Tîsalònǐ ginǐ̤bǎ tôbǎ 1:7 - Kawyaw RC

⁷ Pwǎ̤tadě sî ta pa khòbǎ ta̤jîta̤jû htǒotoǒnu, Cǒmara ma̤mo̤ gesǒtû̌ pa pě. Htû̌꤮ Běcǎ Ye̤shǔ ǒlṳhtò̌ akhapěnu, a ma̤mo̤htò̌ gesǒ pa pě. A hè dě mî̌plo̤ akû pě. A hè kû̌ta a tanaphû̌ htě a ǒ ta a ta̤po̤ta̤phǎ htǒonu toǒ pě.

Kawyaw New Testament

⁷ Bǎbǎkǎlè sî kû̌ pa khòbǎ ta̤jî̌ta̤jû̌ tokhlǒnu, Cǒmara ma̤mô̤ getîkhî sô̌ pa pě. Dǒ Běcǎ Yeshǔ ô̌lṳ̌htò̌ akhapěnu, a ma̤mô̤htò̌ sô̌ pa pě. A hè dǒ mî̌plô̤̌ akû pě. A hè kû̌ a tanaphû̌ dǒ a ô̌ kû̌ a ta̤pô̤ta̤phǎ nutokhlǒ pě.

Tîsalònǐ ginǐ̤bǎ tôbǎ 1:7 Iomraidhean Croise

Matěo 16:27

Ma̤tè̤hî̌dě kòyòphû̌khû mî̌ hehtǒo hè ta apha asîrîdû̌sîrîhtû pě, ta amǒkhû̌tanaphû̌ toǒ pě dě a ǐbò gesǒ kò pṳ̂̌꤮ tapwa̤ pwǐ asî ma̤htonu toǒ pě.

Matěo 16:28

He hî̌ mè̤mè̤̌ sî, kòyò htě a ihtǒ ǒbǎ sîklabǎo toǒǒnu, bǎ asî si hǒtò̤kha, asî kè̌shǐbǎ lǒkho kòyòphû̌khû mî̌ hehtǒo hè pwǐ Khwǐ tapwa̤nu pě.”

Matěo 25:31

“Htû̌꤮ kòyòphû̌khû htǒo hè ta a ta̤sîrîdû̌sîrîhtû pě dě amǒkhû̌tanaphû̌ toǒ hè dǒkû̌ ta a akhapěnu a hǎnòò̌lò̤ bǎ a gògohtahtò̌yî̤ rakha akhû̌ pě.

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Matěo 26:64

Dě Běcǎ Ye̤shǔ hî̌shǔ nû̌û, “O, na hî̌numî̌ amè̤ pwǎ̤ta he hî̌bò bǎ sî pṳ̂̌꤮ tapwa̤ ta anǒkòpěnu sî kè̌shǐ kòyòphû̌khû htǒo hǎnòò̌ bǎ pwa̤ htě a ta̤po̤ta̤phǎ dû̌gutṳ̌ htǒotapwa̤ acǔdemûnu tokho pě. Htodě he dò̌hè poǒlṳ pěnu sî kè̌shǐ pě.”

Mǎ̤riko 14:62

Dě Ye̤shǔ hî̌shǔ nû̌û, “O, he hǒ. Dě sî glè kè̌shǐ kòyòphû̌khû mî̌ hehtǒo hǎnòò̌ dě Cǒmara htě a ǒ ta a ta̤po̤ta̤phǎ htǒotapwa̤ acǔdemûnu tokho pě, dě sî kè̌shǐ he dò̌hènṳ mǒkhû̌ a poǒlṳ pě.”

Mǎ̤riko 8:38

Htukha htě ama̤còcè̌pwǎ ta̤sǔta̤plě khònò̤htukhanu, kòyò htě a gûma̤tope Cǒmara asò̌phlǒ tò̤ htǒotuhtu akûnu, kòyò tapwa̤pwa̤ dě a sòwò̤ he htohǒtò̤ a sòwò̤ hele̤heyo̤ htǒotoǒ tapwa̤pwa̤nu, Htû̌꤮ kòyòphû̌khû mî̌ hehtǒo hè ta hepha a ta̤sîrîdû̌sîrîhtû pě, dě he hèdǒ ta mǒkhû̌tanaphû̌ cahtǐ toǒ pě akhanu, he sòwò̤ lè̌ a pě.”

Lǔka 16:25

“Pwǎ̤ta Abraham hî̌shǔ nû̌û, ‘Hephû̌khû꤮ gènè̤htò̌bǎ to̤sǒ bǎ na ǒhtûpwa̤pe akhîakhanu, na sò̌yṳ titètè̌ na nî̤bǎbò, pwǎ̤ta Lǎsurǔ htǒonu, a nî̤bǎbò ta̤jîta̤jû toǒ, hǐnudě khònò̤htǒo, a nî̤bǎlè̌ ta̤ǒmo̤ǒkwǐ gûla̤ bǎonu hǒ, dě nanu na khòbǎlè̌ ta̤jîta̤jû hǒ.

Lǔka 17:30

“Htû̌꤮ kòyòphû̌khû mî̌ hehtǒo glè̌ hè pě akhanu, a htûhtò̌ sǒsǒta htǒonu pě.

Jowǎ̤ni̤ 1:3

Cǒmara nobǒlò̤ tṳtṳ nû̌û ta̤pṳ̂̌tacǎ. Ta̤htě a bǒlò̤ tò̤nu a ǒ dǐcǎ꤮ tò̤.

Jowǎ̤ni̤ 1:51

Htodě Ye̤shǔ hî̌ asî, “He pwe̤ǐ mè̤mè̤̌ sî, sî glè kè̌shǐ mǒkhû̌bòmo dě Cǒmara tanaphû̌ toǒ kihtò̌ gilò̤ dě kòyòphû̌khû mî̌ hehtǒo alo̤nu pě.”

Pwa̤nophû̌ 1:11

Dě a hî̌ asî, “Galilî̌aphû̌ toǒ, sî cû̌ ihtǒ ò̌tò̤mò̤htò̌ lǒkho cǎdě mǒla̤ bǎo ma̤tè? Ye̤shǔ htě sî kè̌shǐ Cǒmara kaǎge kihtò̌kè yǎ dě mǒkhû̌ htǒotapwa̤nu a hèlò̤ gesǒ pwǐ sî kè̌shǐ a gekihtò̌ khònò̤htǒonu pě.”

Pwa̤nophû̌ 3:19

Ma̤pûhǐ Cǒmara bòlû̌kè sî ta̤sǔnu, yò̤lò̤ge lǒkho sîsò̌ htû̌lè̌gesǒ lǒkho sîna̤ dě Cǒmara ǒ. Sî dè ma̤mò̌hǐnu, htû̌꤮ akhîakhato akhîakhabǎ pěnu Běcǎ Cǒmara ǐkhû̌ǐǎge sî pě.

Rṳ̂̌me̤ 8:17

Khònò̤htǒo pa dè htû aphû̌ali̤ dě a ǐ pa a ta̤howi̤ û̌cata̤bî̌ htě a bè̌wǒ bǎ panu toǒ pě. A ǐ ta̤howi̤ ta aphû̌ali̤ toǒ to nî̤bǎnu toǒ pě. Htohǒtò̤ û̌cata̤bî̌ htě a měgle tûjûpwa̤ htǒo pa nî̤bǎpo̤ kû̌ta Khrî̌stu pě. Pa dè khòjîkhòjû plǒhtukû̌ ta Khrî̌stu hî̌dě pa nî̤bǎ plǒhtukû̌ ta̤sîrîdû̌htû ta a pě.

Kôritu awǐlǒ tôbǎ 3:13

Kòyò tapwa̤ ta tapwa̤ a ta̤ma̤htò̌ hǐ a ta̤sî̌ta̤jò htǒonu, a ǒlṳhtò̌ htû̌꤮ Běcǎ Khrî̌stu hè amṳni̤nu ti̤ni̤ pě. Kòyò pṳ̂̌꤮ tapwa̤ ma̤ta̤ toǒnu, kò ma̤kè̌ yǎta mî̌ pě. Tapwa̤ ta tapwa̤ a ta̤sî̌ta̤jò ata̤ma̤ htǒonu, mî̌lěgèkè̌bò pě dě a dǔlṳhtò̌bò pě.

Kôritu ginǐ̤bǎ tôbǎ 4:17

Ma̤tè̤hî̌dě ta̤pò̤ta̤sha htě pa khòbǎ hǎkhû̌bǎotoǒ numî̌ teděsǎphû̌ pwǎ. Pa dè dǒtûkè̌ ta̤wî̤ta̤wǒ htě pa nî̤bǎ yǎ htû̌꤮ nǒkòpě tuhtu pě toǒ numî̌, amè̤ ta dǐcǎ꤮ hǒtò̤. Bǎ hǎkhû̌nu pa khòbǎ ta̤pò̤ta̤sha htǒotoǒ pwǎ̤ta dě mǒkhû̌ pěnu ta̤sîrîdû̌sîrîhtû tûjûpwa̤ htě awî̤awǒkhlo, dě ahtǒkhlo ta ta̤pò̤ta̤sha htě pa khòbǎ hǎkhû̌ bǎonu, pa nî̤bǎ pě.

Ěphěsu 1:2

Papha Cǒmara ta Běcǎ Ye̤shǔkhrî̌stu ǐtû̌ sî ta̤bwǐta̤sîrî ta ta̤gûjûkabǎ nî̌꤮.

Kòlòtè̌ 1:16

Ma̤tè̤hî̌dě, ta̤ lǒ̤bò htě a ǒ dě mǒkhû̌nu toǒ bǎbǎ, dě hǎkhû̌ toǒ bǎbǎ, ta̤ htě pa kè̌shǐjò yǎ toǒ ta pa kè̌shǐjò yǎtò̤ toǒ bǎbǎ, kòyò htě a ǒ ta a ta̤po̤ta̤phǎ toǒ bǎbǎ, a ǒ ta a ta̤shû̌ta̤sho toǒ bǎbǎ, pwa̤pǒta̤ lǒ̤꤮ bònu toǒ bǎbǎ, Cǒmara nobǒlò̤ tṳtṳ ta Khrî̌stu pwǎ. Htodě ta̤ lǒ̤꤮ bò htǒotoǒnu a bǒlò̤ tû̌ta ana̤ dě a bǒlò̤ ta aya pwǎ.

Tîsalònǐ awǐlǒ tôbǎ 3:13

Bǎ pa Běcǎ Ye̤shǔ hèlò̤ kû̌ta akòyò cahtǐ toǒ lǒ̤bò pě akhanu, ma̤pûhǐ kò la̤bè̌ sî ta̤sǔ ǒpe tò̤nu, htohǒtò̤ ma̤pûhǐ sî cahtǐ dě pa Cǒmara ta papha htǒotapwa̤ alo̤mo̤ pěnu, a ǐshû̌ǐsho tû̌ta sî sò̌phlǒ akhû̌aǎ nî̌꤮.

Tîmôte ginǐ̤bǎ tôbǎ 2:12

Pa dè khòsò̌do ta̤ hî̌dě pa pǒǐ kû̌dǒ ta̤ ta a pě, Pa dè la̤lò̤kè yǎ dě a la̤lò̤shǔ pa pě.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 10:27

A ǒkè pwǎpǒ̤ tacǎpa dě pa glè ǒpo̤pwǎ Cǒmara a ta̤cèrò ta mî̌gè plo̤dû̌ dě a gèsikèbò kòyò htě a sò̌khě Cǒmara htǒotoǒnu pě.

Hebrǔ 12:29

Ma̤tè̤hî̌dě pa Cǒmara mî̌ alò̤ta mî̌plo̤ htě a gèsikè kò htǒonuhǒ.

Hebrǔ 4:1

Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Hebrǔ 4:9

Hǐnudě, alò̤ta Cǒmara ma̤hto ata̤ma̤ ni̤susǒ dě a ǒkǔ mṳni̤ susǒti̤ni̤nu ti̤ni̤nu hǒ, Cǒmara akòyò toǒ genṳǒkǔ kû̌ta Cǒmara pě.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Petru awǐlǒ tabǎ 3:22

Ye̤shǔkhrî̌stu gekihtò̌ mǒkhû̌ dě a gehǎnòò̌ Cǒmara acǔdemû tokho hǒ, dě a pǒǐbò tanaphû̌ toǒ ta ta̤sîrîshû̌sho toǒ, ta ta̤po̤ta̤phǎ toǒ hǒ.

Petru ginǐ̤bǎ tabǎ 3:7

Pwǎ̤ta Cǒmara hî̌lò̤ sǒsǒgesǒ ayo̤ pwǐ a bǒlò̤ mǒkhû̌ ta hǎkhû̌ akhanu akhû̌akhî, mǒkhû̌ ta hǎkhû̌ htě pa kè̌shǐ yǎ khònò̤ htǒotoǒnu, Cǒmara pṳ̂měǒkǔ asî dě a ma̤pî̌kè asî ta mî̌ pě. Cǒmara pṳ̂měǒkǔ to̤ asî mṳni̤ bǎ a cèrò ma̤pî̌kè kòyò htě a bè̌dubè̌na̤ nû̌û tò̤nu toǒ pě.

Yṳ̌da 1:7

Hǐnuhǒ, gènè̤htò̌nṳ sǒtû̌ lǒkho Sò̌dowî̤ ta Gòmò̤̌rawî̤ ta wî̤ ǒ bǎ a wò̤shî̌nu toǒ. Wî̤kûphû̌ bǎnu toǒ mî̌ a ma̤sǔ sǒsǒta hǐnu hǒ. Asî gûma̤kû̌ lǒkho sǐshi la̤klo sò̌yṳ phû̌mò̤ toǒ dě ma̤mo̤ǐ lǒkho ana̤ ta mamǔmakhû la̤klo phû̌mò̤shî̌hto toǒ. Asî khòbǎ ta̤shuphǔshèwè dě mî̌kla tûjûpwa̤ htǒonumî̌ a htûhtò̌ kòyò la̤kè̌mò̌mṳ ta kòyò lǒ̤꤮ bò aya hǒ.

Ta̤dǔlè̌nǎ 1:7

Kè̌mò̌ lǒkho, a glè̌ hèkû̌ ta poǒlṳ hǒ. Kòyò pṳ̂̌꤮ tapwa̤ kè̌shǐbò a pě. Kòyò htě a shusi nû̌ûnu toǒ bǎbǎ, a kè̌shǐ nû̌û pě. Khlilèphû̌ pṳ̂̌꤮ tacǎ dě hǎkhû̌bǎo hǎwobò ta a akhû̌akhî pě. Ta̤ htûhtò̌ mè̤mè̤̌ pwǐhè̌onu pě, Amè̤.

Ta̤dǔlè̌nǎ 14:10

Asî sana̤nu a okû̌ lǒkho Cǒmara a ta̤sò̌dû̌ ashisî̌yo̤ pě. A ta̤sò̌dû̌ aba htǒotabanu, kò yṳnṳbe nû̌ûta shisî̌cò. Bò kòyò htě a ma̤ta̤ pwǐhè̌o toǒnu, a bǎ khòbǎ mè̤mè̤̌ ta̤jîta̤jû dě, mî̌ htě kò shû̌gè nû̌ûta ya̤sû̌bò akû htǒonu pě. A khòjîkhòjû dě tanaphû̌ cahtǐ toǒ ta sophû̌nu tado a lo̤mo̤ pě.

Ta̤dǔlè̌nǎ 14:13

Htodě he gana̤de ta̤po̤htò̌ mǒkhû̌ dě a hî̌, “Khwè̌mǎkè htǒonu, tèhtò̌ khònò̤tǒ̤hènu, kòyò htě a si dě Cǒmara a ta̤phî̌ta̤ma̤ akû toǒnu, a glè nî̤bǎ ta̤howi̤.” Běcǎ sǎcahtǐ hî̌, “A mè̤mè̤̌. Ma̤tè̤hî̌dě asî glè ǒkǔkè lǒkho dě a ta̤phî̌ta̤ma̤ toǒ akû ta a ta̤jîta̤jû toǒ akû hǒ. Htohǒtò̤ asî ta̤phî̌ta̤ma̤ htě abwǐasîrî ǒ toǒnu, a gûkû̌ asîkò pě.”

Ta̤dǔlè̌nǎ 20:11

Htodě he kè̌shǐ Khwǐcophǎ gògohtabûdû̌ htò̌yî̤ tabǎ ta pwa̤ hǎnòò̌ akhû̌nu tapwa̤. Dě mǒkhû̌ ta hǎkhû̌ nûcû̌kè a lo̤mo̤ dě kò kè̌shǐpe yǎ tò̤hǒ.

Ta̤dǔlè̌nǎ 21:4

Cǒmara htǔsûkèbò asî ami̤sǎshi pě. Ta̤si ǒpe tò̤. Ta̤sǎpla̤ bǎbǎ, ta̤hǎta̤wo bǎbǎ, shayî̌bò̌plě bǎbǎ a ǒpe tò̤. Ta̤ htě a htûhtò̌bǎ hǎkhû̌ ali̤ htǒotebě toǒnu, a ǒpe tò̤ hǒ.”

Ta̤dǔlè̌nǎ 22:16

“He mî̌ Ye̤shǔ. Ma̤pûhǐ he pwe̤ǐlṳbǎ pwa̤yṳǎta̤ aprṳ̂aho toǒ ta ta̤wi̤ta̤kè̌ htǒotoǒ ayanu, he sûlò̤ bǎ sî he tanaphû̌ hǒ. He pṳwè̤ khlilè mî̌ mî̌pwǎ Dǎ̤wi̤ akhlialè gilò̤nu tṳmṳtacǎ hǒ. He mî̌ shǎto̤wo̤ htě a lîrakhashû̌ nutama hǒ.”

Ta̤dǔlè̌nǎ 22:6

Hǐnuhtodě tanaphû̌ hî̌ he, “Yo̤sǎ htǒotoǒ numî̌ yo̤ htě acǒatè̤ dě la̤nǎla̤ yṳǎ mè̤mè̤̌ yǎ toǒ. Běcǎ Cǒmara htě a ǐ pwa̤po̤ toǒ ta a sǎcahtǐ htǒotapwa̤nu, ma̤pûhǐ a dǔlṳ bǎ ajûphû̌ sîtoǒ ta yî̤hǒtò̤ pě ta̤ ma̤kwè̌꤮ ana̤ hî̌tè pěnu dě, a nohè a tanaphû̌ hǒ.”

Ta̤dǔlè̌nǎ 22:9

Pwǎ̤ta a hî̌ he, “Saba pûma̤ he ma̤, he mî̌ jûphû̌ tapwa̤ htě a sǒsǒkû̌ta na ta na pṳwè̤ pwa̤po̤ toǒ, ta kòyò lǒ̤꤮ bò htě a jûle̤phî̌yo̤ yo̤nu toǒ dě lî̤ htǒotabǎ akûnu toǒ pwǎ. Saba Cǒmaranu.”

Ta̤dǔlè̌nǎ 6:11

Kò ǐ asî hǐdopo̤to̤bû pṳ̂̌꤮ tapwa̤, htodě kò hî̌ asî ta asî glè ǒkǔpo̤. Dě asî ǒkǔ to̤htû̌ kò ma̤si behtò̌ asîkho jûphû̌ toǒ ta apṳwè̤ htě a yṳǎna̤ǎta̤ toǒ pwǐ kò ma̤sihto asînu pě.