Tamtama 4:4 - Nupela Testamen long tokples Kandas

⁴ Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.

Tamtama 4:4 Iomraidhean Croise

Matiu 19:28

O Iesu i watungi tandet lena, “A Nutun a Musano in kis na king una nun a kiskis na minamar ra din umatok a kum utna rop. A inanos mot nama lingmulus, una du bung ra, mot ra mot sa mur iau, mot in kis una noino ma aru kiskis na king, ma mot in warkurai sur a noino ma aru kabotaro Israel.

Luk 22:30

sur mot in nangon ma mot in inum una nung a kabulu una nung a matanitu. Ma mot in kis una kum kiskis na king, ra mot in warkurai sur a noino ma aru kabotaro Israel.”

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Tamtama 11:16

Aru noino ma wat na mugumugu ra det kis una anundet a kum kiskis na king sa numugu tan o God, det puku nama urur, a masarindet unago upiso, ma det lotu torom o God.

Tamtama 14:3

Det kele a matok na kelekele sa numugu tan a kiskis na king, ma a wat na utna ra det laun ma a kum mugumugu. Kataio in pet lar pasi sur in ususer una kelekele ri. Ara mar ma wat na noino ma wat na arip ra o God i sa kul langolango pas det taginin una rakrakon bual, det kut det in pet lar pasi.

Tamtama 19:14

A kunur na taro na inaim tagisapat una langit det kas una kum kabang na os ma det muri. Det emar nama kum wakak na malu ra i matok ma i kabang.

Tamtama 19:4

A ru noino ma a wat na mugumugu ma a wat na utna ra det laun det puku pirso nama urur, ma det lotu torom o God, i ra i kis una nun a kiskis na king ma det watungi lena, “Amen, Aleluia!”

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Tamtama 3:18

A warut mot nama kum nuknuk ri: Mot in kul a gol tang, ra di sa tun talapor tari una sungun, sur mot in tene ululeng. Ma mot in kuli kai in kabang na malu ma mot in pipisi, sur mot in pipis bat a mengere ra mot ser maimai nami. Ma mot in kul a marasin, ma mot in ubeki umatamot, sur mot in tamtama.

Tamtama 4:10

aru noino ma wat na mugumugu kai det puku na urur sa numugu tan o naro ra i kis una kiskis na king, o naro ra i laun tukum, ken rop ma ken rop, ma det lotu toromi. Det rakon ru anundet a kum kukup na king, ma det ubek tari sa numugu tan a kiskis na king ma det watungi lena,

Tamtama 4:6

Tiro kai sa numugu nisan a kiskis na king, ara utna i tamtama elar nama tasi ra di pami nama galas, ma i talapor doko. Tiro epotor na kiskis na king, a wat na utna ra det laun, det tur talilis a kiskis na king, a pinpinin det i bukus nama kum kiok na matandet, sa numugu ma nago numur tandet.

Tamtama 5:11

Numur a tamtama ma a longoro a kum walngan a susut na ensel ra det tur talilis pas a kiskis na king ma a wat na utna ra det laun, ma a kum mugumugu. A kum ensel det susut doko, katutaio in luk lar pas det.

Tamtama 5:14

Ma a wat na utna ra det laun, det watungi lena, “Amen,” ma a kum mugumugu det puku pirso nama urur ma det lotu.

Tamtama 5:6

Numur a tama a Barman na Sipsip, i tamtama lari ra di sa um doko tari, i tur nisan a kiskis na king, ma a wat na utna ra det laun, ma a kum mugumugu det tur talilis pasi. A Barman na Sipsip ra, a wonom mawit na komino, ma a wonom mawit nin nikiok na matano. Det a wonom mawit na nion o God, ra di tulu ru det una rakrakon bual rop.

Tamtama 5:8

Ra i los pas a buk ra, a wat na utna ra det laun ma aru noino ma wat na mugumugu, det puku na urur taru sa numugu tan a Barman na Sipsip. Det rop det pam arara gita ma arara dis ra di pami nama gol. A kum dis ra, det bukus nama paura di watungi nama insens, ra di tuni ra a misino i sangnain wakak. Det ra, a kum niaring anun a taro anun o God.

Tamtama 6:11

Ra di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.

Tamtama 7:11

A kum ensel rop det tur talilis pas a kiskis na king ma a kum mugumugu ma a wat na utna ra det laun. Det puku na urur nama matandet unago upiso numugu tan a kiskis na king, ma det lotu torom o God,

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.

Tamtama 9:7

A kum ko ra, det tamtama elar nama kum os ra di sa waninar tar det sur a inaim. Una lorindet, a kum utna i elar nama kum kukup na king ra i tamtama elar nami ra di pami nama gol, ma a kum masarindet i elar nama masarin a kum mulusino.