Кердипэ 24:7 - Библия опэр крымски романи чиб

⁷ О Сагбус о Яхвэ э булутенго, саво никалдяс ман андар кхер мэ дадэско тай андар мэ чяче пхуятэ, Саво зборизэлас манца тай халяс совля манги, пхэнляс: «Мэ кан дав адая пху тэ пуендэ». Ов кан бичялэл Пэ миляикес ангал тутэ, ту тэ лэс отхар ромня мэ чявэски.

Кердипэ 24:7 Iomraidhean Croise

Кердипэ 13:15

Алаи э пху, сави ту дикхес, Мэ кан дав тут тай тэ пуен алаи э вахытески.

Кердипэ 15:18

Андэ одова дес о Сагбус о Яхвэ кердяс завети э Аврамеса тай пхэнляс: — Мэ дав тэ пуен адая пху, катар египтески диряв джи ки бари диряв Евфрат:

Кердипэ 16:7

О Миляики э Сагбуско э Яхвэско аракхляс э Агаря андэ ливади, надур катар ханинг. Адая ханинг сас паш ко дром ко Шур.

Кердипэ 17:8

Алаи э пху Ханаан, катэ ту анкха джяти, Мэ кан дав тутэ тай тэ пуендэ, тай ой кан овэл сальтя тинри. Тай Мэ кан овав лэнго Дэл.

Кердипэ 21:17

О Дэл шунляс о роипэ э чяворэско, тай о миляики э Дэвлэско болдиняспэс карин Агарь опрал булутя тай пхэнляс лаки: — Со уло, Агарь? Ма траша! О Дэл шунляс, сар ровэл о чяворо отхэ, катэ ов пашло.

Кердипэ 22:11

Ай о Миляики э Сагбуски Яхвэско пхэнляс лэски опрал булутя: — Авраам! Авраам! — Мэ атхэ, — пхэнляс ов.

Кердипэ 24:3

тай ха совля манги э Сагбуса э Яхвэса, э булутенги Дэвлэса тай э пхуяки Дэвлэса, кай ту на кан лэс мэ чявэски ромня андар ханаанеенги чяя, машкарэ савэндэ мэ бэшав,

Кердипэ 24:40

Ов пхэнляс: «О Сагбус о Яхвэ, ангал муй Савэстэ мэ пхерав, кан бичялэл туса Пэ миляикес тай кан керэл лачипэ андэ ти дила, ту тэ лэс ромня мэ чявэски андар мэ тухумендэ тай андар мэ дадэски хорандастэ.

Кердипэ 26:24

Андэ одоя рат о Сагбус о Яхвэ сикавдяспэс лэски тай пхэнляс: — Мэ о Дэл о Яхвэ тэ дадэско э Авраамеско. Ма траша, Мэ туса. Мэ кан алгыштияв тут тай кан бутярав тэ пуен булуб Мэ иргатески э Авраамески.

Иона 1:9

Ов пхэнляс: — Мэ евреи тай гинав э Сагбус э Яхвэс, э Дэвлэс опрунэс, Саво кердяс о пани тай э пху.

Delja 7:5

Ов на диняс лэс пху джи тикноро котор. Ай о Дэл диняс збора, кай Ов кан дэл адая пху лэстэ тай лэски пуендэ, ай одова вахыти ко Авраам на сас пуёс.