Biblia Todo Logo
Bìoball air-loidhne

- Sanasan -




Tîsalònǐ ginǐ̤bǎ tôbǎ 1:10 - Kawyaw RC

10 Htû̌꤮ Běcǎ Ye̤shǔ hègesǒ amṳni̤ ti̤ni̤ pěnu, a htûhtò̌tû̌ hǐnu pě. Bǎnu ti̤ni̤ pěnu, akòyò cahtǐ toǒ ma̤sîrîdû̌sîrîhtû nû̌û pě dě kòyò htě a yṳǎ nû̌û toǒnu, a sû̌pi̤sò̌pi̤bò nû̌ûla̤ pě. Hǐnudě sîhtǒo toǒǒ bǎbǎ, sî htû̌sò̌ǐ kû̌dǒ dě asîkla pě, ma̤tè̤hî̌dě sî yṳǎhto ta̤sò̌le̤sò̌lò̤ awi̤akè̌ htě pa dǒhtû̌ǐhtobǎ sînu toǒ hǒ.

Faic an caibideil Dèan lethbhreac

Kawyaw New Testament

10 Dǒ Běcǎ Yeshǔ hèsô̌ alṳmṳ̌ni̤ tôni̤ pěnu, a gǔ htûhtò̌ tû̌ pô̤̌nu pě. Bǎ nutôni̤ pěnu, a kòyò plò̌shǐ tokhlǒ gǔ ma̤sîrîdû̌sîrîhtû lû̌û pě dě kòyò dǒ a yṳ̌ǎ lû̌û tokhlǒnu, a gǔ ǒò̌ bò lû̌ pě. Pô̤̌nudě sî tokhlǒkhlǒ bǎbǎ, sî gǔ htû̌sò̌htò̌ bǎ asîkla pě, ma̤titèhî̌dě sî yṳ̌ǎ hto ta̤sǎlě̤we̤kè dǒ pa shôbǐǐlṳ̌ htobǎ sî nutokhlǒ hǒ.

Faic an caibideil Dèan lethbhreac




Tîsalònǐ ginǐ̤bǎ tôbǎ 1:10
40 Iomraidhean Croise  

Kǒ Cǒmaradû̌, dě nata̤lṳhtò̌ho cahtǐ akûnu, a gònò̤gèglè ǐsha. Israel acǒmaradû̌ ǐ akòyò toǒ ata̤po̤ta̤phǎ ta atakhû̌ta̤ǎ. Htû̌sò̌ǐ mò̌ Cǒmaradû̌.


Mǒkhû̌tanaphû̌ aprṳ̂ htě asîrîshû̌sho toǒ ǐsha lǒkho Cǒmara. Lǒ̤꤮ bò mǒkhû̌phû̌ htě a ǒ te̤we̤phǔ nakòshî̌ toǒ, ǐsha bè̌dubè̌na̤ mè̤mè̤̌ na.


Ma̤tè̤hî̌dě kòyòphû̌khû mî̌ hehtǒo hè ta apha asîrîdû̌sîrîhtû pě, ta amǒkhû̌tanaphû̌ toǒ pě dě a ǐbò gesǒ kò pṳ̂̌꤮ tapwa̤ pwǐ asî ma̤htonu toǒ pě.


He hî̌ mè̤mè̤̌ sî, kòyò htě a ihtǒ ǒbǎ sîklabǎo toǒǒnu, bǎ asî si hǒtò̤kha, asî kè̌shǐbǎ lǒkho kòyòphû̌khû mî̌ hehtǒo hè pwǐ Khwǐ tapwa̤nu pě.”


Pwǎ̤ta ta̤htǒotoǒ htûhtò̌ mṳni̤mṳsa, akhîakha bò̌khòtè pěnu kò sî̌ya dǐpwǎ̤꤮ tò̤. Tanaphû̌ ǒ dě mǒkhû̌nu toǒ bǎbǎ a sî̌ya tò̤. Aphû̌khû ta ana̤ htǒotapwa̤ bǎbǎ, a sî̌ya tò̤tò̤. A sî̌ya pwǎpǒ̤ hepha tapwǎ̤꤮ papwǎ.


“Htû̌꤮ kòyòphû̌khû htǒo hè ta a ta̤sîrîdû̌sîrîhtû pě dě amǒkhû̌tanaphû̌ toǒ hè dǒkû̌ ta a akhapěnu a hǎnòò̌lò̤ bǎ a gògohtahtò̌yî̤ rakha akhû̌ pě.


Htû̌꤮ mṳni̤ cèrò pě ti̤ni̤nu, kòyò hè pwe̤ǐlṳhtò̌plṳ̂ lǒkho pě dě a glè hî̌ lǒkho ta, ‘Běcǎ꤮ Běcǎ, pa dǒhtû̌ǐ bǎ kò pwǐ Běcǎ sǎcahtǐ pwe̤ǐ bǎ panu ta nami̤, htodě pa wṳ̂hǎhtò̌kè khînǎkhîno toǒ ta nami̤, htodě pa dǔlṳ ta̤cǒklî̌kî̌ya toǒ ta nami̤nu a ǒplṳ̂ hǒ, mè̤tò̤ya.’


He hî̌ sî, htû̌꤮ Cǒmara cèrò kòyòhǎkhû̌phû̌ pě akhanu, a gwèbǎǐ wî̤ htǒo tî̤wî̤nu a gwèbǎǐkhlo Sò̌dowî̤ pě.


Bǎ Ye̤shǔ gana̤de ta̤wi̤ta̤kè̌ htǒo akhanu, a hî̌, “Dě ta̤shahtǒo akhû̌akhî, kò kè̌shǐ Cǒmara a sîrîdû̌sîrîhtû pě. Htohǒtò̤ ta̤shahtǒo akhû̌akhî, Cǒmara aphû̌khû nî̤bǎ ta̤sîrîdû̌sîrîhtû pě.”


Ta̤lǒ̤꤮ bò a ǒ ta he toǒnu, nata hǒ, lǒ̤bò a ǒ ta na toǒnumî̌, heta hǒhǒ. Ta̤lǒ̤bòhtǒonu adǔlṳ he ta̤sîrîdû̌sîrîhtû hǒ.


Dě pa pwe̤ǐlṳ bǎ sî Khrî̌stu awi̤akè̌ htǒotoǒnu, a ǒměǒgle te̤mǎ dě sîkû hǒ.


Kòyò tapwa̤ ta tapwa̤ a ta̤ma̤htò̌ hǐ a ta̤sî̌ta̤jò htǒonu, a ǒlṳhtò̌ htû̌꤮ Běcǎ Khrî̌stu hè amṳni̤nu ti̤ni̤ pě. Kòyò pṳ̂̌꤮ tapwa̤ ma̤ta̤ toǒnu, kò ma̤kè̌ yǎta mî̌ pě. Tapwa̤ ta tapwa̤ a ta̤sî̌ta̤jò ata̤ma̤ htǒonu, mî̌lěgèkè̌bò pě dě a dǔlṳhtò̌bò pě.


Dě hekhû̌hekhî, asî htû̌sò̌ǐ lǒkho Cǒmara hǒ.


Ma̤pûhǐ pa bè̌dǒ pa ta̤kè̌shuǐ dě Khrî̌stu akûnu, a ma̤bǎ pa hǐnuhǒ. Pa Yṳ̌daphû̌ toǒ mî̌ kòyò htě a kè̌shuǐ wǐtocǒ Khrî̌stu toǒhǒ. Dě pa kè̌shuǐ hǐnu akhû̌akhî, kò htû̌sò̌ǐ tû̌ta Cǒmara a ta̤sîrîdû̌sîrîhtû htǒotoǒ pě.


Běcǎ sǎcahtǐ htǒonu asǒsǒta ta̤olò̤ aměagle tacǎ htě a dǔlṳbò Cǒmara olò̤ dě a ǐ pa pě toǒnu, pa nî̤bǎ yǎpě. Htû̌꤮ Cǒmara a ta̤htè̌ge pa a ta̤phî̌ta̤ma̤ htǒo aphlǔahtobò pě akhanu, a ǐ pa û̌cata̤bî̌ pě. Hǐnudě kò htû̌sò̌ǐ tû̌ta Cǒmara a ta̤sîrîdû̌sîrîhtû htǒotoǒ pě.


Ma̤pûhǐ sî sî̌yaphlowǒ kû̌kò ta̤ma̤ cǒklî̌kî̌ya htě a olò̤hto bǎ akòyò dě a kaǎ nû̌ûnu toǒ ayanu, he kwisaba ta a glè ǐsî̌yaphlo bǎ sînu. Cǒmara ǐ akòyò htǒotoǒ û̌cata̤bî̌ htě ale̤dû̌pwî̤htû, awî̤awǒ toǒ mî̌ kwè̌꤮ titèhî̌nu, he sò̌yṳ nosî̌ya te̤mǎdǒ sî.


A ǐlò̤ko bǎ pa sû ta a phû̌makhû htě a mo̤ǐ htǒotapwa̤ akhû̌akhî, pa htû̌sò̌ǐ plǒ pû nû̌û Cǒmara abwǐdû̌sîrîhtû htǒonu hò̌꤮.


Cǒmara htǒonu awǒ mè̤mè̤̌ dě pa htû akòyò htǒotoǒ akhû̌. Khrî̌stu ma̤hto bǎ paya akhû̌akhî, Cǒmara dǔlṳlò̤ a ta̤ma̤mo̤ma̤wǒ pa htǒotoǒ hǒ. Ma̤pûhǐ Cǒmara dǔlṳ bǎ kòyòhǎkhû̌phû̌ htû̌꤮ anǒkòpě tuhtu toǒ ta abwǐdû̌sîrîhtû htǒotoǒ pěnu dě, a ma̤pwǎ bǎ paya hǐnu.


Khònò̤dě ma̤pûhǐ pwa̤pǒta̤ dě mǒkhû̌ ta mǒkhû̌ a ta̤shû̌ta̤sho toǒ glè kè̌shǐ sî̌ya Cǒmara ǒta a ta̤sî̌ta̤jò pwî̌꤮ tè, dě a dǔlṳ bǎ asî ta a ma̤htû tǒhtudǒ Yṳ̌daphû̌ htě a htû Khrî̌stuphû̌ toǒ ta Yṳ̌daphû̌ mè̤tò̤ htě a htû Khrî̌stuphû̌ toǒnu, a ma̤htû nû̌û tṳ̂prṳ̂pa pwǐ a pwa̤yṳǎta̤ aprṳ̂aho tṳgumṳnǔpa.


Cǒmara a ta̤howi̤hî̌wǒ ǒplṳ̂ǒphǎ hǒ. Hǐnu akhû̌akhî, he kwihtò̌ yǎ dě a no Běcǎ sǎcahtǐ ta a glè ǐlò̤ tṳtṳ bǎ sî ata̤shû̌ta̤sho htǒo dě a bǎ ma̤shû̌ma̤shohtò̌ gesǒ sî sò̌phlǒ pě.


Ma̤tè̤hî̌dě pa phî̌hè bǎ sî ta̤sò̌le̤sò̌lò̤ awi̤akè̌ htǒonumî̌ tǒ̤pwǎ pa khû̌phě a ta̤hî̌bǎnu mè̤tò̤. Ta̤sò̌le̤sò̌lò̤ awi̤akè̌ htǒonumî̌, a ǒ ta a sîrîshû̌sho, a ǒ ta Běcǎ sǎcahtǐ, a ǒ ta ta̤yṳǎ bòmṳ̂sîglî ta̤sò̌le̤sò̌lò̤ awi̤akè̌ a ta̤cǒta̤tè̤ htǒotoǒ. Dě bǎ pa ǒkû̌ ta sî akhanu, pa mî̌ kòyò hî̌tè toǒnu, sî sî̌yahtotû̌ hǒ. Htǒonumî̌ pa ǒhtûpwa̤ ta sî la̤nî̤bwǐnî̤sîrî aya pwǎ.


Pṳwè̤sî, pa cû̌ǒlèkû̌ sînu, a hǎbònòdû̌ akhîakha mè̤tò̤. Abwǐasîrî ǒpwǎ numî̌ sî sî̌yatû̌ hǒ.


Ma̤tè̤hî̌dě ma̤pûhǐ sî ǒhtûpwa̤tobǎ pwǐ Cǒmara asò̌phlǒnu dě pa ǐkhû̌ǐǎ sî, pa hî̌bǎmo̤hî̌bǎwǒ sî, pa tûsû sîkò pṳ̂̌꤮ tapwa̤. Cǒmara mî̌ pwa̤ htě a kaǎnṳ sî dě ashiagakû ta a sîrîdû̌sîrîhtû akû tapwa̤hǒ.


Bǎ sî gana̤de Cǒmara ale̤ayo̤ htě pa pwe̤ǐ bǎ sîhtǒo akhanu, sî phî̌shǔ yǎ pwǐ a ǒ dě kòyò a ǒ hènṳ mè̤tò̤, sî phî̌shǔ yǎ pwǐ a ǒ dě Cǒmara a ǒ hènu. Hǐnu akhû̌akhî, pa hî̌bwǐhî̌sîrî Cǒmara pṳ̂̌꤮ taplǎ. Dě ta̤wi̤ta̤kè̌ htǒonumî̌ Cǒmara a ta̤wi̤ta̤kè̌ na̤cè̌. Ta̤wi̤ta̤kè̌ htǒo akhû̌akhî, Cǒmara noǒhtûpwa̤ sî pwǐ ato nû̌ûsò̌phlǒnu hǒ.


Pa kwisaba pwǐhè̌o numî̌ ma̤pûhǐ pa Běcǎ Ye̤shǔ nî̤bǎ ta̤sîrîdû̌sîrîhtû sî ǒ dě sî nî̤bǎkû̌lè̌ ta̤sîrîdû̌sîrîhtû dě a ǒ pě ayanu pwǎ. Pa Cǒmara ta pa Běcǎ Ye̤shǔkhrî̌stu abwǐasîrî akhû̌akhî, a htûhtò̌ tû̌ta pwǐhè̌o pě nî̌꤮.


Pṳwè̤ sî꤮, sî mî̌ kòyò htě Běcǎ mo̤ǐ sîtoǒ dě pa hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě ma̤pûhǐ sî nî̤bǎ ta̤ma̤lû̌htò̌ge ayanu, Cǒmara wû̌lǎnǎhto sî dě khû̌lû̌khapenu hǒ. Dě Běcǎ sǎcahtǐ ma̤wî̤ma̤cahtǐ sî ta sî yṳǎ ta̤te̤ta̤mǎ akhû̌akhî, Cǒmara ma̤lû̌htò̌ge sî hǒ.


Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.


Ma̤hǐnudě ta̤htǒotoǒ akhû̌akhî, he khòbǎ ta̤htǒo toǒ hǒ. Pò̤̌ta he sòwò̤ tò̤, ma̤tè̤hî̌dě, he sî̌ya pwa̤ htě he yṳǎna̤ǎ yǎ htǒotapwa̤ hǒ, htodě he yṳǎ ta ta̤ htě a ǐlò̤ nû̌û he cǔdekû htǒotoǒnu, a ǒpo̤ to̤htû̌ mṳni̤ gutṳpěnu ti̤ni̤.


Běcǎ hè amṳni̤ ti̤ni̤ pěnu Běcǎ ǐ kè̌shǐtû̌ nû̌û ta a ta̤gwèbǎǐ pěnî̌꤮. A ma̤jo he dě Ephè̌shiawî̤kû pwî̌꤮ tènu, na sî̌ya te̤mǎtû̌ hǒ.


Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.


Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.


Lean sinn:

Sanasan


Sanasan