Кердипэ 16:11 - Библия опэр крымски романи чиб

¹¹ Генэ о Миляики э Сагбуско э Яхвэско пхэнляс лаки: — Ту акана насвали пуёстэ, тай кан аракхлёл тутэ чяво. Тхэ лэс Измаил, оничин о Сагбус о Яхвэ шунляс тэ хурлукестар.

Кердипэ 16:11 Iomraidhean Croise

Кердипэ 17:19

О Дэл пхэнляс: — Адава тэ ромнятэ ки Сарра кан аракхлёл чяво, тай ту кан тхэс лэс Исаак. Адава лэс Мэ кан дав Мо завети. Адава кан овэл сальтя завети лэски тай лэски пуенги.

Кердипэ 21:17

О Дэл шунляс о роипэ э чяворэско, тай о миляики э Дэвлэско болдиняспэс карин Агарь опрал булутя тай пхэнляс лаки: — Со уло, Агарь? Ма траша! О Дэл шунляс, сар ровэл о чяворо отхэ, катэ ов пашло.

Кердипэ 37:25

Дэчи он бэшлэ тэ хан, тай дикхлэ каравани э измаильтяненго, кай авэл андар Галаад. Лэнги камилэс сас пхэрдэ чяренца, бальзамеса тай мирраса, савэ он гелэнас андэ Египти.

Лука 1:13

О миляики пхэнляс лэски: — Ма траша, Захария, О Дэл шунляс то мангипэ. Тэ ромнятэ ки Елизавета кан овэл чяво, тай ту кан тхэс лэс Иоанн.

Лука 1:31

Ту кан насвалёс пуёстэ тай кан аракхлёл тутэ Чяво, тай кан тхэс Лэс Исус.

Лука 1:63

О Захария мангляс пхалёри тэ яздиел, тай э шаштимаски алаенгерэски, язды: «Лэско нав Иоанн».