Кердипэ 9:2 - Библия опэр крымски романи чиб

² Мэ лэл траш тай израипэ ангал тумэндэ алаи э гайванен э пхуякерэн тай алаи э чириклен э булутенгерэн, алаи, кай балакадиен, тай алаи э моряки мачен: он динэ тумэндэ андэ васта.

Кердипэ 9:2 Iomraidhean Croise

Кердипэ 1:21

О Дэл кердяс барэ моряки гайванен, вэрсавэ дживиндиматэс кажнес лэски породаса, кай вразэн андэ пани, тай чириклен пхакенца кажня лаки породаса.

Кердипэ 1:26

Дэчи о Дэл пхэнляс: — Тэ керас манушэс, сар амэн, Амаро шавлин. Мэ овэл сагбус опэр маче ки моряки тай опэр чирикля ки булутенгерэ, опэр гайваня, опэр алаи ки пху тай опэр алаи, со бэшэл опэр пху.

Кердипэ 1:28

О Дэл алгышты лэн тай пхэнляс: — Мэ аракхлён тумэндэ пуя тай мэ овэн бут; пхэрэн э пху тай овэн сагбудэс опэр латэ. Овэн сагбудэс опэр маче ки моряки, тай опэр чирикля ки булутенги, тай опэр алаи, со бэшэл опэр пху.

Кердипэ 2:19

О Дэл о Яхвэ кердяс катар пху алаи э гайванен э вэшэскерэн тай алаи э чириклен опрунэн. Дэчи Ов андяс лэн ко мануш, тэ дикхел, сар одова лэн кан тхэл. Сар тхэдяс о мануш кажни дживиндо кердипэ, аякха да уло лэско нав.

Кердипэ 35:5

Дэчи он гелэ ко дром. Э траш э Дэвлэски лиляс алаи о диза агорял лэндэ, аякха кай никхон на родэлас э Яковески пуен.

Кердипэ 9:1

О Дэл алгышты э Ноес тай лэски чявэн тай пхэнляс лэнги: — Мэ аракхлён пуя тай бутён, пхэрэн э пху.

Кердипэ 9:3

Алаи, со бэшэл тай со кхелавэлпэс, кан овэл тумэнги хапэ. Сар буруни Мэ динём тумэн зэлэниматэс, аякха ли анкха Мэ дав тумэн алаи.