Tîsalònǐ ginǐ̤bǎ tôbǎ 1:5 - Kawyaw RC

⁵ Ta̤htǒotoǒ khò bò꤮ asò̌ ta Cǒmara cèrò ta̤ numî̌ acǒatè̤ pwǎ. Hǐnu akhû̌akhî, Cǒmara bè̌ sî ta sîtosîbǎ ta ashiagakû pě. Sî khòbǎ ta̤jîta̤jû khònò̤htǒo numî̌ Cǒmara shiga aya pwǎ.

Kawyaw New Testament

⁵ Lǒ̤bò ta̤nu tokhlǒ khò asǎphlǒ kû̌ Cǒmara cî̌htò̌ ta̤ numî̌ acǒatè̤ pwǎ. Pô̤̌nu akhû̌akhî, Cǒmara gǔ bè̌sî kû̌ sîtôbǎ kû̌ ashiagǎkû pě. Sî khòbǎ ta̤jî̌ta̤jû̌ khònò̤̌ numî̌ dǒ Cǒmara shigǎ aya pwǎ.

Tîsalònǐ ginǐ̤bǎ tôbǎ 1:5 Iomraidhean Croise

Htû̌sò̌htò̌ 111:7

Lǒ̤꤮ bò a ma̤ta̤ toǒnu acǒatè̤, atoabǎ. Lǒ̤꤮ bò ata̤mǎlò̤ toǒnu, a gwa yṳnǎla̤ǐ mè̤mè̤̌.

Htû̌sò̌htò̌ 33:5

Cǒmara tûjûpwa̤ mo̤ǐ ta̤cǒta̤tè̤, a cèròto cèròbǎ ta̤. Hǎkhû̌akhû̌htǒo, a lǒbe ta Cǒmara ata̤mo̤ǐ htě ahǎbòjò tò̤.

Htû̌sò̌htò̌ 50:6

Cǒmara mî̌ pwa̤ htě a cèròcǒcèròtè̤. Mǒkhû̌ hî̌ nû̌û ta Cǒmara cèrò ta̤nu atoabǎ mè̤mè̤̌.

Htû̌sò̌htò̌ 72:2

A cèròcǒcèròtè̤ bǎ tû̌ta nakòyò nî̌. A cèròtocèròbǎ bǎ tû̌ta nakòyò htě kò ma̤jîma̤jû nû̌ûnu toǒ nî̌.

Htû̌sò̌htò̌ 99:4

Khwǐdû̌ htǒo a sîrîshû̌ sîrîsho, na mo̤ǐ ta̤cǒta̤tè̤, na bè̌ǒhtò̌ǐ ta̤tota̤bǎ. Na cèròto cèròbǎ, na cèròcǒ cèròtè̤ bǎ Yǎ̤kò akhlialè hǎte̤gilò̤ toǒ.

Lǔka 20:35

Pwǎ̤tadě kòyò htě Cǒmara bè̌ asî ta a gwa ta a sihtûpwa̤gesǒ htû̌꤮ anǒkò tuhtu pě toǒnu, ta̤phî̌phû̌phî̌ma ǒpetò̤ hǒ.

Lǔka 21:36

Ma̤pûhǐ sî lû̌htò̌bò̌ wǒadǎ ta ta̤ glè̌ htûhtò̌ htǒotoǒ pě, htohǒtò̤ ma̤pûhǐ sî ihtǒ dě kòyòphû̌khû mî̌ hehtǒo lo̤mo̤ pěnu, sòklò dě kwisaba lǒkho pṳ̂̌꤮ taplǎ nî̌꤮.”

Pwa̤nophû̌ 13:46

Htodě Pò̌lu ta Banabǎ tǐ̤ hî̌bǎ khuhakhlo po̤po̤, dě a hî̌, “Pa tobǎ dǒhtû̌ǐ wǐgutṳ̌ bǎ sî ta Cǒmara ale̤ayo̤. Pwǎ̤tadě sî yṳǎna̤ǎ pa ta̤dǒhtû̌ǐ htǒonu tò̤ akhû̌akhî, sî cèrò lò̤tû̌ sîna̤ pwǐ kòyò htě a gwa nî̤bǎ kû̌kò yolahtûpwa̤ tûjûpwa̤ tò̤nu toǒ hǒ. Hǐnudě pa bè̌kè sî dě pa cû̌ Yṳ̌daphû̌ mè̤tò̤ toǒ a ǒ.

Pwa̤nophû̌ 14:22

Ma̤pûhǐ pwa̤yṳǎphû̌ toǒ ǒměǒgle dě a ta̤yṳta̤nǎ akû ayanu, Pò̌lu ta Banabǎ ǐkhû̌ǐǎ asî, htohǒtò̤ tûsû asîkò. Asî sû̌ǐtòwòǐ bǎ kò ta, “Pa glè̌ cû̌nṳ bò̌phlǒ to̤dě Cǒmara ashiagakû htǒonumî̌ pa bǎ cû̌tûlû̌plṳ̂ ta ta̤pò̤ta̤sha sîtoǒ.”

Rṳ̂̌me̤ 2:5

Ma̤tè̤hî̌dě na mî̌ kòyò hǐkǒshò̌ dě sò̌phlǒbû̌tèplè̌yû tò̤ tapwa̤, hǐnudě, htû̌꤮ Cǒmara sò̌phlǒdû̌ dě a cèròcǒtè̤ta̤ ǒlṳhtò̌ pě akhanu, a sò̌phlǒdû̌khlo na pě dě a cèròjîkhlo na pě.

Rṳ̂̌me̤ 8:17

Khònò̤htǒo pa dè htû aphû̌ali̤ dě a ǐ pa a ta̤howi̤ û̌cata̤bî̌ htě a bè̌wǒ bǎ panu toǒ pě. A ǐ ta̤howi̤ ta aphû̌ali̤ toǒ to nî̤bǎnu toǒ pě. Htohǒtò̤ û̌cata̤bî̌ htě a měgle tûjûpwa̤ htǒo pa nî̤bǎpo̤ kû̌ta Khrî̌stu pě. Pa dè khòjîkhòjû plǒhtukû̌ ta Khrî̌stu hî̌dě pa nî̤bǎ plǒhtukû̌ ta̤sîrîdû̌htû ta a pě.

Ěphěsu 4:1

Hǐnu akhû̌akhî, he kwigwèbǎǐ sî sǒsǒta kò dǒlò̤te̤ kòyò dě apo̤kû ta Běcǎ aya tapwa̤nu. Cǒmara kaǎ sî dě sî htûhtò̌ pwa̤yṳǎphû̌ toǒ akhû̌akhî, he kwigwèbǎǐ sî ta sî glè ǒhtûpwa̤ bè̌wǒkû̌ sî sò̌phlǒ pwǐ pwa̤yṳǎphû̌ toǒ to ǒhtûpwa̤nu.

Kòlòtè̌ 1:12

Sî hî̌bwǐhî̌sîrî tû̌ pha Cǒmara htě a ǐhtûhtò̌hto sî ta akòyò dě sî glè nî̤bǎdǒ a û̌cata̤bî̌ htǒotoǒnu, ta akòyò cahtǐ toǒ dě ashiaga alîrakha akû htǒonu pě nî̌꤮.

Tîsalònǐ awǐlǒ tôbǎ 2:14

Pṳwè̤sî, ta̤cû̌htûhtò̌ tǒ̤ana̤ ta sî pwǐhè̌otoǒ ma̤tè̤hî̌numî̌ a lò̤ta ta̤ma̤htûhtò̌hto ana̤ dě Cǒmara a pwa̤yṳǎta̤ aprṳ̂ahophû̌ htě a ǒ dě Yṳ̌dagakûnu toǒ hǒ. Asî htû Ye̤shǔkhrî̌stu a kòyò toǒ akhû̌akhî, a htûhtò̌ pwǎ. Sî khlilèphû̌ ma̤jîma̤jû tû̌ sî htǒonu asǒsǒta Yṳ̌daphû̌ toǒ ma̤jîma̤jû pwa̤yṳǎphû̌ htě a ǒ dě Yṳ̌dagakûnu toǒ hǒ.

Tîsalònǐ ginǐ̤bǎ tôbǎ 1:11

Hǐnudě ma̤pûhǐ Cǒmara ma̤jè sî dě sî ǒhtûpwa̤ tobǎ kû̌ta ata̤kaǎ sî ayanu, pa kwisaba sîya pṳ̂̌꤮ taplǎ. Pa kwisabapo̤ bǎ sîya ta Cǒmara ma̤lǒma̤bebò bǎ sî ta̤ma̤wǒ htě sî sò̌yṳma̤nu toǒ, ta ta̤ma̤ htě sî ma̤ yǎta ta̤yṳnu toǒ. Dě Cǒmara ma̤tû̌ bǎ sî ta a ta̤po̤ta̤phǎ pě.

Tîmôte ginǐ̤bǎ tôbǎ 2:12

Pa dè khòsò̌do ta̤ hî̌dě pa pǒǐ kû̌dǒ ta̤ ta a pě, Pa dè la̤lò̤kè yǎ dě a la̤lò̤shǔ pa pě.

Ta̤dǔlè̌nǎ 15:4

Kǒ꤮ Běcǎ꤮, kò ǐsha nala̤ tò̤, na sîrîdû̌sîrîhtû htǒo kò olò̤ tò̤nu kò ǒjòpe dǐpwǎ̤꤮ tò̤. Cǒmara cahtǐnu a ǒ pwǎpǒ̤ na tapwǎ̤꤮ pa. Shiphû̌gaphû̌ lǒ̤꤮ bò kè̌shǐ nama̤ ta̤tota̤bǎ akhû̌akhî, a hè subusabahtò̌bò na pě.”

Ta̤dǔlè̌nǎ 16:7

Htodě he gana̤de yo̤po̤htò̌ dě ta̤lṳwa̤lo̤ nudě a hî̌, “Jòta̤ lǒ̤꤮ bò a Běcǎ Cǒmara, na ta̤cèrò htǒotoǒnu acǒatè̤, atoabǎ mè̤mè̤̌.”

Ta̤dǔlè̌nǎ 19:2

Ma̤tè̤hî̌dě a ta̤cèrò sî toǒnu atomî̌ atoto. Anò̤mî̌ anò̤nò̤. A cèròkèhto mamǔpò̤lò̤ mi̤dû̌ htě a ma̤pî̌ma̤lṳ̂kè hǎkhû̌ toǒ ta asǐshi a ta̤sò̌yṳ patǎ phû̌mò̤shî̌hto toǒnu tapwa̤ hǒ. A ma̤si Cǒmara ajû toǒ akhû̌akhî, Běcǎ Cǒmara ma̤geshǔlè̌ a li̤ hǒ.”

Ta̤dǔlè̌nǎ 3:4

“Pwǎ̤tadě kòyò htě a ǒhtûpwa̤ cahtǐ dě ahǐdohǐyò̤ aphǔaplîbòpe bǎ Sadǐ pwa̤yṳǎta̤ aprṳ̂ahokû htǒonumî̌ a ǒpî̌tî̌ pwǎ. Asî kûsǒhtò̌ hǐdobû dě a cû̌kû̌ta he pě, ma̤tè̤hî̌dě asî gwa cû̌kû̌dǒ ta he hǒ.