Tîsalònǐ ginǐ̤bǎ tôbǎ 2:10 - Kawyaw RC

¹⁰ Ma̤pûhǐ a lòhǎlòhonṳ kòyò dě a glè si ta sû̌sò̌ toǒ ayanu, a noǎǐ a ta̤phû̌mò̤shî̌htonu toǒ pṳ̂̌꤮ tacǎ pě. Asî sò̌le̤sò̌lò̤ phî̌shǔ kû̌kò ta̤te̤ta̤mǎ tò̤ akhû̌akhî, a si lǒkho pě. Asî dè phî̌shǔ hî̌dě a nî̤bǎ lǒkho ta̤lû̌htò̌ge pě.

Kawyaw New Testament

¹⁰ Pô̤̌khô a gǔ lòhǎlòhô kòyò dǒ a glè̌ si dǒsû̌dǒsò̌ tokhlǒ ayanu, a noǎ a ta̤phû̌mò̤̌shǐhtô nutokhlǒ pṳ̂̌꤮ tocǒ pě. Asî sǎlě̤sǎlò̤ phî̌shěshu kû̌ kòyò ta̤tě̤ta̤mè̤̌ tô̤̌ akhû̌akhî, a si lô̌khô pě. Asî kè̌ phî̌shěshu hî̌dě a nǐ̤bǎ lô̌khô ta̤hǎplǎge pě.

Tîsalònǐ ginǐ̤bǎ tôbǎ 2:10 Iomraidhean Croise

Matěo 13:11

Běcǎ Ye̤shǔ hî̌shǔ asî, “Cǒmara ǐsî̌yaphlo bǎ sî ta mǒkhû̌ shila̤gakû a ta̤sî̌khû̌sî̌ya htě a bè̌hǔ toǒ pwǎ̤ta a ǐsî̌ya to̤ bǎdǒ asî tò̤.

Jowǎ̤ni̤ 3:17

Ma̤tè̤hî̌dě, Cǒmara nohèlò̤ aphû̌khû dě a glè cèrò kòyòhǎkhû̌phû̌ ayanu mè̤tò̤. Mî̌tanu a nohè nû̌û dě a hè ma̤lû̌htò̌ge kòyòhǎkhû̌phû̌ aya nupwǎ.

Jowǎ̤ni̤ 5:34

He lo̤bǎ ta kòyòhǎkhû̌phû̌ glè khòbǎ hewi̤hekè̌ dǐpwǎ̤꤮ tò̤. Pwǎ̤tadě ma̤pûhǐ sî yṳǎ ta̤htě a hî̌nu toǒ dě sî to̤kû̌kò dě ta̤ma̤lû̌htò̌ge ayanudě, he ǐ sî̌ya gesǒ sî ta Jowǎ̤ni̤ hî̌ hewi̤hekè̌ htǒonu toǒ pwǎ.

Rṳ̂̌me̤ 10:1

He pṳwè̤ sî꤮, ma̤pûhǐ Cǒmara ma̤lû̌htò̌ge Israelphû̌ toǒnudě, he sò̌phlǒsho na̤cè̌ dě he kwisaba mè̤mè̤̌ bǎ asîya hǒ.

Rṳ̂̌me̤ 16:18

Ma̤tè̤hî̌dě kòyò hǐnu toǒ mî̌ a ma̤ Běcǎ Khrî̌stu ata̤ma̤ mè̤tò̤. Mî̌tanu, a lṳ̂ma̤mo̤ ma̤sò̌phlǒmo̤ lǒkho ana̤klû a ta̤sò̌yṳ toǒ pwǎ. A hî̌bǎmo̤ hî̌bǎjò kò, htû̌sò̌ǐ kò htě asî lǒǎplò̤ǎ kòyò dě a jûle̤phî̌yo̤sǔ ta̤nu toǒ pě.

Rṳ̂̌me̤ 6:17

He hî̌bwǐhî̌sîrî Cǒmara, ma̤tè̤hî̌dě, děwǐkha sî htûbǎhto ta̤sǔ ajû taplǎ pwǎ̤ta khònò̤htǒo sî gana̤de lǒ̤sû̌lǒ̤sò̌ Cǒmara a ta̤sû̌ǐ asa dě sî nî̤bǎ htǒotoǒ hǒ.

Kôritu awǐlǒ tôbǎ 1:18

Kòyò toǒǒ yṳǎ ta̤ tò̤ akhû̌akhî, Cǒmara cèrò asî pě. Kòyò hǐnu toǒnu, a gènè̤ lǒkho ta Khrî̌stu si nò̌dòhtǔlo̤ awi̤akè̌ htǒonumî̌ a ǒlû̌ǒkhlo pwǎ. Pwǎ̤ta pa nî̤bǎ ta̤ma̤lû̌htò̌ge htǒotoǒ ayanu, ta̤wi̤ta̤kè̌ htǒo a mî̌ Cǒmara a ta̤po̤ta̤phǎ shû̌sho ta paya hǒ.

Kôritu awǐlǒ tôbǎ 16:22

Ûpèpè̌ bǎbǎ, a mo̤ǐ Běcǎ tò̤nu, ta̤ǐsho bǎtû̌ta nû̌û nî̌꤮. “Maranǎsa” kǒ꤮ pa Běcǎ! hèmò̌ nî̌꤮.

Kôritu ginǐ̤bǎ tôbǎ 11:13

Asînu toǒ mî̌ pwa̤nophû̌ a mè̤mè̤̌ mè̤tò̤. Asî mî̌ pwa̤nophû̌ htě a lòho toǒ pwǎ. Asî cû̌ hî̌lòho kò ta ata̤ma̤ toǒ dě a jîma̤ lǒkho ana̤ pwǐ Khrî̌stu a pwa̤nophû̌ mè̤mè̤̌ toǒnu pwǎ.

Kôritu ginǐ̤bǎ tôbǎ 11:15

Hǐnudě, khînǎmo̤pha hǐkǒdû̌ apwa̤ma̤ta̤ toǒ sûlûlòhojò sǒsǒ ana̤ pwǐ Cǒmara apwa̤ma̤ta̤ htě acǒatè̤ toǒ numî̌ la̤sû̌pi̤sò̌pi̤ nǒ dǐcǎ꤮ tò̤. Dě gutṳ̌lò̤ pěnu, pwǐ asî ma̤sǔhtohǒnu, asî khòbǎ ta̤cèrò pwǐ a gwata asînu pě.

Kôritu ginǐ̤bǎ tôbǎ 2:15

Pa ta̤ǒhtûpwa̤ ta pa ta̤dǒhtû̌ǐ kò htǒotoǒnu asǒsǒta ta̤nṳmû̌nṳshu dě a nṳmû̌ pîshîcû̌to̤bò kòyò pṳ̂̌꤮ tapwa̤ ǒ. A nṳmû̌ cû̌to̤bò dě kòyò htě a nî̤bǎ ta̤ma̤lû̌htò̌ge toǒ ta kòyò htě a to̤ dě ta̤pî̌ta̤lṳ̂ pě toǒ ǒ.

Kôritu ginǐ̤bǎ tôbǎ 2:17

Kòyò ma̤ lǒkho Cǒmara ata̤ma̤ dě a sû̌ǐtòwòǐ bǎ kònu a ǒplṳ̂ pwǎ̤ta pa kè̌mò̌mṳ ma̤kû̌ pwǐ asî ma̤nu tò̤. Ma̤tè̤hî̌dě, ma̤pûhǐ asî nî̤bǎ lǒkho wû dě asî dǒhtû̌ǐpwǎ bǎ kò ta Cǒmara ale̤ayo̤. Pwǎ̤ta pa htǒotoǒnu, Cǒmara nocû̌ dǒhtû̌ǐ pa ta Khrî̌stu awi̤akè̌, pa dǒhtû̌ǐ kò htǒonu Cǒmara kè̌shǐ, pa htû kû̌ta Khrî̌stu tacǎnǔpa dě pa mî̌ pwa̤nophû̌ htě a sò̌phlǒcǒtè̤ toǒ hǒ.

Ěphěsu 4:14

Hǐnudě pa mî̌ asǒsǒta phijaû̌phû̌ htě a onû̌penu toǒ mè̤petò̤ hǒ. Kòyòkě htě a sû̌ǐlòhǎlòho ta̤ toǒnu, a lǒǎplò̤ǎjòpe pa tò̤, dě pa yṳǎsǔjò kû̌pe asî ata̤sû̌ǐtòwòǐ tò̤ hǒ. Pa sǒsǒpe ta sǒkhli htě gili̤sǎ pla̤ gleglòshû̌ yǎ tabǎnu mè̤petò̤ hǒ.

Tîsalònǐ awǐlǒ tôbǎ 2:16

Ma̤pûhǐ Yṳ̌daphû̌ mè̤tò̤ toǒ nî̤bǎdǒ ta̤ma̤lû̌htò̌ge ayanu, pa dǒhtû̌ǐlṳ bǎ asî ta ta̤sò̌le̤sò̌lò̤ awi̤akè̌. Bǎnuakha Yṳ̌daphû̌ toǒ ma̤dǐdò pa. Hǐnudě asî ma̤ta̤ toǒnu, a bè̌betî̌pî̌bò a ta̤sǔnu toǒ to̤htû̌ la̤bè̌htò̌ agûla̤ ǒpe tò̤nu. Khònò̤dě Cǒmara a ta̤sò̌dû̌ a ta̤cèrò gutṳ̌lò̤ htǒonu a glè hèto̤ asî ǒ hǒ.

Tîsalònǐ ginǐ̤bǎ tôbǎ 2:13

Pṳwè̤ sî꤮, sî mî̌ kòyò htě Běcǎ mo̤ǐ sîtoǒ dě pa hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě ma̤pûhǐ sî nî̤bǎ ta̤ma̤lû̌htò̌ge ayanu, Cǒmara wû̌lǎnǎhto sî dě khû̌lû̌khapenu hǒ. Dě Běcǎ sǎcahtǐ ma̤wî̤ma̤cahtǐ sî ta sî yṳǎ ta̤te̤ta̤mǎ akhû̌akhî, Cǒmara ma̤lû̌htò̌ge sî hǒ.

Tîmôte awǐlǒ tôbǎ 2:4

Cǒmara sò̌phlǒǒ ta kòyò pṳ̂̌꤮ tapwa̤ glè nî̤bǎ ta̤ma̤lû̌htò̌ge dě a sî̌ya lǒkho ta̤te̤ta̤mǎ.

Hebrǔ 3:13

Mî̌tanu, khònò̤htǒo ta̤ma̤lû̌htò̌ge htě Cǒmara ǐ pa htǒo ma̤pûhǐ ta̤sǔ lǒplò̤ pû sî dǐpwǎ̤꤮ tò̤, ma̤pûhǐ sî hǐkǒshò̌ lǒkho pû dǐpwǎ̤꤮ tò̤ ayanu, pṳ̂̌ti̤ni̤꤮ ǐkhû̌ǐǎ ma̤jèkè̌khînû̌û tapwa̤ ta tapwa̤ nî̌꤮.

Petru ginǐ̤bǎ tabǎ 2:12

Asî mî̌ alò̤ta ta̤phû̌ta̤li̤ htě a gènè̤jò kû̌kò tò̤ toǒ. Htodě a ma̤ lǒkho pwǐ ala̤klo sò̌yṳǒnu dě a ǒlò̤ ta kòyò la̤lṳ̂pṳ̂ ma̤sipwǎ asî aya. Kòyò htǒotoǒ numî̌ ahtè̌còwò shǔ, pi̤jishǐcǒ shǔ ta̤ htě a sî̌ya phlǔtò̤nu toǒ. Kò ma̤sikè asî pwǐ kò ma̤si ta̤mi̤ta̤mò̤nu pě.

Petru ginǐ̤bǎ tabǎ 2:18

Asî hî̌bǎ bè̌htò̌yî̤ lǒkho ayo̤ htě abwǐasîrî ǒtò̤ toǒ. Asî cû̌ sû̌ǐ kò ta kò glè ma̤ta̤sòwò̤ ta sǐshi a ta̤sò̌yṳ patǎ toǒ. Asî lǒcû̌ tephekè kò ta klè̌toklè̌bǎ toǒ. Kòyò htě asî lǒplò̤ toǒnu, a ǒkǔsa mǒ̤bòpepwǎ ta ta̤sǔ pwǐ asînu toǒ ma̤nu pwǎ.