Кердипэ 26:3 - Библия опэр крымски романи чиб

³ Ачё опэр акалэ пхуятэ вахытески, тай Мэ кан овав туса тай кан алгыштияв тут. Мэ кан керав, сар Мэ халёмас совля тэ дадэски э Авраамески, тай кан дав алаи адала пхуя тэ пуендэ.

Кердипэ 26:3 Iomraidhean Croise

Кердипэ 12:7

О Сагбус о Яхвэ сикавдяспэс э Аврамески тай пхэнляс: — Мэ кан дав адая пху тэ пуен. О Аврам кердяс отхэ алтари э Сагбуски э Яхвэски, Саво сикавдяспэс лэски.

Кердипэ 13:15

Алаи э пху, сави ту дикхес, Мэ кан дав тут тай тэ пуен алаи э вахытески.

Кердипэ 13:17

Джя, пхер опэр адалэ пхуятэ дулгимаса тай буглимаса, вай Мэ кан дав ла тутэ.

Кердипэ 15:18

Андэ одова дес о Сагбус о Яхвэ кердяс завети э Аврамеса тай пхэнляс: — Мэ дав тэ пуен адая пху, катар египтески диряв джи ки бари диряв Евфрат:

Кердипэ 17:19

О Дэл пхэнляс: — Адава тэ ромнятэ ки Сарра кан аракхлёл чяво, тай ту кан тхэс лэс Исаак. Адава лэс Мэ кан дав Мо завети. Адава кан овэл сальтя завети лэски тай лэски пуенги.

Кердипэ 17:8

Алаи э пху Ханаан, катэ ту анкха джяти, Мэ кан дав тутэ тай тэ пуендэ, тай ой кан овэл сальтя тинри. Тай Мэ кан овав лэнго Дэл.

Кердипэ 20:1

Отхар о Авраам гело андэ Негев тай ачило тэ бэшэл машкарэ ко Кадэш тай Шур. Ов саво-то вахыти бэшэлас андэ Герар.

Кердипэ 25:11

Пал ко мэрипэ ки Авраамеско о Дэл о Яхвэ алгышты лэски чявэс э Исаакес, саво озаман бэшэлас паш ко Бээр-Лахай-Рои.

Кердипэ 26:12

О Исаак читяс тэ барел гив опэр ливади одолэ пхуятэ тай одова жэ брэш кидиняс шэлвар бут. О Сагбус о Яхвэ алгышты лэс.

Кердипэ 26:14

Лэстэ сас асавке барэ атарэс бакрэ, бузня, гурувня, тай аборкха иргатя, кай о филистимляня кизгандиенас лэс.

Кердипэ 26:24

Андэ одоя рат о Сагбус о Яхвэ сикавдяспэс лэски тай пхэнляс: — Мэ о Дэл о Яхвэ тэ дадэско э Авраамеско. Ма траша, Мэ туса. Мэ кан алгыштияв тут тай кан бутярав тэ пуен булуб Мэ иргатески э Авраамески.

Кердипэ 28:13

Опэр латэ сас тэрдо о Сагбус о Яхвэ тай пхэнэлас: — Мэ — о Сагбус о Яхвэ, о Дэл тэ дадэско э Авраамеско тай о Дэл э Исаакеско. Э пху, опэр савятэ ту анкха пашло, Мэ кан дав тут тай тэ пуен.

Кердипэ 28:15

Мэ туса тай кан кутардияв тут, кай ту тэ на джяс, тай кан анав тут андэ адая пху. Мэ на кан ачявав тут тай кан керав алаи, со пхэнлёмас туки.

Кердипэ 31:3

О Сагбус о Яхвэ пхэнляс э Яковески: — Джя ки пху ки дадэнги, тэ тухумендэ, тай Мэ кан овав туса.

Кердипэ 35:12

Э пху, сави Мэ динём э Авраамес тай э Исаакес, Мэ кан дав тутэ тай ла тэ пуендэ.

Кердипэ 39:2

О Сагбус о Яхвэ сас э Иосифеса, тай лэстэ алаи сас лачё, кай бэшэлас андэ кхер пэ египетски сагбустэ.

Кердипэ 39:21

Ай о Сагбус о Яхвэ сас лэса; Ов кердяс лэски мила, тай о баро опэр барэ сас лачё лэса.

Кердипэ 48:21

О Израиль пхэнляс э Иосифески: — Мэ мэрав, ай о Дэл кан овэл тумэнца тай кан анэл тумэн ки пху тумарэ дадэнги.

Кердипэ 50:24

О Иосиф пхэнляс пэ пхралэнги: — Мэ мэрав, ай о Дэл кан авэл тэ керэл ярдыми тумэнги тай кан никалэл тумэн андар адалэ пхуятэ ки пху, сави Ов халяс совля тэ дэл ко Авраам, э Исаак тай э Яков.