Tîsalònǐ ginǐ̤bǎ tôbǎ 1:12 - Kawyaw RC

¹² Pa kwisaba pwǐhè̌o numî̌ ma̤pûhǐ pa Běcǎ Ye̤shǔ nî̤bǎ ta̤sîrîdû̌sîrîhtû sî ǒ dě sî nî̤bǎkû̌lè̌ ta̤sîrîdû̌sîrîhtû dě a ǒ pě ayanu pwǎ. Pa Cǒmara ta pa Běcǎ Ye̤shǔkhrî̌stu abwǐasîrî akhû̌akhî, a htûhtò̌ tû̌ta pwǐhè̌o pě nî̌꤮.

Kawyaw New Testament

¹² Pa kwicaba pô̤̌o numî̌ pô̤̌khô pa Běcǎ Yeshǔ gǔ nǐ̤bǎ ta̤sîrîdû̌sîrîhtû dǒ sî ô̌ dě sî nǐ̤bǎ ta̤sîrîdû̌sîrîhtû dǒ a ô̌ pě aya nupwǎ. Dǒ pa Cǒmara kû̌ pa Běcǎ Yeshǔ Khrǐ abwǐsîrî akhû̌akhî, dě a htûhtò̌ tûû̌ pô̤̌o pě nî̌꤮.

Tîsalònǐ ginǐ̤bǎ tôbǎ 1:12 Iomraidhean Croise

Mǒhtûlû̌hǎhtûsa 18:18

A mî̌ a htû mè̤mè̤̌ khlilèphû̌dû̌꤮ tacǎ dě a ǒ ta ta̤sîrîshû̌shonu pě. Dě bò꤮ khlilèphû̌ htě a ǒ hǎkhû̌ htǒotoǒ nî̤bǎ tṳtṳ dǒ ta̤howi̤homò̤ ta akhû̌akhî pě.

Htû̌sò̌htò̌ 72:17

Lṳmṳ dè꤮ lî sadape hî̌dě Khwǐ ami̤ ǒměǒgle tû̌ta tûjûpwa̤ nî̌, ami̤ lṳshilṳga tû̌ta nî̌. Dě a akhû̌akhî, khlilèphû̌ lǒ̤꤮ bò nî̤bǎdû̌ tû̌ta ta̤howi̤ nî̌. Asî htû̌sò̌ǐbò tû̌ta nû̌û nî̌.

Jowǎ̤ni̤ 17:10

Ta̤lǒ̤꤮ bò a ǒ ta he toǒnu, nata hǒ, lǒ̤bò a ǒ ta na toǒnumî̌, heta hǒhǒ. Ta̤lǒ̤bòhtǒonu adǔlṳ he ta̤sîrîdû̌sîrîhtû hǒ.

Rṳ̂̌me̤ 1:7

Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ. He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.

Kôritu awǐlǒ tôbǎ 1:4

Ye̤shǔkhrî̌stu akhû̌akhî, Cǒmara ǐlò̤ sî abwǐasîrî hǒ. A ǐ sî hǐnu akhû̌akhî, he hî̌bwǐhî̌sîrî bǎ sî Cǒmara pṳ̂̌꤮ taplǎ.

Kôritu ginǐ̤bǎ tôbǎ 13:4

Dě ta̤khû̌ǎyû̌lò̤ akhû̌akhî, Khrî̌stu khòsi asò̌ nò̌dòhtǔ alo̤. Pwǎ̤ta khònò̤htǒo dě Cǒmara a ta̤po̤ta̤phǎ shû̌sho akhû̌akhî, a htûpwa̤ hǒ. Hǐnudě pa mî̌ pa khû̌ǎyû̌lò̤ sǒsǒ hǐnu pwǎ̤tadě bǎ pa hî̌ sî pě akhanu, pa dǔlṳ bǎ sî ta Cǒmara a ta̤po̤ta̤phǎ shû̌sho pě, ma̤tè̤hî̌dě pa htû ta Khrî̌stu tacǎnǔ꤮ pa dě pa ta̤ǒhtûpwa̤kû akhû̌akhî, pa ma̤hǐnu pě.

Kôritu ginǐ̤bǎ tôbǎ 8:9

Pa Běcǎ Ye̤shǔkhrî̌stu htǒonu abwǐdû̌sîrîhtû pwî̌꤮ tènu, sî sî̌yatû̌ hǒ. A ǒ dě mǒkhû̌ akhanu, a dû̌yò̤htò̌sa mè̤mè̤̌ pwǎ̤ta bǎ a hè sûlûana̤ pwǐ kòyòhǎkhû̌phû̌ tapwa̤ akhanu, a bǎhè htû kòyò shuphǔshèwèphû̌ tapwa̤ ta paya hǒ. Ma̤pûhǐ sî dû̌yò̤htò̌sa kû̌kò ayanudě, a bǎhè htû kòyò shuphǔshèwèphû̌ tapwa̤nu hǒ.

Phǐlǐpǐ 3:9

He ta̤cǒta̤tè̤ htǒonu, he nǎla̤ǐpe ta he gana̤de gûma̤kû̌ ta̤sû̌ta̤tòwò akhû̌ htǒonu mè̤petò̤hǒ. Mî̌tanu, he yṳǎ Khrî̌stu akhû̌akhî, he nî̤bǎ ta̤cǒta̤tè̤. Ta̤cǒta̤tè̤ htě Cǒmara ǐ htǒonumî̌ a nǎla̤ǐpwǎ dě ta̤yṳta̤nǎ alo̤.

Tîsalònǐ ginǐ̤bǎ tôbǎ 1:10

Htû̌꤮ Běcǎ Ye̤shǔ hègesǒ amṳni̤ ti̤ni̤ pěnu, a htûhtò̌tû̌ hǐnu pě. Bǎnu ti̤ni̤ pěnu, akòyò cahtǐ toǒ ma̤sîrîdû̌sîrîhtû nû̌û pě dě kòyò htě a yṳǎ nû̌û toǒnu, a sû̌pi̤sò̌pi̤bò nû̌ûla̤ pě. Hǐnudě sîhtǒo toǒǒ bǎbǎ, sî htû̌sò̌ǐ kû̌dǒ dě asîkla pě, ma̤tè̤hî̌dě sî yṳǎhto ta̤sò̌le̤sò̌lò̤ awi̤akè̌ htě pa dǒhtû̌ǐhtobǎ sînu toǒ hǒ.

Tǐtǔ 2:11

Ma̤tè̤hî̌dě ma̤pûhǐ Cǒmara ma̤lû̌htò̌ge kòyòhǎkhû̌phû̌ lǒ̤꤮ bò ayanu, a dǔlṳ abwǐasîrî hǒ.

Petru awǐlǒ tabǎ 4:14

Sî dè khòbǎ ta̤pi̤jishǐcǒ dě sî gûkû̌ Khrî̌stu akò dèhî̌mò̌nu sî nî̤bǎ ta̤howi̤, ma̤tè̤hî̌dě Cǒmara a sǎcahtǐ htě asîrîdû̌sîrîhtû htǒonu, a ǒkû̌dǒ ta sî hǒ.

Ta̤dǔlè̌nǎ 1:4

He mî̌ Jowǎ̤ni̤. He khwè̌cû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a ǒ dě Ashǎgakûnu toǒ ǒ. Cǒmara htě a htûpwa̤ bǎ꤮ nukha, htohǒtò̤ khònò̤kha mî̌ a htûpwa̤pwa̤, nǒkòpěmî̌ a htûpwa̤pwa̤ htǒotapwa̤ ta ta̤htûpwa̤ susǒtapwa̤ htě a ǒ dě gûla̤htò̌yî̤ alo̤mo̤ htǒotoǒ abwǐasîrî ta a ta̤mo̤ta̤kwǐ htǒonu, sî nî̤bǎ tû̌ta nî̌꤮.