Taitus 1:7 - Nupela Testamen long tokples Kandas

⁷ I wakak ra a mugumugu na lotu, i a ngas na musano ra katu etakun kura uni, uni i ut a tene tamtamabat una kum pinapam anun o God. Gong i ulabo pasi, gong i ser kankan lakit, gong i tene ininum, gong i tene inaim, ma gong i nemnem sur a susut na mani.

Taitus 1:7 Iomraidhean Croise

Matiu 24:45

“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon.

Luk 12:42

A Labino i balu i lena, “A tene tamtamabat ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul, sur in ser tabor det nama andet a utna na inangon una kum du bung na inangon.

Epeses 5:18

Gong mot sipak nama wain, uni in ban laulau anumot a nilaun. Ikut, mot in bukus nama Tokodos na Nion.

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

Taitus 1:5

A wan gusun ui tiro una ailan Krit, sur ui mo un urop a kum pinapam ra ke rop utmakai, ma un pilok pas lako kum mugumugu na lotu, una kum tamon rop, elar nami ra a sa watung tari tam.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.

1 Pita 4:10

O God i sa pitar tar a kum etabor torom mot taktakai tagun anun a kum wur ngas na etabor. Ra in wakak sur mot in papam wakak nami, sur mot in warut etetalai mot.

1 Pita 5:2

Mot in tamtamabat a kum sipsip anun o God, ra di pitar tari torom mot sur mot in tamtamabat det. Gong mot papam, uni a taro det ungongos tar mot uni, mot in papam, uni mot ut mot nemi, elar nama nemnem anun o God. Mot in papam, uni mot ut mot nem doko i, ma gong mot papam kut nama nemnem sur a mani.

2 Pita 2:10

Ma a Labino in warkurai dekdek det ra det mur a kum dur na nemnem ina pinindet, ma ka det nem na kis utuntudu in anun a warkurai. A kum torotoro na tene ususer ra, ka det ngara, ma det ulabo pas det ut. Ka det ngara ra det watung laulau a kum ukukis ra kusapat una langit.