Кердипэ 12:8 - Библия опэр крымски романи чиб

⁸ Отхар ов гело андэ горадэнго тхан ко вастоки катар Вефиль. Тай тхэдяс пи катуна аякха, кай сас о Вефиль карин запад, ай о Гай — карин вастоки. Отхэ ов кердяс алтари э Сагбуски э Яхвэски тай мангляс Лэско нав.

Кердипэ 12:8 Iomraidhean Croise

Кердипэ 13:18

О Аврам кидиняс о катунэс тай гело тэ бэшэл надур катар тэрэкя тэрэбинтя вэш Мамрэ андэ Хеврон. Ов тхэдяс отхэ алтари э Сагбуски э Яхвэски.

Кердипэ 13:3

Андар Негев ов гело англэ дром, бискай на ало андэ Вефиль, одолэ тханэстэ, катэ буруни тэрди лэски катуна, машкарэ ко Вефиль тай Гай,

Кердипэ 13:4

одолэ тханэстэ, катэ ов кердяс алтари. Отхэ о Аврам мангляс о нав э Сагбуско э Яхвэско.

Кердипэ 21:33

О Авраам барярдяс андэ Бээр-Шэва тэрэки тамариски тай мангляс о нав э Сагбуско э Яхвэско, э Дэвлэс, Саво си Сальтя .

Кердипэ 22:9

Кана он алэ ко тхан, савэстар пхэнляс лэски о Дэл, о Авраам кердяс отхэ алтари тай кидиняс опрал о кашта, пханляс пэ чявэс э Исаакес тай тхэдяс лэс опэр алтари опэр кашта.

Кердипэ 26:25

О Исаак кердяс отхэ алтари, мангляс о нав э Сагбуски э Яхвэско тай тхэдяс отхэ катуна. Ай о иргатя лэски хранлэ ханинг.

Кердипэ 28:19

Ов тхэдяс адава тхан Вефиль, ай ангал одоя диз бучёлас Луз.

Кердипэ 31:25

О Лаван рэсло э Яковес. О Яков тхэдяс катуна андэ горадэс Галаад, ли о Лаван э тухуменца тхэдяс катуна отхэ.

Кердипэ 33:20

Отхэ ов кердяс алтари тай тхэдяс лэс Эль-Элохей-Йисраэль.

Кердипэ 35:3

Дэчи кидэнтумэн ко дром, тай амэ гелям андэ Вефиль, катэ мэ кан керав алтари э Дэвлэски, Саво зборисаило манца андэ дес ки хурлукеско тай сас манца, кай тэ на джяв.

Кердипэ 35:7

Отхэ ов кердяс алтари тай тхэдяс одова тхан Эль-Бет-Эль, вай отхэ о Дэл пхутэрдяспэс лэски, кана ов нашло пэ пхралэстар.

Кердипэ 4:26

Ли ко Сиф сас чяво, тай ов тхэдяс лэс Енос. Одова вахыти о мануша лилэ тэ манген о нав э Сагбуски Яхвэско.

Кердипэ 8:20

О Ной кердяс э Яхвэ Сагбуски алтари, лиляс шужэ гайванен тай чириклен андар кажни порода, чиндяс лэн тай алаи тхардяс опэр яг.

Delja 2:21

Тай кажни, кон кан дэл икос о нав э Сагбуско, кан овэл кутардимэ».