Tîsalònǐ ginǐ̤bǎ tôbǎ 1:9 - Kawyaw RC

⁹ A sî khòbǎ ta̤pî̌ta̤lṳ̂ tûjûpwa̤ ata̤cèrò htǒonu pě. Htodě Běcǎ bè̌tephekè asî dě a lo̤mo̤ ta a ta̤sîrîdû̌htû htě apo̤aphǎ htǒotoǒ alo̤mo̤ pě.

Kawyaw New Testament

⁹ Asî gǔ khòbǎ ta̤pî̌ta̤lṳ̂̌ tûjû̌pwa̤ a ta̤cî̌htò̌nu pě. Htodě Běcǎ gǔ bè̌tephekè asî dǒ alô̤mô̤̌ kû̌ a ta̤bwǐdû̌sîrîhtû dǒ apô̤aphǎ nutokhlǒ alô̤mô̤̌ pě.

Tîsalònǐ ginǐ̤bǎ tôbǎ 1:9 Iomraidhean Croise

Mǒhtûlû̌hǎhtûsa 3:8

Dě bǎ lṳmṳhǎ gûjûlò̤ akhanu, asî gana̤de Běcǎ Cǒmara tûjûpwa̤ cû̌ po̤lṳ we̤kû dě asî cû̌ǒhǔ lǒkho Cǒmara ala̤ bǎ we̤kû sǒmṳkla.

Mǒhtûlû̌hǎhtûsa 4:16

Ma̤hǐnudě Kaî̌no hǎhtò̌cû̌tephekè Cǒmara tûjûpwa̤ alo̤mo̤ dě a cû̌ǒ Nò̌dǎga, Edîwe̤ mṳhtò̌ tokho. (Nò̌dǎ amûasǎnu Ebrephû̌ ayo̤ mî̌ cû̌shido te̤we̤.)

Htû̌sò̌htò̌ 16:11

Na dǔlṳhto he klè̌ htě a sûcû̌ he dě ta̤htûpwa̤nu tobo hǒ. Na ǒkû̌ ta he akhû̌akhî, he sò̌le̤sò̌lò̤. He ǒ dě nacǔdemû tokho akhû̌akhî, he glè sò̌phlǒmo̤ tûjû꤮ pwa̤.

Htû̌sò̌htò̌ 51:11

Wṳ̂hǎhtò̌cû̌ tephekè pûma̤ he dě nalo̤mo̤ ma̤. Phî̌htò̌kè pûma̤ nasǎcahtǐ dě he kû htǒo ma̤ma̤.

Matěo 16:27

Ma̤tè̤hî̌dě kòyòphû̌khû mî̌ hehtǒo hè ta apha asîrîdû̌sîrîhtû pě, ta amǒkhû̌tanaphû̌ toǒ pě dě a ǐbò gesǒ kò pṳ̂̌꤮ tapwa̤ pwǐ asî ma̤htonu toǒ pě.

Matěo 22:13

“Htǒotaplǎdě Khwǐ hî̌ apwa̤ma̤ta̤ toǒ, ‘Coklomě acǔde khò̌lopo̤nu dě wîhǎhtò̌kè a bǎ akhǐklanu. Gûla̤ bǎnu tò̤glòmî̌ ta̤hǎta̤wo agûla̤ ta ta̤ ěgwî khû̌khî agûla̤.’

Matěo 24:30

Bǎnuakha pěnu, kòyòphû̌khû mî̌ hehtǒo ata̤hè ata̤mǎnǎ ǒlṳhtò̌ dě mǒla̤ pě. Htodě lǒ̤꤮ bò kòyò ǒ dě ga pṳ̂̌taga toǒ guhǎguwobò pě. Asî glè kè̌shǐ lǒkho kòyòphû̌khû mî̌ hehtǒo a dò̌hènṳ poǒlṳ dě mǒla̤ pě dě a ǒlǒbe ta a ta̤po̤ta̤phǎ ta a ta̤sîrîdû̌sîrîhtû htě ashû̌asho htǒotoǒ pě.

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Matěo 25:46

“Hǐnudě asî khòbǎ ta̤cèrò tûjûpwa̤ talakhǎ pě, pò̤̌ta kòyò cǒtè̤ htǒotoǒnu a glè cû̌nṳ mǒkhû̌ dě a nî̤bǎ yolahtûpwa̤ tûjûpwa̤ pě.”

Matěo 26:24

Pwǐ lî̤cahtǐkû hî̌nǎ ta kòyòphû̌khû mî̌ hehtǒo a bǎ si pě pwǎ̤ta kòyò htě a glè shaǎlò̤kè kòyòphû̌khû htǒotapwa̤nu, Cǒmara cèrò yǎ pě. A dè ǒphijaû̌lò̤ tò̤ hî̌numî̌ awǒkhlope nû̌ûya.”

Matěo 7:23

Bǎnu akhapě he glè hî̌lîtîklî̌ asî ta, ‘He sî̌yanǒ sî dǐkhò̌꤮ tò̤. Kòyò htě ama̤ ta̤phû̌mò̤shî̌hto toǒ꤮, hǎhtò̌cû̌ tepheyî̤kè ta he.’”

Lǔka 13:27

Pwǎ̤tadě a glè hî̌shǔpo̤ sî, sî mî̌ kòyò bǎtènu he sî̌yanǒ sî tò̤. Lǒ̤꤮ bò sî htǒotoǒ numî̌ kòyò htě ama̤ ta̤phû̌mò̤shî̌htonu toǒ pwǎ, hǎhtò̌cû̌ tepheyî̤kè lǒkho ta henu.

Jowǎ̤ni̤ 5:14

Anǒkònu, Ye̤shǔ kè̌shǐ gesǒ a dě ta̤lṳhtò̌hokû dě a hî̌ nû̌û, “Gana̤de, he hî̌ na, khònò̤htǒo na ta̤sha hǎmǎhǒ. Ma̤pûhǐ na kè̌shǐbǎpe pû ta̤htě ajîkhlo ta htǒo tò̤nu, ma̤pe pûma̤ ta̤sǔma̤ nî̌.”

Phǐlǐpǐ 3:19

Asî klè̌ htǒonu a gutṳkè bǎ ta̤pî̌ta̤lṳ̂ ngariǒkûnu pě. Asî Běcǎ mî̌ ana̤klû a ta̤sò̌le̤sò̌lò̤ htǒonu toǒ hǒ. Ta̤htě asî to sòwò̤ǐnu toǒ dě a phî̌htò̌yî̤ lǒkhope ana̤. Htohǒtò̤ asî gènè̤ còcè̌pwǎ ta̤ htě kòyòhǎkhû̌phû̌ gènè̤tû̌nu toǒ pwǎ.

Tîsalònǐ awǐlǒ tôbǎ 5:3

Bǎ kò hî̌ ta, “Gamo̤gabǎ hǒ, ta̤bǎgubǎgè ǒpe tò̤” kò hî̌ pwǐhè̌o akhapěnu, ta̤pî̌ta̤lṳ̂ glè hèto̤ sumṳ bǎ asî sǒsǒta mamǔ phushaphû̌ǒnu pě dě asî lû̌htò̌bò̌ dǐpwǎ̤꤮ pě tò̤.

Tîsalònǐ ginǐ̤bǎ tôbǎ 2:8

Htodě kòyò phû̌mò̤ htǒotapwa̤ ǒlṳhtò̌ pě pwǎ̤ta bǎ Běcǎ Ye̤shǔkhrî̌stu hè pě akhanu, a ma̤sikè nû̌û ta a ta̤sǎhtò̌ dě agokû htǒonu pě, dě a hè ma̤pî̌kè nû̌û ta a ta̤sîrîdû̌sîrîhtû htǒonu pě.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 10:29

Hǐnudě sî gènè̤kè̌mò̌ kòyò htě a hî̌ tukutakǎ Cǒmara aphû̌khû htǒotoǒ, dě a wîkè nû̌û toǒnu, Cǒmara cèròjîkhlo asî pě. Htodě Khrî̌stu khòsi asò̌ dě a ǐhtûhtò̌ Cǒmara a ta̤wṳ̂dò asa htǒonuhǒ dě Khrî̌stu shǔbòkè pa ta asǐ hǒ. Hǐnudě kòyò htě a bè̌ le̤dû̌pwî̤htû Khrî̌stu asǐ tò̤ toǒnu, Cǒmara cèròjîkhlo asî pě. Htohǒtò̤ kòyò htǒotoǒnu a hî̌ phû̌mò̤shî̌hto Běcǎ sǎcahtǐ htě a ǐ asî ta̤bwǐta̤sîrî htǒotapwa̤ akhû̌akhî, Cǒmara cèròjîkhlo asî ta kòyò htě a ma̤sǔ Mǒ̤jè a ta̤sû̌ta̤tòwònu toǒ pě.

Petru ginǐ̤bǎ tabǎ 2:17

Kòyò htǒotoǒ mî̌ alò̤ta shipo̤htǎpe tò̤nu toǒ. Htodě alò̤ta poǒlṳ dě gili̤ htû̌cû̌kè nû̌ûnu toǒ. Cǒmara ma̤wǒnǎ bǎ asî gûla̤ dě a khǐsuwu tò̤glòhǒ.

Petru ginǐ̤bǎ tabǎ 3:7

Pwǎ̤ta Cǒmara hî̌lò̤ sǒsǒgesǒ ayo̤ pwǐ a bǒlò̤ mǒkhû̌ ta hǎkhû̌ akhanu akhû̌akhî, mǒkhû̌ ta hǎkhû̌ htě pa kè̌shǐ yǎ khònò̤ htǒotoǒnu, Cǒmara pṳ̂měǒkǔ asî dě a ma̤pî̌kè asî ta mî̌ pě. Cǒmara pṳ̂měǒkǔ to̤ asî mṳni̤ bǎ a cèrò ma̤pî̌kè kòyò htě a bè̌dubè̌na̤ nû̌û tò̤nu toǒ pě.

Yṳ̌da 1:13

Asî toǒnu, alò̤ta shipěpǒshû̌ dě shidû̌shite̤we̤ akûnu toǒ pwǎ. Htohǒtò̤ asî ta̤ma̤ htě a htûhtò̌ ta̤sòwò̤ toǒnu a ǒlṳhtò̌ sǒsǒta shibǒbè̌nu pě. A sî mî̌ kòyò htě asûto kò klè̌ tò̤ alò̤ta shǎ htě acû̌htocû̌lò̤ aǒto agûla̤ tò̤nu toǒ. Cǒmara ma̤wǒnǎ bǎ asî gûla̤ dě ta̤khǐsuwukhlo kòyò tò̤glò dě a dǒnṳ asî bǎnu tûjûpwa̤ talakhǎ pě.

Ta̤dǔlè̌nǎ 20:11

Htodě he kè̌shǐ Khwǐcophǎ gògohtabûdû̌ htò̌yî̤ tabǎ ta pwa̤ hǎnòò̌ akhû̌nu tapwa̤. Dě mǒkhû̌ ta hǎkhû̌ nûcû̌kè a lo̤mo̤ dě kò kè̌shǐpe yǎ tò̤hǒ.

Ta̤dǔlè̌nǎ 20:14

Htodě anǒkònu, ta̤si amo̤pha ta lṳnǎkhwǎ ado toǒnu, kò wîlòte̤kè asî dě mî̌kla. Mî̌ htǒomî̌ ta̤si ginǐ̤plǎtaplǎ hǒ.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”

Ta̤dǔlè̌nǎ 22:15

Kòyò lò̤ta akho tò̤ alò̤ta Chyǐ toǒ, khînǎkhîno sara toǒ, kòyò cû̌sǔnṳ mamǔmakhû toǒ, kòyò ma̤si kòyò toǒ, kòyò saba pwa̤yo̤pwa̤gî toǒ, kòyò lǒ̤꤮ bò htě a mo̤ǐ ta̤lòhǎlòho dě a ǒhtûpwa̤ gûma̤kû̌ hǐnu pṳ̂̌꤮ taplǎ toǒnu, a ǒ lǒkho wî̤khlo pě.