Руфь 4:13 - Библия опэр крымски романи чиб

¹³ О Боаз лиляс э Руфя, тай ой ули лэски ромни. Ов сас ласа, тай о Сагбус о Яхвэ диняс ла тэ насвалёл пуёстэ, тай латэ аракхлило чяво.

Руфь 4:13 Iomraidhean Croise

Кердипэ 20:17

О Авраам мангелас э Дэвлэс, тай о Дэл аиндырды э Авимелехес, лэски ромня тай э иргатинкен, тэ овэн лэндэ пуя.

Кердипэ 25:21

О Исаак мангелас э Сагбус э Яхвэс андар пэ ромнятэ, вай ой сас би пуенги. О Сагбус о Яхвэ кердяс, со о Исаак мангляс Лэстэ, тай лэски ромни э Рэвэка насвалили пуёстэ.

Кердипэ 29:31

Кана о Сагбус о Яхвэ дикхляс, кай о Яков на дэхэлас э Лия, Ов кердяс, тэ овэн латэ пуя. Ай э Рахиль сас би пуенги.

Кердипэ 30:2

О Яков холясаило лаки тай пхэнляс: — Та со, мэ о Дэл, Саво на дэл тут пуен?

Кердипэ 33:5

О Исав дикхляс э джювлен тай э пуен тай пхучляс: — Кон адава туса? О Яков пхэнляс: — Адала пуя, савэн о Дэл миласа диняс тэ иргатес.

Руфь 3:11

Ма траша, ми чяй. Мэ кан керав алаи, со ту кан мангес, вай андэ адалэ дизатэ алаи джянэн, кай ту лачи джювли.

Руфь 4:12

Тэ пуендар, савэн о Сагбус о Яхвэ кан дэл тут адалэ тэрнэ джювлятар, ти порода мэ овэл, сар э порода ко Парец, саво аракхлило ки Фамарь тай ко Иуда.