Tîsalònǐ ginǐ̤bǎ tôbǎ 1:8 - Kawyaw RC

⁸ A cèrò kòyò htě a sî̌ya kû̌kò Cǒmara tò̤nu toǒ ta kòyò htě a jûle̤phî̌yo̤ pa Běcǎ Ye̤shǔ a ta̤sò̌le̤sò̌lò̤ awi̤akè̌ tò̤nu toǒ pě.

Kawyaw New Testament

⁸ A gǔ cî̌htò̌ kòyò dǒ a sî̌ganǎ̤ kû̌ kòyò Cǒmara tô̤̌ nutokhlǒ kû̌ kòyò dǒ a jûǎ kû̌ pa Běcǎ Yeshǔ a ta̤sǎlě̤we̤kè tô̤̌ nutokhlǒ pě.

Tîsalònǐ ginǐ̤bǎ tôbǎ 1:8 Iomraidhean Croise

Mǒhtûlû̌hǎhtûsa 3:24

Běcǎ Cǒmara tûjûpwa̤ wṳ̂hǎhtò̌cû̌kèhto asî dě a bè̌ǒ nû̌ûta ta̤phû̌ta̤li̤ htě aděge ǒ dě kò kaǎ nû̌ûta Kherǔbe Edîwe̤ mṳhtò̌ tokho. Dě a bè̌ǒ nò̌she shěrakha tabǎ dě a gèplo̤htò̌ sǒsǒta mî̌plo̤nu. Dě a noǒpo̤ǐ nû̌ûta sǒ htě a ǐ kò ta̤htûpwa̤nu tosǒ.

Htû̌sò̌htò̌ 18:44

Asî gana̤de he hî̌bǎbǎ ta a gana̤de jûle̤phî̌yo̤ lǒ̤bò heyo̤. Shihǔwa̤gaphû̌ toǒ hègene̤ û̌tṳglulò̤bò dě helo̤mo̤.

Htû̌sò̌htò̌ 79:6

Sò̌phlǒdû̌ sǔshihtûmò̌ khlilèphû̌hǔwa̤ htě a sî̌ya na tò̤nu toǒ. Sò̌phlǒdû̌gûhîmò̌ shigahǔwa̤ htě a saba kû̌ na tò̤nu toǒ.

Htû̌sò̌htò̌ 9:10

Kǒ Cǒmara tûjûpwa̤, tòkhò̌꤮ na wîkè kòyò htě a kè̌lǎ nanu toǒ tò̤. Kòyò htě a sî̌ya nami̤ toǒnu, a glè yṳǎnǎla̤ǐ na.

Htû̌sò̌htò̌ 94:1

Kǒ Cǒmara tûjûpwa̤, na mî̌ Cǒmara htě ama̤gekhîshǔ kò, kǒ Cǒmaradû̌ htě a ma̤geshǔ ta̤. Ǐ lṳhtò̌mò̌ na ta̤sîrîdû̌sîrîhtû.

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Matěo 25:46

“Hǐnudě asî khòbǎ ta̤cèrò tûjûpwa̤ talakhǎ pě, pò̤̌ta kòyò cǒtè̤ htǒotoǒnu a glè cû̌nṳ mǒkhû̌ dě a nî̤bǎ yolahtûpwa̤ tûjûpwa̤ pě.”

Jowǎ̤ni̤ 3:19

Ma̤tèdě asî khòbǎ ta̤cèrò hǐnumî̌, Cǒmara ata̤lî hènṳ dě hǎkhû̌bǎo hǐnudě kòyòhǎkhû̌phû̌ toǒ sò̌yṳ ta̤lî htǒonu tò̤ ma̤tè̤hî̌dě asî ma̤ ta̤phû̌mò̤shî̌hto toǒ akhû̌akhî, a mo̤ǐkhlo ta̤khǐ.

Jowǎ̤ni̤ 8:19

“Napha ǒ bǎtè?” Asî gwè nû̌û hǐnu. Dě a hî̌shǔ asî, “He mî̌ sî sî̌ya tò̤tò̤, hepha mî̌ sî sî̌ya tò̤tò̤. Sî dè sî̌ya he dèhî̌dě sî sî̌ya dǒtû̌ hepha.” A hî̌shǔ asî hǐnu.

Pwa̤nophû̌ 6:7

Hǐnudě Cǒmara ale̤ayo̤htǒo sǔ a lṳpîshîcû̌kè. Htodě Ye̤rǔshèlèwî̤kûnu, kòyò htě a yṳǎna̤ǎta̤ toǒ ǒwo̤ǒplṳ̂htò̌. Htohǒtò̤ pwa̤lṳhtò̌ta̤ toǒnu, a yṳǎna̤ǎplṳ̂ kû̌ mè̤mè̤̌.

Rṳ̂̌me̤ 1:28

Htohǒtò̤ asî sî̌yahto Cǒmara awi̤akè̌ pwǎ̤tadě, a phî̌shǔ lǒkho tò̤, a bè̌ ta̤dǐcǎ꤮ tò̤ akhû̌akhî, Cǒmara nopǒǐkè asî ta asî ta̤gènè̤ phû̌mò̤shî̌htonu toǒ dě a noma̤ lǒkho asî ta ta̤ htě a gwa ma̤tò̤nu toǒ hǒ.

Rṳ̂̌me̤ 1:5

Khrî̌stu akhû̌akhî, Cǒmara ǐlò̤ pa a ta̤bwǐta̤sîrî ta ta̤akhîakha towǒ dě pa glè htûhtò̌ pwa̤nophû̌ ta Khrî̌stu aya. Ma̤pûhǐ Yṳ̌daphû̌ mè̤tò̤ toǒ lǒ̤꤮ bò yṳǎna̤ǎ kû̌kò Ye̤shǔ, dě asî gana̤dekû̌ Cǒmara yo̤ ayanudě, a nohtûhtò̌ pwǎ pa.

Rṳ̂̌me̤ 10:16

Pwǎ̤tadě Israelphû̌ toǒnu a phî̌shǔbò ta̤sò̌le̤sò̌lò̤ awi̤akè̌ pṳ̂̌꤮ tapwa̤ tò̤. Ma̤tè̤hî̌dě, pwa̤po̤ Isaǐa hî̌ ta, “Kǒ Běcǎ, ûpè yṳǎkû̌ pa ta̤wi̤ta̤kè̌ htǒonu pè?”

Rṳ̂̌me̤ 15:18

Ta̤ ahǔwa̤ sî toǒnu he hî̌bǎhtò̌yî̤ bǔkû̌nǒ kòyò tò̤. He hî̌bǎhtò̌yî̤ bǔpwǎpǒ̤ Khrî̌stu ata̤ma̤ htě a ma̤jè hehtǒo awi̤akè̌ pwǎ. Dě he hî̌bǎ yǎ awi̤akè̌ htǒo akhû̌akhî, htodě asî kè̌shǐ he ta̤ma̤ toǒ, htohǒtò̤ Cǒmara a sǎcahtǐ ǐ he ata̤po̤ta̤phǎ htǒo dě, he ma̤lṳbǎ asî ta̤cǒklî̌kî̌ya htǒotoǒ ta ta̤htò̌te̤pe̤ sû̌pi̤sò̌pi̤nu toǒ akhû̌akhî, he yṳ̂klè̌nè̌klòbò̌ bǎ Yṳ̌daphû̌ mè̤tò̤ toǒ dě a glè gana̤de jûle̤phî̌yo̤ Cǒmara hǒ. Bǎ he cû̌ dǒhtû̌ǐbò bǎ kò ta Khrî̌stu a ta̤sò̌le̤sò̌lò̤ awi̤akè̌ akhanu, he cû̌nṳ pwe̤ǐlṳbò bǎ kò pṳ̂̌꤮ tapwa̤, pṳ̂̌tado htě doǒ cû̌ Ye̤rǔshèlèwî̤nu to̤dě Elǔrǐkhaganu toǒ hǒ.

Rṳ̂̌me̤ 16:26

Pwǎ̤tadě khònò̤htǒo pwǐ pwa̤po̤ pwe̤ǐnǎhtonu, htodě pwǐ Cǒmara htě a htûpwa̤ tûjûpwa̤ htǒotapwa̤ mǎnǎhto ayo̤ toǒ ta, ma̤pûhǐ Yṳ̌daphû̌ mè̤tò̤ toǒ yṳǎ Khrî̌stu dě asî gana̤de nû̌ûyo̤ ayanu, kò ǐsî̌yalṳbò bǎ asî pṳ̂̌꤮ tò̤glò hǒ.

Rṳ̂̌me̤ 6:16

Sî sî̌yanǒtò̤ ya? Bǎ sî ǐlò̤ sîna̤ dě kòyò tapwa̤pwa̤ a cǔdekû dě sî bǎ htû nû̌ûjû akhanu, sî gana̤de kòhǔwa̤ ayo̤ mî̌ a nî̤petò̤ hǒ. Sî bǎ gana̤de pwǎpǒ̤ ayo̤ pwǎ, mè̤tò̤ya? Hǐnudě bǎ sî htû ta̤sǔ ajû akhanu, a sûcû̌kè sî dě ta̤si ǒ pě. Pwǎ̤tadě sî dè gana̤de Cǒmara ayo̤ hî̌dě a noǒhtûpwa̤ sî dě sî ma̤to nû̌û sò̌phlǒ pě.

Kôritu awǐlǒ tôbǎ 15:34

Gènè̤ te̤bǎte̤to gesǒ lǒkho sî sò̌phlǒ dě wîkè sî ma̤ta̤sǔnu toǒ. Ma̤tè̤hî̌dě sîkla toǒǒnu, tǒ̤lò̤khònò̤ a sî̌ya te̤mǎ kû̌kò Cǒmara awi̤akè̌ hǒtò̤. Ta̤ǒhtûhtò̌ hǐnu numî̌ sî to sòwò̤ mè̤mè̤̌.

Kôritu ginǐ̤bǎ tôbǎ 10:5

Pa ma̤lò̤te̤jakèbò ta̤phî̌dû̌phî̌htò̌yî̤ lǒ̤꤮ bò na̤ htě a ma̤dǐdòshǔ ta̤sî̌ya Cǒmaranu toǒ. Kòyò lǒ̤꤮ bò a ta̤gènè̤ toǒnu pa pṳ̂dǒǒbò yǎ dě pa nojûle̤phî̌yo̤ gana̤de yǎta Khrî̌stu ayo̤.

Galatǐ 3:1

Galatǐaphû̌ htě a ǒò̌ toǒ꤮, ma̤pûhǐ sî sò̌yṳ gana̤de gûma̤kû̌ gesǒ Mǒ̤jè a ta̤sû̌ta̤tòwò htǒonu dě ûpè hè lǒǎplò̤ǎ sî pè? He dǒhtû̌ǐphlophǎhto bǎ sî ta Ye̤shǔkhrî̌stu khòsi ana̤ dě nò̌dòhtǔlo̤nu hǒ yahî̌꤮.

Galatǐ 4:8

Khîkha htě a tûlû̌hto toǒnu, sî sî̌ya Cǒmara tò̤ akhû̌akhî, sî htû jû dě Cǒmara mè̤tò̤ toǒ ala̤ hǒ.

Tîsalònǐ awǐlǒ tôbǎ 4:5

Nopǒǐlò̤ pûma̤ sîna̤ ta ta̤lṳ̂ma̤mo̤ǐ na̤toǒ ta ta̤putupatǎ a ta̤sò̌yṳ pwǐ kòyò htě a sî̌ya kû̌kò Cǒmara tò̤nu toǒ ma̤ nî̌꤮.

Hebrǔ 10:27

A ǒkè pwǎpǒ̤ tacǎpa dě pa glè ǒpo̤pwǎ Cǒmara a ta̤cèrò ta mî̌gè plo̤dû̌ dě a gèsikèbò kòyò htě a sò̌khě Cǒmara htǒotoǒnu pě.

Hebrǔ 10:30

Ma̤tè̤hî̌dě, pa sî̌yatû̌ ta Cǒmara hî̌, “He ma̤ geshǔsǒ asî pě. He ǐ geshǔsǒ asî ta li̤ pwǐ asî ma̤sǔhtonu toǒ pě,” htodě a hî̌po̤, “Běcǎ cèròtû̌ akòyò pě,” a hî̌ hǐnu.

Hebrǔ 11:8

Bǎ Cǒmara kaǎ Abraham dě a nohǎhtò̌cû̌ nû̌û gataga htě a glè ǐ nû̌ûta a pě akhanu, a to hǎhtò̌cû̌ bǎtè tò̤glònu a sî̌ya tò̤ pwǎ̤tadě ata̤yṳ akhû̌akhî, a gana̤de dě a hǎhtò̌cû̌.

Hebrǔ 12:29

Ma̤tè̤hî̌dě pa Cǒmara mî̌ alò̤ta mî̌plo̤ htě a gèsikè kò htǒonuhǒ.

Hebrǔ 2:3

Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Petru awǐlǒ tabǎ 1:2

Pha Cǒmara wû̌lǎ sî pwǐ a ta̤yè̤lò̤nǎ tû̌nu dě Běcǎ sǎcahtǐ ma̤wî̤ma̤cahtǐhtò̌ sî, ma̤pûhǐ sî gana̤de Ye̤shǔkhrî̌stu ayo̤ dě asǐ akhû̌akhî, a ma̤mṳ̂plî bǎ sî. Cǒmara abwǐasîrî ta sò̌phlǒ ta̤gûjûkabǎ ǒlǒǒbekû̌ tû̌ta sî nî̌꤮.

Petru awǐlǒ tabǎ 3:6

Shǎra mî̌ mamǔ hǐnu tapwa̤ hǒ. A gana̤de Abraham ayo̤ dě a kaǎ awṳ̂ ta aběcǎ. Dě sî htûpwa̤ yṳǎ akhû̌akhî, sî dè ma̤ta̤wǒ dě sî ǐsha dǐcǎ꤮ tò̤ hî̌numî̌, khònò̤htǒo sî htûhtò̌ sǒsǒta Shǎranu hǒ.

Petru awǐlǒ tabǎ 4:17

Ma̤tè̤hî̌dě, akhîakha hèto̤ ta Cǒmara glè tèhtò̌ cèrò wǐgutṳ̌tû̌ akòyò hǒ. A dè tèhtò̌ cèrò wǐgutṳ̌ pa pě dèhî̌dě kòyò htě a gana̤de Cǒmara a ta̤sò̌le̤sò̌lò̤ awi̤akè̌ tò̤ toǒnu apò̤asha ajîajû pwî̌꤮ tè pě.

Petru ginǐ̤bǎ tabǎ 3:7

Pwǎ̤ta Cǒmara hî̌lò̤ sǒsǒgesǒ ayo̤ pwǐ a bǒlò̤ mǒkhû̌ ta hǎkhû̌ akhanu akhû̌akhî, mǒkhû̌ ta hǎkhû̌ htě pa kè̌shǐ yǎ khònò̤ htǒotoǒnu, Cǒmara pṳ̂měǒkǔ asî dě a ma̤pî̌kè asî ta mî̌ pě. Cǒmara pṳ̂měǒkǔ to̤ asî mṳni̤ bǎ a cèrò ma̤pî̌kè kòyò htě a bè̌dubè̌na̤ nû̌û tò̤nu toǒ pě.

Yṳ̌da 1:7

Hǐnuhǒ, gènè̤htò̌nṳ sǒtû̌ lǒkho Sò̌dowî̤ ta Gòmò̤̌rawî̤ ta wî̤ ǒ bǎ a wò̤shî̌nu toǒ. Wî̤kûphû̌ bǎnu toǒ mî̌ a ma̤sǔ sǒsǒta hǐnu hǒ. Asî gûma̤kû̌ lǒkho sǐshi la̤klo sò̌yṳ phû̌mò̤ toǒ dě ma̤mo̤ǐ lǒkho ana̤ ta mamǔmakhû la̤klo phû̌mò̤shî̌hto toǒ. Asî khòbǎ ta̤shuphǔshèwè dě mî̌kla tûjûpwa̤ htǒonumî̌ a htûhtò̌ kòyò la̤kè̌mò̌mṳ ta kòyò lǒ̤꤮ bò aya hǒ.

Ta̤dǔlè̌nǎ 20:10

Khînǎmo̤pha hǐkǒdû̌ htě a lǒplò̤ asî htǒotadonu, kò wîlòte̤kè nû̌û mî̌kla dě kò shû̌gè nû̌ûta ya̤sû̌bò htǒonu tokoǒ akû. Mî̌htǒo tokoǒ numî̌ kò la̤wîlòte̤ ta̤mi̤ta̤mò̤nu tado ta pwa̤po̤ lòhonu toǒ agûla̤nu hǒ. Dě asî khòbǎ ta̤jîta̤jû lṳmṳkhǐkhǐ lṳmṳshasha tûjûpwa̤ talakhǎ pě.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”

Ta̤dǔlè̌nǎ 6:10

Asî yi̤kǒhtò̌shû̌ lǒkho ayo̤ ta, “Běcǎ htě a jòta̤lǒ̤bò dě a cahtǐ, acǒatè̤ tapwa̤, kòyòhǎkhû̌phû̌ htě a ma̤si pa htǒotoǒnu, na glè cèrò asî, na ma̤ gesǒ asî ta li̤ bò̌khòtè pě?”