Tîsalònǐ ginǐ̤bǎ tôbǎ 1:4 - Kawyaw RC

⁴ Hǐnu akhû̌akhî, pa sana̤nu pa pwe̤ǐlṳbǎ pwa̤yṳǎta̤ aprṳ̂aho ahǔwa̤ toǒ ta sîwi̤sîkè̌. Bǎ sî khòbǎ ta̤ma̤jîma̤jû ta ta̤pò̤ta̤sha toǒ akhanu, sî khòsò̌dobò̌ ta sî ǒměǒgle dě sî ta̤yṳta̤nǎ akû akhû̌akhî, pa bè̌htò̌yî̤ mè̤mè̤̌ pa sò̌phlǒ.

Kawyaw New Testament

⁴ Pô̤̌nu akhû̌akhî, pa sanǎ̤tû̌ pa pwe̤ǐlṳ̌bǎ ta̤dòkûphû̌ dǒ ashǔshawa̤ tokhlǒ kû̌ sîwe̤sîkè. Bǎ sî khòbǎ ta̤ma̤jî̌ma̤jû̌ kû̌ ta̤pò̤̌ta̤sha tokhlǒ akhanu, sî khòsǎdôbò̌ dě sî ô̌měô̌gle dǒ sî ta̤yṳ̌ta̤nǎ̤ akû akhû̌akhî, pa lǎ̤phî̌htò̌yô̤̌ mô̤̌꤮ mî̌ca pa sǎphlǒ.

Tîsalònǐ ginǐ̤bǎ tôbǎ 1:4 Iomraidhean Croise

Rṳ̂̌me̤ 12:12

Sî ta̤kè̌shuǐ htě Cǒmara ma̤wǒ bǎ sîya htǒotoǒnu, sò̌le̤sò̌lò̤ lǒkho nî̌꤮. Bǎ ta̤pò̤ta̤sha hèbǎ sî akhanu, khòsò̌do lǒkho, kwisaba lǒkho pṳ̂̌꤮ plǎ nî̌꤮.

Rṳ̂̌me̤ 2:7

Kòyò htě a ma̤ hèsělě ta̤wǒ, dě a kè̌lǎ Cǒmara ǐ nû̌û ta̤sîrîdû̌sîrîhtû, ta̤bè̌dû̌bè̌htû ta ta̤htûpwa̤ htě a sijòpè̤ tò̤ toǒnu, Cǒmara ǐ nû̌û yolahtûpwa̤ tûjûpwa̤ pě.

Rṳ̂̌me̤ 8:25

Pwǎ̤tadě pa dè kè̌shuǐ ta̤ htě pa nî̤bǎ yǎ tò̤ toǒnu, pa sò̌phlǒhtû ǒpo̤kè̌shuǐ pwǎ.

Kôritu awǐlǒ tôbǎ 7:17

Sî pṳ̂̌꤮ tapwa̤ tobǎ ǒhtûpwa̤ sělě lǒkho pwǐ Cǒmara ǐlò̤ sî bǎ a kaǎ sî akhanu. A ma̤nǎhtobò ta pa glè ǒhtûpwa̤ pwǐhè̌o hǒ. Ta̤sû̌ta̤tòwò hè̌onu, he sû̌ǐlò̤bòhto dě pwa̤yṳǎta̤ aprṳ̂aho akû pṳ̂̌꤮ tò̤glò hǒ.

Kôritu ginǐ̤bǎ tôbǎ 12:10

Hǐnudě he ǒ ta ta̤khû̌ǎyû̌lò̤ toǒ, he kè̌shǐ shěto̤bǎ ta ta̤jîta̤jû toǒ, kò pi̤jishǐcǒ he toǒ, kò ma̤jîma̤jû he toǒ, he kè̌shǐ shěto̤bǎ ta ta̤pò̤ta̤sha sî toǒ, ta̤ lǒ̤꤮ bò htě he kè̌shǐ shěto̤bǎ htǒotoǒ numî̌ Khrî̌stu aya pwǎ, ma̤tè̤ he sò̌phlǒmo̤ sò̌phlǒto pwǎ. Ma̤tè̤hî̌dě bǎ he khû̌ǎyû̌lò̤ akhanu, he khû̌ǎshû̌shotû̌ pwǎ.

Kôritu ginǐ̤bǎ tôbǎ 7:14

Bǎ Tǐtǔ cû̌ dě sî ǒ hǒtò̤nu, he htû̌sò̌ǐ sî dě Tǐtǔ alo̤mo̤. Sî ma̤ mè̤mè̤̌ pwǐ he htû̌sò̌ǐ sînu hǒ. Sî ma̤sòwò̤nǒ he dǐkhò̌꤮ tò̤. Pwǐ he hî̌bǎcǒhî̌bǎtè̤ sî pṳ̂̌꤮ taplǎnu, pa hî̌ Tǐtǔ ta sîwi̤sîkè̌ numî̌ pa hî̌bǎcǒhî̌bǎtè̤ pwǎpwǎ.

Kôritu ginǐ̤bǎ tôbǎ 7:4

He yṳǎ te̤mǎ mè̤mè̤̌ sî dě he htû̌sò̌ǐ mè̤mè̤̌ sî pṳ̂̌꤮ taplǎ nî. Hǐnu akhû̌akhî, pa kè̌shǐbǎ plṳ̂ mè̤mè̤̌ ta ta̤pò̤ta̤sha pwǎ̤ta pa sò̌le̤sò̌lò̤ pwǎ, htohǒtò̤ pa sò̌phlǒmo̤ pwǎ.

Kôritu ginǐ̤bǎ tôbǎ 9:2

Ma̤tè̤hî̌dě sî sò̌phlǒsho ma̤jo asî pwî̌꤮ tènu, he sî̌ya. He htû̌sò̌ǐ pa sû̌kho dě Makedò̌niagakûnu toǒ ta sîwi̤sîkè̌ toǒ hǒ. He hî̌ asî ta sî pwa̤yṳǎphû̌ dě Akhayagakû htǒotoǒnu, a ma̤wǒnǎ wû dě něhǎnope. Sî sò̌phlǒsho htǒonu, a htû̌wè̤htò̌ plṳ̂ Makedò̌niagaphû̌ toǒ asò̌phlǒ dě a glè ma̤jo kò hǐnu pě.

Kôritu ginǐ̤bǎ tôbǎ 9:4

Hǐnudě bǎ he hè pě akhanu, pa pṳwè̤ Khrî̌stuphû̌ dě Makedò̌niaga toǒ gûhèkû̌ ta he pě kǎlè. He sò̌yṳ nokè̌shǐ asî ta sî ma̤wǒnǎhtobò wû ta̤ma̤lṳnu toǒ. Sî dè ma̤wǒnǎmò̌ dǐcǎ꤮ tò̤nu, ta̤ htě he yṳǎ sî toǒnu a htûhtò̌nò heya ta sîya ta̤sòwò̤ pě.

Tîsalònǐ awǐlǒ tôbǎ 1:3

Sî ta̤yṳta̤nǎ akhû̌khî, sî ma̤ta̤ ahtûhtò̌, sî ta̤mo̤ǐ kò akhû̌akhî, sî gûma̤ ta̤, dě sî ǒ ta ta̤kè̌shuǐ dě pa Běcǎ Ye̤shǔkhrî̌stu alo̤ akhû̌khî, sî khòsò̌dobò̌ ta̤ma̤jîma̤jû sî toǒ. Bǎ pa kwisaba dě papha Cǒmara ǒ akhanu, sî ma̤ta̤ lǒ̤꤮ bò htǒotoǒnu, pa shope̤nǎpè̤pe tò̤.

Tîsalònǐ awǐlǒ tôbǎ 2:14

Pṳwè̤sî, ta̤cû̌htûhtò̌ tǒ̤ana̤ ta sî pwǐhè̌otoǒ ma̤tè̤hî̌numî̌ a lò̤ta ta̤ma̤htûhtò̌hto ana̤ dě Cǒmara a pwa̤yṳǎta̤ aprṳ̂ahophû̌ htě a ǒ dě Yṳ̌dagakûnu toǒ hǒ. Asî htû Ye̤shǔkhrî̌stu a kòyò toǒ akhû̌akhî, a htûhtò̌ pwǎ. Sî khlilèphû̌ ma̤jîma̤jû tû̌ sî htǒonu asǒsǒta Yṳ̌daphû̌ toǒ ma̤jîma̤jû pwa̤yṳǎphû̌ htě a ǒ dě Yṳ̌dagakûnu toǒ hǒ.

Tîsalònǐ awǐlǒ tôbǎ 2:19

Mî̌ma̤tè̤dě pa sò̌yṳ cû̌ǒlèkû̌po̤ mè̤mè̤̌ sî hî̌numî̌, sî ǒ ta sî ta̤yṳ htě ashû̌asho akhû̌akhî, htû̌ Běcǎ Ye̤shǔkhrî̌stu hèpě ti̤ni̤nu, sî htû pa ta̤dǒshuǐ, pa ta̤sò̌le̤sò̌lò̤ ta pa la̤phî̌htò̌yî̤ khû̌glûhta toǒ hǒ.

Tîsalònǐ ginǐ̤bǎ tôbǎ 3:5

Běcǎ sûcû̌ tû̌pû sî dě Cǒmara ta̤mo̤ǐ akû ta Khrî̌stu a ta̤khòsò̌do akû htǒonu pě nî̌꤮.

Hebrǔ 10:36

Ma̤pûhǐ sî ma̤to pwǐ Cǒmara sò̌yṳ noma̤ sînu, htodě ma̤pûhǐ sî nî̤bǎ a ta̤olò̤ htě a olò̤hto sî toǒ ayanu, sî bǎkhòsò̌do lǒkho.

Hebrǔ 6:12

Pa sò̌yṳ nohtû sî kòyò cè̌klè tò̤. Mî̌tanu pa sò̌yṳ nosǒsǒkû̌ sî pwǐ kòyò htě a yṳǎ dě a khòsò̌do ta̤ khònò̤ htǒo toǒnu pwǎ. Dě kòyò htǒotoǒ ma̤hǐnu akhû̌akhî, asî nî̤bǎ lǒkho Cǒmara a ta̤olò̤nu toǒ pě.

Hebrǔ 6:15

Abraham ǒpo̤ khòsò̌doǐ, dě anǒkònu a nî̤bǎ Cǒmara olò̤ nû̌ûyo̤nu tûmû.

Jǎgomo̤ 5:11

Kòyò htě a khòsò̌dobò̌nu, pa hî̌ yǎta kòyò htě a nî̤bǎ ta̤howi̤. Sî gana̤dehto tû̌ Yò̌bǎ a ta̤khòsò̌do awi̤akè̌ hǒ gutṳ̌lò̤ dě Běcǎ ta̤yè̤lò̤nǎ ǒta a glè howi̤ nû̌û hî̌tè awi̤akè̌nu, sî sî̌ya hǒ. Ma̤tè̤hî̌dě Běcǎ a ta̤sò̌yṳgwèbǎǐ htǒonu alǒabe mè̤mè̤̌.

Petru ginǐ̤bǎ tabǎ 1:6

Dě ta̤sî̌khû̌sî̌ya akhû̌nu, bè̌plǒ dû̌htò̌po̤ ta̤khòǐpè̤ tû̌ na̤, dě ta̤khòǐpè̤ tû̌ na̤ akhû̌nu, bè̌plǒ dû̌htò̌po̤ ta̤khòsò̌do, dě ta̤khòsò̌do akhû̌nu, bè̌plǒ dû̌htò̌po̤ ta̤ǒhtûpwa̤ tobǎ ta Cǒmara,

Ta̤dǔlè̌nǎ 14:12

Hǐnudě Cǒmara akòyò cahtǐ htě a gana̤de ta a ǒhtûpwa̤ gû pwǐ Cǒmara a ta̤mǎlò̤ toǒ dě acǒatè̤ ta Ye̤shǔ toǒnu, tobǎ khò bò̌ta̤.