Tîsalònǐ ginǐ̤bǎ tôbǎ 2:16 - Kawyaw RC

^16-17 Papha Cǒmara abwǐasîrî khû̌khî, a ǐlò̤ pa a ta̤ǐkhû̌ǐǎ tûjûpwa̤ ta ta̤kè̌shuǐ htě acǒatè̤ htǒotoǒnu hǒ. Pa Běcǎ Ye̤shǔkhrî̌stu ta papha Cǒmara htě a mo̤ǐ pa htǒotapwa̤ ǐkhû̌ǐǎ tû̌ta sî nî̌꤮. Htohǒtò̤ ma̤pûhǐ sî ta̤phî̌ta̤ma̤ lǒ̤꤮ bònu toǒ ta sî ta̤hî̌bǎhî̌sho lǒ̤꤮ bò toǒ wǒ ayanu, a ǐshû̌ǐshohtò̌ tû̌ta sî sò̌phlǒ nî̌꤮.

Kawyaw New Testament

^16-17 Papha Cǒmara abwǐsîrî akhû̌akhî dě a ǐlò̤ pa a ta̤ǐkhû̌ǐǎ tûjû̌pwa̤ kû̌ ta̤kè̌shuǐ dǒ acǒatè̤ tokhlǒnu hǒ. Pa Běcǎ Yeshǔ Khrǐ kû̌ papha Cǒmara dǒ a mô̤ǐ pa nutôpwa̤ ǐkhû̌ǐǎ pû sî nî̌꤮. Kǎtô̤̌ pô̤̌khô lǒ̤꤮ bò sî ta̤phǐta̤ma̤ nutokhlǒ kû̌ lǒ̤꤮ bò sî ta̤hî̌bǎ tokhlǒ gǔ wô̌ ayanu, a gǔ ǐshû̌ǐshohtò̌ pû sî sǎphlǒ nî̌꤮.

Tîsalònǐ ginǐ̤bǎ tôbǎ 2:16 Iomraidhean Croise

Htû̌sò̌htò̌ 103:17

Pwa̤ htě a ǐsha bè̌dubè̌na̤ Cǒmara tûjûpwa̤ toǒ aya lè̌dě, ata̤mo̤ǐ htě ahǎbòjò tò̤nu a ǒměǒgle tûjûpwa̤ talakhǎ. Ata̤cǒta̤tè̤ toǒnu a ǒměǒgle sělě to̤htû̌ aphû̌ali̤ alṳ̂ala̤ sîtoǒ tuhtu hto tuhtu.

Lǔka 16:25

“Pwǎ̤ta Abraham hî̌shǔ nû̌û, ‘Hephû̌khû꤮ gènè̤htò̌bǎ to̤sǒ bǎ na ǒhtûpwa̤pe akhîakhanu, na sò̌yṳ titètè̌ na nî̤bǎbò, pwǎ̤ta Lǎsurǔ htǒonu, a nî̤bǎbò ta̤jîta̤jû toǒ, hǐnudě khònò̤htǒo, a nî̤bǎlè̌ ta̤ǒmo̤ǒkwǐ gûla̤ bǎonu hǒ, dě nanu na khòbǎlè̌ ta̤jîta̤jû hǒ.

Jowǎ̤ni̤ 13:1

Bǎ ta̤cû̌tûlû̌pwè bǎ hǒtò̤ akhanu, Běcǎ Ye̤shǔ sî̌ya ta akhîakha htě a glè bǎ wîkè hǎkhû̌ dě a bǎ ge aphaǒnu a hèto̤hǒ. Dě a mo̤ǐ akhophijaû̌ htě a ǒ dě hǎkhû̌ bǎotoǒ pṳ̂̌꤮ taplǎ. A mo̤ǐ to̤ asî dě a gutṳ.

Jowǎ̤ni̤ 15:13

Ta̤mo̤ǐ htě adû̌khlo ta kòyò tapwa̤pwa̤ dě a khòsikè asò̌ ta a khobǒsû̌ toǒ ayanu a ǒpetò̤ hǒ.

Jowǎ̤ni̤ 15:9

“He mo̤ǐ sî pwǐ hepha mo̤ǐ henu, khònò̤dě ǒměǒgle lǒkho dě he ta̤mo̤ǐ akû htǒonu nî̌꤮.

Jowǎ̤ni̤ 16:22

Ta̤ htûhtò̌ sǒsǒkû̌ta sî pwǐhè̌onu pě. Khònò̤dě sî nî̤bǎ ta̤sǎpla̤ pě, pwǎ̤tadě he kè̌shǐ gesǒ sî pě dě sî sò̌le̤sò̌lò̤ mè̤mè̤̌ pě. Htohǒtò̤ kò phî̌kèjò sî ta̤sò̌le̤sò̌lò̤ dǐpwǎ̤꤮ pětò̤.

Jowǎ̤ni̤ 3:16

“Cǒmara mo̤ǐ lǒ̤꤮ bò kòyòhǎkhû̌phû̌. Kòyò lǒ̤꤮ bò htě a yṳǎ aphû̌khû toǒnu, ma̤pûhǐ a nî̤bǎ yolahtûpwa̤ tûjûpwa̤ dě a to̤ pûma̤ ta ta̤pî̌ta̤lṳ̂ tò̤nu, a ǐlò̤kè aphû̌khû htǒo tapwa̤nu ta kòyòhǎkhû̌phû̌ toǒ aya.

Jowǎ̤ni̤ 4:14

Pwǎ̤tadě kòyò htě a oshi htě he ǐo yǎ pě htǒonu, a sò̌ope shi dǐkhò̌ tò̤. Shi htě he ǐo yǎ pě htǒonu, a htûhtò̌ shipo̤htǎ dě akû pě. Dě a ǐ nû̌û yolahtûpwa̤ tûjûpwa̤ talakhǎ pě.”

Pwa̤nophû̌ 15:11

Cû̌ma̤ lǒkho pûma̤ hǐnu ma̤, Běcǎ Ye̤shǔ abwǐasîrî akhû̌akhî, pa nî̤bǎ pwǎ ta̤ma̤lû̌htò̌ge pa yṳǎ hǐnu. Asî mî̌ a nî̤bǎ sǒsǒ ta̤ma̤lû̌htò̌ge pwǐ pa nî̤bǎnunu pwǎ,” Petru hî̌ asî hǐnu.

Pwa̤nophû̌ 18:27

Bǎ Apò̌lu sò̌yṳ cû̌ dě Akhayaga akhanu, pwa̤yṳǎphû̌ bǎ Ephè̌shiawî̤nu toǒ ma̤jè nû̌û ta asî ata̤khwè̌lî̤ dě a ǐshû̌ǐshohtò̌ pwa̤yṳǎphû̌ htě a ǒ dě Akhayagakûnu toǒ. A khwè̌cû̌nṳ bǎ asî lî̤ pwǐhè̌o ma̤tè̤hî̌dě ma̤pûhǐ kò dǒshuǐwǒ Apò̌lu ayanu pwǎ. A cû̌to̤ bǎnu dě a htûbwǐhtûsîrî bǎmè̤mè̤ kòyò htě a htûge pwa̤yṳǎphû̌ ta Cǒmara abwǐasîrî akhû̌akhînu toǒ aya pwǎ.

Rṳ̂̌me̤ 1:7

Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ. He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.

Rṳ̂̌me̤ 4:16

Hǐnudě, pa nî̤bǎjò Cǒmara a ta̤olò̤ ta pa ta̤yṳ tacǎ꤮ pa pwǎ. Ma̤tè̤hî̌dě ma̤pûhǐ pa nî̤bǎ ta̤htǒonu ta abwǐasîrî khû̌khî tû̌pwǎ ayanu, pa bǎ ǒ ta ta̤yṳ. Htohǒtò̤, Abraham akhlialè lǒ̤꤮ bò toǒnu a nî̤bǎbò ta̤olò̤ htǒo pě. Kòyò htě a lṳ̂kû̌ma̤kû̌ Yṳ̌daphû̌ a ta̤sû̌ta̤tòwònu toǒ nî̤bǎ tû̌ mè̤tò̤, kòyò htě a yṳǎna̤ǎ sǒsǒta Abrahamnu toǒ nî̤bǎbòdǒ pě. Abraham mî̌ pa lǒ̤꤮ bò apha.

Rṳ̂̌me̤ 4:4

Kòyò tapwa̤pwa̤ dè cû̌ma̤ bǎ kòta̤ dě kò dè ǐnû̌û akhû̌akǎ hî̌nu, a nî̤bǎ akhû̌akǎ htǒonumî̌ a nî̤bǎko pwǐ sûnu mè̤ dǐkhò̌꤮ tò̤. A wè̤ta̤ dě a nî̤bǎpwǎ akhû̌akǎ.

Rṳ̂̌me̤ 5:8

Pwǎ̤tadě Cǒmara mo̤ǐ pa pwî̌꤮ tè hî̌dě, bǎ pa htûpe ta̤ma̤sǔphû̌ akhapenu, Khrî̌stu hèlò̤khòsi asò̌ ta paya. Htǒomî̌ Cǒmara dǔlṳ pa ta amo̤ǐ pa hǒ.

Ěphěsu 5:2

Sî to ǒhtûpwa̤ lǒkho hî̌tè numî̌, mo̤ǐ lǒkho kòhǔwa̤ pṳ̂̌꤮ ti̤ni̤ sǒsǒta Khrî̌stu mo̤ǐ pa dě a khòsi asò̌ ta payanu nî̌꤮. Htohǒtò̤ Khrî̌stu lṳhtò̌ǐ a ta̤htûpwa̤ dě Cǒmara a lo̤mo̤ sǒsǒta ta̤nṳmû̌nṳshu htě ato Cǒmara asò̌phlǒ htǒonu.

Ěphěsu 5:25

Wṳ̂ toǒ, pwǐ Khrî̌stu mo̤ǐ a pwa̤yṳǎta̤ aprṳ̂aho dě a ǐlò̤kè asò̌ ta pwa̤yṳǎ aprṳ̂ahophû̌ toǒ ayanu, mo̤ǐ lǒkho sîma nî̌꤮.

Kòlòtè̌ 1:23

Ma̤pûhǐ sîmi̤sǎ ǒkû̌ dě Cǒmara a lo̤mo̤nu, tûrû̌ yṳǎ sělěpo̤ lǒkho hǐnu. Yṳǎshû̌ yṳǎsho ta ǒměǒgle lǒkhopû dě sî ta̤yṳ akû nî̌꤮. Bǎ sî gana̤de a ta̤sò̌le̤sò̌lò̤ awi̤akè̌ akhanu, sî nî̤bǎhto ta̤kè̌shuǐ hǒ. Dě sò̌phlǒ nûhtonûlò̤ lǒkho pûma̤ dě sî ta̤kè̌shuǐ htǒo akûnu ma̤ nî̌꤮. Ta̤sò̌le̤sò̌lò̤ awi̤akè̌ htě Cǒmara ma̤wǒ gesǒ kòyò toǒ ta ana̤ htǒonu, kò dǒhtû̌ǐ cû̌ nû̌û dě kòyò pṳ̂̌꤮ tapwa̤ a ǒ, ta dě hǎkhû̌ tebě a ǒ hǒ. He mî̌ Pò̌lu, he dǒhtû̌ǐ ta̤sò̌le̤sò̌lò̤ awi̤akè̌ htǒonu hǒ.

Kòlòtè̌ 1:5

Bǎ sî gana̤de sakhû̌lû̌ ta̤sò̌le̤sò̌lò̤ awi̤akè̌ htě atoamè̤ htǒo akhanu, sî gana̤dehto tû̌ ta̤kè̌shuǐ htě ta̤sò̌le̤sò̌lò̤ awi̤akè̌ ǐ sî htǒonu hǒ. Dě ta̤kè̌shuǐ htǒo akhû̌akhî, sî yṳǎ Cǒmara, htodě sî mo̤ǐ kòhǔwa̤. Cǒmara bè̌htubè̌plǒ bǎ sî ta̤kè̌shuǐ htǒonu dě mǒkhû̌ hǒ.

Tîsalònǐ awǐlǒ tôbǎ 1:3

Sî ta̤yṳta̤nǎ akhû̌khî, sî ma̤ta̤ ahtûhtò̌, sî ta̤mo̤ǐ kò akhû̌akhî, sî gûma̤ ta̤, dě sî ǒ ta ta̤kè̌shuǐ dě pa Běcǎ Ye̤shǔkhrî̌stu alo̤ akhû̌khî, sî khòsò̌dobò̌ ta̤ma̤jîma̤jû sî toǒ. Bǎ pa kwisaba dě papha Cǒmara ǒ akhanu, sî ma̤ta̤ lǒ̤꤮ bò htǒotoǒnu, pa shope̤nǎpè̤pe tò̤.

Tîsalònǐ awǐlǒ tôbǎ 3:11

Ma̤pûhǐ pa hè gesǒ dě sîǒnu, pa Cǒmara htě a mî̌ papha sana̤ htǒotapwa̤ ta pa Běcǎ Ye̤shǔ htǒo tîwî̌tòwò bǔmophlohètû̌ bǎ paklè̌ pě nî̌꤮.

Tîsalònǐ ginǐ̤bǎ tôbǎ 2:13

Pṳwè̤ sî꤮, sî mî̌ kòyò htě Běcǎ mo̤ǐ sîtoǒ dě pa hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě ma̤pûhǐ sî nî̤bǎ ta̤ma̤lû̌htò̌ge ayanu, Cǒmara wû̌lǎnǎhto sî dě khû̌lû̌khapenu hǒ. Dě Běcǎ sǎcahtǐ ma̤wî̤ma̤cahtǐ sî ta sî yṳǎ ta̤te̤ta̤mǎ akhû̌akhî, Cǒmara ma̤lû̌htò̌ge sî hǒ.

Tǐtǔ 1:2

Ta̤cǒta̤tè̤ htǒonu a ǐ asî ta̤kè̌shuǐ htě asî glè nî̤bǎ yolahtûpwa̤ tûjûpwa̤ talakhǎ aya hǒ. Bǎ hǎkhû̌ htûhtò̌ hǒtò̤ akhanu, Cǒmara htě a lòhonǒ dǐkhò̌꤮ tò̤ htǒotapwa̤nu, a olò̤nǎhto ta a glè ǐ pa ta̤htûpwa̤ htǒonu hǒ.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Yṳ̂ha awǐlǒ tôbǎ 3:16

Ta̤mo̤ǐnu pa sî̌yajò a hî̌tè hî̌dě, Ye̤shǔkhrî̌stu ǐlò̤kè a ta̤htûpwa̤ ta paya, dě pa tobǎ ǐlò̤kèdǒ pa ta̤htûpwa̤ ta pa pṳwè̤ Khrî̌stuphû̌ toǒ aya.

Ta̤dǔlè̌nǎ 1:5

Sî nî̤bǎpo̤ kû̌tû̌ta Ye̤shǔkhrî̌stu htě a khòlṳ cǒtè̤ htǒotapwa̤ abwǐasîrî ta a ta̤gûjûkabǎ nî̌꤮. Kòyòsi dě a htûpwa̤gesǒ aklanu, a mî̌ pwa̤ htě a htûpwa̤ wǐgutṳ̌ kò tapwa̤ hǒ. A mî̌ pwa̤ htě a pǒǐ hǎkhû̌ akhwǐcophǎ toǒ. A mî̌ a mo̤ǐ mè̤mè̤̌ pa pǒhǒtò̤ a si akhû̌akhî, a ma̤lû̌htò̌ge pa dě ta̤sǔta̤plě akû.

Ta̤dǔlè̌nǎ 22:5

Lṳmṳkhǐ ǒpe tò̤ akhû̌akhî, asî lo̤bǎpe mî̌ko tò̤. Asî lo̤bǎpe lṳmṳ ata̤lî tò̤, ma̤tè̤hî̌dě Běcǎ Cǒmara mî̌ asî ata̤lî hǒ, dě asî pǒǐta̤ tûjûpwa̤ talakhǎ pwǐ Khwǐcophǎ toǒnu pě.

Ta̤dǔlè̌nǎ 3:9

Khînǎmo̤pha hǐkǒdû̌ a ta̤sabahǐphû̌ htǒotṳgumṳnu, a lòholò̤ tû̌ lǒkho ana̤ ta pa mî̌ Yṳ̌daphû̌ toǒ, pwǎ̤tadě asî mî̌ Yṳ̌daphû̌ mè̤tò̤. He nohè gene̤lò̤ asî dě sî khò̌lopo̤ kòshî̌ pě dě asî pṳ̂̌꤮ tapwa̤ sî̌ya ta he mo̤ǐ sînu pě.