Taitus 2:10 - Nupela Testamen long tokples Kandas

¹⁰ Gong det wolong anundet a kum mugumugu. Det in upuaso anundet a wakak na petutna, sur anundet a kum mugumugu det in nurnur un det, sur in upuaso i lena, a etowo un o God a Tene Ulaun anundat i wakak.

Taitus 2:10 Iomraidhean Croise

Matiu 24:45

“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon.

Matiu 5:16

Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

Luk 1:47

ma in balang i gas un o God, anung a Tene Ulaun,

Luk 1:80

Ra a nat i labo pat nanan ma o God i udekdek a niono. Ma i kis una nubual kalako taro uni tuk ra i tur pat torom a taro Israel.

Luk 16:10

“Osi ra i lingmulus una nat na utna kut, in lingmulus kai una kum lamlabino utna, ma osi ra ke lingmulus una nat na utna, ken lingmulus utkai una kum lamlabino utna.

A Wakak na Wasiso un o Iesu Karisito o Jon i tumusi 12:6

O Judas ke maris a sibo na taro, awu. I watungi lenri uni i ser tamtamabat anundet a mani ma i ser los eno i, uni i a tene wolong.

1 Korin 4:2

Det ra di sa pitar tar lako kum pinapam tandet, det in lingmulus uni.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Timoti 1:1

Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur.

1 Timoti 5:17

I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo.

1 Timoti 6:1

Det ra a kum tene ititula, det in urur torom anundet a kum mugumugu, sur gong taio i watung laulau a risan o God ma anundat a etowo.

1 Timoti 6:3

Ra taio in ususer a taro nam tu se etowo, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God,

Taitus 1:3

Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.

Taitus 3:4

Ikut, ra a wakak na petutna ma a marmaris anun o God, a Tene Ulaun anundat i wanpat,

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.

1 Pita 3:16

Ma mot in ser mur a ngasino ra mot tasmani lena i tokodos, sur det ra det watung laulau a kum wakak na petutna mot pami ra mot mur o Karisito, det in maimai una wasiso ra det watung laulau mot nami.

2 Jon 1:9

Osi ra i wan gisen pas gusun a kum etowo anun o Karisito ma ke muri, o God awu sur kura uni. Ikut osi ra i mur a kum etowo ri, a Tamandat ma o Nutunu kura der uni.