Tîsalònǐ ginǐ̤bǎ tôbǎ 1:3 - Kawyaw RC

³ Pṳwè̤ Khrî̌stuphû̌ toǒ꤮, pa gènè̤htò̌nṳ sî bò̌khòtè꤮ bǎbǎnu, pa bǎ hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě sî ta̤yṳta̤nǎ ta sî ta̤mo̤ǐ nû̌û tapwa̤ ta tapwa̤nu, sǔ a dû̌htò̌ akhû̌akhî, pa tobǎ hî̌bwǐhî̌sîrî yǎ.

Kawyaw New Testament

³ Sapṳ̌wè̤̌ Khrǐphû̌ sî, pa gènè̤htò̌nṳ̌ bǎ sî bǎkhò̌tè꤮ bǎbǎnu, pa bǎ hî̌bwǐhî̌sîrî Cǒmara dǒ sîya pṳ̂̌꤮ taplǎ, ma̤titèhî̌dě sî ta̤yṳ̌ta̤nǎ̤ kû̌ sî ta̤mô̤ǐ lû̌û tôpwa̤ kû̌ tôpwa̤nu, sǔ sǔ adû̌htò̌ akhû̌akhî, pa tôbǎ hî̌bwǐhî̌sîrî hǒ.

Tîsalònǐ ginǐ̤bǎ tôbǎ 1:3 Iomraidhean Croise

Htû̌sò̌htò̌ 84:7

Bǎ asî cû̌ akhanu, asîkhû̌ǎ shohtò̌ ta shohtò̌. Asî pṳ̂̌꤮ tapwa̤ hèdǔlṳ to̤bò ana̤ bǎ Cǒmaradû̌ htě a pǒǐ lǒ̤꤮ bò Cǒmara ahǔwa̤ toǒnu tapwa̤ alo̤mo̤, bǎ Sǐokholokhû̌nu.

Htû̌sò̌htò̌ 92:13

Kò cû̌shǒ asî dě Cǒmara tûjûpwa̤ ahǐwe̤kû. Asî glè mṳwî̤mṳwǒ mṳdû̌mṳhtû bǎ Cǒmara we̤kû.

Lǔka 15:32

Pwǎ̤ta na pṳmakhû htǒonu asǒsǒta a sihto dě khònò̤ a htûpwa̤gesǒnu hǒ, asǒsǒta a hǎmǎ dě kè̌shǐ gesǒ yǎ htǒonu akhû̌akhî, pa tobǎ ma̤pwèma̤lû ǐyǎ, dě pa to sò̌le̤sò̌lò̤ ǎplǒoplǒ yǎ kò̌.’”

Lǔka 17:5

Pwa̤nophû̌ toǒ pwe̤ǐ Běcǎ, “Ma̤shohtò̌ bǎ pa ta̤yṳ.”

Jowǎ̤ni̤ 15:2

Sobîphò htě a tucu ta he dě asǎapho htò̌tò̤ toǒnu, a pe̤kèbò nû̌ûpě. Aphò htě asǎaphohtò̌ toǒnu bǎbǎ, ma̤pûhǐ a bǎ sǎhtò̌ dû̌htò̌po̤ ayanu, a khlělîbòlè̌ nû̌ûphò toǒ.

Rṳ̂̌me̤ 1:8

Ye̤shǔkhrî̌stu ami̤akû, he hî̌bwǐhî̌sîrî wǐgutṳ̌ he Cǒmara ta sî lǒ̤꤮ bò aya, ma̤tè̤hî̌dě, sî ta̤yṳta̤nǎ htǒonu, kò gana̤debò hǎkhû̌tebě hǒ.

Kôritu awǐlǒ tôbǎ 1:4

Ye̤shǔkhrî̌stu akhû̌akhî, Cǒmara ǐlò̤ sî abwǐasîrî hǒ. A ǐ sî hǐnu akhû̌akhî, he hî̌bwǐhî̌sîrî bǎ sî Cǒmara pṳ̂̌꤮ taplǎ.

Kôritu ginǐ̤bǎ tôbǎ 10:15

Hǐnudě pa hî̌bǎhtû̌sò̌ǐ kû̌nǒ pana̤ ta ta̤ma̤ htě kòhǔwa̤ ma̤htûhtò̌ wǐhtonu toǒ awi̤akè̌ tò̤. Pwǎ̤ta pa kè̌shuǐ khǒtû̌ ta sî ta̤yṳ glè shohtò̌ htohǒtò̤ pa hèma̤ ta̤ma̤ dě sîkla htǒo dû̌htò̌htûhtò̌ ta htûhtò̌po̤ dě alo̤mo̤ tokho ayanu pwǎ.

Ěphěsu 5:20

Titètè̌꤮ aya bǎbǎ, dě pa Běcǎ Ye̤shǔkhrî̌stu ami̤ akhû̌akhî, tûrû̌ hî̌bwǐhî̌sîrî papha Cǒmara pṳ̂̌꤮ taplǎ nî̌꤮.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 1:9

Ma̤pûhǐ sî mo̤ǐ nû̌û tapwa̤ ta tapwa̤ htǒo, sǔ a bǎ shohtò̌, htohǒtò̤ ma̤pûhǐ sǔ sî bǎ sî̌yahè dû̌htò̌po̤ lǒkho htohǒtò̤ ma̤pûhǐ sî sî̌ya mèpa̤jò lǒkho ta̤ htě asǔ ta ato toǒ ayanudě, he kwisabapwǎ bǎ sîya.

Tîsalònǐ awǐlǒ tôbǎ 3:12

Běcǎ glè ma̤dû̌htò̌tû̌ bǎ sî ta̤mo̤ǐ nû̌û dě, sî mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤, htohǒtò̤ sî mo̤ǐdû̌htò̌po̤ kòyò ahǔwa̤ toǒ sǒsǒta pa mo̤ǐ sînu nî̌꤮.

Tîsalònǐ awǐlǒ tôbǎ 3:6

Pwǎ̤tadě khònò̤htǒo Timò̤̌te ǒ sîǒ dě a geto̤sǒ paǒ hǒ. Dě a ge pwe̤ǐ pa ta ta̤wi̤ta̤kè̌ htě amo̤ toǒ. A pwe̤ǐlṳ bǎ pa ta sî ta̤yṳta̤nǎ ta sî ta̤mo̤ǐ toǒ awi̤akè̌. Htohǒtò̤ a pwe̤ǐlṳ pa ta sî gènè̤htò̌nṳ pa pṳ̂̌꤮ taplǎ, dě sî ǒ ta ta̤sò̌le̤sò̌lò̤, htohǒtò̤ sî nǎsǔ kè̌shǐ mè̤mè̤̌ pa pwǐ pa nǎsǔ kè̌shǐ sînu, a pwe̤ǐlṳ bǎ pa hǐnu.

Tîsalònǐ awǐlǒ tôbǎ 3:9

Sî khû̌khî, pa hî̌bwǐhî̌sîrî mè̤mè̤̌ pa Cǒmara dě pa sò̌le̤sò̌lò̤ mè̤mè̤̌ dě alo̤mo̤. Dě pa sò̌le̤sò̌lò̤ hî̌bwǐhî̌sîrî Cǒmara htǒonu, a kǒpè̤pe tò̤.

Tîsalònǐ awǐlǒ tôbǎ 4:1

Pṳwè̤ sî, dě nǒkònu, sî tobǎ ǒhtûpwa̤ tota Cǒmara asò̌phlǒ hî̌tènu, pa sû̌ǐhto sî hǒ. Dě khònò̤htǒo sî ǒhtûpwa̤ numî̌ a mè̤hǒ. Khònò̤htǒo pa kwigwèbǎǐ sî dě pa tûsû sîkò ta Běcǎ Ye̤shǔ agûla̤ dě, sî glè ma̤dû̌htò̌ sělěpo̤ hǐnu.

Tîsalònǐ ginǐ̤bǎ tôbǎ 2:1

Pṳwè̤ Khrî̌stuphû̌ toǒ꤮, he sò̌yṳ pwe̤ǐlṳ bǎ sî ta htû̌꤮ Běcǎ Ye̤shǔkhrî̌stu hè akha pě awi̤akè̌ ta pa geǒplǒkû̌ nû̌û dě a ǒ pě awi̤akè̌ htǒonu pwǎ.

Tîsalònǐ ginǐ̤bǎ tôbǎ 2:13

Pṳwè̤ sî꤮, sî mî̌ kòyò htě Běcǎ mo̤ǐ sîtoǒ dě pa hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě ma̤pûhǐ sî nî̤bǎ ta̤ma̤lû̌htò̌ge ayanu, Cǒmara wû̌lǎnǎhto sî dě khû̌lû̌khapenu hǒ. Dě Běcǎ sǎcahtǐ ma̤wî̤ma̤cahtǐ sî ta sî yṳǎ ta̤te̤ta̤mǎ akhû̌akhî, Cǒmara ma̤lû̌htò̌ge sî hǒ.

Petru awǐlǒ tabǎ 1:22

Khònò̤dě sî jûle̤phî̌yo̤ Cǒmara a ta̤sû̌ǐ a ta̤te̤ta̤mǎ toǒ akhû̌akhî, sî ma̤mṳ̂plî sî sò̌phlǒ dě sî htû kòyò htě a mo̤ǐ mè̤mè̤̌ pṳwè̤ Khrî̌stuphû̌ htǒotoǒ hǒ. Ma̤hǐnudě mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤ nî̌꤮.

Petru ginǐ̤bǎ tabǎ 1:13

Bǎ he ǒhtûpwa̤pe akha, he htû̌wè̤ gènè̤htò̌ gesǒ sî ta ta̤wi̤ta̤kè̌ htǒotoǒ mî̌ he gènè̤ ta ato pwǎ.

Petru ginǐ̤bǎ tabǎ 3:18

Mî̌tanu, dû̌htò̌ sělěpo̤ lǒkho dě ta̤bwǐta̤sîrî akû ta dě ta̤sî̌ya pwa̤ htě a ma̤lû̌htò̌ge pa mî̌ pa Běcǎ Ye̤shǔkhrî̌stu htǒo akû nî̌꤮. Khònò̤htǒo tǒ̤hènu, kò htû̌sò̌ǐ tû̌ta pa Běcǎ Ye̤shǔkhrî̌stu tûjûpwa̤ talakhǎ nî̌꤮. Amè̤.