Taitus 1:3 - Nupela Testamen long tokples Kandas

³ Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.

Taitus 1:3 Iomraidhean Croise

A Wakak na Wasiso un o Iesu Karisito o Mak i tumusi 1:15

I watungi lena, “A du bung i sa sot, ma a matanitu anun o God i sa milau. Mot in nukpukus, ma mot in nurnur una Wakak na Wasiso.”

A Wakak na Wasiso un o Iesu Karisito o Mak i tumusi 13:10

Din warawai mugu nama Wakak na Wasiso torom a taro tagun a kum gapman rop.

A Wakak na Wasiso un o Iesu Karisito o Mak i tumusi 16:15

Ma i watungi tandet lena, “Mot in nan una rakrakon bual rop, ma mot in warawai nama Wakak na Wasiso torom a taro rop.

Luk 1:47

ma in balang i gas un o God, anung a Tene Ulaun,

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 17:26

O God i ukis tar a mugano musano. Ra tagun a musano ra, a kum kabotaro rop det wanpat taguni, ma det kis una rakrakon bual rop. Una nuknukino ut i nuki lena det in kis awai, ma nangisin det in nanpat, ma nangisin det in rop melet.

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 5:6

Numugu ka dat mur a petutna ra i wakak umatan o God, ra ka dat pet sot pas tu utna. Ikut ra a du bung i sot, o Karisito i mat sur dat.

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Epeses 1:10

Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.

Epeses 2:17

I wanpat ma i warawai una malmal torom mot ra mot kis bakbak gusun o God, ma torom met kai a taro Juda ra met kis milau.

Pilipai 1:13

Uni i talapor torom a kum tene inaim rop ra det tamtamabat a rumu anun a king, ma torom a taro rop kai lena, a kis una karabus uni iau anun o Karisito.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

1 Tesalonaika 2:4

Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.

1 Timoti 1:1

Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur.

1 Timoti 1:11

A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.

1 Timoti 2:3

Ra mot in pami lenri, in wakak sakit ra o God, anundat a Tene Ulaun, in gas nami.

1 Timoti 4:10

I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

Taitus 2:10

Gong det wolong anundet a kum mugumugu. Det in upuaso anundet a wakak na petutna, sur anundet a kum mugumugu det in nurnur un det, sur in upuaso i lena, a etowo un o God a Tene Ulaun anundat i wakak.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Tamtama 14:16

Numur o naro ra i kis netes una du bakut, i pirat nam anun in totok una rakrakon bual, ra i pasong a rakrakon bual.