Tamtama 1:1 - Nupela Testamen long tokples Kandas

¹ A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.

Tamtama 1:1 Iomraidhean Croise

A Wakak na Wasiso un o Iesu Karisito o Jon i tumusi 12:49

Uni a kum wasiso ra a sa watung tari, awu sur anung. O Tita ut i tulu ru iau nami urin, sur an wasiso kut nami.

A Wakak na Wasiso un o Iesu Karisito o Jon i tumusi 15:15

Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i tan o Tita.

A Wakak na Wasiso un o Iesu Karisito o Jon i tumusi 17:8

A sa inanos tar det nama kum wasiso ra u pitar tari tang, ma det sa muri. Ma det tasman mulusi lena a wan ut tagisapat tam, ma det sa nurnur lena ui ut u tulu ru iau urin.

A Wakak na Wasiso un o Iesu Karisito o Jon i tumusi 3:32

Ma i wasiso talapor una kum utna ra i tama tari ma i longoro tari, ikut kataio i nurnur una nun a wasiso.

A Wakak na Wasiso un o Iesu Karisito o Jon i tumusi 8:26

A susut na utna an watungi un mot ra an warkurai mot uni, uni i ra i tulu ru iau i lingmulus, ma iau, a inanosi kut a taro una rakrakon bual una kum utna ra a longoro i tano.”

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

Galesia 1:12

Ka losi tan a taro, ma katu musano kai i ususer iau nami. O Iesu Karisito ut i upuaso tari tang.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

Taitus 1:1

Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulusino. A lingmulusino ra in ben det sur det in mur a petutna ra i wakak umatan o God.

Tamtama 1:19

“I mo ra un tumus a kum utna ra u sa tama tari, a kum utna ri i wanpat ma a kum utna ra in nanpat numur.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 17:1

Ara tagun a wonom mawit na ensel ra det pam a wonom mawit na dis, i wan torom iau ma i watungi tang lena, “Wan urin, an ese tar ui una warkurai na minabalu torom a pamuk na ino ra a risano i wan sarara una nun a sakino petutna. Kura i kis netes una kum danim.

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 19:9

Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 21:9

Ara tagun a wonom mawit na ensel, ra det pam a wonom mawit na dis ra i bukus nama wonom mawit na ururop na ukadik, i wanpat ma i watungi tang lena, “Wan urin, an ese tar ui una matok na nolin, a ino anun a Barman na Sipsip.”

Tamtama 22:1

Numur a ensel i ese tar a danim na nilaun torom iau, i talapor elar nama galas. I sal pat tagun a kiskis na king anun o God, anunder tomo nama Barman na Sipsip,

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”

Tamtama 22:8

Iau o Jon, a sa longoro tar a kum utna ri, ma a sa tama tari. Ra a sa longoro tari, ma a sa tama tari, a puku pirso nama urur nisan aru kikin a ensel sur an lotu toromi, a ensel ra i ese tar a kum utna ri tang.

Tamtama 22:9

Ikut i watungi tang lena, “Gong! Iau kai, a tultul kut, elar nam ui ma a kum tistisim, a kum poropet ma det rop kai ra det mur a kum wasiso tagun a buk ri. Un lotu torom o God!”

Tamtama 4:1

Numur, a tamtama, ra a tama pas a matansako i sa papos taru sapat una langit. Ra in nalngan o naro ra a sa longoro mugu tari, ra i wasiso torom iau elar namin tuwuru, i watungi lena, “Wan toto urin, an ese tar ui un asau ra in nanpat numur.”

Tamtama 5:7

A Barman na Sipsip i wan ma i los pas a buk gusun a sot na laman o naro ra i kis una kiskis na king.