Taitus 1:12 - Nupela Testamen long tokples Kandas

¹² Ara poropet tagun a taro Krit ut, i watungi lenri, “A taro Krit, a kum tene torotoro mulus, a kum laulau na kuabor, a kum tabalamat na taro ra tagun a inangon kut.”

Taitus 1:12 Iomraidhean Croise

Aposel 17:28

Elar nami ra di sa watung tari lena, ‘Dat laun, dat wan tuptupukus, ma dat utur ukai a nilaun, i kibino ut tan o God.’ Elar nama numot a kum tene pak kelekele ra det watungi lena, ‘Dat kai a kum nutnutunu ut.’

Aposel 2:11

Dat a taro Juda ma ara taro tagun dat ra det ruk una lotu Juda. Ma dat tagitong o Krit ma o Arebia. Dat rop dat longoro det ra det wasiso una kum lamlabino pinapam anun o God nam anundat a kum wasiso.”

Aposel 27:12

A mulmulukun ra, awu sur i wakak sur det in kis ru a kum kalang na wuwu tiro iai. Ra a susut tagun det, det nuki lena, i wakak sur det in kalabor utong o Poniks, sur det in kis langlang ru a wuwu tiro iai. O Poniks, a wakak na mulmulukun sur din bakit uni. I tamtama sur a nubual ra in matanas i ser sup iai.

Aposel 27:13

A wakak na du wuwu tagun a papor tobar i wanpat, ra det nuki lena a inawan anundet in wakak kut. Det dat pas a ega, ra det rarot nanan murmur a usalin una ailan Krit.

Aposel 27:7

A susut na bung met kalabor wowowon kut, uni i dekdek doko a inawan utong o Nidas. Met kalabor rait una ailan Krit milau o Salmoni, uni a wuwu i dekdek, ra ka met pet lar pasi sur met in kalabor tokodos.

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

Pilipai 3:19

Det wan mukut sur a iniru, a nemnem na pinindet i anundet a god. Det uman nama kum petutna ra din maimai nami. A nuknukin det i kis kut una kum utna taginin upiso.

1 Timoti 4:2

A kum etowo ri i wan tagitiro tan a kum tene torotoro, a taro ra ka det tama lele i mo a tokodos na petutna, uni a tokodos na ninunuk una nuknukin det i sa mat.

Taitus 1:5

A wan gusun ui tiro una ailan Krit, sur ui mo un urop a kum pinapam ra ke rop utmakai, ma un pilok pas lako kum mugumugu na lotu, una kum tamon rop, elar nami ra a sa watung tari tam.

2 Pita 2:12

Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.

2 Pita 2:15

Det sa wan gusun a tokodos na kisapi, ra det sa raro. Det sa mur a kisapi anun o Balam a nutun o Beor, ra i pam a sakino, uni i nem doko a mani.