 5:2

Ma̤tè̤hî̌dě sî sî̌ya te̤mǎhto ta Běcǎ hè amṳni̤ pěnu, alò̤ta pwa̤ǎhǔ hè dě lṳmṳkhǐkhanu pě.

Tîsalònǐ ginǐ̤bǎ tôbǎ 2:15

Hǐnudě pṳwè̤ toǒ꤮, pa sû̌ǐtòwòǐ dǒhtû̌ǐhtobǎ sî ta pa khû̌phěnò̌khinu toǒ bǎbǎ, mè̤tò̤mî̌ pa sû̌ǐtòwòǐhtobǎ sî ta lî̤ htě pa khwè̌cû̌ bǎ sî htǒotoǒ akûnu bǎbǎ, ǒměǒglekû̌ lǒkho kò dě pṳ̂měǐwǒkû̌ lǒkho kò nî̌꤮.

Tîsalònǐ ginǐ̤bǎ tôbǎ 3:17

He mî̌ Pò̌lu dě he khwè̌tû̌ ta̤hî̌mo̤hî̌wǒ htǒonu ta he cǔde. Lî̤ pṳ̂̌꤮ tabǎ htě he khwè̌hto dě agutṳnu, he khwè̌ ma̤dòǐkhǒkè tû̌ hǐnu. He khwè̌ ma̤dòǐkè hǐnu pṳ̂̌꤮ taplǎ.

Ta̤dǔlè̌nǎ 19:20

Kò pṳ̂nṳkè ta̤mi̤ta̤mò̤nu tado dě kò pṳ̂nṳ kû̌dǒpo̤ pwa̤po̤ lòho htě a ma̤lṳ bǎ kò ta̤cǒklî̌kî̌ya dě ta̤mi̤ta̤mò̤nu tado alo̤mo̤nu tapwa̤. Dě a ma̤ cǒklî̌kî̌ya bǎ kò akhû̌akhî, a lǒplò̤bò kòyò htě a nî̤bǎ ta̤mi̤ta̤mò̤nu tado a ta̤ma̤dòǐ dě a saba nû̌ûnu toǒ. Ta̤mi̤ta̤mò̤nu tado ta pwa̤po̤ htě a lǒplò̤ kònu tapwa̤ sò̌gini̤bò kò wîlòte̤ samṳkè asî dě mî̌ htě kò shû̌gè nû̌ûta ya̤sû̌bònu toǒ akû.