Taitus 2:5 - Nupela Testamen long tokples Kandas

⁵ det in tamtamabat wakak anundet a nilaun, det in mur a tokodos na petutna, det in lason una pam a kum pinapam tiro una rumu, det in lason sur det in pam a wakakino torom a taro, ma det in ru anundet a kum musano, sur gong taio i watung laulau a wasiso anun o God.

Taitus 2:5 Iomraidhean Croise

Aposel 9:36

Ara ino tagun a taro na ususer i kis tong o Jopa, a risano o Tabita, ma una wasiso Grik di watungi nam o Dokas. A ino ri, i ser pam a susut na wakak na pinapam, ma i ser tabor a sibo na taro.

Aposel 9:39

Ra o Pita i wan tomo nam detul. Ra i wanpat, det ben pasi usapat una kukur rumu sapat netes. Ra a kum ula rop det tur talilis pasi ma det domos. Det ese a kum kolos ma a kum malu, ra o Dokas i mabon tar det ra i laun utmakai.

A Pas anun o Pol torom a taro Rom 14:16

Ra u nuki lena ara utna i wakak, gong u pam tu petutna ra in ban ling tar taio sur in watung laulau a utna ra.

A Pas anun o Pol torom a taro Rom 2:24

I elar nami ra di sa tumus tari una Buk Tabu lena, “A taro ra awu sur a taro Juda, det watung laulau a risan o God, i kibino un mot.” Ais 52:5

1 Korin 11:3

Ikut, a nemi sur mot in tasmani lena, o Karisito in lorin a kum musano rop, ma a musano in lorin a ino, ma o God in lorin o Karisito.

Epeses 5:33

Ikut, arara tagun mot in nem anun a ino elar nami ra i nemi ut. Ma a ino, in urur torom anun a musano.

Kolosi 3:18

Mot a kum nolin na ino, i wakak sur mot in ser unatino pas mot torom anumot a kum musano, uni i tokodos sur mot, a taro anun a Labino mot in pami lenra.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

1 Timoti 6:1

Det ra a kum tene ititula, det in urur torom anundet a kum mugumugu, sur gong taio i watung laulau a risan o God ma anundat a etowo.

Taitus 2:4

Det in pami lenra sur det in ususer a kum wardain numur tandet, sur det in nem anundet a kum musano ma a kum nutnutun det,