Кердипэ 32:9 - Библия опэр крымски романи чиб

⁹ О Яков мангляс э Дэвлэс: — О Дэл мэ дадэско э Авраамеско, о Дэл мэ дадэско э Исаакеско, о Сагбус о Яхвэ, кай пхэнляс манги: «Джя ки пху тинрятэ, тэ тухумендэ, тай Мэ кан дав тут лачипэ»!

Кердипэ 32:9 Iomraidhean Croise

Кердипэ 17:7

Мэ дав тут завети тай адава завети аякхажэ кан овэл алаи тэ пуенго алаи о вахытя: Мэ кан овав то Дэл тай о Дэл тэ пуенго.

Кердипэ 28:13

Опэр латэ сас тэрдо о Сагбус о Яхвэ тай пхэнэлас: — Мэ — о Сагбус о Яхвэ, о Дэл тэ дадэско э Авраамеско тай о Дэл э Исаакеско. Э пху, опэр савятэ ту анкха пашло, Мэ кан дав тут тай тэ пуен.

Кердипэ 28:15

Мэ туса тай кан кутардияв тут, кай ту тэ на джяс, тай кан анав тут андэ адая пху. Мэ на кан ачявав тут тай кан керав алаи, со пхэнлёмас туки.

Кердипэ 31:13

Мэ — о Дэл э Вефилеско, катэ ту чёрдян э маслинаки олия опэр тэрдо бар тай халян совля Манги. Ачяв адая пху тай джя палэ ки пху, катэ ту аракхлилян».

Кердипэ 31:29

Мандэ си зор тэ керав туки джюнгалипэ, ай окоя рат о Дэл тэ дадэско пхэнляс манги: «Сакёв, ма пхэн э Яковески ништо, нэ лачё, нэ джюнгало».

Кердипэ 31:3

О Сагбус о Яхвэ пхэнляс э Яковески: — Джя ки пху ки дадэнги, тэ тухумендэ, тай Мэ кан овав туса.

Кердипэ 31:42

Тэ на овэлас би манца о Дэл мэ дадэско, о Дэл э Авраамеско, Одова, Кастар трашалас о Исаак, ту бичялдянас би ман чюче вастэнца. Ай о Дэл дикхляс мо чёрипэ тай ми пхари бути тай кердяс цындос амэнги окоя рат.

Кердипэ 31:53

О Дэл э Авраамеско тай о Дэл э Нахореско, о Дэл лэнги дадэско, мэ керэл цындос машкарэ амэндэ. О Яков халяс совля Одолэнги, Савэстар трашалас лэско дад о Исаак.

Кердипэ 32:8

Ов тюшунды: «О Исав тэ пэрэла опэр екх табури, ай о дуйто кан ачёл дживиндо тай кан кутардиелпэс» .

Кердипэ 49:25

Ов — о Дэл тэ дадэско, Саво кан керэл туки ярдыми. Ов — о Дэл Баро-Зорало, Саво кан алгыштиел тут. Ов кан дэл тут алгыштима э булутенго опрал, тай безднако тэлал, тай алгыштима э дэенго, савэ хавдярэн э пуен.