Руфь 2:6 - Библия опэр крымски романи чиб

⁶ О бутярно, саво сас опэр иргатя, савэ кидэн о гив, пхэнляс: — Адая тэрни джювли моавитянка, али э Ноеминяса катар ливадя Моавитскя.

Руфь 2:6 Iomraidhean Croise

Кердипэ 15:2

Ай о Аврам пхэнляс: — Вай, Сагбус Яхвэ, со Ту кан дэс ман? Вай мэ ачяв би пуенго, тай мо мангин кан диндёл ко Элиезер андар Дамаск.

Кердипэ 24:2

О Авраам пхэнляс э барэ иргатески андэ пэ кхерэстэ, саво дикхелас пал алаестэ, со лэстэ сас: — Тхэ то васт манги тал шалос

Кердипэ 39:4

О Иосиф аракхляс лачипэ андэ лэски якхендэ тай уло лэско иргати. О Потифар тхэдяс лэс опэр пэ кхерэстэ тай диняс лэс тэ дикхел пал алаи пэ мангинэстэ.

Руфь 1:16

Ай э Руфь пхэнляс: — Ма тхэ ман тэ мукав тут тай тэ джяв тутар. Кай ту кан джяс, отхэ ли мэ кан джяв, тай кай ту кан бэшэс, отхэ ли мэ кан бэшав. То дюняс кан овэл мо дюняс, тай то Дэл — мо Дэл.

Руфь 1:19

Тай джянас о дуй он, бискай на алэ андэ Вифлееми. Кана он алэ андэ Вифлееми, алаи э диз ваздиндили лэндар тай пхэнэнас: — Адава э Ноеминь?

Руфь 1:22

Аякха э Ноеминь али кхерэ. Ай ласа катар ливадя ко Моавитскя али лаки бори, моавитянка э Руфь. Тай он алэ андэ Вифлееми, кана лилэ тэ кидэн о ячмени.

Руфь 2:5

О Боаз пхучляс ко бутярно, саво сас опэр иргатя, савэ кидэн о гив: — Каски чяй адая?

Руфь 2:7

Ой пхэнляс: «Кан кидав о гив пал одолэндэ, кон кидэл о гив». Али сабахтан, ой си джякана атхэ тай дага на раганты.