Кердипэ 12:2 - Библия опэр крымски романи чиб

² Мэ кан керав тутар баро дюняс, кан алгыштияв тут тай кан керав намлыс то нав. Ту аврэнги кан овэс бахт!

Кердипэ 12:2 Iomraidhean Croise

Кердипэ 13:16

Мэ кан керав тэ пуен бут, сар кишай, тай кон кан гинэл э кишай, дэчи тэ пуя кан овэн гиндэ.

Кердипэ 15:5

Ов никалдяс лэс аври тай пхэнляс: — Дикх карин булутя тай гин о чергэня. Ту кан гинэс лэн? — Тай пхэнляс лэски: — Аборкха кан овэн тутэ пуя.

Кердипэ 17:20

Ли катар Измаил Мэ шунлём тут. Мэ кан алгыштияв лэс тай кан дав бутэ пуен. Ов кан овэл о дад дэшудо сагбудэнго тай барэ дюняско.

Кердипэ 18:18

Катар Авраам кан овэл баро тай зорало дюняс, тай булуб лэски кан диндён бахт алаи о дюнядэс опэр пху.

Кердипэ 18:19

Вай Мэ тхэдём лэс, ов тэ пхэнэл пэ пуенги, савэ кан аракхлён, тэ пхерэн о дром э Сагбуски э Яхвэско, тэ керэн о чячипэ тай о цындос. Дэчи Мэ, о Сагбус о Яхвэ, кан керав одова, со пхэнлём э Авраамески.

Кердипэ 19:29

Аякха, кана о Дэл тхардяс о диза э ливадяки, андэ савэндэ бэшэлас о Лот, Ов тюшунды катар Авраам тай кутарды э Лотес катар хурлуки.

Кердипэ 24:1

О Авраам сас пхуро, барэ брэшэнго, тай о Сагбус о Яхвэ алгышты лэс андэ алаестэ.

Кердипэ 24:35

О Сагбус о Яхвэ бут лачес алгышты мэ сагбус, тай ов уло барвало. Ов диняс лэс бакрэн, бузнен, гурувнен, руп тай пхол, иргатен тай иргатинкен, камилэн тай джёрэн.

Кердипэ 25:11

Пал ко мэрипэ ки Авраамеско о Дэл о Яхвэ алгышты лэски чявэс э Исаакес, саво озаман бэшэлас паш ко Бээр-Лахай-Рои.

Кердипэ 26:3

Ачё опэр акалэ пхуятэ вахытески, тай Мэ кан овав туса тай кан алгыштияв тут. Мэ кан керав, сар Мэ халёмас совля тэ дадэски э Авраамески, тай кан дав алаи адала пхуя тэ пуендэ.

Кердипэ 26:4

Мэ кан керав тэ пуен бут, сар чергэня опэр булутя, тай кан дав лэн алаи адала пхуя. Тэ пуендар кан диндён алгышы алаи о дюнядэс опэр пху,

Кердипэ 27:29

О породэс мэ керэн туки иргатлыки, тай дюнядэс мэ бангён туки. Ов сагбус опэр тэ пхралэндэ, тай мэ бангён ангал тутэ о чявэ тэ дэякерэ. Мэ диндёл арманя одова, саво дэл тут арманя, ай кон алгыштиел тут, мэ овэл алгыштимэ.

Кердипэ 28:14

Тэ пуя кан овэн бут, сар пхуяко прахос, тай ту кан бутёс карин запад тай карин вастоки, карин север тай карин юги. Алаи о дюнядэс опэр пху кан диндён алгышы андар тутэ тай тэ пуендэ.

Кердипэ 35:11

Ов пхэнляс лэски: — Мэ — о Дэл о Баро-Зорало. Мэ аракхлён тутар пуя тай бутё. Дюняс тай бут дюнядэс кан овэн тутар, тай патишая кан овэн тутар.

Кердипэ 46:3

Ов пхэнляс: — Мэ — о Дэл, о Дэл тэ дадэско. Ма траша тэ джяс андэ Египти. Мэ кан керав тутар отхэ баро дюняс.