Кердипэ 1:20 - Библия опэр крымски романи чиб

²⁰ О Дэл пхэнляс: — Мэ пхэрдёл о пани дживиндимаса, тай мэ урян чирикля опэр пху, опэр учярдипэ ки булутенго.

Кердипэ 1:20 Iomraidhean Croise

Кердипэ 1:14

Тай о Дэл пхэнляс: — Мэ овэн ярэкя опэр учярдипэ ки булутенго, тэ палящиел о дес катар рат, тай он мэ овэн сикаипэ, тэ галярэн о вахытя, о деса тай о брэша.

Кердипэ 1:19

Сас бэлвэль, тай сас сабаги — дес штарто.

Кердипэ 1:21

О Дэл кердяс барэ моряки гайванен, вэрсавэ дживиндиматэс кажнес лэски породаса, кай вразэн андэ пани, тай чириклен пхакенца кажня лаки породаса.

Кердипэ 1:22

О Дэл алгышты лэн тай пхэнляс: — Мэ аракхлён тумэндэ пуя тай мэ овэн он бут, пхэрэн о паня андэ морес. Тай о чирикля мэ бутён опэр пху.

Кердипэ 1:30

Тай алаи э гайванен э пхуякерэн, тай алаи э чириклен опрунэн, тай алаи, со кхелавэлпэс опэр пху, — алаен, андэ кастэ си бэшыпэ, — Мэ дав тэ хан алаи э чяр. Тай уло аякха.

Кердипэ 1:7

О Дэл кердяс о учярдипэ тай паляшты о пани тал учярдипэ катар пани опэр лэстэ, тай уло аякха.

Кердипэ 2:19

О Дэл о Яхвэ кердяс катар пху алаи э гайванен э вэшэскерэн тай алаи э чириклен опрунэн. Дэчи Ов андяс лэн ко мануш, тэ дикхел, сар одова лэн кан тхэл. Сар тхэдяс о мануш кажни дживиндо кердипэ, аякха да уло лэско нав.

Кердипэ 7:21

Алаи о дживиндо, со кхелавэласпэс опэр пху, муло: чирикля, гайваня, вэшэски гайваня, алаи, со бэшэл бут опэр пху, тай алаи о мануша.

Кердипэ 8:17

Никал аври алаи э дживиндэн, савэ туса: чириклен, гайванен тай алаен, кай балакадиен, он тэ пхэрэн э пху, тэ аракхлён лэндэ генэ тай тэ бутён.

Delja 17:25

Ов на мангел, о мануша тэ керэн Лэски иргатлыки пумарэ вастэнца, сар кай Лэски со-то на рэсэл. Ов Сам дэл алаи э манушэн бэшыпэ, тынышы тай алаи авэр.